嶺南潮文迷你論壇會員輔子徹於2008年創作,內容為勸一些得到嶺南大學取錄,但無心入讀的中七畢業生主動放棄接受取錄(give up offer),令沒有大學取錄(no offer)但不介意入讀嶺大的畢業生因而可能出現轉機,由於文章用詞誇張,極有娛樂性,令不少no offer的會員都忘了傷心情緒,笑了出來。

原文

朋友,jupas就好蠢既,你擺左咩choice佢就以為你就想讀,你想讀而又讀到唔通佢唔咪比你讀咩? 但真係世事如棋獲獲甘,佢點知有人擺左又唔想讀咁古惑又聰明?

我見你相貌堂堂一表人才雙目清明額頭隱隱有一股靈氣流出,連JUPAS都比你FAKE埋,睇極你個樣都覺得你係兒孫滿堂壽終正寢果批,正所謂塵歸塵土歸土,你歸宿唔係薄扶林[1]馬尿水(馬料水)[2],都係西貢[3]九龍塘[4]啦,駛乜日日咁委屈坐西鐵返屯門[5]?咁所以呢,小弟不才,指條明路比你行,過幾日reg day呢,考慮到擺明唔要OFFER又係串咀D既,你扮肚痛哎哎呀呀黎唔到啦,讓返個offer比有需要既人,無謂死人霸生地,下年你開開心心入三大擺兩圍我實第一個帶齊人情食你餐飯,今年等其他NO OFFER同學有機唔駛做無主孤魂,係咪一家便宜兩家著先?

係度溫馨提示你明年請早,再預祝你下年成功! ^^

註解

  1. 香港大學座落於薄扶林
  2. 香港中文大學座落於馬料水
  3. 香港科技大學座落於西貢清水灣
  4. 香港城市大學香港浸會大學皆座落於九龍塘
  5. 嶺南大學座落於屯門

外部連結

除非另有註明,否則社區內容均使用CC-BY-SA授權條款。