FANDOM


每天送你為什麼》,2013年高登音樂,改編自黃品源的《那麼愛你為什麼》一曲,於2013年12月2日推出,由「魯囂」改詞,「灰狗」主唱。歌詞內容以對話形式,表達時下不少男友送女友回家的尷尬及苦況。

影片

高登音樂台 每天送你為什麼(原曲:那麼愛你為什麼)

高登音樂台 每天送你為什麼(原曲:那麼愛你為什麼)

歌詞

《每天送你為什麼》

原曲:《那麼愛你為什麼》,黃品源
改詞:魯囂
主唱:灰狗

(女︰咁我走啦,你……今日送唔送我返去呀?
男:Errrrr……emmmmm……
女:吓?
男︰你俾我諗吓先啦……
女:其實唔送都得㗎,我返到去打俾你囉。)

男:臨行是你善意地問我 這一次 會送麼
講句真 其實我間中都想懶惰
送就要粒幾鐘 返屋企
仲要轉車得我一個 但我點敢講清楚

(男:em……唔係咁好嘅……係咪呀?
女:唔緊要啦。)

女RAP︰我其實覺得依家廿一世紀
女仔識得照顧自己唔一定要男仔送返屋企
治安良好犯罪率低邊有咁多賊匪
邊有咁易會先姦後死
由呢度九龍灣 送我返荃灣
再搭廿個站 你先返到柴灣
誒 如果你攰就唔好送啦
我真係可以自己返去㗎喎

男︰很想鼓掌高呼 道理講得真太好
獨立又大方 有著你叫我自豪
快快趣擁抱 說早抖不吞吐
GOODBYE KISS 自己返歸最好
回程若已是兩點搭四 N車會 貴到死
仲要一個鐘 其實每次諗返都想死
這日你講道理 真驚喜
願意體恤車程距離 自己乖乖返屋企 wo

(男:em……咁我哋錫啖就返去喇,好冇?
女:你意思係...我自己返屋企喇,係咪?
男:er……我陪你等車吖。
女:咁你唔會擔心我㗎咩?
男:er……咁你返緊去嗰陣我會陪你講電話㗎嘛。
女:我真係估唔到你會咁樣對我㗎。
男:吓……?)

女RAP:honestly 你真係可以話唔送 就唔送
你唔擔心會有賊仔都要擔心我俾色狼睇中(吓?)
我條短裙咁短高踭鞋又咁高 你都唔送 慳嗰半個鐘(吓?)
你又話緊我愛我 又話錫我就我
點解去到咁夜你都唔識得送我(我……)
哼 你把口講到幾咁愛我
你做就只係得過且過敷衍我

男:怪我太過自大 理應一早觀察到
就在道別間 有著試探嘅味道
你每次說一套 再心中諗一套
真天真 我開心得太早

明明係你話情願就我 專登要 試我麼
俾我揀 其實叫我揀親都惹禍
那善意是幻覺 是陷阱
仲要我講SORRY老婆 誰了解心中苦楚
平時亦每夜每朝鬧我 點解要 咁過火
小喇叭 成日要我將心思揣摸
冇做錯又罰我 死港女
習慣老奉將人折磨 做佢BOYFRIEND真坎坷

(男:咁我送你返去啦,唔好嬲啦。
女:唔洗你送。
男:嚟啦,俾我送你返去啦。
女:送得咁勉強唔好送啦!
男:唔係呀,我真係好想送㗎。
女:……哼,要人講先識做。)

相關條目

註解

外部連結

除非特別說明,社區內容使用CC-BY-SA 授權許可。