《廁格屙尿潮文》為一網絡上流傳的潮文,表達作者對男士選擇在尿兜小便而不進入廁格的風氣的頌讚,另外亦描寫了作者故意給人聽他大便聲音的行為。

原文

我發現最近有個趨勢,d男仔好多時都鐘意走入廁格痾尿 我覺得呢個風氣好差。咁樣做唔單止唔衛生(容易淝濕個廁板),最重要既係,喪失左男性既尊嚴 做男人既,痾尿一定要響尿兜痾,你一入廁格,就表示你係懦夫

從古到今,痾尿都係男人之間既較量 如果你同朋友一齊落bar,坐坐下佢突然同你講︰「痾番篤尿先。」 佢其實響度挑釁緊你 係呢個時候,如果你答︰「我又去。」 即係接受佢既挑戰 但係如果你唔出聲,又或者話︰「我都唔急。」 你就即係認輸,今晚個場d女,你無資格溝

唔駛講,入到廁所,梗係唔可以入廁格痾 入廁格痾尿,一世都抬唔起頭做人 有自信既,應該揀最出果個尿兜,至於邊個為之最出,要視乎個別廁所既格局 我去過最正既場,一開門就會見到個尿兜,而且個女廁係正男廁隔離,成班囡囡響出面排隊去廁所,一有人開門入黎,係最出個尿兜痾緊尿既人就會俾出面d人見到哂 係得呢個尿兜痾尿既,都係男人中既男人

不過家陣已經好少呢d場,依家d廁所唔知做乜,硬係要響尿兜同尿兜之間加塊野遮住,一下唔留神真係以為入錯左女廁 有次我個鬼佬朋友黎香港,一見到我地d廁所咁既格局,就冷笑左一聲 我知佢個心一定係諗緊「東亞病夫」四個字,我覺得好羞恥 果晚我含淚寫左封信去康文署,要求佢移除公廁入面果塊死人板 其實一個「真正既男廁」,尿兜同尿兜之間果塊板根本就唔應該存在 入得黎痾尿既,就預左要同人較量,痾尿痾到遮遮掩掩,不如鴨尿片算喇

男人之間既較量,通常睇三點︰

1外觀 外觀包括大小、形狀同色澤。有d小朋友以為果度愈大愈好。其實大錯特錯。大而拙者,笨柒也。除左size,我地仲要睇形狀。至於點為之好既形狀,確實大有文章,不宜在這裡詳談。簡單講,頭與身既比例要恰當,唔好頭大身細或身大頭小。顏色方面,一般既標準係愈黑愈好,黑表示你身經百戰;淺色表示你乃初哥一名,俗語有云︰青頭仔是也

2射程 愈遠愈好,如果你企得前過隔離條友,你就輸喇。但係記住要量力而為,無咁遠射程就唔好企咁後,行規規定,滴左落地既要乃番

3水柱既勁度 尿柱開义果d就擺到明係腎虧,即敗。好既尿柱一定係夠集中,集中得黎仲要夠粗。如果你既尿柱係有力既話,打落個尿兜度,聲音係清脆既,就好似d鑽石互相碰撞咁

另外,我有一段時間好鐘意入女廁痾屎 事先聲明,我唔係變態佬,我唔會執佢地用過d m巾黎聞,亦都唔會響入面打飛機 我入去真係為左痾屎,不過我既痾法有小小特別 我入到去唔會即刻痾,我會等有人入黎先開始痾 聽到有人入黎之後,我會好用力咁爆d屎出黎 唔知點解,我好鐘意俾人聽到我放屁痾屎既聲,一諗起佢地聽到我屎眼發出既聲音,我就會痾得好舒暢

再講多次,我唔係變態,我只係鐘意痾屎俾人聽,就好似有d人鐘意唱歌俾人聽一樣 不過我已經好耐無入女廁,因為驚俾人捉到以為我係變態佬 依家我痾屎既時候會求其打個電話,然後痾俾電話入面既人聽 如果你接過d電話,一聽就砵砵聲既話,好有可能係我打黎

外部連結


除非另有註明,否則社區內容均使用CC-BY-SA授權條款。