崇光百貨

崇光百貨（Sogo)，老牌日式百貨公司，早於上世紀八十年代進駐香港。現時香港崇光百貨已為華人置業的劉鑾雄及周大福的鄭裕彤所收購，由利福國際所持有，和日本崇光已無關係。

值得一提的是，坊間廣泛流傳，二戰時日本其中一艘戰艦名為崇光Sogo，有人以此指責喜愛光顧Sogo的華人為漢奸。因網上不少人質疑此說法，並指根本找不到所謂的崇光戰艦紀錄。

網上傳聞

Sogo無八樓原因

網上流傳一段Sogo銅鑼灣店沒有八樓原因的鬼故事：

唔知大家平時行開銅鑼灣間Sogo， 有冇留意到Sogo既七樓同九樓之間係冇八樓既呢？除左lift係唔會停八樓之外，如果你＊電梯既話，o係七樓上九樓其間， 會經過一層所謂既「八樓」， o個層八樓只有百幾二百呎既面積容納另一條電梯往九樓， 呢層既其他地方完全密封，用兩塊大鏡隔開。每次經過呢個「八樓」， 大家只會見到鏡中既自己，但係點解好地地會冇左個八樓既呢？ Sogo員工一直都有談論，而且大家都知道呢個「八樓」好邪釘。 話說起初SOGO淨係用得著七層，所以八樓用九樓都係空既．．． 但係後來需求擴大，SOGO決定用埋八樓擺寢室用品既野， 但係點知搬晒D野上去之後，第二日所有貨品都會移晒位，亂晒， 仲有有時D保安夜晚＊LIFT，無論按幾多層，D LIFT係唔係都會開八樓， 一路維持左一個禮拜都係咁，大家都心知不妙， 所以SOGO高層都搵左大師黎睇睇，大師睇到八樓根本成層都有冤魂侵佔左， 由於數目太多，冇辦法趕走，亦都怕觸怒佢地，會引起好可怕既後果， 所以大師建議將成層八樓搵野封住，加兩塊大鏡「鎮」住佢地唔好攪其他層數，SOGO高層惟有咁做。

據知此鬧鬼傳聞發生早自2003年，當時Sogo還刻意帶記者參觀所謂的「八樓」，來平息公眾的疑慮。

不過該傳聞至今仍不時被回帶，更成為搜尋器的建議搜尋字眼。

網上事件

前晚sogo

早在2006年以前，網上廣泛流傳一張照片，相中多名男子打扮成兔女郎在銅鑼灣崇光百貨對開出現，並引起了多人圍觀。結果此圖片以《前晚sogo》為題，成為潮文。

賣鞋踩中國

2012年5月，報刊報導崇光百貨銅鑼灣店寄售商專櫃「@CESS」一個女裝鞋款系列，鞋底近鞋踭位置印有中國地圖，掀起踐踏及冒犯中國。有買了該款鞋的市民，認為該設計別有用心：「好唔妥當，要踐踏中國人嗎？好不安！」

一向反對強國的高登仔，立即雀躍地表示希望團購該鞋款，「腳踏」中國。而香港討論區網民亦普遍認為該人太敏感。

被指「踐踏」中國的鞋款

「@CESS」香港代理強調沒有冒犯中國之意，並透露鞋底採購自內地，豈會中國人冒犯中國人，但為免誤會，已收起該系列鞋款；崇光亦就事件引致市民誤解致歉。

颱風復工，遲到無良扣薪

2012年7月下旬，在颱風韋森特吹襲過後，市民紛紛趕上班，市面交通一片混亂。一名女兒在崇光百貨任職的任姓女士，致電商業電台節目，點名直斥崇光百貨不近人情，無視風暴過後交通混亂情況，硬性規定員工在颱風落波後1.5小時內返回公司，即使遲到一分鐘，也一律扣薪800至1,000元。

網民紛紛痛斥崇光無良。勞工處稱會跟進個案。崇光解釋，該筆款項為勤工獎，如員工因特殊情況遲到，會酌情處理。不過任女士指斥，公司人事部雖可酌情處理遲到個案，但並非百分百保證，員工毫無保障。她最終勸服女兒向公司請病假，以免遭無理扣薪。

外部連結

報刊報導

• 太陽報：崇光鬧鬼掀恐慌 邀本報記者視察 高層指傳聞無稽，2003年3月9日
• 太陽報：SOGO賣鞋踩中國，2012年05月25日
• 蘋果日報：颱風無情　崇光更無情 遲到一分鐘扣薪千元，2012年07月26日