利物浦有機會贏英超冠軍潮文」源於2009年。由於英格蘭球會利物浦在剛完結的2008/09球季中表現出色,於是有利物浦球迷在2009/10季前發表一篇評論各隊實力並預測該季英超最終成績。由於內容過份硬膠且有自相矛盾之處,引來大量別隊球迷恥笑

有利迷於季中時再發表一文,指利物浦雖「暫時」未能登上積分榜前列,但認為利物浦有能力後上狂勝奪冠,再度被瘋狂恥笑。

高登利物浦球迷如「J.Carragher」等曾詢眾要求於2010/11球季創作新潮文,可惜假膠味過濃且膠力嚴重不足,未能造成如前一年般的廣泛回響,或者被到處張貼。

原文1(2009/10季前評實力篇)

個人覺得今屆利記仲係好有機會拿冠軍的一年

個人覺得今屆係好有機會拿冠軍的一年~比去年更大機會~
簡單分析幾個主要對手~
曼聯~~今年走了C朗其實佢地實力削弱了好多~
先講後防~云達沙傷了~里奧開始老了同輕敵~後場開洌到現在失了好多波~
中前場無了C朗的曼聯已經無以前咁大殺傷力~我吾信杰斯同史高斯可以頂得著咁密賽程~
單單依賴一個朗尼係吾足夠~個人認為貝碧同奧云幫助不大~
車仔~~今屆開始佢地係開得好好~但吾好忘記佢D對手係好平凡~
只有一仗對熱(次)叫做強D~另外就係佢D主將開始老了~
無記錯林柏~波力克~杜奧巴~卡華奴~迪高~等等都過了三十了~
可不可以頂住呢D賽程係一個大問題~
同個人覺得肥安吾係一個咁有料的人~有幾多個好似魔佬咁勁~
阿仙奴~大年輕了的球員~個人覺得佢地穩定性比利記仲差~
曼城~~雖然佢地大把錢買人~但係都要磨合的~同埋文仙尼都係一般般~暫時沒有冠軍相~
至於利物浦今年雖然走了沙比~但一支球隊吾會話走左一個人就會差成咁~
個人覺得A4攻擊力比沙比更好~(不喜物插)~有待時間証明~
今屆無可否認開季比以往差左~但我寧願開季差D~之後慢慢追上來~
無記錯~都已連勝了幾仗~今屆好明顯賓蛇比過去更重視聯賽~
希望今晚可以殺低車仔~一鼓作氣過埋曼聯呢關~
保持氣勢到季尾
各位巴打一條心支持利記今屆奪首個英超~~

原文2(2009/10季中論分數篇)

而家只不過打左 10 場
利記已經累積左 15 分
仲有 28 場比賽
利記係剩下賽事取得 27 場勝利
就可以打破車仔保持既九十五分奪冠記錄
即係話利記仲有 1 場波可以失分走盞
只要我地隊長 王子 鬥心同熱誠返左黎
根本可以不失一分 奪冠卓卓有餘
輸左 3 場又有咩所謂?
你問下自己 有邊隊奪冠隊伍係一分都無失過?
最緊要可以雙殺到獌

車路士 九十五分奪冠
即係最多贏三十一場 仍有七場失分
阿仙奴 跨季十四連勝
我地今季仲有大把時間去十四連勝
根本就唔需要跨季完成
曼聯 不說也罷
根本就無咩記錄可談 只不過金錢作武器
收買球証先可以拎到不失球記錄
論門將我地連拿比雲達沙更穩定 更年輕 達陣技巧更趨成熟[1]

見到你地係咁抽利記水
我真係越諗越撚灰
根本唔知自己做乜要支持一隊球隊10幾年而換得俾人嘲笑既地步
知唔知咩叫尊重、respect?
好撚煩囉成日搬D歷史出o黎話點話點
我心諗一句, 你講既我全部知, 甚至乎你唔知既我都知
第一唔使你教我
第二唔使你分析我聽
第三我無屌你隊愛隊先
一失分出面最少半版post 係抽水
好難忍到一個都唔reply
或者轉去其他forum 係唯一解決方法

其他創作

2010/11季前評實力篇

老老實實...我覺得利記今季真係好大機會拎到英超[2]

首先睇下陣容方面, 有西班牙兩大奪標功臣---費托+連拿 兩大球星一個負責入波, 一個穩守龍門

再加上...擁有為英格蘭射入...世界杯第一球既神奇隊長謝拉特, 係中場做串連 試問有邊一隊可以匹敵

除此之外...還有古治同賴恩巴布, 荷蘭拎到世杯亞軍 兩位球員都居功至偉 簡直係如虎添翼 !!!!陣容上俾識噴水既地上最強---巴塞弱少少 我相信今年利記一定拎硬英超

再睇睇其他球隊...

曼聯+車路士 一個入到世杯八強既球員都無, 其他老弱殘兵連世杯都無份踢 飛得

阿仙奴連世杯功臣法比仔....想去邊都控制唔到 想拎英超 ???下世啦

利記打緊歐聯定歐霸篇

你班戇鳩鳩生勾勾高登仔[3]
話你地戇鳩鳩生勾勾真係無話錯你地

成日問歐聯點解唔見左利物浦
又問利物浦今晚對烏德勒支呀、馬體會呀之類係咪歐聯
心諗一句 你係咪覺得自己好撚風趣兼幽默?

計我話 你呢d叫戇鳩當風趣

唔係我自誇
講歐聯 利物浦現時重係全英奪歐聯次數最多球會
okok 你又實話我拎碌陽具出黎自慰
okok 唔講呢筆

借熱刺為鑑 熱刺今季係40年黎第一次打歐聯
相信大家都知

咩話?你唔知?咁你連留言既資格都無囉
唔該你躝出高登唔好係度獻世啦
我真係唔信你會考10A但係唔知熱刺今年第一次打歐聯囉

講返正題 大家都只會談論熱刺40年黎既第一次
又或者早幾年高登仔個共同老豆摩連奴帶領車路士所攞既第二次聯賽冠軍

相反 我要你講1999年
曼聯拎三冠王果屆 曼聯係第幾次拎聯賽冠軍?第幾次拎足總盃冠軍?
對唔住 我係唔會問第幾次拎歐聯 因為曼聯拎歐聯次數太少 太易記

無錯 人個腦有限 記憶亦有限
所以容易既野亦會易記
相反難記既野都比較難記

連ADIDAS咁大個品牌同古治都可以搞錯利物浦拎過幾多次超聯冠軍個數字
皆因利物浦拎頂級聯賽冠軍既數字太多
所以搞錯左係情有可願

講左咁耐 又舉左咁多例子
其實以大家攞10A既頭腦 都應該估到我想講咩

咩話?你推測唔到?
咁好心你唔好再自慰話自己會考10A、180CM高、吳彥祖既外貌啦

如果你知既
無錯 我就係想講
歐霸今年都只係第二年搞

若果利物浦今年拎歐霸
相信日後大家都只會記得歐霸頭三屆邊幾隊攞
同埋最後一屆邊隊攞

就好似歐協盃最後一屆
大家都記得係薩克達
至於尾二一屆王者誰屬 除左個別球迷 廣大球迷都無乜邊個記得

所以利物浦今年選擇繼續出征歐霸
係決策上絕對係明智而且有侵略性

相反 我問你 你記唔記得利物浦04/05拎歐聯果年係第幾屆歐聯?
你記唔記得呀?你記唔記得呀?你記唔記得呀?
莫講你 連我都唔記得啦

所以唔好再問歐聯定歐霸呢D心知肚明既問題
你只係浪費緊高登個SERVER既CAPACITY

NBA版2010/11開季預測熱火戰績

而家只不過打左1場[4]
熱火已經累積左0勝
仲有81場比賽
熱火係剩下賽事取得73場勝利
就可以打破公牛保持既72勝記錄
即係話熱火仲有8場波可以輸波走盞
只要我地三巨頭 鬥心同熱誠返左黎
根本可以不失一場 奪冠卓卓有餘
輸左1場又有咩所謂?
你問下自己 有邊隊奪冠隊伍係一分都無失過?
最緊要可以雙殺到湖

湖人 33連勝
我地今季仲有大把時間去33連勝
塞軍 不說也罷
只不過老人院
論跑衛我地占士比高比更穩定 更年輕 達陣技巧更趨成熟

見到你地係咁抽熱火水
我真係越諗越撚灰
根本唔知自己做乜要支持一隊球隊10幾年而換得俾人嘲笑既地步
知唔知咩叫尊重、respect?
好撚煩囉成日搬D歷史出o黎話點話點
我心諗一句, 你講既我全部知, 甚至乎你唔知既我都知
第一唔使你教我
第二唔使你分析我聽
第三我無屌你隊愛隊先
一失分出面最少半版post 係抽水
好難忍到一個都唔reply
或者轉去其他forum 係唯一解決方法

Leborn James篇

占士只不過係25歲[5]
就已經攞過常規賽mvp
仲有15年職業生涯
占士係之後取得 7 次總冠軍 mvp
就可以打破佐敦 6 次o既紀錄
即係話占士仲有 8 年可以失分走步
只要我地其他隊員 韋德 三弟 o既鬥心同熱誠返左黎
根本可以不失一場 奪冠卓卓有餘
輸左 11 場又有咩所謂?
你問下自己 有邊個人奪冠係一場都無輸過?
最緊要可以走三步

羅素十一隻總冠軍戒指
即係最多贏十一年 仍有幾年冇功而還
湖人 二連霸
占士仲有大把時間去十四連霸
根本就唔需要靠史端完成
高比 不說也罷
根本就無咩記錄可談 只不過全部比我破鳩晒
有加素先可以總冠軍
論技術我比高比得分更穩定 更年輕 蟹步達陣技巧更趨成熟

見到你地係咁抽占士水
我真係越諗越撚灰
根本唔知自己做乜要支持一個人8年而換得俾人嘲笑既地步
知唔知咩叫尊重、respect?
好撚煩囉成日搬D歷史出o黎話點話點
我心諗一句, 你講既我全部知, 甚至乎你唔知既我都知
第一唔使你教我
第二唔使你分析我聽
第三我無屌你老母先
一失分出面最少半版post 係抽水
好難忍到一個都唔reply
或者轉去其他forum 係唯一解決方法

英文版

We've just played 15 games and there're 8 wins.
For the remaining 67 games, Heat just needs 65 wins to break the record of Bull's 72 wins.
So, there are 2 games which does not matter at all.
If our big 3 regain the passion of winning,
we can get the champion without losing a game.
What's the matter of losing 7 games?
Ask yourself, "Has there been any team undefeated in the regular season?" The main point is: we must beat the lakers dog twice.

Lakers once had 33 straight wins in the Jurassic times.
We now still have a lot of chances to get 33 straight wins in this season.
Celts? Oh, please!
They are old folks.
Our running-back James is more stable and younger than Kobe and James's touchdown skill is getting more and more mature.

I am getting depressed of how you guys mocking my team.
Haveing been supporting Heat for 10 years, I don't figure out why I am now being mocked to such an extent.
Do you know what is respect?
Please don't tell me about the history bahbahbah
I know everything you've told, and even the things you don't know.

Firstly, I don't need your to teach me.
Secondly, I don't want to hear your analysis
Thirdly, I haven't teased your team.

Whenever we lose, there are half of the forum posts teasing us.
Perhaps going to another forum is the only way

毒男版

而家只不過過左25年[6]
樓主已經累積左0個女朋友
仲有50年要過
只要樓主係剩下既日子娶得1老婆
就可以打破毒撚保持孤家寡人既記錄
即係話樓主仲有50年可以打J走盞
只要樓主 鬥心同熱誠返左黎
根本可以即刻結婚 破處卓卓有餘
(根本可以日日媾到女 做媾女王卓卓有餘)
毒左25年又有咩所謂?
你問下自己有邊條友係日日都有拖拍?
最緊要可以溝到女

陳冠希 淫照風波
樓主今世仲有大把時間去同人影相
金城武 不說也罷
根本就無咩紀錄可談 只不過靚仔作武器
(加藤鷹 不說也罷 只不過老坑一件)
(潮童 不說也罷 根本就無咩真愛可談 只不過金錢作武器 送LV收買女神先可以得到女神歡心)
論搞野 樓主比木村更穩定 更年輕(論感性我地毒撚比MK潮童更穩定 更長情) 自慰技巧更趨成熟

見到你地係咁抽樓主水
我真係越諗越撚灰
根本唔知做乜一個毒撚10幾年媾唔到女而換得俾人嘲笑既地步
知唔知咩叫尊重、respect?
好撚煩囉成日搬D MK出o黎話點話點
我心諗一句, 你講既我全部知, 甚至乎你唔知既我都知
第一唔使你教我
第二唔使你分析我聽
第三我無屌你個女神先
一表白失敗出面最少半版post 係抽水
好難忍到一個都唔reply
或者轉性取向係唯一解決方法

註解

相關條目

除非另有註明,否則社區內容均使用CC-BY-SA授權條款。