香港網絡大典
註冊
Advertisement

其實最近改了編輯意向

以往每起一個條目,都想盡量完美化「他」,但結果卻令別人插針不入,成了我一家之言,其實這樣不是好事。另外,亦令到我的產量大幅下降,有時一週只有一個條目誕生,有些想寫的,也因時機過去了,也因意慾失去了,結果沒有開始。

所以以後,我會先開條目,寫一些值得發展的要點,讓其他人加入編寫,使我的產量增加之餘,條目亦不會變得死版。

就是我的新試驗條目。--Ydog 2010年9月30日 (四) 09:53 (UTC)

來緊會寫Big4

張敬軒重燃我的火

我敢說,如果沒有我編輯張敬軒條目時,重提「串過碼頭咕喱」事件,高登不會有巴打再留意此舊事,用來和家姐潮文玩fusion,那更不會被記者留意而推上報[1],張敬軒還要跑出來澄清。原來一個小條目影響力量那麼大,呵呵...我會繼續加油的。

應該是「重燃」吧? --鄭留言) 2014年11月18日 (日) 07:53pm (TPE)

謝謝,錯了那麼久都沒留意:p 不過提醒一下,用戶頁只作只我申述用,一般只有有關用戶才可改動。 --Ydog留言) 2014年11月19日 (三) 03:31 (UTC)

抱歉!我看到其他人編輯我就跟著編輯了,我不知道規矩。 下次不會了!_ --鄭留言) 2014年11月19日 (日) 01:37pm (TPE)

網典的歪風

現在網典有一種很奇怪的現象,一些雞毛蒜皮的公眾小人物,網絡上他們根本沒多少足跡,有些編輯者就急著為他們起條目(但只抄襲維基百科資料);相反,有些天天見面的電視劇藝員,或有重大影響力,事跡繁多的公眾人物,他們在網典竟然沒有條目。

就以四大天王來說,就只有兩個有條目(張學友劉德華),兩個沒有(黎明郭富城)。而寫得像樣的,就只有張學友一條。

我希望盡一點力量,去對以上人選建立一些條目。最近寫了林峯馬德鐘黃宗澤等,發掘之下,原來他們有些網上事,是我以前聞所未聞的呢!希望有人和我分享這些樂趣。 --Ydog 2009年12月5日 (六) 12:39 (UTC)

集體回憶

小時聽過很多藝人傳聞,軼事。但華人社會,總是報喜不報憂。即使直到今天,到了網路時代,維基百科藝人條目,仍是只記記資料,事蹟欠奉。那些所謂的歌迷,影迷,有一點不利他們偶像的文獻,就要撲出來,誓要把記錄的人咬得粉碎。

結果,每一個條目,只是一堆數據,數年後,這些所謂偶像,只留下一個模糊的面孔,人們對他,不再認識,更談不上津津樂道。

我在網典,起初是為了記錄Yahoo!知識+的大小事,但發覺這也是一個記下大家集體回憶的好地方。

其實以下事件,也想記一下,不過不知如何動筆,又應怎樣動筆:

  • 三嫂被李氏力場教訓事件
  • 「何猶霆鋒」身世之
  • 黃金發餓身嘗糞傳聞...

還有很多...很多...

暗星/明星

我發覺寫暗星原來比寫明星易好多... --Ydog 2009年9月13日 (日) 16:53 (UTC)

棒棒堂系列

有關棒棒堂的一系列條目,總算完工... --Ydog 2009年7月31日 (五) 05:19 (UTC)

藝人條目

寫一些藝人條目還真不是普通的累,最要命的是,一直在唱獨腳戲,完全沒有人幫忙。 料很難搵,寫網典要有證據,但很多討論區不會留舊文,高登算比較好,但能搜尋的文章也只早至2005年,再早的就要靠google碰運氣。

四大天王條目終於完工。 --Ydog 2009年12月30日 (三) 14:19 (UTC)

其他宏大目標

想寫多o的國家香港大專院校,與香港中學的條目

其實王人星展銀行等中學自古以來都很多討論,但涉足入去又怕難以收科...

崔建邦

崔建邦和他的打「中巴」事件也總算完工了。老實說,我對寫此人興建真的不大,但不把握時間,很多資料又會流失,網典上的巴打似乎又沒人想寫般,奈何!我仲有好多其他東西想寫呀,吼~! --Ydog 2009年12月26日 (六) 10:00 (UTC)

來緊的目標

網典有關電影人物頗少,將會先寫幾個大人物先:周潤發梁朝偉甄子丹,之後會寫Big4:張衛健蘇永康許志安梁漢文。 --Ydog 2010年2月10日 (三) 12:04 (UTC)

舊人物條目翻新

有些公眾人物因為太早在網上打響名堂,網典早有他們的條目,結果架構太舊,反而阻礙了近年大小事項的紀錄,我打算翻新一下。目標條目如下:

終於Update晒我一手寫下既條目既近況。 --Ydog 2011年6月6日 (一) 03:05 (UTC)

三個大project,今日全部開頭

增加條目數量,先由高登音樂開始

把一些高登音樂條目化,然後再編輯其他改編歌。 --Ydog 2011年10月20日 (四) 02:55 (UTC)

有點氣餒

香港正經歷一連串驚天動地的事件,但網典參與記錄的人,是那麼的少。有些寫手身在外地,對香港發生的事莫不關心,我不是說SOPA不重要,但這始終是香港網絡大典。另外網典規範了喜歡中出後不顧而去的人,結果「無得中出」,他們「連打飛機都不想幹了」。但這些規限又不是我定的。

寫別人不喜人家寫下的東西,記人家想你遺忘的事,就是我寫網典的樂趣所在。但只是一個人在幹的話,真的很累,力不從心。網典的內容,高質素至不斷上報,但維持這樣的高質,付出的代價也很大。

(不過我不會不寫的。) --Ydog 2012年3月2日 (五) 10:32 (UTC)

又是每年一度的樂壇分豬肉時候

又是要忙update樂壇新人蒸發實錄的時候! --Ydog留言) 2012年12月28日 (五) 04:30 (UTC)

今天最後的十大中文金曲也頒完了,任務完成。 --Ydog留言) 2013年1月20日 (日) 16:03 (UTC)
  • 2002年的報導開始在網上消失,要趕著為當年對現在還有影響力的劇集開條目。為保險,會做埋2003年的。 --Ydog留言) 2013年1月18日 (五) 20:24 (UTC)

中國地方

短期內會開設北京條目,廣州深圳在醞釀中。 --Ydog留言) 2013年2月1日 (五) 04:26 (UTC)

忙死人,暫停考古

先寫現實熱爆的東西:余若薇喪Do男靜心愛港[2]。 --Ydog留言) 2013年2月16日 (六) 09:10 (UTC)

大致完成,余若薇的...慢慢吧。 --Ydog留言) 2013年2月16日 (六) 17:52 (UTC)

2004年值得寫條目的劇集

血薦軒轅》、《大唐雙龍傳》、《青出於藍》、《陀槍師姐IV》,至今還有影響力,能寫多少寫多少吧。 --Ydog留言) 2013年2月16日 (六) 21:39 (UTC)

忽發奇想

我有點懷疑,Comeon小奧私陸。 --Ydog留言) 2013年5月2日 (四) 05:13 (UTC)

為什麼我這樣說呢,因為我發覺他有避嫌的情況。以Comeon事無巨細記錄的性格,他必定會註明某些資料,是來自小奧私陸的,但很多情況,他卻刻意不去提及,這有點不自然。 --Ydog留言) 2013年10月8日 (二) 05:42 (UTC)

見證大時代

好像只有我覺得,這段時間不宜疏於紀錄。還是,別人正在花時間幹實事?只有我特別閒?(笑) --Ydog留言) 2014年2月20日 (四) 14:57 (UTC)

我的確忙功課和工作,不過有看facebook,一份蘋果日報已經足以清楚發生的事。btw 其實你是不是甄生?:D--Catcat88留言) 2014年3月22日 (六) 10:02 (UTC)
哈哈,我知道你說那個,但我不是:p --Ydog留言) 2014年3月22日 (六) 13:33 (UTC)

小人之心

最近有來自他國的用戶,瘋狂開設一些考古,不是當前熱議的條目。其熱誠當然是可嘉的,但熱議的,特別是政治敏感的,他一定不會碰。他開設了條目,其他編輯者的精力就會去了替他完善,因為大家都不能坐視有缺陷的條目建立。結果,當前的政治爭議條目,反而疏於建立了。噢,這是我的小人之心嗎? --Ydog留言) 2014年5月16日 (五) 12:35 (UTC)

我理想的網典

很久沒留言,對於有聲音指獨裁,我不意外。以前曾玩online game做盟主,開初聲勢浩大,但很快死火。因為玩online game到最後,重要的都是分派利益,義字行頭不會行到尾。能管小不能管大,是我的缺點。

其實我理想的達到網典的狀態,是我失蹤了,仍可自行運作。但要達到這個狀態,不容易。有些網絡人,喜歡顯得自己很重要,離去一個網站後,立即荒廢,多年後回來,哈哈大笑:「看!沒了我真的不成!」我不追求這樣。網典能自我圓滿,讓我可抽身而去,最好。

另外我多次指出,有人管理網典時,多了一商業的考量。其實,拿一點商業甜頭,我覺得無可考非,網典不是要求聚集聖人。但問題是要公平,撰寫條目取向不要偏執。就是假惺惺,也應該裝公平。很久前蝦頭條目的開設,令我感到,某人天平已傾側。某人當時說,蝦頭應該要開了,我反問,老表孖寶為什麼不開?結果沒被理會,蝦頭沒什麼討論就開了,老表孖寶兩個今天只開了一個。這個結果和她們的注目度,應該不相同。

當時更是《萬千熄機賀台慶》如火如荼之時,眾志一心要殺CCTVB氣焰,但...蝦頭必須開了,為什麼?之後就開始了長時間的冰封淡出

我,只感到唏虛。好了,說完。 --Ydog留言) 2015年1月30日 (五) 08:04 (UTC)

孖Re迷親嘅偶像

似乎都無好收場,姚貝娜英年早,吳若希親人接連出事,佢可算係新一代地獄黑仔王。 --Ydog留言) 2015年4月16日 (四) 06:17 (UTC)

記錄要寫的東西

  • 變色裙[3]
  • 908蚊蒸肉餅[4]
  • 梁國雄facebook反對光復行動[5]
  • 羅范要洗教師腦[6][7][8]
  • 劉迺強吃史網站[9][10]
  • 新80後置業記[11][12][13]
  • 成功靠母幹,阿媽改嫁完機師夢[14]
  • 栢芝向太開拖
  • GEM出席《康熙來了》出醜[15][16],之後又得罪Jolin[17]
  • 689少爺小姐疑雲[18][19]
  • 染狗比賽爭議[20][21] - 應該要補圖
  • 翻抄Google Glass奪創新獎[22]
  • 魔法王後續,黃秋生批評louis yan, 另外louis要告人。

下週會編將軍澳深水埗兩個地區條目,希望得閒。 --Ydog留言) 2015年3月13日 (五) 10:16 (UTC)

真係忙到唔得閒寫...有D話題過左時限,再無討論,例如變色裙,應該唔會寫了。 --Ydog留言) 2015年3月20日 (五) 09:12 (UTC)

電影頒獎

新一屆金像獎頒獎典禮帶來的震盪很大,得獎者和競爭者如趙薇蔡卓妍王菀之曾江等都應該更新,等我:p --Ydog留言) 2015年4月21日 (二) 06:35 (UTC)

近來

網媒好似可以令網典緊貼各個事件,但,其實,有改圖出現既事件反而少左... --Ydog留言) 2015年5月14日 (四) 08:31 (UTC)

零碎

雨傘革命,大家為香港辛苦紀錄各項事情,頂住各種壓力,強國安插的勢力更小動作不斷,發放懲罰論警告。結果成為了一個系列性條目。雖未盡如人意,但總算無愧於時代。某人甚少參與之餘,今天來一個一槌定音:「零碎」。公平嗎?--Ydog留言) 2015年5月26日 (二) 10:17 (UTC)

龍小菌

龍小菌衰偷嘢,相信另一位行政員有排潛水。 --Ydog留言) 2015年6月12日 (五) 06:06 (UTC)

下,有咩關係?--盛品愛作戰/kelvin430碌咗個足金_猴入嚟) 2015年6月12日 (五) 06:35 (UTC)
據多年觀察,有D關係。 --Ydog留言) 2015年6月12日 (五) 07:11 (UTC)

政改袋唔住

今日主要忙各人物的個人言行收錄。 --Ydog留言) 2015年6月19日 (五) 03:41 (UTC)

何止立法會主席呢,網典主力的路,都是孤獨的。 --Ydog留言) 2015年6月26日 (五) 09:40 (UTC)

同性戀條目

其實,同性戀條目我想執好耐,今日趁機將會大執。 --Ydog留言) 2015年6月29日 (一) 04:00 (UTC)

蠢蠢欲動

最近一些新面孔,令我感到,一些勢力又再部署插手網典了。--Ydog留言) 2015年7月23日 (四) 09:19 (UTC)

甚有同感。--Fatki留言) 2015年8月3日 (一) 04:32 (UTC)

兩日無上來

個最近更新要set個limit去到1,000,先可以睇得晒呢兩日所有變動! --Ydog留言) 2015年8月3日 (一) 03:46 (UTC)

超多野記

100毛報導咁多搞鬼野,畀我抖下得唔得呀(喊)[23][24][25] --Ydog留言) 2015年9月24日 (四) 09:36 (UTC)

講真

我好厭惡起TBB電視劇條目,但D人自己睇,仲靠入面既野二次創作搵人賞識,但又旨意唔睇既去起... --Ydog留言) 2015年11月11日 (三) 10:13 (UTC)

網民熱話

其實我認為既網民熱話,係唔係好多人觀點唔同?TSA嘈到拆天,唔通唔比咩野司徒夾帶粉默登場重要?係既,網典多數人都未有子女... --Ydog留言) 2015年11月30日 (一) 09:27 (UTC)

聖誕節條目終於完工

其實一直想起聖誕節條目,但因為牽涉多年來龐大既網絡文化,一直覺得工程浩大,唔敢動筆。終於今年,趁假期完成左啦。內容未必盡如人意,但應該仲可以既。 --Ydog留言) 2015年12月27日 (日) 08:36 (UTC)

如果當日...

是按受注目程度為老表孖寶開設條目,而唔會按某人堅持:「蝦頭必需開條目了...」以下事件今日應該會被收錄。今時今日,蝦頭根本無野好寫,其實一直都無野好寫。世事如棋... --Ydog留言) 2015年12月31日 (四) 08:31 (UTC)

呵呵,我預計

某人又會因驚恐,不碰某條目一段時間。之後會否因自己沒有參與,批鬥其零碎,要抹殺一眾冒險記實的努力呢?大家不得而知了,呵呵。驚咁多,當日何必公開自己真正身份呢?巧威威戴頭盔... --Ydog留言) 2016年1月5日 (二) 15:53 (UTC) 

累,真累

話題排山倒海,最恐怖係,分獎典禮同一帶一路將會結合出擊... --Ydog留言) 2016年1月15日 (五) 09:50 (UTC)


致林日A公開信

首先,我不認為你會看到,不過局勢使然,不吐不快。我認為你是一位做大事的人,很多小動作,應該不是出於你的本意。你的媒體,為保護點撃率,短片不容許外連,這點我很明白。而網典方針,其實為User friendly而收錄,不能在網典上播放的短片,勢必減少其收錄的機率。其實大家各有各做,我亦不認為你的媒體希罕網典帶過去的人流。

帶來問題是,你的人脈網絡,被網典一要員垂涎了。他一直空有一身二創改詞的本領,很想被巨頭賞識,「受佢玩」。之前邵子風,現在你。其實這也是你和他的問題,我本不過問。

但網典講求內容平衡,各方兼備;他為了搏取你的「眼球」,顯示他「做到野」,大幅只收錄貴媒體的內容,而無視其他題材。這是令人,主要是我,不滿的。

另外,你們是否合作,我不過問,但有點建言。一,他太愛出名,其實引起風波都已經有好幾次,最大一次應是窮飛龍風波,當時收錄是有問題的,他不斷斥窮飛龍變質,引起其反彈,這是不冷靜之餘,有失公允。不過這點,我相信你能控制。

但二,他很怕死。因為他一早用自己真名在網上打滾,因此,遇到什麼風頭火勢,會即閃。你媒體前排被左報針對,他如在陣中,會否和你們共同面對呢?這是你要重要考慮的事。

他的二創才華,是肯定的,我也希望你能接受他「埋堆」。因為他心不息,只會找另一個邵子風,林日A,網典仍不可能free of trouble。網典,只希望能公允記事,為香港作一個貢獻。希望林腦細明白。--Ydog留言) 2016年1月22日 (五) 09:23 (UTC)

革命再起

當日不敢碰雨傘,今日又點敢碰魚蛋呢。講來講去,好易好易,點解唔郁手呢?唉,多數都係要我起... --Ydog留言) 2016年2月9日 (二) 17:57 (UTC)

「收工」前一句,又FF,如果條目叫「XX事件」,相信會加對手埋來編輯;但而家叫魚蛋革命,革命喎,激嬲X共架,相信又會係我單機網典,唉... 唔通我唔驚畀人嬲豬既?好啦,瞓。 --Ydog留言) 2016年2月10日 (三) 19:32 (UTC)

本想開設網典fb專頁

想先開個空殼yahoo account,再開空殼fb,再用來開專頁,撇脫同現實生活中關係。原來開個yahoo mail account都要電話認證,我又唔似人哋咁,咁想人知我係邊個,點算好呢... --Ydog留言) 2016年2月23日 (二) 07:43 (UTC)

開Gmail account?雖然申請時會有電話一欄,但應該可以唔填--Sws124留言) 2016年2月24日 (三) 11:33 (UTC)
遲下先,太多野煩。有行政員話網典應該有fb專頁,其實想下都係,有D資料可能要係fb溝通向有關網民攞permit轉載,另外又可以宣傳一下新內容。其實係fb做公關工作,的確比係網典社區頁做來得好既。 --Ydog留言) 2016年2月24日 (三) 11:55 (UTC) 

哈哈

孖Re過咗一棟,我個fb account被捉咗去坐洗頭艇。 --Ydog留言) 2016年3月30日 (三) 07:22 (UTC)

2016年香港金像獎

得獎者名氣小一點,網上互動一向少,典禮亦run得smooth,無咩甩漏。所以要記既野比上年少好多,我亦輕鬆好多。不過正因為咁,要為香港電影金像獎頒獎典禮起條目既迫切性,又遲一年啦。其實,咁講的話,商台叱吒又何嘗唔係需要條目? --Ydog留言) 2016年4月4日 (一) 09:38 (UTC)

因為長發風波,想寫青衣條目;另外亦想寫劉青雲條目,記住數先。 --Ydog留言) 2016年4月5日 (二) 09:54 (UTC)

暫時唔好再叫我同wikia交涉

日日聽689果D依法施政既鬼話,已經夠煩;唔想去果度又聽同類既人講同類既話。 --Ydog留言) 2016年4月6日 (三) 16:57 (UTC)

好了,收拾心情,唔好理D簡體人。 --Ydog留言) 2016年4月7日 (四) 03:20 (UTC)

死啦,個虛構維基太過癮

搞到我無乜心機寫網典添,點算XXXXXXD --Ydog留言) 2016年4月8日 (五) 11:25 (UTC)

網典fb核心

其實加入咗,先發現一D可笑嘢。以前只係猜測人家編輯好惡,現在得以證實。幾有趣的。最欣賞,是其不為所動的「決心」。 --Ydog留言) 2016年5月11日 (三) 09:35 (UTC)

台慶不似預期

架構數月,無歌功頌德之事可寫...腦細會唔會不滿架? --Ydog留言) 2016年5月12日 (四) 06:22 (UTC)

將fuck肛

有人開了頭,但基本上都係我寫晒。是信靠我能力,覺得我寫得最好;是無興趣,又或者係巧京京呢?講真,有點不是味兒。自己努力既,到底係唔係社會需要既呢? --Ydog留言) 2016年5月19日 (四) 17:37 (UTC)

原來我的大日子已過

我沒留意,我的編輯數原來已超100,000之數。 --Ydog留言) 2016年5月20日 (五) 04:39 (UTC)

班人加國籍真係搞到我

有無想過牽連有幾大?最慘係有admin起哄,仲搞D咩野英屬香港國籍呢D易引起爭拗既野,之後拍拍屁股去「架構」又唔理,都唔知點收科。最好笑係,北韓,以色列,德國無人用既就去起模辦,馬來西亞新加坡呢D大把人用既就無人理。唉,總之煩到我去抆屎啦。好怕D「政治正確」人。 --Ydog留言) 2016年5月27日 (五) 07:00 (UTC)

EVCHK Secrets

網典Secrets page已建立,有興趣的可以去看看。 --Ydog留言) 2016年5月28日 (六) 07:33 (UTC)

解釋一下個人加ref方針

一般是條目本人發出的留言,我會加ref,但如果是來自其他人的,我就會加link,這樣避免太多不關事的ref 在參考出現。 --Ydog留言) 2016年6月3日 (五) 05:35 (UTC)

人望高處係好

正當我十年如一日,想寫好網典之時,人家早已蛻變了,諗頭多多。想林日A睇起?Out了,原來要食政治飯呢!不過八足咁多爪,邊範做得好?網典管得出色,我想大把人欣賞能力吧。不過,人各有志,算了。但一上fb,見有人左like右like,左右開弓留言,原來好多話題佢係知,但就係拒絕動筆。有時,真係火。都係果句,人各有志,算了。 --Ydog留言) 2016年6月9日 (四) 07:13 (UTC)

不過,幾唔想都好,青年新政logo抄襲爭議,我短期內動筆。 --Ydog留言) 2016年6月9日 (四) 07:15 (UTC)
另外終於有時間寫返一D 小眾D既野。 --Ydog留言) 2016年6月9日 (四) 08:27 (UTC)
搞錯咗,青年新政logo無問題,係香港眾志先啱。 --Ydog留言) 2016年6月9日 (四) 15:30 (UTC)

我成日打「報導」畀人改

但typing suggestion又真係有...仲排第一...

--Ydog留言) 2016年6月10日 (五) 09:37 (UTC)

都係想統一姐,無綫新聞now TV均用「報道」,因為有說「導」有「引導」之意,「道」較中性。另外type suggestion以我理解偏向台灣用法,不過通常呢啲都係無對與錯,只係求「通篇統一」而已。--Fatki留言) 2016年6月10日 (五) 13:11 (UTC)
呵呵,有時順手,很難改變。 --Ydog留言) 2016年6月10日 (五) 13:49 (UTC)

創作故事

狗仔:我都對政治有興趣,大哥受埋我玩
清蒸:受你玩你有咩特長先?
狗仔:我係大典admin
清蒸:好啦,好好運用你既特長
...
清蒸:點解大典近來有野寫衰我地!
狗仔:咁大典唔止一個admin,有個懶公正,收錄所有政黨黑材料,唔止清蒸,佢又好得閒,日日係度寫野,我阻唔到.我都盡力寫好黨,近來仲只寫黨,其他野我碰都唔碰...
清蒸:我地受你玩,都係希望有個渠道唱好黨,你而家話做唔到?咁要你來做咩!
狗仔:唔通,今次...我又埋唔到週?一日都係發叔!

以上故事純屬創作。 --Ydog留言) 2016年6月11日 (六) 17:21 (UTC)

煩死

fb account又被停用,今次我覺得係畀自己人搞。 --Ydog留言) 2016年6月13日 (一) 07:12 (UTC)

其實個專頁都谷唔起,我都係暫停一排。 --Ydog留言) 2016年6月13日 (一) 07:13 (UTC)
披露政黨19是會遇上這些事,我現實中也遇過這類人。 --Ydog留言) 2016年6月13日 (一) 07:26 (UTC)
講多句,如果有人今日投青政,可以玩河蟹,聽日投咗共,咁網典咪可以玩完?係如果。 --Ydog留言) 2016年6月13日 (一) 09:41 (UTC)
發生咩事?--盛品愛作戰/kelvin430碌咗個足金_猴入嚟) 2016年6月13日 (一) 14:38 (UTC)
不能明言,有人本事小,但心頭高。算了,不與他爭。守好這裡方寸地好了。 --Ydog留言) 2016年6月13日 (一) 16:30 (UTC)
Ydog 明明仲活躍過我,但我都冇被人ban…… BTW 有嘢想post可以畀我,我幫手post,其實你唔使入group都得——講笑啫,我梗係唔會幫手啦,都唔啱規矩,雖則冇人判斷到個post係我寫定你寫,所以就算我幫咗都冇人知,但你見我用真名上facebook,就知我行得正企得正啦。--Sws124留言) 2016年6月13日 (一) 17:45 (UTC)
admin判斷到係你寫XXXXXXXD --Ydog留言) 2016年6月14日 (二) 03:06 (UTC)

對,我走歪路,sosad。 --Ydog留言) 2016年6月13日 (一) 17:56 (UTC)

透露少少,今次唔係真唔真名既問題,係fb一口咬定我開分身。估計有人將對話send去投訴,我當然會係admin之間對話講我分身名係xxx。總之好多野,萬萬想不到。--Ydog留言) 2016年6月13日 (一) 18:08 (UTC)
算了,為解大家疑問先講呢D,之後絕口不提。 --Ydog留言) 2016年6月13日 (一) 18:08 (UTC)

見曾鈺成咁鍾意出燈謎

我又出一個:

天賜青辰-澳硝

射兩人 --Ydog留言) 2016年6月15日 (三) 04:23 (UTC)

清蒸大動亂

醫生出走,或者賜官去選呢! --Ydog留言) 2016年6月17日 (五) 04:00 (UTC)

清蒸的負面事件,IT賜不可能主動去記,唉,又係我來啦。 --Ydog留言) 2016年6月19日 (日) 15:16 (UTC)

超負荷了

如題。 --Ydog留言) 2016年6月20日 (一) 17:07 (UTC)

抖咗一晚,總算消化完了。都要有賴今朝早無咩大事發生。 --Ydog留言) 2016年6月21日 (二) 07:29 (UTC)

其實有D軟性嘢想寫

烏坎事件批評香港網媒影響,應唔應該寫?石永泰爆seed,批三代律政師,今日又講廢青,應唔應該寫?我認為係應該既.但大事又係我寫,銅鑼灣書店Lancôme、時昌迷係倉大火,幾線齊飛要update。有時真係顧唔到呢D無咁急既枝節。主要都係,「青蒸翅」心頭高,完全唔願貢獻網典(但想利用),唉。 --Ydog留言) 2016年6月23日 (四) 09:57 (UTC)

唔需要話好急住追進度,而有啲topic其實要事後搵料亦不算太難。--Fatki留言) 2016年6月23日 (四) 13:43 (UTC)

成日有人要求私下密我

我咁講啦,網典係咁分工既.一切默默耕耘,點解架構條目,編輯,發展網典,搵我就啱.但呢D野,事無不可對人言,應該可以公開發表,係我討論版留言可以了.

一切攞威,攞光環,點樣用網典係出面圍威維,又或者做外交,參與下Wikia要員會議,蜚聲國際.總之一切聽落威威既野,搵Tcshek啦,佢會好樂意奉陪你.

我只係一個隱姓埋名,為香港出一分力的人,不求聞達於諸侯,OK? 出位既野後生仔渴求D,薯伯伯一事披露左一樣野,我老了. --Ydog留言) 2016年7月3日 (日) 08:03 (UTC)

近幾日突然有事忙

搞到幾個話題一直開唔到波:

  • 海灘垃圾潮
  • 裂車風雲
  • 廉署準一姐劈炮

今日又來一個公民袋全餐式投票。希望聽日清晒佢啦。 --Ydog留言) 2016年7月8日 (五) 20:31 (UTC)

私務纏身,可能只能現身一下維持秩序,希望盡快解決。 --Ydog留言) 2016年7月11日 (一) 09:54 (UTC)

好諷刺

--Ydog留言) 2016年8月10日 (三) 09:01 (UTC)

被行政員視為眼中釘既Secret Page講咗呢件事。[26] --Ydog留言) 2016年8月10日 (三) 09:08 (UTC)

奧運條目

今晚清埋李慧詩果節;小泉閉幕式扮馬里奧寫唔寫呢?多數唔寫。 --Ydog留言) 2016年8月23日 (二) 10:19 (UTC)

李慧詩一段好難寫,討論多,沒焦點,且資料已流失了。為了替條目畫上句號,總算完成,盡力了。--Ydog留言) 2016年8月23日 (二) 17:08 (UTC)

個post接觸率

嚇壞人,犀利過上次要求討探輔仁本土決裂之謎果個好多好多倍.... 

--Ydog留言) 2016年12月3日 (六) 04:24 (UTC)

我諗中到啲key word 同hit topic已經可以差好遠。--Fatki留言) 2016年12月3日 (六) 07:26 (UTC)
原因係有個大page share咗post. --Ydog留言) 2016年12月3日 (六) 07:32 (UTC)
咁就真係差好遠啦。--Fatki留言) 2016年12月3日 (六) 07:36 (UTC)

終於到了這一步

Secrets Page的likes數超前了網典fb page的like數。

記得以前歪狗仔我,但被某小學的IT專家批評,說我完全沒有搞fb page的經驗,鐵定失敗。得出今天的結果,真是很有龜兔賽跑,烏龜終於獲勝的感覺。

原來比起經驗,有無心去經營更為重要。沒有頂著網典的光環,一個寂寂無名的Secrets page,走到這一步,很不容易,也證明了,我的一套的確是可行,起碼比起什麼專家來說。 

各位,有緣再會。 --Ydog留言) 2016年12月9日 (五) 06:45 (UTC)

言盡

澳洲幫聯手?
簡體人擺佈?
其實已不重要.

我已提拔3人, 在有亂子時可對某人撲殺, 是我以Ydog身份為網典, 為香港做的最後一件事.

各位保重.

Ydog
生於2007年7月2日
卒於2016年12月22日

--Ydog留言) 2016年12月22日 (四) 03:55 (UTC)

Advertisement