FANDOM


杜如風(Helen To Yu Fung),香港節目主持及製作人,因主持旅遊節目的獨特風格而為網民注意。

簡介

杜如風的父親是嘉禾電影公司宣傳部經理杜惠東,由於父親為雜誌翻譯日本娛樂資訊多年,從小就因耳濡目染而精通日語。她於加拿大多倫多大學修讀設計,副修日語,後獲賞識推薦畢業後到日本東京修讀日本文學。杜如風返港擔任日本電影字幕翻譯與電影編劇,獲有線電視邀請製作日本生活趣味特輯。

2007年,無綫收費電視生活台邀她加盟主持《流行東京》節目,漸為人熟悉,2009年她轉投Now TV主持《風行全世界》。2015年初,她拍攝《流行首爾》於無綫播出,亦因此引起網民討論。

杜如風名字與電影攝影師杜可風及電影導演杜琪峯相近,亦有網民刻意混淆以作恥笑[1][2]

真實年齡成謎

杜如風真實年齡成謎,維基百科曾標註她的出生日期是「1982年5月16日」,即2015年是32歲;後來又被修改為「1979年5月16日」,即是35歲。2010年有報道指她當時「33歲」,即2015年可能約37歲。但《蘋果日報》指有曾經在北角衛理小學讀書的杜如風同班同學爆料,指她出生年份是1975年。由此推斷,杜如風2015年5月,應該會踏入40歲。[3]

網民討論

日本地震微博惹火言論

2011年3月,日本發生「311大地震」,杜如風當時身在日本,並在微博留言:「剛剛回到故鄉東京就遇上大地震!搖過搖滾!真的會死在家鄉嗎?」及後又表示:「今次返到嚟東京,全程好似坐緊遊艇咁,搖呀搖……搖呀搖……快啲搖到青馬大橋!(好彩有帶白花油?!)。」

杜如風的輕佻言論惹網友「UNIPUMPKINHEAD」炮轟說:「大家同為中國人,為你的言論而感到羞恥,地震還出來抽水,你要不要臉?」杜如風馬上反擊:「我要不要臉關你甚麼事!日本大地震,天災這麼恐怖,你還有心情鬧人!你係唔係人嚟㗎!X你啦!」另一網友「Cecil4689」也加入戰團:「做一些有建設性的事好不好,不順眼就不要看我的留言,更不用你X我啦。」[4][5]



其後她接受訪問時指,因為當時消息中斷了,不知道那是一場如此嚴重的大地震。而且她被網民罵「希望地震帶走你!」,回應是一時衝動了。她道歉之餘承認自己EQ,「唔應該寫個X字」。[6]

疑被王菀之撬牆腳

2013年1月,歌手王菀之公開與「Figure王」蘇卓航(Eric)的戀情,並隨即共賦同居。不過Eric早前仍是杜如風的男友,不少網民認為王菀之出手撬牆腳,當小三搶人男友,而對杜如風寄予同情。[7]

面前小三的指責,王菀之呼冤說:「我完全沒有搶任何人男友,至於同居就一時時,有時候工作太忙,連見面都難,希望亂寫的內容不要影響我的朋友,當漫畫來看,一笑置之,謝謝!」[8]杜如風本人則一直沒有作出過回應。


首爾旅遊節目惹爭議

多年來均在收費電視做節目的杜如風終於亮相免費電視,她為無綫拍攝的韓國旅遊節目《流行首爾》於2015年1月播出,不過隨即引來觀眾劣評如潮。例如首集節目中,杜如風介紹新沙洞一個手袋博物館,當中展出不少古董手袋及各式名牌手袋,不過杜如風就稱︰「其實我嚟呢個手袋博物館睇,純粹想比下究竟佢多啲定係我多啲。」其後另一節講到杜如風去鞋店,她即稱家中有上千對鞋等。[9]

不少網民對杜如風的介紹手法甚為反感,指她一直在曬命,相當港女。另外,網民又不滿她的主持風格及技巧,斥「佢作為一個主持人講野講到逐個字逐個字跌出嚟咁,完全冇tone,冇高低音」,又說她有時介紹完畢後「就自己係度笑,但我成家都get唔到個笑位」,要求將節目腰斬,改為重播《多啦A夢》;有報道更聲稱她遭「近20萬網民聲討」。[10][11][12][13]

不過及後開始有其他評價為她抱不平。有人認為杜如風夠真性情,比起大台一向作狀、虛偽的旅遊節目,杜如風的新節目更有看點、更有新鮮感。有人認為《流行首爾》與她以往的節目《風行全世界》風格一樣,只因為觀眾層有所轉變,就成為了眾矢之的。也有意見認為部份網民「係又鬧唔係又鬧」,根本沒有認真觀看節目,不經思考,純粹為批評而批評,並不公平。有意見則指部份香港觀眾始終思想落後,一直用傳統的眼光去看女性,不能接受及欣賞另類風格的節目主持,於是便對杜如風展開網絡欺凌。也有人將此盲目謾罵的現象歸責於TVB一台獨大[14][15][16]

杜如風回應時則坦言已預計有人會不喜歡她做節目的方式,但大舉負評卻始料不及。對於網民批評她自大自戀,杜如風笑謂:「講吓笑啫!唔講邊有得笑喎。」更直言手指指是她現實中的小動作,絕非網民所指的扮可愛營造節目效果,更大方高呼:「我係世界級港女!其實我又唔係使男人錢。」她又稱現在出街版並非完全版本,更透露無綫刪剪了一些很「杜如風式」的說話:「我最深刻嘅係有一度講韓國好興化嘅一字眉妝,我就話最襯一字眉妝嘅係林正英先生。之後導演cut咗,話最好唔好拎前人嚟講。」至於今次與無綫合作與自己製作節目相比,她則表示各有各好:「免費電視始終都有規條嘅,但係我拍攝時就輕鬆好多,成條team有個人,我食完嘢又唔使畀錢;嗰陣自己製作時,可能會叫攝影師飲少兩杯咖啡,都係錢嚟嘛!」[17]

相關潮文

高登討論區在《流行首爾》播出前就已對她有所討論,當中會員「生力嘉士伯」(高登會員編號:310158)的多則回應更旋即成為潮文[18]

你知道佢既歷史後
就明白,佢係正宗香港公主
唔係公主病,而係伸隻手出黎有人埋單
話今日好悶就會有10個男仔渣車係樓下等
放工會有仔渣車搶頭淡湯等

我相信好多人都唔知佢乜來頭
就算80後都未必人人知
但知道既會覺得佢係好撚傳奇
根本係公主既教母

如果話佢係港女
不如話佢係皇帝女[sosad]
但女仔始終係會老既
如果係全盛時期,真係玩撚哂
以家都唔弱

再者港女想佢去個級數都仲有距離
因為佢想食飯就會有10個 8個男仔爭比錢
直頭唔洗同你"港"
人地埋單係常識,當然佢有錢自己比,自己屋企都唔係弱

拎港女同佢比,根本就係ON9
港女臭西扮哂野要R返黎既野,係佢身上係無限咁有人比,唔洗R的[sosad]

真係想講句,
某D巴絲們,你地太年輕了[sosad] [sosad]

唔知佢野既人,會當佢死肥婆行出黎攪攪陣
知佢野既人,就會明白自己連追佢既條件都未有
就算係高登仔條件既,係佢眼中都只屬一般
[sosad]

如果自己唔識既就上去GOOGLE
就如見到巴菲特
話呢個呀叔有乜巴閉呀,咁多人圍住佢既
一樣

「生力嘉士伯」版

你知道嘉士伯ching既歷史後
就明白,佢係正宗高登仔
唔係專業9 upper,而係講個point出黎有人和應
話今日好悶就會有10個巴打絲渣車係樓下等佢開talk show
開post會有人登入搶頭淡湯等

我相信好多人都唔知佢乜來頭
就算80後都未必人人知
但知道既會覺得佢係好撚傳奇
根本係高登仔既教父,知識份子既傳奇

父親逝世

2016年3月9日,杜如風的父親杜惠東腎衰竭逝世,享年75歲。報章此刻廣泛報導他孕育「世界級港女」,退休前一直替女兒找卡數的事跡。[19]

杜如風陪着父親度過最後一段日子,離世時亦陪伴在側。稍後就飛回日本繼續拍攝旅遊特輯,她說復工是完成爸爸說過「努力工作就是對他最好的回報」的訓導。[20]

而面對父親離世,杜如風雖只在facebook留下簡單幾句:「昨晚睡得非常差,不停醒,腦袋空空的,心盡量不去想,但眼淚會無端端流下來」[21]、「終於拍攝完畢回港,第一次感覺到回家更痛苦...」[22],但已叫網民感受到她喪父的傷痛,紛紛留言替她打氣。

相關條目

註解

  1. 高登討論區:杜如風網上籌10萬美金拍《香港三部曲》,(新聞主角其實是杜可風)
  2. 高登討論區:杜如風同杜可風係咩關係?
  3. 蘋果日報:自認入行靠父蔭 杜如風靠老竇找卡數,2015年1月9日
  4. 蘋果日報:杜如風地震言論惹火,2011年3月14日
  5. 東周網:輕佻言論引起罵戰 杜如風:X你啦!
  6. 東周刊:爛命 杜如風 為X道歉,2011年3月24日
  7. facebook:爭仔輸俾呢條醜樣討論政治x真係死唔眼閉......
  8. 蘋果日報:小三變正印 王菀之:冇搶人男友,2014年1月17日
  9. 壹週Plus:膠面杜如風晒命 自稱手袋多過博物館
  10. Uwants:強烈要求TVB腰斬港女杜如風個節目: 流行首爾
  11. 香港討論區:杜如風乜料?
  12. 輔仁網:迎客還是趕客?散錢精神還是敗家?——談杜如風〈流行首爾〉(白蓮達)
  13. 晴報:20萬網民怒吼 踢走杜如風播《多啦A夢》 力數主持《流行首爾》5宗罪,2015年1月8日
  14. 熱血時報:欺凌杜如風現象 印證TVB觀眾只愛偽善
  15. http://hk.apple.nextmedia.com/enews/realtime/20150110/53320841 蘋果日報:【繼續我行我素】EQ高 懶理圍攻 杜如風直認:我係世界級港女 ]
  16. 雅虎香港:不正常少女研究所:香港容不下一個杜如風?
  17. 蘋果日報:我主場:杜如風唔怕鬧 「我係世界級港女」,2015年1月11日
  18. 高登討論區:杜如風真係好靚女,話佢係港版千頌依一d都唔過份!!
  19. 蘋果日報:孕育「世界級港女」 杜惠東幫杜如風找卡數,2016年3月9日
  20. 蘋果日報:杜惠東腎衰竭逝世 杜如風承父訓忍痛開工,2016年3月9日
  21. Helen To 杜如風 fb專頁:晚睡得非常差,不停醒,腦袋空空的,心盡量不去想,但眼淚會無端端流下來,2016年3月9日 16:52
  22. Helen To 杜如風 fb專頁:終於拍攝完畢回港了,第一次感覺到回家更痛苦...,2016年3月24日 13:05

外部連結

除非特別說明,社區內容使用CC-BY-SA 授權許可。