2006年8月12日,一名女性網民名為Fiona,事緣因為有一位小妹妹向母親批評其容貌。後來,被Fiona聽到小妹妹之批評後,心有不甘,扮作不小心肘推該名女童。該名女士肘推後,她說心裏還是很不爽,再拿個袋大力拍落女童的胸上,認為該名小女童應感到很痛。事主在she.com論壇將事件曝光後,受到大部分網民非議(參看下面評語),有人稱她為港女[1]

Fiona對事件的敘述及評論

以下是該名女性網民的描述[2]

今日有個細路女(11-12歲到), 我過馬路果陣, 佢細細聲同佢阿媽講." 個姐姐塊面..." 點知俾我聽到..跟住我聽唔到佢講咩..因為我塊面以前生晒暗瘡..而家成面都係豆皮...我好嬲..佢分明係話緊我..紅燈過佐之後, 我一手掙落果細路女度, 當時佢冇出聲, 個阿媽又唔知..但條氣都係唔順,

所以我撞完佢個"博頭"之後, 再個袋拍落佢個胸度, 跟住我當冇事行佐去,好急腳果隻..不過我肯定佢好痛.. 所以話在街千祈唔好話人, 我雖然覺得自己咁做好衰, 但個細路女咁話我, 我認為自己冇錯, 豆皮唔係我想ga ma, 仲乜要同佢阿媽講.."佢塊面...." 周圍都係人..個個唔話話我? 而家d細路好難教..

希望你地唔好話我..了解我既感受, 我咁對個細路女我自己都覺得唔岩, 但唔係佢話我, 佢唔會受呢d苦, 佢以為我聽唔到, 總之, 我認為個細路女笑緊我, 話我豆皮..我咁做係迫於無奈

以下是書面語翻譯(修正標點符號的運用):

我今天過馬路時,有一位女童(11-12歲左右)低聲細語地與她的媽媽說:「這位姐姐的臉......」 誰不知讓我聽到,但我聽不到她在說什麼。因為我的臉以前生了痤瘡,現在整塊臉都是豆皮,我很生氣,她分明在說我是非。當紅燈亮起之後,我一手肘推落該女童處(編按:下文交代是肩膀),當時她沒有作聲,她的媽媽也不知道,但我還是不爽。

我撞了她的肩膀後,再拿包包拍她胸處,接著我假裝無事,急步離開。不過我肯定她很痛。所以,在街上千萬不要說人是非。我雖然覺得自己這樣做很壞,但這位女童這樣罵我,我認為自己並沒有錯,豆皮不是我想有的,那為何要向她媽媽說「她的臉......」? 周圍都是人,為何誰都不說偏要說我?現在的小孩很難管教。

希望你們不要批評我,而了解我的感受,我這樣對這位小孩自己也覺得不對,但要不是她說我是非,她也不會受到這種苦,她以為我聽不到。總之,我認為這位女童在取笑我,說我有豆皮,我這樣做也是迫於無奈。

各界評論

部分she.com會員之留言

以下是部分會員看後的評論[2]

正面評價

  • 小農 replied @ 2006-08-12 11:05 pm:我覺得你地顛倒事非黑白,根本FIONA先係受害者。法律面前人人平等,無分大細,個細路女做錯事是要受到懲罰的,難道童言無忌是大晒嗎?就可以殺人嗎? 而家D細路唔打唔知死,所以FIONA其實做得好好。

負面評價

  • homme replied @ 2006-08-12 9:40 pm:我了解你既感受,無人會想塊面有缺憾,但係希望你明白個細路女佢係唔明白你塊面點解會咁先會問佢阿媽,or笑你,你係佢咁細個既時候都試過口不擇言,點解自己唔可以放鬆d呢?
  • yoyo replied @ 2006-08-12 9:58 pm:我不單只同情你有面容缺憾, 更同情你的性格缺憾.
  • 直話直說 replied @ 2006-08-12 10:00 pm:唔好意思, 我要話你, 因為你以後都有可能遇到呢0的情況, 如果你又係咁打人, 人地無事由至可, 有起事你自己都唔安落, 仲有, 如果人地報警, 你自己又會惹官非!!
  • 抵你爛面 replied @ 2006-08-12 10:03 pm:你襲擊完個細路點解重好意思上網講返自己d惡行?重要覺得自己無錯嗎?即係飱???唔係呀話?仲好意思話人細路仔難教?有無聽過童言無忌?根據你既歪理, 就算你殺左個細路都係飱啦?都錯不在你?係個細路自己黎?你去睇下醫生啦 你心理好唔平衡!
  • FIONA replied @ 2006-08-12 10:12 pm:針唔吉到肉唔知痛, 你都係唔好批評我了!果細路女分明話我,佢同佢阿媽講完, 個頭望一望我, 咁仲唔係有心? 我啤住佢, 佢就即刻挨落佢阿媽度, 仲唔係身有屎!我企響度, 佢話我, 我唔響佢個頭打落去咪好lor, 我高佢咁多, 只要我一手拍落佢個頭度, 佢實暈低! 但我冇咁做
  • 懲戒男 replied @ 2006-08-12 10:37 pm:一個不知輕重,童言無忌既細路,一個受過教育,思想(應該)成熟既大人.邊個應該感到慚愧?
  • Drey replied @ 2006-08-12 11:05 pm:版主, 下次你聽到人地話: "個姐姐塊面..." 你諗下人地可能係覺得你慘者, 未必係惡意既對小朋友唔應該使用暴力, 大人都係咁, 小朋友 "有樣學樣" 梗係越黎越 "曳" 啦
  • ling replied @ 2006-08-12 11:09 pm:如果佢唔係一個小朋友,而係一個成年人話你,你仲會咁做嗎? 你只係欺負一個無還擊力既小朋友。希望你好好檢討下。
  • 666 replied @ 2006-08-12 11:55 pm:我覺得版主無資格話個少女無家教, 因為佢本人更加無家教!

其他回應︰

  • 我睇呢次個細路女都唔係有心話你笑你, 不如你學下點樣對其他人0既指指點點, 盡量無動於中咪仲好, 起碼你又唔會咁容易嬲, 嬲得多對自己身體都唔好!!
  • 自己都話周街咁多人都唔話係話你, 周街咁多人你又知係話你囉,,!!講法律?照以上情況離講佢無犯法,,犯法果個係你! 傷人罪,最少坐幾個月!!
  • 我本身都好同情你,但係以你既性恪都唔知你話過幾多人啦,人地講你一句你就去打人,你打人仲要堅持你係岩,擺明係你唔岩啦.外表唔多重要囉,你咁做咪只不過突顯你內在,外在都......何必呢?

註解

除非另有註明,否則社區內容均使用CC-BY-SA授權條款。