九巴58X線巴士乘客互打事件,又稱「巴士惡男VS文化夫妻」事件,於2011年9月25日凌晨發生,事緣一名男乘客於一輛九巴58X線Enviro500巴士(ATE217/LS2216)中,疑因觸碰對面座位的一對夫妻,引起罵戰,繼而動武,兩名男乘客最終因在公眾地方打架而被警方拘捕。

事件概述

2011年9月25日凌晨零時許,一輛九巴58X線巴士沿屯門公路駛往屯門良景邨。一名男乘客疑因伸展腳部時觸碰對面座位的一對夫妻,引來罵戰,詞語包括「扮有文化」、「菜你老母!菜」。

男乘客其後伸腳踢向對座男子,二人互相打架,事主之一的妻子也受牽連。

巴士途至荃灣麗城花園對開,因打鬧事件被迫停在路邊。警員到場向各事主及目擊乘客逐一查問良久,大批乘客受連累被困車廂,其後轉車離去。兩名參與打架的乘客被警方拘捕。

事件經過

巴士惡男︰「起初你踩到我,我已經唔理。」
四眼仔︰「冇,你冇,你失憶梗係唔記得……」
巴士惡男︰「唔好噏嘢喇,你唔好講嘢喇,哥哥仔,你唔好扮有文化。我雖然係老粗,我雖然係老粗……」
四眼仔︰「我都冇文化……」

巴士惡男︰「嘩!好似你啱晒咁喎。」
四眼仔︰「你有幾啱呀?」
巴士惡男︰「我唔係代表我啱。」
四眼仔︰「咁即係你錯啦!」
巴士惡男︰「而係你好似你好X啱咁……」


巴士惡男︰「你都傻嘅,我有問你啱唔啱?郁我呀,掂我呀(語帶挑釁),過界喎,你條菜(指四眼仔妻子)呀!」
四眼仔︰「菜?菜你老母呀!菜!」
四眼仔妻子:「你識唔識字㗎,你有冇禮貌呀?」
巴士惡男︰「菜我老母?懶有文化依家,懶有文化依家就菜我老母,依家就菜我老母。嘩,好X叻仔呀你!(重複6次並豎起拇指)」

巴士惡男︰「問我老母?」
四眼仔︰「你老母呢個字唔代表問候。」
巴士惡男︰「即係咩?」
四眼仔︰「咪係你老母囉!(作出挑釁手勢)」

巴士惡男︰「問我老母?」
四眼仔︰「你老母呢三個字都有文學意思,你返去查吓字典喇。」
巴士惡男︰「我識你咩?唔識喎!」
四眼仔︰「咁我都冇人識你喎。」
巴士惡男︰「我唔需要你問候我媽咪,喂!你唔好同我講文化喎,你唔識我我唔識你喎。」

四眼仔︰「你老母三個字有代表係問候意思啦!」


語畢巴士惡男掌摑四眼仔。
四眼仔妻子:「喂!你做咩打人呀?!(對巴士惡男說)喂,唔好踢呀……(對四眼仔說)」
四眼仔還擊,混戰開始。巴士惡男連環施展「兜巴星」及「穿心腿」襲擊兩夫婦。
四眼仔妻子:「喂!報警呀!呀!……做咩打人呀而家你?!」
四眼仔妻子的尖叫聲驚動下層大部分乘客,此時四眼仔以一招「迷魂鎖」箍緊對方頭頸,動彈不得。
其他乘客:「喂,司機,司機停車呀!」
司機:「車嚟㗎!」
四眼仔妻子:「打晒交喇司機,打晒交喇後面……」
其他乘客:「打人女人就唔啱喇!」
巴士惡男︰「喂,我冇打到佢女人……」
四眼仔妻子:「你有打!有人拍片㗎!唔咳交畀警察吖唔咳!」
其他乘客:「打女人……」
四眼仔妻子:「報警喎而家要!」

最後巴士惡男及四眼仔同被捕。
來源:《蘋果日報YouTube片段》

網民反應

有網民將此事件與巴士阿叔事件相提並論,引起網民關注。

相關條目

註解

外部連結

報章新聞稿

討論區主題

除非另有註明,否則社區內容均使用CC-BY-SA授權條款。