香港網絡大典

特色條目、特色圖片正在進行候選提名及投票,獲選的將會於網典首頁中展示,歡迎大家參與!

了解更多

香港網絡大典
Advertisement
香港網絡大典

義載俠,一名駕駛藍田觀塘線的小巴司機,真實姓名為廖祖恩,63歲,人稱「老廖」。老廖對長者乘搭他駕駛的小巴,一律免收車資,他的善行為網民Hugo所留意。Hugo大感驚奇,並將情節上載facebook,形容情節足以拍攝勵志電視節目《霎時感動》。善舉在fb多個群組流傳,逾3.3萬網民讚好,更於2012年12月6日在各大報章上報

其後老廖接受主場新聞訪問時,被封為「義載俠」。

視頻


Facebook流傳內容

Hugo在Facebook的文章如下:[1]

今日搭由藍田到觀塘嘅小巴﹐遇到一個與眾不同嘅司機。

以往我對小巴司機嘅印象﹐都係惡死﹑無禮貌﹐淨係識叫你「俾左錢先呀!」同OO(一個動詞一個助語詞﹐自己填。)啲唔記得左嗌「有落」嘅呀伯師奶毒男。我自己都受過好多唔禮貌嘅待遇。

但今次﹐我目睹一件足以做一集《霎時感動》嘅事。我上車冇耐﹐一個伯伯喺下個站落車﹐拐下拐下咁正想到司機位俾錢﹐司機揮一揮手︰「得啦阿伯﹐唔駛俾啦。」伯伯呆一呆﹐冇問啲咩就落左車。

我開頭以為呢個阿伯係一早俾左錢又唔記得左﹐但之後再有兩個老人家落車時﹐個司機又再次揮揮手︰「唔駛啦阿婆﹐落車啦。」阿婆︰「咁得意?」司機答︰「係呀﹐好得意架!」之後露出左個好得戚嘅笑容。

如果成日搭小巴﹐都應該會明白︰小巴佬會對住你笑﹐即係等如石堅認錯!

而佢之後講果句更加令我震驚︰

「80歲坐我車﹐都唔收錢架!」

我望住佢﹐生平第一次﹐發現坐喺司機位嘅係一個有名有姓﹑有血有肉嘅人﹐而唔再只係一個負責運送乘客嘅社會角色。

佢睇落都不過係一個五十幾歲嘅發褔中年人﹐居然敬老到如此地步!

落車時我忍唔住問左佢一句︰「個個80歲你都唔收佢錢架?」佢一聽到﹐又露出一個自豪得黎好慈祥嘅笑容︰「時不時啦﹐幾十歲都費事收佢地錢。」

我真心咁讚左佢一句︰「你真好人。」

臨落車前我望左佢張證一眼﹐呢位咁與眾不同嘅司機﹐有個好「法海無邊」嘅名字︰摩祖思。 ( X摩祖師?!)[2]

落左車﹐等緊過班馬線果陣﹐呢架小巴再次經過我面前﹐呢位摩大哥居然又特登同我揮手講拜拜。

如果大家下次搭呢架藍田<=>觀塘小巴﹐咁啱撞到呢位(?)摩祖思大哥﹐不妨俾隻手指公佢﹐鼓勵香港多啲呢啲好人好事啦。

註解

  1. Facebook相片:今日搭由藍田到觀塘嘅小巴﹐遇到一個與眾不同嘅司機。,2012年12月3日
  2. Hugo看錯了廖祖恩的名為「摩祖思」

外部連結

編寫途中 義載俠是一個小作品。你可以通過編輯或修訂擴充其內容。

Advertisement