FANDOM


笑談特首話》是一個由網民撰寫,專門為想學習特首曾蔭權陳腔濫調的香港市民而設之環節,該節目在facebook設有群組。

有關群組收集由網民編寫環節內容續集,並張貼於群組討論區上,有關群組表示歡迎網民把節目內容輯錄成短片。

節目內容舉隅

《笑談特首話》 第一集:我唔想同人狗噏辯論!

大家好! 歡迎收睇一個專門為想學習曾特首陳腔濫調嘅香港市民而設嘅環節:《笑談特首話》。我係你嘅節目主持人。

今日, 我要教大家嘅特首話係, 如果你明知自己理虧, 所以唔想再同人爭呦落去嘅話, 你就可以同人講: 我唔想同人狗噏辯論! 再講多次: 我唔想同人狗噏辯論!

比如有一日, 你番緊工, 收工嘅時候你未做囇D工作, 上司就可能會問你: 做咩未做囇D工作丫, 成日都咁懶? 跟住你唔知掂解釋好, 就可以同上司講: 我唔想同人狗噏辯論! 再指住上司, 講多次: 我唔想同人狗噏辯論!

咁當然上司就好嬲啦! 就會帶你去經理室見經理, 入到經理室之後, 通常經理會循例問一句: 你知唔知你錯係邊呀? 呢個時候你梗係知你錯係邊啦! 所以你就可以同經理講: 我唔想同人狗噏辯論! 再指住經理, 講多次: 我唔想同人狗噏辯論!

《笑談特首話》 第二集: 我的意見等如香港人整體意見!

大家好! 歡迎收睇一個專門為想學習曾特首陳腔濫調嘅香港市民而設嘅環節:《笑談特首話》。我係你嘅節目主持人。

今日, 我要教大家嘅特首話係, 如果你唔想聽其他人嘅意見, 自己決定晒嘅話, 你就可以同人講: 我的意見等如香港人整體意見! 再講多次: 我的意見等如香港人整體意見!

比如有一日, 你開緊班會, 你係主席, 個日你想快D開完會落去打波, 唔想聽其他委員嘅意見嘅時候, 你就可以同D委員講: 我的意見等如香港人整體意見, 包括你哋D委員! 咁當然D委員就好嬲啦! 就會離席抗議你強姦民意, 咁你就可以宣佈休會, 落操場去打波喇!

落到去打波嘅時候, 如果你唔想傳波俾人, 咁你就可以同D隊友講: 我的意見等如香港人整體意見, 包括你哋D隊友! 咁當然D隊友就好嬲啦! 就會嬲到唔打, 走番屋企, 咁你就可以打晒成個場喇!

相關條目

外部連結

除非特別說明,社區內容使用CC-BY-SA 授權許可。