作者:gooooggle

係作者因應社會批評時下年署人而先抒發的感覺

得到很大回響



[quote]不知所謂既抹黑年青人大學生既圾垃報導! 唔讀書又話唔上進, 讀書又話逃避現實, 呢頭又推銷副學士要人人讀大學, 果頭要你背負一身債畢業揾八千, 呢頭話求學不是求分數按興趣讀, 你為興趣讀佢就話你不孝唔養老, 你問點解學不致用, 經濟單一化唔開拓其他產業就鬧你淨係識靠政府, 上街爭取改變社會, 想有工開有樓住想公平就鬧你激進雙失無用廢青, 搵唔到工就話你冇用, 去攞綜援就話你老奉, 低薪唔做就話你自大, 低薪肯做就話你追夢, 準時返工放工就話你唔投入, 超時工作出糧就話你好貪心, 午飯時間電話上網就話你散慢, 工餘時間進修就話你冇責任感,

唔讀商科唔投機係罪, 搵唔到每月十萬係罪, 準時返工放工係罪, 超時工作出糧係罪, 大學只需商學院, 中學只需教商科, 小學應學識投機, 幼兒應學懂貪腐, 總之年青係原罪, 無論點都係錯.

除非你可以一日工作二十四小時, 唔洗食飯去厠所, 超時工作唔收錢, 返工返最早, 收工收最遲, 一個人做十個人既野, 但只係收十份一個人既人工, 小學畢業但叻過博士

年青人, 除左死仲可以點呢? 可惜你死左呢班人都唔會放過你: "咁就要死, 無鬼用!!"


呢班將自己所有問題推晒落年青人度既人, 又點會知佢地或者呢個社會實在欠年青人太多? :~([/quote]


年青人, 去死吧.

除非另有註明,否則社區內容均使用CC-BY-SA授權條款。