2006年9月23日,蘋果日報報導Uwants一名用戶名為u仔的張貼的一個帖子,題為《我高攀唔起港女》的文章。文章講述是關於該用戶相約一名港女外出玩樂時所遭遇到的種種港女事。

原文

琴晚約左個女仔出街,佢叫我8點係佢屋企樓下等佢,咁我8點到去到佢屋企樓下見無人咪打電話睇下佢落得黎未,點知佢話佢set緊頭叫我等多佢10分鐘,咁妳女仔貪靚我都唔介意等妳個10分鐘,點知等到佢八點幾都唔見人,咪再打個電話問下佢得未,點知佢又話佢個妝唔得要補妝叫我再等多佢10分鐘,咁我叫佢唔使急慢慢黎我實會等妳,咁我見有時間咪去附近7仔買支野飲解下渴,點知番黎佢已經係樓下,仲一句車埋黎話佢一個女仔岸居居企係度等左我半粒鐘,我話我見妳咁耐唔落黎咪行開左買杯野飲,佢又話我無耐性,唔理解佢地D女仔………………咁我見佢閔閔地咪以退為進同佢認錯,我叫佢比個機會我請妳去唱K陪罪,點知佢話兩個人去唱K好悶架WOR,跟住佢同我講話不如約埋佢班friend一齊唱K,咁我話妳中意就得 LA,跟住去到K房佢班friend黎到見到我就笑笑咀話妳BF好得意WOR,點知佢就話你地咪玩LA,跟住佢班friend點左首十分愛比我同佢合唱,點知同佢唱左幾段佢就話我唱得屎match唔到佢,佢就叫我讓支咪比佢其中一個男性朋友唱,我當時真係心都up埋,係佢班friend面前真係好瘀,我其實真係好想問佢究竟有無中意過我

p.s.本帖最後由 et009 於 2006-9-22 02:00 PM 編輯

網友回應

  • Amanda Lai:「我係女仔都唔幫佢,又幾過份喔,以後你同佢一齊有排受咯。」
  • mihobell:「咁又唔好話高攀唔起港女,唔係個個港女都係咁。我係港女,都覺得佢非常過份,同埋個女仔好明顯特登咁做!呢個女仔唔好再搵佢啦,再搵佢咪又玩你!」

外部連結

除非另有註明,否則社區內容均使用CC-BY-SA授權條款。