 |
本條目或段落需要相關專門人士參與編輯。 請幫助我們尋找適合的人士。有關細節詳情等請參閱討論頁。 |
高登女夜鬼封禁非請勿按事件，是發生於2010年10月7日的台主濫權事件。
事件內容[]
會員非請勿按(user id:271143)於高登飲食台台主高登女夜鬼(user id:198858)其中一個煮食貼文中[1]留下一句評語：「老老實實,D食物既賣相整得咁差點解仲夠膽POST出來?」，及後與高登女夜鬼的支持者筆戰僅僅四頁並另開貼文[2]批評，就因為高登女夜鬼惱羞成怒而被封禁，三日後非請勿按自動解除封禁並再開新貼文揭發事件。[3]
有會員要求取消高登女夜鬼的台主資格[1]。
網民反應[]
一眾會員除替非請勿按感到不值外亦不停追問高登女夜鬼是否真有其事，但她的第一篇解釋完全不著邊際還要故作大量，仍以該貼文中的菜式為中心討論，企圖轉移視線。至於支持者以非請勿按的態度不佳為理由認為他應該被ban，則大多被反對者指為高登女夜鬼的護主犬。另外亦有人指出此事件證據不足，但反對者認為如非屬實的話可直接否認，無須帶人遊花園。當中亦不乏曲線諷刺過往濫權台主的言論，更重要的是有不少會員自高登台主楊波仔封禁傳麒事件後重提改革甚至是廢除台主制度，可見高登admin自該事件後仍是完全無心改善高登的管理制度，與早前日誌中維護言論自由的主張明顯背道而馳，並被會員戲稱為影帝林祖舜。
翌日高登女夜鬼另開煮食貼文[4]，反對者發起追擊行動，不斷就封禁一事提出詢問及指責，高登女夜鬼對此一直維持駝鳥政策，直至下午發出第二篇解釋貼文[5]，終於承認封禁非請勿按是其本人所為，而理由竟是「火遮眼」，並反過來指責非請勿按只是為了支持另一飲食台活躍分子老娘而惡意針對自己，及後更把責任推到高登admin身上，指責是高登admin的管理指引不足才出現今次事件，結果引來大量反對者及花生友恥笑，亦令更多的會員認為高登失去過往自由的特色，已經Uwants化、2000fun化。後來還有另一會員愛是含鳩很耐貼出可惜不是我被封禁的畫面[6]，雖然會員明治2號指出該畫面可偽造，但高登女夜鬼仍難洗嫌疑。
事件至此仍未平息，高登女夜鬼於10月12日再次發表貼文正式道歉[7]，但由於內容幼稚，故事實上只是火上加油；反對者的論點主要有四：1. 交由高登admin決定去留不但是再次推卸責任的行為，而且等同無須面對群眾，2. 分享煮食心得根本無須台主權限，而且居然認為自己仍有機會繼續擔任台主，可見其戀權至極，3. 言論自由並非靠濫權台主維護，而是本來存在，4. 自Bam三日實為潛水三日以圖令事件丟淡，而且對於已經破壞了的言論自由於事無補；總而言之，理性討論、唾罵及下台之聲不絕於貼文，但由於高登女夜鬼（聲稱）已自bam三日故無法回應，一眾高登人要追擊的話至少須等三日。事件延至2010年10月27日凌晨，高登女夜鬼終於再次發表飲食貼文，最後發展成大型清洗異己事件，詳見1028高登大量會員被封禁事件。
高登女夜鬼第一篇解釋文[]
非請勿按巴打,
或者我講住幾句先...
你唔係第一個, 亦一定唔係最後一個批評我既野食既人.
我係高登開過81個野食post, 基本上, 每個post都有人入黎, 話我煮既野食係劣食/狗糧/垃圾/屎... 唔通個個都要bam? 真係幾唔得閒!
況且, 各花入各眼, 人人都有自己既審美標準. 點批評我既野食, 都冇問題, 但真的, 希望可以俾d意見, 等我可以改進.
為鬧而鬧, 根本於事無補.
我同其他幾位成日貼野食教學既巴絲打一樣, 係真心分享, 冇著數架. 係咁鬧, 遲早人人走哂, 仲分享乜? 唉...
上得高登, 就預左俾人鬧, 呢一點, 你知我知人人知. 你之前開左個post, 話呢度有人唔接受你既批評. 你咪一樣係唔接受人地批評你既批評?
做咩逼人接受你既意見? 人地唔同意你, 就鬧人係咩打手/兵/護主犬? 駛唔駛咁?
我自己本身接受你既批評. 多謝你話俾我知, 這道「漢堡扒配甘荀洋蔥泥」係你眼中似屎, 以後我會改良賣相.
如果, 溝雜豆(粟米, 青豆, 甘荀)落洋蔥泥度一齊煮, 多番d色彩, 你覺得會唔會吸引番d, 冇咁似屎?
Thanks! :)[8]
高登女夜鬼第二篇解釋文[]
如果係既話, 以下係我想講既野:
老娘整野食好叻好叻, 我都經常睇佢既post偷師學習, 但我唔明, 做咩你要係咁追住我黎鬧? 你唔止鬧一句, 係不停咁鬧, 仲鬧埋其他同你持相反意見既巴絲打, 完全係為鬧而鬧, 一d真正可以改善我d野食既意見都唔俾我.
之後, 仲另外開post, 搵人一齊鬧我, 又叫我快潛水, 唔好再開整野食post, 你到底為左乜?
你覺得我整既野食似屎, 冇問題, 因為人人審美標準唔同. 但如果你係為左支持另一位絲打, 而專登黎玩我, 你既行為真係好卑鄙, 好黑心, 好作嘔.
我同老娘一樣, 只想開開心心係飲食台開post分享下美食. 我從來唔見有人好似你咁樣玩老娘, 你做咩係都要蝦我?
一時火遮眼, 係我bam你的. 做台主咁耐, 我只bam過兩個人, 其中一個係你. 你毋需借題發揮博同情, 話咩我唔鍾意你批評我既野食就bam你. 我係高登開左82個整野食post, 次次都有人入黎鬧係劣食/垃圾/狗糧/屎, 我從未因為咁而bam人.
最後, 如果係我誤會左你, 我願意為bam錯你而道歉. 我亦會自行禁言三天, 開始時間, 由你決定.[9]
高登女夜鬼第三篇解釋文(道歉)[]
致非請勿按的道歉聲明:
對於封鎖帳號一事, 本人承認因不滿閣下言論, 而一時之氣濫用台主權力, 深感抱歉. 對於閣下提出的意見, 本人自當反省, 日後傾力製作色香味俱全之菜式. 歡迎閣下以後仍繼續加入討論, 但希望能夠以討論性質, 而不是接近辱罵方式進行, 只要是關於飲食的討論, 本人仍然樂意繼續與閣下交流.
致高登各會員的道歉聲明:
本人明白高登之所以受歡迎, 全因自由度有別於其他討論區. 在高登, 不需要看版主面色, 只要不違反法例, 基本上是暢所欲言. 但非常抱歉, 今天由身為台主的我, 因為一時之氣而破壞了這個自由的樂土. 本人真的沒有任何打壓言論自由的意思, 我為我不成熟的表現再次說聲對不起, 而這次事件的確令我上了寶貴的一課. 至於去留問題, 若admin認為有需要, 本人願意承擔因為自己衝動而帶來的後果. 若有幸仍能繼續擔任台主一職, 本人定必緊記維護高登討論區自由的氣氛. 無論結果如何, 本人也必會自行禁言三日等候結果, 由即時開始.[10]
事件衍生潮文[]
家姐被炒[]
講起我就火遮眼啦
我一路都在飲食台到做台主 飲食台平時都有好多毒撚黎睇o既 做了好耐，已經是senior 咁耐以黎都好俾心機做，admin亦好like我 雖然就無收入，但我都諗住繼續做落去 咁耐以黎我淨係bam過2個人架咋 而且同好多毒撚既關係都唔錯 前排非請勿按去過飲食台到幫襯 不過serve佢既不是我係老娘，但就讚到無得頂 過左個幾星期，佢又再去飲食台到行 上次serve果個Day-off, 咁我就頂上serve佢 開頭已經好有禮貌介紹d菜俾佢, 仲圖文兼備 佢就無乜反應，望一望我個81號post 果樣送就叫漢堡扒配甘荀洋蔥泥 非請勿按就同我講話D食物既賣相整得咁差點解仲夠膽POST出來? 仲好似pat屎咁 我就好撚想bam佢啦，但admin一向唔俾我地咁做 驚做壞個頭，除非真係有有貼bam圖先可以咁做 咁我見到非請勿按咁撚串，我就用個分身查下佢咩料 發現佢讚過老娘，老虎蟹都屈左佢打手先啦 諗諗下都係覺得火遮眼#fire# ，bam佢3日先算 bam完之後就繼續扮無事發生 再講d說話叫佢同我討論 (歡迎非請勿按巴打入黎同我討論, 我等緊) 佢就梗係出唔到聲啦 過左一陣我收到風佢解左bam仲出post屌鳩我 投訴我態度唔好，唔理會員感受 高登policy一向唔話俾以言入罪bam人 我估黎估去都淨係得失過非請勿按一人 總之俾高登仔屌左成日 仲有好多唔同既花生友和台主一齊， 我怕又惹事，打一大段廢話戴定頭盔先啦 點知條友都仲jer住我唔放 根本你班高登仔就玩野，頂，即刻潛水啦仲等 我怕左佢，因為我真係火遮眼bam左佢 點知會搞到咁大單野姐，而家個個都屌我當我過街老鼠 我最後都開個post認係我bam佢 最多咪自己禁言3日就算數啦喂 跟住d花生友阿台主阿係咁抽水怒屌 我扮晒蟹問人生攻擊bam唔bam得?，但佢地照鬧 又鬧左成個post 唉, 我再潛水啦，又照鬧 最終打個pm俾admin 備案 之後連收兩封warning letter 早兩日接埋大信封
年尾俾人炒左
古惑仔[]
點解要bam人?
威威law 個人主義 大撚哂
我唔妥你 可以bam鳩你
我唔鐘意你 可以火遮眼bam柒你
o靚仔你屌咩呀 出黎bam我丫
bam呀
bam我丫 bam丫
我bam你 你屌我 點呀
你見過台主bam人未,你見過d7頭比人bam未呀
你話老娘係你偶像丫ma 你見過老娘未
高登飲食台揸fit人丫ma 好巴閉呀 ?
你知唔知佢同台主女夜鬼根本冇得比
你知唔知佢親眼睇住人地話佢d食物係屎，屌， 佢bam唔到
你知唔知女夜鬼諗緊咩呀?
話俾你聽佢唔想做台主
佢唔想火遮眼bam人
但係佢無辦法 無得返轉頭
係呀 每個人都ac 我都有
其實 有冇bam人 我理唔到咁多
但係我想話俾你聽 bam錯人 無得返轉頭ga
極醜惡1[]
拿高登台主呢 就黑暗醜惡既
咁呀 2010年10月7日呀 下午四點零幾分呀 拿 你睇睇呢個半夜三更整野食系列81呀! 今日既主角呢就係呢位臭西豬扒啦! 釣你個泥錳過海呀! 拿 睇真d 有冇問題呀? 拿 你睇下佢依家條懞撚post碟野出黎係咩顏色架下! 啡色黎架!原來係屎黎架屌!fuck 喂 其他人整野食係色香味俱全架wor 嘩 佢個野蠻港女呀 為左打壓異見用埋bam掣呀! 拿 其他呀個d任何一個兵仔狗公呀 個個爭住奶佢隻臭西 唔撚知做緊d咩架 喂 點解呀 你班仆街呀 點解要搞埋呢d小圈子出黎呀 要逼到人地權力慾薰心呀! 搞搞新意思呀!? 下! 你睇條友 嘩! 拿住支雞毛可以當令箭架!
唔知你班懞撚呀 上高登on99朦朦忪忪囉撚錯左呀 ,道歉變撚左卸膊呀? 喂 common sense 係人都知啦 要維護高登自由點會靠呢d垃圾台主呀! 屌你 垃圾台主都得既話 uwants / 2kf 小朋友都得呀啦! on99行路上廣州呀! 屙尿玩賓周呀 下? 呢班懞撚 高登特蠢台主呀! 高登元老呀!當日話 9你地係高登咩咩最人渣乜撚野之一呀 搞成咁既閻樣 屌得你冇錯呀 林主席呀 拍下個patpat走撚左之後呢 咁呢班咁既含家剷就當家作主啦! 嘩! 點知搞成咁既閻樣 搞撚錯呀 冇標準架? 冇守則架? 冇指引架!? 喂 自把自為呀? 鐘意咩就咩架? 喂 咁根本就唔係d咩台主黎架 係臭西港女黎架 係小圈子呀! 係狗公黎架! 係一篤屎黎架!
屎～ 你係 一.篤.屎～～～～～
極醜惡2[]
拿高登台主呢，除左黑暗醜惡之外呢，仲好撚蠢架。
話你豬扒你又真係豬扒，話你碟野似屎你又唔撚係食屎。 一d高登常識都唔撚識架，都冇上撚過網典睇歷史乜撚野都唔知戇鳩鳩咁喎。 佢又唔傻得晒喎，佢又識得轉移視線喎。 拿，睇下個臭屄台主佢點撚樣。 喂屌你話你碟野似屎之嘛，嘩果條臭屄你睇下佢搵班小圈子厹一齊圍屌。 喂佢地淨係見你係台主先刷你鞋咋，你係咪傻係咪戇鳩。 嘩跟住仲戇鳩！呢個post你睇下！click個bam掣！屌你就算俾你bam左呀，三日後就復活啦臭屄。 屌有冇搞錯自bam喎，呢個post仲撚仆街，火遮眼喎！不如話你葡萄老娘啦！ 火遮眼bam得！咁支持老娘都bam得啦！ 喂你有冇搞錯亂bam人呀，你扮自bam潛水？ 到時卸膊俾admin佢又 bam埋你架啦！ 屌你一早認錯道歉同埋辭職咪得囉！臭屄！
臭屄！臭屄！臭屄！臭屄！臭屄！你件港女！
嗶嗶嗶[]
高登女夜鬼老母性感很多人 call:O
有admin將你:-] 帶走怎算好:-(
高登女夜鬼我屌尻你fuck
bam 9 我啦[369]
您現在聚腳在飲食台內;-) come on baby
我人身屌柒你波,吹咩[369]
.gif "1289577280 (1).gif (1.81 MB)")
