營多撈麵（Indomie Mi Goreng）是印尼營多食品廠生產的即食乾撈麵產品，於香港有售。
目錄
受爭事件
高登的「營多822事件」
在高登討論區，一直都有會員發出吃「營多撈麵」的心得分享帖子。[1]到了2009年8月12日，高登會員兄貴大哥發出的一篇帖子，講他吃「營多撈麵」時，因為含有味精的調味粉關係，幾乎吃到上癮。結果獲得了多篇網民回應。[2]
直到2009年8月21日起，部分高登會員忽然大量發出與「營多撈麵」有關的帖子，到8月22日達到了頂點。有會員與網民熱捧但大熱倒灶的落選港姐林潔瑜相提並論。其他會員不忿其狂熱做法，將他們稱作「營多撚」。而網民將此事稱作「營多822事件」，當中不少會員因洗板及翻貼潮文而被ban。
營多事件陰謀
營多事件雖暫告一段落，但高登會員城大正垃圾指，營多事件乃營多之代理商一手策劃，並取得成果。若事件屬實，將會吸引更多商家利用高登作宣傳平台。 [1]
衍生作品
家姐被炒潮文（營多撈麵版1）
| 「 | 我小學個陣印傭姐姐已經成日煮比我食 包麵有好多調味料 ,我最鍾意既就係d甜汁 |
」 |
家姐被炒潮文（營多撈麵版2）
| 「 | 講起我就扯火啦 我家姐一路都在印尼食品一間名店做sales |
」 |
成龍洗頭水潮文（營多撈麵版）
| 「 | 呀……當我第一次知道要拍那個營多撈麵廣告的時候，其實我是拒絕的！因為我覺得……呀……你不能叫我拍馬上拍，第一，我要試一下，我又不想說……你拍一個廣告拍完以後加了很多特技，那麵條動啊……很鮮！很亮！很爽！結果觀眾出來一定罵我，根本沒有這種撈麵！這證明上面那個是假的……我說先要給我試一下。後來我經過也知道他們是很棒的，而且沒有那種防腐成分的。那……吃了這個月……這個月下來之後呢……起碼我吃了很舒服。現在呢……每天還在吃！每天還在吃呢……我還給了我成家班吃！來！來！來！大家試試看！那我跟導演講︰「拍的時候就拍！拍完之後，這個撈麵就是營多的撈麵，就不要加，再加特技上去，加到沒有就是這樣子！我要給觀眾看到，我吃完之後是這樣子，你們吃完之後，也是這樣子！ | 」 |
感冒童通宵瘋狂自瀆暈倒（營多撈麵版）
| 「 |
昨日一名患感冒男童疑瘋狂進食營多撈麵逾10小時，並於其大埔住所暈倒，家人發現立即報警，幸救護員到場時他已蘇醒，送院治療後無大礙。醫生呼籲青少年及身體不適者，進食營多撈麵時要有節制，否則後果可以極為嚴重。 事主姓林（13歲）就讀中一，與家人同住富善善景樓一單位。 救護員到場男童蘇醒 據悉，林童近日患感冒未痊癒，因昨日不用上課，於清晨時份開始進食營多撈麵。據林父稱，林童回家後便一直進食營多撈麵。至下午1時，52歲父親發現進食逾10小時的兒子突然暈倒，雙眼反白且口吐白沬，身體更出現抽搐現象，林父立即報警，救護員接報到場時事主情況開始改善，經初步急救後獲送院，治療後無大礙。
悲劇發生後，林父擔心不已，當記者問及其心情時，林父繼道：他自知患感冒也熬夜進食營多撈麵，他一直在玩命！ 勞永樂：進食營多撈麵時應學會自制 全民健康動力主席勞永樂醫生指出，若青少年過份沉迷進食營多撈麵，下體及四肢容易疲倦，甚至有可能因血糖低出現短暫昏迷；而營多撈麵中的味精可能會誘發癲癇症或令隱性癲癇症患者暈倒；感冒病者服藥後容易感到疲倦，加上長時間不間斷的進食或會引致昏迷，嚴重者可能會猝死。他建議青少年每進食一小時要休息10至15分鐘，若持續有暈倒情況應求助醫生 找出原因。 |
」 |
—[6] | ||
浩南教你食營多（營多撈麵版）
| 「 |
點解要食營多? 好味囉 羊群心理 夠平 我唔夠食 可以食多個 我覺得好淡 可以加多兩滴美極 柒頭你食咩丁麵呀 黎食營多丫 食麵啦 食營多啦 食丫 我食你 你食我 點呀 你見過食濟未,你試過食厭未呀 你話你唔知營多有咩好食 有咩咁好食丫ma 你食過營多未 未試過營多丫麻 好巴閉呀 ? 你知唔知唔食會比人串你唔識食 你知唔知我親眼睇住高登班友係到食營多, 班毒男葡萄緊 你知唔知食緊營多諗緊咩呀? 話俾你聽佢唔想再食營多 佢唔想見到自己係到食營多食到厭 但係佢無辦法 無得返轉頭 係呀 每個人都有食 我都有 其實 食唔食 我理唔到咁多 但係我想話俾你聽 食營多 無得返轉頭ga |
」 |
我的最後一包營多
講番起就嚮2年前,我呀姨去完印尼旅行,佢帶左一大箱營多番香港, 俾我地d親戚. 佢話以前覺得出前一丁最好食,其他牌子既好得難食.但自從食左印尼果隻營多之後,佢話從未食過咁好食既即食面.
初初佢俾左一大包營多我媽,大約左20包左右.我地見佢講到咁好食,果晚都嚮屋企打開第一包營多.
其實營多既份量唔大多.只有一個拳頭左右,好岩我地當小食咁食.每一包原味既營多都有送辣醬,蔥油同豉油.當然唔少得既仲有調味粉同乾蔥.我地全家都唔太識英文同印尼文,所以都係跟足以前出前一丁既煮法.先係煮滾水,之後就將營多同味粉放入去,滾佢三分鐘,再隔水加調味醬油.一碗充滿南亞特式既營多撈面就在眼前.我同老父/母本初都抱住懷疑既態度,一條一條面咁樣試食.我仲好記得老豆佢食完第一啖同我講:[好好食呀,快D食喇,唔食我食曬佢嫁喇].跟住我同老媽子都開始食我地既第一啖營多.依,又真係幾好食喎.面質幾好,醬味適中.老豆見包面好似好好食,就同老媽子講你留番D俾我聽日帶番公司,唔好食曬佢.我見老豆咁雀躍,我果晚都靜靜雞拎左幾包營多放嚮自己間房度,諗住自己食.
好喇, 我長話短說喇, 自從吃完果20包營多之後,我地成家都好似變左營多既Fans咁. 有一日呀媽子去買菜,見到有印尼土產店賣營多,佢竟然同我講叫我放工渣架車去街市果頭, 佢想叫我幫佢拎果一箱營多返屋企.俾錢既時候,我發現收銀果個印尼妹妹好得,好純情.佢雙眼好大,皮膚很古銅色.我突然幻想著一邊吃著印尼的營多撈面,一邊跟她談情說愛.
為了多點機會見到那個叫Alicee(音:A-Li-Cee)的印尼少女.我由平時跟同事去餐廳吃午餐,漸漸改為一個人手執營多在雜物房吃午餐.基本上我的早,午餐和大部份的晚餐都對著營多.討厭吃營多的朋友,女朋友,通通都與我劃清界線.說到這兒,我真的有一點不太明白,那就是吃營多有錯嗎?營多錯了嗎?我在如廁想了又想,總覺得沒錯.我只是每當望見自己的便便中夾雜了未咬爛的營多面碎時,才覺得自己有錯,錯在沒有好好咬爛每一條營多撈面.
不知不覺間,我已吃了兩年營多了,差不多每半年的身體檢查中,醫生都說我身體機能差了,膽固醇高了,肝酵素多了,短短兩年,沒有了廿磅...但我問他是不是營多的錯,他很老實說,不是營多的錯,是我要飲食均衡...唉,都市人如果飲食均衡呢?就在上次的驗身報告後,我再去同一間印尼商店.不去還好,一去就看見Alicee跟另一個印尼男子的結婚相...我的心猶如跌落地的水晶球一樣...心碎了...印尼女子難求...
就在今天的中午,我含淚吃下最後一包原味的營多撈面...我已經瘦得很, 昔日的阿曼尼西褲都變成了大碼...各位網友,我不管你如何看待我辛辛苦苦打下的文章, 認真的思考或當潮文的看待也好...我只想講,我今天起不會再吃營多撈面了...
---佚名
《爆笑管家》金句與營多撈麵
| 「 | *將大吉嶺紅茶、藍山咖啡、玄米茶撈埋一齊，居然會有營Ｘ撈麵[8]嘅味道嘅？點可以攞《伙頭仔Ｘ布》[9]入面整嘅茶畀伊澄小姐飲㗎？ | 」 |
改圖
相關條目
註解
- ↑ 高登討論區：[營多撚]岩岩煮左包營多, 食完之後發現>3<，2009年8月11日。
- ↑ 高登討論區：[營多撚]仆街...食上癮，2009年8月16日。
- ↑ 高登討論區：講起營多麵我諗起以前細個既印傭姐姐
- ↑ 高登討論區：營多請收皮
- ↑ 高登討論區：呀……當我第一次知道要拍那個營多撈麵廣告的時候
- ↑ 高登討論區：感冒童通宵瘋狂進食營多撈麵暈倒
- ↑ 高登討論區：印尼對人類唯一貢獻就係營多撈麵
- ↑ 日語原文則指童星點心麵，香港同樣有售。
- ↑ 《OH!MYコンブ》，港譯《伙頭仔昆布》。
外部連結
網站
討論區
- 高登討論區
- 在高登討論區鍵入「營多」的搜尋結果
- [營多撚]岩岩煮左包營多, 食完之後發現@_@，2009年8月11日。
- [營多撚]仆街...食上癮，2009年8月16日。
- 認真...點解呢兩日營多會咁hit?，2009年8月22日。
- [營多撚] 邊隻方為正宗, 集思廣益俾大家知，2009年8月23日。
- [營多] 求救!!我大量入貨..但懷疑入錯貨，2009年8月23日。
- 點解我包營多唔同你地果包，2009年8月23日。
- 惡搞作品
- 高登討論區：[改圖組]係時候預備整番套營多Icon，2009年8月22日。
- 高登討論區：感冒童通宵瘋狂進食營多撈麵暈倒，2009年8月23日。
- 高登討論區：藝人除子珊通宵瘋狂進食營多撈麵暈倒，2009年8月23日。
- 高登討論區：[營多撚] 究竟乜野係營多???，2009年8月23日。
網誌
- MO’s notebook 3 to 4：營多撈麵，2009年8月25日。
