香港網絡大典
註冊
Advertisement

亞視重播2010亞姐競選潮文》講述高登討論區會員PZG(高登會員編號:142189) 於2011年8月20日晚黃金時間,在酒樓欣賞亞洲電視重播《2010年亞洲小姐競選》,而被酒樓阿伯「笑到面黃」的經過;其中「我心諗:咁拘緊托柒咩,一齊叫先High架嘛」及「你執撚左佢啦屌!全部呀!一花一草一塊石仔一粒塵埃!總之係亞視既野全部同我執撚晒佢呀仆街!」更是本潮文兩大笑點

原文[]

屌你老味亞視,今晚唔屌柒你個廢台真係對唔住自己!枉我由《我和彊屍有個約會》一直撐你撐到而家,累我係酒樓畀人笑到面黃!

話說今晚公司收早,去咗樓下間酒樓食晚飯,命水好派到張靚台,坐正係電視側邊,見到播緊亞姐選舉。數下手指,自己因為返工賺錢糊口,已經兩三年冇睇亞姐選舉,今晚機緣巧合,仲要播緊泳裝環節,條條女有前有後,咁就梗係坐定定一路食一路睇啦。

如是者睇咗泳裝加淘汰環節,我見坐係旁邊幾位叔伯父都睇到笑笑口,好亢奮咁,就同佢地講:「呀~~今屆亞姐啲質素幾得喎!正撚過港姐好多!」點知班叔伯借鳩咗聾耳陳對耳咁,完全冇理我。Fine~ 搭訕冇人理,有幾失威,我年中遇唔少,家常便飯啦,繼續睇囉!

如是者睇到去公佈冠亞軍結果,真係好緊張!事關由我坐低食飯果刻,一路撐嗰個叫咩「維他之寶」嘅俄妹竟然殺到入冠亞!我忍唔住坐係個位度望住個電視起勢咁大叫「維他之寶!維他之寶!」但旁邊班叔伯仍然笑笑口咁,冇咩反應。我心諗:咁拘緊托柒咩,一齊叫先High㗎嘛。

最後公佈賽果,維他之寶拎得個亞軍,冠軍比個中國妹拎咗,我坐番落個位大叫:「屌!有咩理佢贏架!」呢個時候身邊一陣笑聲,其中一個咬住牙籤嘅阿叔笑住同我講:哥仔,你上年冇睇咩?個選舉上年㗎喎!我心諗:咁撚搞笑?!即刻睇番亞姐場景個Board,屌你老味,真係寫撚住「2010」,當堂面都黃撚埋,即叫部長埋單。埋單時個仆街部長仲要忍住笑咁安慰我同我講:唔緊要啦,亞視係咁㗎啦!

屌你老母化西!亞視你有冇譜架?上年亞姐選舉都夠膽拎撚番出嚟播,仲要揀番暑假播畀塊蕉皮我踩!你執撚咗佢啦屌!全部呀!一花一草一塊石仔一粒塵埃!總之係亞視嘅嘢全部同我執撚晒佢呀仆街!

改篇[]

ViuTV []

因ViuTV在2020年東京奧運期間不時於黃金節目重播較早前賽事而被網民批評,因此有人改篇本潮文為ViuTV版。[1]

屌你老味viutv,今晚唔屌柒你個廢台真係對唔住自己!枉我由《瑪嘉烈與大衛》一直撐你撐到而家,累我係酒樓畀人笑到面黃!

話說今晚公司收早,去咗樓下間酒樓食晚飯,命水好派到張靚台,坐正係電視側邊,見到播緊奧運。數下手指,自己因為返工賺錢糊口,已經兩三屆冇睇奧運,今晚機緣巧合,仲要播緊女排中美大戰,條條女身材高䠷,咁就梗係坐定定一路食一路睇啦。

如是者睇咗第一個回合,我見坐係旁邊幾位叔伯父都睇到笑笑口,好亢奮咁,就同佢地講:「呀~~今屆中國女排啲質素幾得喎!正撚過美國鬼妹好多!」點知班叔伯借鳩咗聾耳陳對耳咁,完全冇理我。Fine~ 搭訕冇人理,有幾失威,我年中遇唔少,家常便飯啦,繼續睇囉!

如是者睇到去最後一回合,真係好緊張!事關由我坐低食飯果刻,一路好愛國咁撐嘅中國隊竟然打到爭出線!我忍唔住坐係個位度望住個電視起勢咁大叫「中國女排!中國女排!」但旁邊班叔伯仍然笑笑口咁,冇咩反應。我心諗:咁拘緊托柒咩,一齊叫先High㗎嘛。

最後公佈賽果,中國隊出咗局,比美國隊出咗線,我坐番落個位大叫:「屌!有咩理美國隊贏架!」呢個時候身邊一陣笑聲,其中一個咬住牙籤嘅阿叔笑住同我講:哥仔,你上晝冇睇咩?個比賽上晝㗎喎!我心諗:咁撚搞笑?!即刻睇番個賽程表,屌你老味,真係寫撚住「11:05AM」,當堂面都黃撚埋,即叫部長埋單。埋單時個仆街部長仲要忍住笑咁安慰我同我講:唔緊要啦,viutv係咁㗎啦!

屌你老母化西!viutv你有冇譜架?上晝女排比賽都夠膽拎撚番出嚟播,仲要揀番夜晚播畀塊蕉皮我踩!你執撚咗佢啦屌!全部呀!一花一草一塊石仔一粒塵埃!總之係viutv嘅嘢全部同我執撚晒佢呀仆街!

註解

相關條目[]

外部連結[]

Advertisement