FANDOM


大家樂一哥焗豬扒飯是一篇流行於高登討論區的潮文,是由2010年《Cafe de Coral個吉野牛肉炸蝦飯 我屌》一帖中,會員「荷蘭橙」(高登會員編號:187860)的數個回覆結合而成。

原文

咪話呀叔唔教精你,我身經百戰,而家一腸(睇)個餐牌就知咩料。
拿,大家樂而家最抵食既得一隻,叫上海骨菜飯,有豬扒幾舊,炸到酥,跟涼菜、半隻鹵同菜飯,先29蚊。
而焗豬呢都要叫得有技巧,唔係乜lan野時候都叫得,你一定要見佢個牌寫成呎長焗豬先叫得,唔係中伏[1]

拿,大家樂唔可以成日加價,所以佢d野食質素同果期既食材來價有關!
如果果期d冰凍豬扒平,佢就會入d大大件成個飯盒咁長,而且有1.748cm厚既豬扒。入左筍野佢地當然唔會放過晒命機會,所以個牌就會寫「成呎長一哥焗豬扒飯」!

如果果期d豬扒來價略貴,佢就會縮lan左成呎長幾隻字,淨係寫「一哥焗豬」!咁你叫時就要心中有數了!

如果果期連一哥兩隻字都冇埋,變成乜lan野鴛鴦焗飯,雞球併豬扒之類咁,就係果期豬扒來貨好貴,佢就整d垃圾出黎頂檔,07年~08年就發生過,一唔小心就中伏!!

2010426123845477750334

不過大家唔駛驚會中伏,其實呢d係有路捉既,果期你上美國芝加哥期貨交易所個網睇豬肉期貨既價,如果巴西豬肉期貨價大跌就係準備有成呎長豬扒既時候了!
C562502d 下次叫上海骨飯啦,唔跟野飲29蚊,睇師傅手神,有時會整5~6舊細扒入去,仲有一盒仔涼菜,係炸菜青瓜果d,仲有半隻鹵,而跟飯有盒仔調味醬油,本來係撈涼菜既,但涼菜既夠味,就咁倒落菜飯到撈更香口。鍾意既加多杯佢地既即磨咖啡,以平價啡黎講算十分香口澴滑,+4蚊抵飲!

註解

  1. 曾經標榜「成呎長豬扒」的快餐店實為大快活而非大家樂,後者標榜的是「厚切」。

相關條目

外部連結

除非特別說明,社區內容使用CC-BY-SA 授權許可。