《小明去東莞》是小明歌曲系列、繼《小明去拜年》之後又一新作，由韋然作曲、作詞，李家仁醫生主唱。
此歌在未正式推出前，原本的歌詞早於2011年1月23日曝光，後來經過修改後，於2011年3月31日推出有關歌詞的最終正式版本，並推出官方MV短片。然而在首播當天，《小明去東莞》在推出前數天已在網上出現，後來發現有人擺烏龍，負責拍攝MV的同事，把一個未做好混音及沒有和音的版本上載，直至韋然後來發現才急急刪除。[1]
短片
歌詞內容
最初版本
小明去東莞，小明去東莞，
直通高速話咁快到，橋上會鄉里；
虎門去追思，三禾送燒酒，
食碗燒鵝瀨最正確，煩惱不須記。
東莞咩嘢都好，「咩水」係邊個？
鄉里對小明說，東莞變很多！
看村屋都變工廠，iPhone就多囉！
叔伯對小明說，小明話「知囉！」
小明去東莞，小明去東莞，
荔枝莞草綠柳翠嶺，橋上望多趟；
火龍舞翩翩，優悠厚街中，
食粒棗腸別再計較，來到東莞啊！
東莞咩嘢都多，「煙花」像花放！
鄉里對小明說，一轉到厚街！
看車多錢多大家不講就不錯，
叔伯對小明說，小明話「知囉！」[2]
最終正式版本
小明去東莞，小明去東莞，
直通專車話咁快到，橋上會鄉里；
虎門去追思，三禾送燒酒，
食碗燒鵝瀨最正確，來到東莞啊！
東莞地有乜多？「乜水」係邊個？
鄉里對小明說，東莞變很多！
看村屋都變金窩，乜哥就威囉！
睇見當睇唔見，小明話「知囉！」
RAP：小明搭專車番鄉下，
遊松山湖，可園綠油油，
袁崇煥同林則徐，中國嘅英雄誓不低頭，
中國人要站起來，唔爭氣會俾人蝦到大門口，
東莞嘅鄉親加油，排除萬難，艱苦奮鬥，
我哋一定會出頭！
小明去東莞，小明去東莞，
荔枝莞草綠柳翠嶺，橋上望多趟；
火龍舞翩翩，優悠厚街中，
食粒棗腸別再計較，來到東莞啊！
東莞地有乜好？「煙花」像花放！
叔伯對小明說，乜都當唱歌；
要新車金鑽大家應給力[3]苦幹，
裸退[4]更加雷[5]啊，小明話「囧囉！」
RAP：東莞話真係undinable，小明佢學得好高興，
「乜水」（邊個）「個樣」（咁樣）「喊咗未」（稱呼咗未）？
小明「過肥」（過海）你話「地唔地」（明白嗎）？
人生在世，點會有難事？一卡在手，乜都變EASY！
富貴同神馬都是浮雲，
無需強拆，就更加HAPPY！
東莞地有乜歌？NEWAY係咁播！
拐腳鴨飲紅醋，飲咗猛咁痾；
喂金蛋痾滿一屋開倉又出錯，
鄉里對小明說，小明話「點囉！」
東莞地有乜歌？NEWAY係咁播！
拐腳鴨飲紅醋，飲咗猛咁痾；
喂金蛋痾滿一屋開倉又出錯，
鄉里對小明說，小明話「點囉！」
網民討論
高登討論區
有部分高登網民聽完該曲之後，無意中聽到疑似粗言，例如繞舌部分中的「undinable」及「人生在世，點會有難事」，會分別被誤聽成「unＸable」及「人生在世，Ｘ你有難事」。[6]
衍生作品
改編歌詞
小玲去香港
曲、詞 : 韋然
編曲、製作 : 林子揚
唱 : 鍾潔嵐 featuring DJ Lin (香港仔)
OP : AL-Songs Music Publishing Ltd.,
小玲與姑媽 一齊到香港
夜訪山頂做吓老襯 亭上望多趟
沙田拜車公 中環吃燒鵝
夜間海港實太美啊
We love Hong Kong
廣東歌最好聽 K歌大聲嗌
荀貨血拼出狂態 點解冇得解
高官亂咁出招 PK又衰哂
邊處有好菩薩 曾Sir笠亂拜
喂喂喂朋友，你有冇食過 香港 既美味 大 排 檔，
椒鹽瀨尿蝦、好味呀 ！ 咕撈肉 都可以 搭乾炒牛河
鏞記 既燒鵝 真係唔錯，食多隻 龍華乳鴿 又點算多 ！
想一試米芝蓮 就去清風街既留家廚房，
想搵好野食，廟街D路邊攤都 食得過，
香港名牌多到 一籮籮，其實講真，廟街都有好多 高級A貨
香港地少車多 人又多，舊屋猛咁拆，記憶咁係就 唔見左
香港景點越黎越少，街上車塵就越黎越多
小玲與三嫂 一齊到香港
就打的士 直去赤柱 然後落北角
專程去廟街 優悠逛尖東
在尖沙咀旺角買嘢
We love Hong Kong
喂喂喂，朋友，乜野叫做 香港精神 獅子山既傳奇又有 幾 多 個
舊時既社會 同 而家好唔同，人人跌倒 起番身就 行過
不怨天、不怨地 咬實牙筋 唔會亂咁黎 發火
而家乜都話 要 民主，其實，有佢講時 冇你 講
地高官個個A 字膊，問責制，請問你 邊一個 敢當
退一步，海闊又天空，忍一忍，係生存既妙方
有得食 有得住 我地嘈乜野，我地怨 什 麼 ?
一於再起錨 唔好理人地話起錨係 超 錯
香港仔最精叻 風吹就轉軚
講到僭建不能說 諗計似師奶
香港地有錢執 驚青做膏蟹
乜我都唔理 小玲話拜拜
小玲話拜拜 小玲話拜拜[7]
惡搞短片
- YouTube影片：小明去東莞 倒帶版
- YouTube影片：李家仁 - 小明去東莞 (小明坐火車上廣州去拜年後再去東莞版)（Klafmann）
- YouTube影片：小明惡搞事旦炒成一碟：小明去東莞坐火車上廣州去拜年
- YouTube影片：小明去東莞 - 李家仁 Punk Rock 勁歌 (濃縮版)
- YouTube影片：小明去東莞(快版)
相關條目
註解
- ↑ 明報：「小明去東莞」 首播擺烏龍，2011年3月31日。
- ↑ 明報：《小明去東莞》歌詞曝光
- ↑ 這裡的「給力」，是指「給予力量」，即「加油努力」的意思。
- ↑ 這裡的「裸退」是指幹部退休後不再擔任官方、半官方或群眾組織中的任何職務。
- ↑ 這裡的「雷」是指在不知情的情況下，無意中看了自己不喜歡的東西後，深感驚嚇的反應。
- ↑ 高登討論區：醫界King of pop - 李家仁 之《小明去東莞》正式版
- ↑ YouTube影片：小玲去香港 - 鍾潔嵐 + DJ Lin (香港仔)
外部連結
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
