徐三好(高登ID:289500),是高登會員,改圖高手。

徐三好名字似來自《大長今》的主角徐長今,與及《宮心計》的主角劉三好。他擅長於送禮勤改圖,每逢有送禮勤的潛力圖出現,常常有會員發出「三好招喚」。[1]

徐三好曾撰文表示,自己和送禮勤絕無仇怨。只因其他題材的改圖反應冷淡,且送禮勤的改圖特別受歡迎,才欲罷不能。

一名網典編輯者疑似是徐三好本人,徐三好的改圖一出現就被上傳至網典。[2]

徐三好自白

加入高登之前,
經常改圖貼上facebook, uwant等,
間唔中會上下網典同高登睇改圖,
每次改完圖,都有人偷圖貼上高登,
有一次,有張改圖被貼上網典,更被人加上"高登巴打XXXX"作品。

好奇怪,所有改圖貼在高登就會視為源頭,
我在FB等貼自己的作品反應麻麻,
但被人轉貼在高登卻相當受歡迎,
所以最後,我都在高登開了一個a/c....

開始在高登時,
最主要只是不想自己的改圖被人偷圖,
但世事其實就係咁奇怪,俾人偷圖時個post就很受歡迎,
但自己開post就無人理....
開頭的post, 總會被人騎劫

那就是送禮勤的改圖。
機乎每次,我改完圖,總會有其他巴打改送禮勤...
而每當有人改送禮勤,就會有好多巴打回應,
我的改圖很快便無人理....
(其實類似情況都現在亦常有發生,
就是"百Hi圖"
每逢我開改對白post, 就總會有人將所有對白改到全部都係"Hi"
之後就會好多巴打話好正.....)

我漸漸發覺,高登巴打好鍾意睇送禮勤改圖....
於是之後我就試下每想出改圖post,都先改一幅送禮勤改圖先,
而巴打反應,是相當理想的......
無可否認,送禮勤的確是一個無限的題材,
既然巴打鍾意睇,我便樂於繼續改...
(但百Hi圖我就唔改喇,自問真係無本事,便留給其他巴打吧)

我一路都有keep住用其他題材改圖,
有無人睇都好,其實無所謂,我改圖都係自娛啫

過左一段時間,就開始有巴打咁樣留言喇:
"我留意左你好耐,你係咪同李克勤有仇?"
我真係奇怪,我之前改親圖,都有人改送禮勤,
但到我成日改送禮,就開始有人不滿喇.....

"你係咪同李克勤有仇?"
其實來來去去都係問呢個問題,
我亦曾經試過回應,
"我有改其他,不過無人理...."
而最後,"我有改其他,不過無人理" 呢句野,都無人理..

如是者回應左幾次之後,就無再理呢d留言
但另一方面,送禮勤改圖又越來越受歡迎,
那便繼續改吧......

接受現實,其實我真係改得好差,
所以除左送禮勤改圖外,其他改圖根本無人睇...
如果唔想睇到我d劣質改圖,而又唔小心睇到嘅巴打,
我在此說聲對唔住......

其實我好明白睇post,標題吸引嘅post先會噤入去,
因為我都係咁....
但有某d巴打逢見到"送禮勤"就噤入去,而入到去留言係"又係送禮勤??悶唔悶!?"
呢種係乜野心態?究竟佢地係想睇送禮勤定係唔想睇送禮勤??
而最近就開始有d巴打,淨係見我開有"送禮勤"標題嘅post先噤入去,
之後就Hi我話我淨係識改送禮勤....真係無野好講...
講左咁多其實係想多謝一些支持宋禮勤改圖的巴打,
因為縱使現在HiHi插插和聲言厭倦的聲音是頗多,
但仍然有很多巴打想繼續看送禮勤改圖.

我在faecbook開了宋禮勤專頁放宋禮勤改圖
反應不錯的,在此順便宣傳一下

http://www.facebook.com/gifthacken

最後,我再答多一次那個問題
"是咁的,我同李克勤,是無仇的"

註解

除非另有註明,否則社區內容均使用CC-BY-SA授權條款。