FANDOM


2011年5月12日,高登會員慘過食兩舊屎」(高登會員編號:198839)在高登討論區中開設一帖,名為《月儲5千蚊,由魏晉南北朝開始打工,買唔買到凱旋門頂層(?)》以表對樓價高企之無奈。

其後高登會員表面的香港人」(高登會員編號:150671)就作出了一有趣生動解答,以時空穿梭模式解答樓主疑難,結果成為潮文。潮文中假設了一個由魏晉南北朝開始長生不老的人,如何用千年時間成為世上最有影響力的中國人,中間穿插了不少自魏晉南北朝至近代中國的歷史知識。有會員甚至表示可從中認識歷史,並建議表面的香港人製作RPG 遊戲。

原文

(回應:月儲5千蚊,由魏晉南北朝開始打工,買唔買到凱旋門頂層)

儲咩儲,你係魏晉南北朝最好就係當鋪打工,順手學埋古玩鑑定,然後就儲定錢買番前朝既古玩,儲到咁上下就買番先秦時期果d野,求其收番幾把寶劍就最好,原因係咩後面會講到,最好係d咩大粒友用過,例如秦皇政果把"定秦"咁,收到你就真係發晒達,唔賣得都睇得;如果買唔到先秦d野冇所謂,但寶劍一定要死一把番黎;好啦,冇先秦就下一個目標漢朝,求其搵d漢室皇宮用品就ok,咁如是者你就會儲到10年8件呢d寶物古玩。

爸打你聽完我講一定心郁郁想知點係短時間儲錢買古玩,好簡單,你憑你多年高登毒能經驗你應該可以開班講一講日本av idea比當時d達官貴人聽,教佢地用齒輪原理做震蛋之類;當然你都可以去未卜先知做國師,但睇樓主你條Seven頭,就知你冇咩讀書,因為當時根本冇5000蚊,5000兩就可能有,但如果你當時有5000兩你今時今日根本就唔只買到凱旋門,法國個凱旋門比能埋你都仲得啦。

好啦,就憑你d毒能知識應該可以比你扶搖直上做第2個馮道(或者你根本已經係馮道,條友可以事奉五朝就知條友係高登仔先可以咁把炮,而我堅信果個係樓主你。)

好啦,到時你有錢有權,咁你就盡刮,如是者你keep住儲錢儲寶物,而對你黎講應該唔係難事。

又假設你真係咁能勁係長生不老,我勸你有d人你真係小心:

第一就係北宋末,小心d金人打落黎果陣充公你副身家,到時你前功盡廢,所以你應該洞悉先機一早著定草去南方。果邊生活夠晒安穩;但宋帝搬能左去開封住之後你記住搬去北方住,之後學肅峄(蕭峰)係心口整個狼刺青扮自己係契丹人,因為你下一步要扮耶律楚材,我怕你痛,我諗一日界一刀界到去南宋滅亡都應該差唔多界完。

第二就係蒙古佬,佢地一定充公你家產,所以到時你一定要化名做耶律楚材(先前你已經準備好),然後又keep住做丞相之類,繼續儲錢準備日後既一番偉業。

第三就係朱元璋,因為你已經入藉左蒙古朱生見到你一定追殺你到天腳底,所以你見到勢色唔對(到時你已經唔再係耶律楚材,你就開始化名做劉伯溫行走江湖,到時你求其唱隻歌比朱生聽佢一定驚為天人,以後呢隻歌就係燒餅歌,到時你一定好威,好啦係明朝你一定要努力cap水。)

好啦,去到呢個moment,慢慢化名做唔同大官,張居正咁把炮我都好肯定係樓主你。 好啦如是者明朝去到祟貞(崇禎)應該收.皮., 到時你就隱姓埋名又呢能埋等清兵入關,到時你之前儲落既錢一定要搵地方收埋,我諗你到時d錢已經多到香港都放唔落,唔緊要,中國最緊要係多地,你扮晒獻計比順治帝叫佢為明思宗修陵,順手收買人心;d北佬咁能7蠢一定信到你十足,到時你就編隊10萬8萬既民工去大西北搞開發,開發d咩?挖個好能大既洞掉能晒你d金銀珠寶落去,但之前收果把寶劍記住keep住唔好掉入去,之後有用;但幫順治帝修明陵單野你求其搵幾千人去做下樣就算,到時順治問到你話d民工去左搵石材就得。

好啦,如是者 你幫完佢順治一定好感激你,你話咩都唔要因為樓主你係唔應該幫北佬。 你之後又隱姓埋名,到鬼佬賣鴉片果陣你就走出黎,大手低價買入,高價拋比d北佬八旗軍,食能死佢地d軍隊。

之後你繼續隱姓埋名好能低調咁睇住清朝收皮., 我知一定有爸打問點解唔能貪起北洋艦隊d錢?反正都比慈禧太后條男朋友拎晒去起個o.n.9公園。 但正因為佢已經拎左咁多,到時你再貪就好覺眼,如果唔識貪就番現代北上取經睇下點貪。

去能到清末你就會見到好多人走晒出黎,咩戊戌六君子、孫中山、袁世凱之類勁多人跑出黎。 但我可以話比樓主你聽呢班人都係靠唔住,千期(祈)唔好埋堆。 係呢個時候你記住老子講既大道無為,你要記住外國果d咩羅斯柴爾德家送(羅富齊家族)對你黎講只係一pat屎。 因為你有既係香港都裝唔晒既財富,佢就算點控制全球經濟都唔夠你玩,同埋最緊要你長生不老,到時你同佢鬥長命你sure win。

好啦入番正路,總之你呢個時候去到上海定居,樓主有冇睇過上海灘?到時你記住化名丁力扮咕呢。 然後求其搵條傻仔,你比舊錢佢叫佢改名做許文強,呢條友好緊要,因為佢第日會幫你做替死鬼擋子彈。 然後係上海你就會成為上海大亨。

好啦樓主你一定唔明點解我會咁奇怪唔再叫你玩政治玩商界。 原因好簡單,因為你要加速cap水,同埋我好怕樓主你條Seven Head一個唔小心比共產能/國民能睇中,到時你真係慘過食2舊屎

好啦,根據連續劇記載,你,即係丁力,最後會黎左香港,到時你又隱姓埋名又呢埋(躲起來)。

你準備左幾百年係時候真真正正上歷史舞台了,但都唔會咁快。 你仲要等多幾十年,不過對樓主黎講幾十年只係一刻鍾既時間冇咩所謂啦。

好啦,日軍侵華我知樓主你一定好頭痕,咁我建議根主(樓主)你番大西北,果到有你既財富,如果你當日smart enough應該起定一個豪華大宅比自己監工修陵時住,咁你就屈入去,到時你大西北搵番幾條女,抗戰打左3年08個月,咁你就搵3x365+ 8x30 咁多條女黎同自己扑野,點解?一陣又會講到。

好啦,扑足咁多日你應該都半死,好啦比你抖一抖。 之後又會國共內戰,記住日軍侵華你咩都唔好做,因為你冇野好做,事關你幫唔到d咩。 中國果陣太腐敗就算你拎幾多錢出黎幫人都係比人貪晒,又或者比人踢爆左你咁多錢到時你死都唔店(掂)。

之後就會飛到國共內戰,係呢個時候高登仔熱愛既國民黨就會輸比痿大既共產黨,咁你記住唔好根(跟)住國民黨去台灣,因為中國大陸將會係你真正既舞台!

呢個時候你記住扮窮能/農民,等偉大既毛魔打救下你,然後你又表現出驚人既智慧介紹江青佢識,毛主席一定扯晒旗,咁你到時再將你d av技術傳比佢,咁佢應該會好賞識你,到時你就會成為毛主席身邊紅人,但記住要低調。 係呢個時候,你記住開始搵定d同志,林彪好快死唔駛搵,總之盡量識多d軍部d人,因為中國點都係先軍政治,有槍講野先係大枝野。

呀!記住撞到毛魔個仔岸英果陣記住比2隻雞蛋佢,話佢知呢隻蛋食能左之後刀槍不入曉飛天,等佢去能左朝鮮打杖(仗)果陣信以為真比美軍炸死,咁你先可以為下一步鋪定路。

好啦,已經去到近代中國,我知樓主你一定識到唔少軍部中人,呢班人留番有用,記得識姓毛果個中共第一智障,佢好能有用,你記住! 仲記唔記得ON英?記住佢唔死你識智障係冇意思的,因為ON英可能生一大堆蝗蟲,到時件件都精過鬼,就冇人會再睇中件智障,樓主你明我用心良苦未?

好快就去到民(文)革,呢段時間餓死好多人,我建議樓主你收賣唔小心詐死然後將佢地搬晒去西伯利亞之類既地方,好似有3700幾萬人會餓死,咁你只要救到其中1000萬人已經夠,記住係西伯利亞起夠足夠既住屋。

同埋你而家有咁多錢,你開始係時候搞科研。 到時你捉一班中國/俄國/美國/德國智識份子去西伯利亞係你個基地入面搞研究。 研究咩我唔能理你,但至少要船堅炮利好能勁。 我記得nazi 係德國好似話有研究過ufo,你叫佢地keep住研,我而家咩都冇剩係大把錢,鍾意點研就點研。

然後你記唔記得你同左千幾個女人搞野(即係日軍侵華果陣),果d仔仔女女都應該根大成日(長大成人?)。 因為佢係你既kindred(children?),佢地對你應該極度忠心,你叫晒佢地做監工,到時千幾2千個仔女監1000萬人,配合現代管理可能有d勉強,但應該ok既,但記住比 果1000萬人好食好住,唔好比佢地作反,你話佢聽呢個地方就係桃花源應該可以呃到佢地世界末日。

到左8964,記住盡一切能力度(救)走d學生。救去邊?未又係你個桃花源lo。 果d咩王丹唔駛救,佢地醒目仔識走佬,救得一個得一個。 然後呢班學生用處就大啦,佢地咁有理想叫佢地日日灌輸果1000萬人反攻大陸既思想。

我知道好多人會問果1000萬人既糧食點解決,西伯利亞咩都多應該唔成問題,俄佬又未開發,應該ok 。 同埋你叫班科學家解決埋糧食問題應該都ok的,到時你可以完成毛魔衛星田既志願,1畝地種100畝地既米,咁糧食就唔再係問題。

如是者閣下其實已經唔駛cap水,你只要盡力識多d人就夠。 記住件中共第一智障,點都要mark實佢。 然後你記住要開始學北韓咁製造輿論吹到條男朋友有幾勁都幾勁,咩春野上天入地一拳打死鯨魚,食毒奶粉食唔死反而咁能醒,之類既野樓主你自己識吹我都費能事打。 之後就係時候推佢上台做中國領導人,但因為你功高蓋主既關係記住佢上左台你就要急流湧退,喊住口咁同佢講叫佢比心機好好做人管好中共,之後你又著草返西伯利亞,記唔記得你之前話研究ufo?

配合番近黎各國公佈既ufo,你既ufo艦隊可以出巡了,但唔好急整定d色水野先。 記住你既ufo一定要奇形怪狀,為左呃7中國人我勸你整到龍形,原因係咩我一陣話你知。

好啦,條智障身邊全部都係你d人(因為你已經識左好能多人),你就叫佢地係咁比d濕9建議比佢,等佢將中共有幾衰搞幾衰,但都係果句盡量唔好搞到老百姓。

好啦,中共到時已經半收.皮架啦,你既龍形ufo 可以出巡,到時你配合各類先進儀器企係個龍頭到(道)。 渣住把寶劍(果把定秦),飛能正係中南海上空,記住你條龍有幾大得幾大,條中共智障一定嚇能到脂肪硬化,郁都郁唔到。

然後呢個時候你把劍同埋龍形ufo就有用了! 然後你就開能晒咪比全世界聽到,記住係全世界,ok?多國語言wo記住,因為你要為你既政權合法性做準備。

而家請你好能型咁舉起你把"定秦"然後電視台一定大一大咁影住把劍,到時你就講: "所謂China,即係Chin-a,Chin 仍秦古之併音(阿拉伯),a 即指人。 所以呢把定秦寶劍就係我<--樓主,合法成為中國統治者既證據! 古有黑龍出於渭水,今日飛龍出於中南海!yeah! (記住擺定一個v班post,因為樓主你咁能毒你擺咩都係7,倒不如v型手勢,簡單直接。

之後佢條智障身邊d人一定勸佢落台,比你住(做)統治者,然後你梗係做啦。 之後放晒西伯利亞班人出黎(應該唔只1000萬架啦),因為呢班人受過良好既道德教育同埋有相當高既智慧 你就可以靠佢地黎回歸中國正朔,再創中國盛世,到時你有條龍幫你守門口老美都唔敢搞你。 則(側)邊果d咩日本根本更加唔駛理,一炮就打沈佢啦;到時台灣會主動回歸,中國重新統一,而樓主你就成為千古英雄。 而我就成為樓主背後既神祕英雄。

好啦,樓主當日你返魏晉南北朝都係想買凱旋門,咁呢個時候你求其跌舊錢都夠買架啦。 買完住唔住由得你。

我已經講完,樓主記住渣住我呢份野行走江湖,中國靠你架啦。

後話

及後高登會員秒殺王(高登會員編號:296810)將數段回覆匯結成文出帖。而TVB連續劇《怒火街頭》在YouTube的宣傳片「《競猜誰是兇手》梁政珏畀貼士」亦曾提及即使自魏晉南北朝開始儲錢亦買不起豪宅云云。

相關條目

外部連結

除非特別說明,社區內容使用CC-BY-SA 授權許可。