不教度陰山

高登每月之星得獎者

此人的真實姓名、網名、作品、個人照或相關事件曾被刊登於報章或主流雜誌上。

不教度陰山，即是TV谷的八百里加急，高登會員，真名吳慶鴻，曾發起反港女快閃示威，召集網民在2006年10月20日下午1時於地鐵站外朗讀港女打油詩，是首位以真面目公開反對港女的網民。

網上資料

所屬論壇︰香港高登討論區
會員編號︰131682
加入日期︰10/11/2005
曾使用名字︰
- 不教度陰山

個人特徵

反港女。

個人大事記

<智勝之道>獲勝

不教度陰山於2006年中參與無線電視與地鐵公司合辦的遊戲節目<智勝之道>，伙拍曹永廉，以全場最高分數贏得了一年免費乘搭地鐵的獎項。

反港女快閃示威

不教度陰山於2006年10月10日在高登等出post發起「反港女快閃示威」[1]。

他在快閃行動之前，接受了便利的訪問，痛陳港女刁蠻任性、貪慕虛榮、以貌取人之弊，並號召各位巴打要站起來，爭取真正的男女平等。身為反港女的先鋒和爛頭蟀，難免將受盡世人白眼，但不教度陰山直言：我預左犧牲！

2006年10月20日，一如所料，快閃示威最後只有不教度陰山一人參加。[2]

「

今日我12:40分到就去到銅鑼灣舊太丸門口，冇人乜人聚集，好似平時咁。剩係有幾個後生仔女企係路中心，唔知係咪快閃。過咗一陣，有兩個差人行過。同幾個地鐵職員企係地鐵站門口，仲有一D著住西裝，貌似實Q嘅人行來行去。到12:55，好多人，但只係路過。仲係無人問津。到1:00，嗰幾個後生仔女原來唔係快閃，得我一丁友，我唔理咁多，就行出路中心，讀完篇嘢就行去搭地鐵，有人影我相，呢個時候我先見到好多人望住我，都係食花生嘅多。行到入地鐵站，有個男人問我係咪快閃？我話係。佢問我D打油詩係點，我話上港女網有得睇。一次反擊港女嘅行動就咁就完！

」

評價

各人對不教度陰山的毀譽參半，不少人均採取人身攻擊，如針對其外表、愛情經歷等，快閃行動之後，報以冷嘲熱諷和恥笑的人更多，很多人亦誤將港女等同全港女性。

然而部分網民十分佩服不教度陰山的勇氣，並將之視作反港女的象徵。

改圖

在圖片冊中增加圖片

報導

縮骨男唔響應發起人孤獨行動快閃反港女失敗

網上討論

前任：只有以下提名，未有選舉：貝斯Vince 牛頭角大儒俠 $Angus$ 高登Admin、疾風	高登每月之星 2006年10月	後任：大大師兄