香港網絡大典
註冊
Advertisement

叉雞飯大叔」為一不知名香港大叔,因在一條自拍網上片段中用粗口狂鬧在灣仔一帶戒備的防暴警察時,爆出一句「叉雞飯呀X老母」而獲廣傳。

簡介

2019年9月中旬,互聯網熱傳一段自拍短片。片中拍攝的大叔身處灣仔鵝頸橋附近一餐廳外,卻遇上正戒備的一隊防暴警察。他忍不住問「食唔食得飯呀呢度」,警員指示可以後,大叔即借勢稱「我以為唔x食得咋,你閘x住喺度」。警員開始感不耐煩後,大叔就開始用粗口狂罵警員「x你老母見到你就反胃啦,點食啫」。

有防暴警上前喝斥大叔離開,大叔也不甘示弱稱「我食飯呀,走乜x嘢者」,再講「關你x事咩,我食唔食飯」、「你白x痴嫁,食飯都要x」。大叔隨後進入餐廳坐下,更大聲向街外警員高聲點餐「叉雞飯呀x你老母」,再罵「望乜x嘢」,又說要飲「凍L死」(凍檸水)。有警員打開攝錄機向店內拍攝,惹來其他食客不滿,質問警察:「你可唔可以唔好影入嚟啊,街坊食緊嘢啊?」

有關影片瘋傳,不少網民大讚大叔敢言,又表示「想食叉雞飯」。[1][2]不過,亦有不少「藍絲」積極起底,已找到阿叔資料。有記者曾嘗試接觸大叔,但他表示因飽受「藍絲」騷擾,暫時不方便詳談。另外,日本食品雜貨店亦被誤以為由大叔所經營,店方因收到大量攻擊性留言,在其專頁發聲明澄清與「叉雞飯」大叔無關。[3]

影片

註解

外部連結

Advertisement