一名名叫kitty_kam的港女，在she.com貼上一段她為期七年的戀情，為何在結婚前夕鬧至分手的故事，節錄如下：
拍拖7年，訂了酒席，剛分手，我是否很蠢？[1]
我們拍拖7年﹐剛訂了酒席。以為可以開開心心做新娘子，點知男友向我提出酒席費用一人一半。等了他7年，才發覺佢連擺酒都冇錢，又冇錢買樓，婚後生活更要一人一份，我是否很蠢？
．．．我等左7年喇! 我現在飛佢﹐還有機會起2年內結婚﹐等佢有錢都唔知等到幾時。我反而覺得我等佢等了7年很蠢﹐三年前我已經話要結婚﹐都今日都未準備好﹐叫我點信佢?
．．．同佢咁耐有唔少人追過我﹐只是冇發展﹐我成30了﹐點等佢姐? 難道你覺得這個男人值得我等?
．．．租樓的錢是有去冇回﹐買樓點都有間屋剩﹐將來離婚﹐起碼有一半係我﹐呢個對女人來講係好基本的﹐至於擺酒﹐原本都冇所謂﹐但阿媽講﹐這是實力的表現﹐證明佢養得起你﹐我覺得真係幾岩羅。
．．．10圍那五﹑六萬真是不算甚麼﹐就是連幾萬蚊都花不起﹐我真係好冇信心﹐叫我點嫁佢? 我們父母那一代﹐又何嘗知道愛為何物? 如果我Mom當年揀錯老公﹐我都唔可以有機會過外國讀書﹐我媽叫我唔好同佢結婚﹐都係為我好。
．．．酒席的問題也算﹐更大問題是一個家。佢自己連一層百幾萬的樓仔都供唔起﹐(供完其它野要我負擔)更唔好講首期了。婚後連自己的家也沒有﹐將來會點?
she.com回應[]
連一向女權至上的she.com同人也不值她的所為，眾姊妹們紛紛指責：
鐵人：
呢個唔係你的錯，社會的錯，令到大部份香港的女仔壞晒腦，個個以為自己高質素，所以高要求。結婚就一定要有能力買樓？？相信除左港女堅持呢一點之外，好難搵到第二個民族會有呢ｄ想法。
我祝你下一個男人都要你等7年先知佢係一個死窮鬼。
．．．比你笑死我啦！！！同人結婚就諗離婚時可以分一半身家，聽呀媽講酒席多少就係實力表現？？？hahahah！！！！結婚後要人養？？你有身體殘缺，不能自力更生的嗎？？？”港女" 呢個詞係因為你而出現的！！！佩服你媽媽，希望你唔洗媽媽養你吧！
Cushion：
why all thoughts from mom? no own idea? if the man bear all the mortgage loan, why half of the flat is u? 好基本? why man takes all responsibility? dun understand......it sounds funny....it seems that gal doesn't need to have any commitment for marriage at all....but just to enjoy.....
111：
我覺得你真係好自私........
你到依家咁...可以講得上你抵死的.......
你根本一d計劃都冇.........花左7年係佢身上...但係你又有冇諗過...佢一樣係花左7年係你身上......生日,過時過節... 又送禮物,又要食飯......果d都係一種付出黎的,不過你當左果d係基本......個個做男友都應該做的.......我話你知...錯哂 law...冇野係必然的.......
如果你一心係想同佢有將來..就唔會一d都唔會plan一下你地的儲$$計劃啦~~
唔好講多呀....你一心俾左個波佢...叫佢自己攪掂......不過你一d都冇諗過付出wor~~
都未結婚就諗離婚...我都唔知你地結黎做咩......都唔會有好結果的......一定俾你同你阿媽睇死.....
阿龍：
我只係想知妳有咩信心飛左人之後可以響兩年內搵到人同妳結婚 ?
發左七年夢之後仲繼續發夢，咩都係一廂情願咁，幾時醒呀？
come on：
你唔好再講你男友什麼唔掂，什麼無用啦，仲要舉晒例。我係你另一半真係好傷心。
既然你make咗decision咪唔好結囉，邊個阻住你先。有無需要講倒你男友幾差幾廢，然後等所有人去支持你呀！我係女仔我明白你唸緊乜。但又有無需要咁look down自己男友呀！！你唔結就算啦，無謂周圍唱你男友！
迷惑：
原來結婚......
只係為左榨乾男方既一切，等自己可以過豐裕既生活？？？？？
R 頭：
花了七年拍拖，然後計劃結婚。最終目的唔係因為愛對方，而係為左諗定日後離婚可以分老公一半身家。知道左未來老公原來係無錢就即刻飛起佢，七年....一 D 感情都無？
真係咩人都有..！
咪影衰晒女人啦：
你睇下佢30歲人乜都阿媽話，就知佢無腦兼幼稚啦，話有人肯接收佢，兩年內結婚喎，睇死佢都係比人玩完就丟啦，比著你地係個男人，樓主三十歲人拋棄七年既男友，然後同你地講”阿媽話如果你有錢買樓、有錢擺酒、肯兩年內娶我，我就跟你喎”比著我真係當堂無晒胃口架，無腦貪錢兼夾無情，萬一有日我唔掂，你咪又係jar乾我d錢然後走人，肯娶你果個正白痴！
臭四：
如果依家搵到個有屋有二三百萬cash係手既，結完婚之後一兩年，佢做生意/炒股票/屋企人有事破左產，咁妳就話”諗唔到結婚後d生活仲差過之前”？
人人都有高低潮，妳都係快d dump 左佢，唔好害人。 妳都唔明兩個人同兩公婆既分別．．． 妳當佢係一個”物質供給者”，而唔係一個”人生的伴侶”， 妳真係好 _
268：
當年我結婚時是2選1...
不過我選擇了一個沒錢住居屋的男友去結婚而令一個是有錢有私家樓的男人而且人工很高，我要什麼他也可給我而且金錢物質上是沒問題．．．
不過最後我選擇一個比較不太有錢的男人同他結婚，現在我們現在轉了私家樓而且生活得很幸福開心，雖然我比了3成首期錢，但我也比得開心而他是比供樓和所有其他錢．．．
起初他也不接受d錢，我同他說：一個家是要大家也一齊付出架，不一定是男方比曬架。 他才可以接受囉。
不過當然好多人也說我傻，因首期成40萬。但我很開心我可以為屋企付出，現在我地生活得很幸福...
最後，男主角現身了，留下了以下留言：
我想，我可能是男主角。
最心痛的，不是被人看扁，也不是為了些可能是衝口而出的說話。
而是我問了兩個問題，而她沒有回答。
我問，是否以為我一個人，就可以負擔得起所有的東西？她沉默不語。
我再問她，有沒有想過跟我一起生活？答案也是一樣。
就這樣，整個人有被耍的感覺。
問題有沒有轉機，我不知道。只是，我真的不知道做甚麼，或者說該做些甚麼，可以化解當中的問題。
當中的情節，有些出入。事情，並不如大家所理解的一樣。她，也”應該”不像大家所想的一樣。
話我不多說了。請各位多多包涵！謝謝！
新婚生活易回應[]
Kitty_kam化名玲瓏，同時把她的故事貼去新婚生活易留言版，結果被那裡注重婚姻關係的網民罵得更慘： [2]
七年之癢：
你咁樣都幾衰．．．唔係人人都有十萬蚊娶老婆，我一蚊都無，我女友都肯嫁比我，好彩佢唔似妳，如果唔係我咪無啦啦無o左個七年o既女朋友！！！我女朋友真係好好，本來我想問銀行借 20 萬來結婚，點知佢話肯付擔一半，即係每人10萬，咁樣我個壓力便少了好多，妳可以覺得我無用，不過一對情侶如果真係真心鍾意對方，又點會咁計較呢？不如妳問自己，係鍾意錢定鍾意佢啦！！！見到妳呢個 Topic 真係好可笑！！！妳自己檢討下啦！對唔住．．．我講o野太直．．．不過我真係不吐不快！！！
kathy:tim：
無錯呀，大家都花了七年，你可能覺得男人有好多個7年。不過佢一定好hurt，一個7年既女朋友，因為自己無錢，女朋友一句無將來而分手！
都唔好講面子喇，無左7年感情wo。唔通呢7年你都做緊戲？
尊心太太：
請你好好咁諗下係咪好愛呢個男人啦，為錢就唔嫁了，你有幾真心呀？
你咁既行為咪係就人地講既”港女”囉, 咁做攪到我d d 層次低晒呀！！
你話男友浪費你7年，你又無浪費人地7年既，換轉佢同其他女仔拍拖，可能已經公一份，婆一份咁開開心心攪結婚，駛o係度比你同你媽媽嫌棄啦喎，你既然覺得自己可以o係30歲再搵一個拍兩年即嫁到，人地會出晒錢，你又可以夾到既，咁請你分手，唔好再煩了。
提子汁：
嘩！你個人咁自私架！你同你MUM一樣咁，10圍都好甘喇，仲要係酒店擺？嘩！食左人隻車咩？冇樓又話唔結，依家唔係個個都係買左樓自結婚架喇，有咩問題？最緊要你點睇，我同我BF都係架，我識佢都知佢冇咩$，因為佢出左糧都比左HALF媽媽。但我想要咩佢都可以比到我，雖然係冇$，但你愛佢既話呢D根本唔係問題囉，我地都係下年結婚，婚後都係同奶奶住喇，我覺得唔係問題呀，如果你真係唔想挨，咁我諗你有幾愛佢丫，真係做衰晒我地D”港女”，D男仔以為我地HK D GIRL 個個都係為左$．．．唉！真係多得你地唔少．．．
傻頭傻腦小月：
真係愈睇愈扯火，唔怪得我地D港女成日俾人話吊高黎賣，原來就係有版主呢一類女仔搞壞我地個名，唉！～雖然我都唔係同男友一齊儲錢結婚，佢亦無提出要我分擔一部份，但係你為他著想既就會主動分擔一D啦，你係咪同你男友分左手啦？你真係撫心自問想要乜囉，如果佢真唔係你杯茶，唔該你唔好當佢是水泡了，你放手不要再浪費佢時間好了！！！！
Yahoo!知識+[]
有人把這個故事化成膠問，在Yahoo!知識+發表，詳細請參閱：膠問：我是否很蠢？