心入面條蟲

心入面條蟲，雨傘革命期間出現的潮語，語出電視廣播有限公司新聞及資訊部總監袁志偉。

起源始末

2014年10月15日，龍和道清場事件中，無綫新聞拍得公民黨成員曾健超懷疑被7名警員帶到後巷並「拳打腳踢」，新聞部最初版本以「拳打腳踢」形容事件，其後管理層要求加入「涉嫌」二字。無綫新聞部就事件開會，有出席員工聲言清楚見到是「拳打腳踢」，毋須加上涉嫌，但懷疑是袁志偉的高層反駁：「你是那幾個警察的心入面條蟲，故意拖他至暗角拳打腳踢？」

偷錄 警察用私刑：cctvb袁志偉講解點解要刪改新聞VO「拳打腳踢」16.10.2014 HD

在圖片冊中增加圖片

有關對話的錄音流出，此話一出，「心入面條蟲」頓時成為網絡潮語。

有線抽水

數天後，有線電視報導一名四川書記拉二胡的新聞時，進行抽水。新聞內容說：「而呢一段雖然唔係好跟得大家嘅拍子，但係睇到書記臉上陶醉嘅神情，亦都只可以講，佢涉嫌冇睇指揮嘅提示，只係『自己顧自己』。加上大合奏，效果就更加唔能夠用語言嚟到形容，咁大家自己欣賞。」最後再加上一句：「大家唔係書記心裡面嗰條蟲，又唔能夠問佢係咪特登表現出格，所以只可以講，佢係懷疑走音。」網民大讚抽得靚。