莊思敏(Jacquelin Chong),香港模特兒、演員、主持,馬來西亞出生,父親莊寶為馬來西亞拿督,孿生妹妹是TVB前港姐莊思明,現為處境劇《愛·回家》演員。

早年事件

與胡定欣爭仔風波

早在2006年胡定欣與吳浩康分手之時,已有傳起因為莊思敏介入導致。其後吳莊亦走在一起,成為一對。

恐嚇強姦事件

在2007年12月,有傳媒收到署名「胡定欣密友」的匿名電郵,內容指有人因不忿吳浩康與新歡莊思敏拍拖,警告要找人強姦莊思敏,更「叮囑」獵物要小心人身安全。而莊思敏亦表示認識吳浩康以來一直受到電話騷擾。而胡定欣則呼冤說自己被人整蠱,以她的名義惡作劇。[3]

電梯受辱罵事件

在「恐嚇強姦事件」發生大半年後,本以為一切都已淡化之際,又於2008年10月2日爆出「莊思敏電梯受辱罵事件」。莊思敏表示進入TVB替主持收費台兩個節目之時,與胡定欣狹路相逢,她遭人於電梯內辱罵「你都係著我舊鞋咋,八婆!」胡定欣不甘被屈反擊有人「博見報」。胡定欣的經理人亦揚言,既然辱罵事件是在電視城發生,對方可以詳細講出時間及發生的地點,好翻查電視城錄影帶力證胡定欣清白。[4]莊思敏聞言卻說自己「唔記得咁多。」[5]

網誌最後一撃

10月中,正當大眾以為事件告一段落之際,莊思敏突然又在個人的Yahoo! Blog中開火,指胡定欣借舊愛博宣傳,結果惹來胡定欣的粉絲圍攻,更慘遭粗言穢語大罵。莊思敏其後把該篇網誌刪去,並感嘆攻擊她的網民是不了解事情真相。胡定欣則以「希望有些人不要再做小動作」來終結此次鬧劇。[6]

亦有網民把當時莊思敏刪除的網誌和網民回應記錄下來:[7]


你地知幾多?

件事係點無人比我更清楚。你哋會知內情咩??我由一開始就被玩你哋會知咩...?? 佢提出咗分手(個message我都睇過),但唔肯公開分手,幾個月後帶埋蛋糕同記者去探班,將第3者之名硬加到我身上,將自己變成受害者,係邊個有心做場戲呃人?? 如果我要博宣傳一早可以踢爆佢,當時佢嘅message仲係度。我肯定佢哋分開咗我哋之後先一齊咁又何來搶人男朋友??? 之後我承受住大量嘅騷擾...點解我唔一早公開?? 出現告密信後點解佢唔話我作新聞?? 係怕我會公開所有message 定係怕背叛佢嘅人會出嚟指証佢??? 到今次係佢地方發生可以肯定我唔會有証據....所以話我博宣傳推翻哂之前嘅行為?? 我要博宣傳唔使用d 咁嘅方法,點解我唔一開始自組公司揾最強嘅班底開戲俾自己,同d 有錢仔行街睇戲,買毫宅....d d 唔係簡單d 咩...點解要選擇一條會俾人話嘅方法! 我一開始唔公開所有嘢只求今日留一線日後好相見,希望佢快d玩厭,更唔想影响佢而家段新嘅感情!

我承認我今次有錯..唔應該係傳媒問我有無d 件事時答有...如果答無佢哋只可話聽聞...當時我只覺得係事實無必要否認...估唔到對方竟然睜大眼講大話...演員果然唔同d!! 其實事件真相係點我相信對你哋嘅生活無影响,唔係要你地支持我只係想你哋唔好再係別人嘅傷口上洒鹽! 多謝!



網民回應:

  • 「我諗你真係思覺失調,胡小姐從來都冇講過你係第三姐(者)喎,係你自己爆出黎,慌死冇人知你搶走人的野。」
  • 「我係你就搵"lon"(窿)捐喇,全世界都知你係到講大話,你都仲係到兜???」

  • 「你唔好做埋晒的咁折墮既野啦!!! 你有證據就扲(拎)出黎啦,講咁多廢話做咩呀? 你唔係死度爛度先度的咁既橋咩,如果有證據你仲唔一早扲晒出黎?? 收埋等獻世咩?? 你搞少一日是非都唔安落啦!!!」
  • 「日後好相見??? 我諗真係冇咩人好想日後見到你lor..........唔知你亞媽點面對你呢個女呢? 佢塊面唔知擺去邊呢??」
  • 「係人地傷口洒鹽,仲要洒三次個個係你呀!!!!」
  • 「你可以delete晒的留言架,我一定會周圍post!!!」

雜誌亦有把當時被刪網誌內容Cap圖:[8]


網民反應

當時網民反應基本上是一面倒支持胡定欣[9][10],更有網民恥笑莊思敏不斷刪除Blog中留言。[11]但報章雜誌則可能因為莊思敏有家底的關係,立場比較傾向她,更不停報導胡定欣「Dry爆」等負面消息。[12]而不少網民亦認為吳浩康這樣曾有濫藥藏毒前科的男子有什麼好,值得兩女如此爭來爭去。

公開隆胸

2010年8月,莊思敏公開承認隆胸及割雙眼皮,其上圍由A級上升至C級。[13]莊思敏是少數公開承認隆胸的藝人,令她成一時網絡話題。多年後當網民不滿其言論時,就會人身攻擊她「假波」來洩憤。[14]

2012年事件

撐卓韻芝穿皮草

2012年3月,卓韻芝上載一張身穿皮草的照片微博,而被網民炮轟。而莊思敏竟在公開訪問中力撐對方,她說:「那是觀點與角度問題,現在製皮草的動物都是飼養的,等於大家養雞、鴨、鵝和豬供人吃一樣,單單反對皮草令人費解,況且皮手袋、皮褸、皮銀包都需要殺動物,為甚麼不反對皮革。(日後行騷會否照穿皮草?)不會特別抗拒。(會否擔心被反對皮草分子潑油漆?)那我便要對方賠償,他們其實可以用溫和方法表達意見,但不可破壞人家的東西,其實大陸人吃貓或狗更殘忍。」[15]

不少網民痛斥她為八婆,又指她與卓韻芝物以類聚,有網民指她明顯不了解皮草製作過程的不人道。[16]又有網民笑稱「原來假大波都係冇腦」。[17]

《爆足一周》柒爆

查小欣在2012年離開商台後與無綫合作,主持節目《爆足一周》,莊思敏在主持陣容之內。可惜首播就惹來14個投訴,收視更不斷下挫。

在2012年10月底第四集播出之前,莊思敏在微博上說「今晚10點#爆足一週#。。。保証你,今晚有嘢爆,唔睇就後悔嘞。。」[18]最終,在第四集的尾聲,查小欣親自宣布會虛心聆聽觀眾意見,徹底檢討,調整節目內容,在2013年初再與大家見面,即變相宣布節目遭即時腰斬。另外,有網民更指節目結束後,莊思敏在「熄咪」後口型像在問:「係咪即係腰斬呀?」

結果她此事前後的舉動被網民恥笑「柒爆」。[19]

2013年事件

地震期間挑機

2013年4月20日,中國四川省雅安市發生大地震。莊思敏在地震翌日,於微博張貼了一張試穿新鞋的照片,立即被強國糞青攻擊:「地震你表示了嗎?還真有樂趣」。誰知身為大馬拿督女兒的她,完全不賣「中國人」、「國內龐大市場」的帳,奮起反擊:「我捐錢要跟你交代嗎?」那位糞青網民繼續回敬:「不是要交待,最起碼你也要一點社會責任感。」莊思敏立即火起:「責任是要每天提醒大家活在當下、多做善事嗎?要每天告訴你地球有多少災難嗎?做了善事,自己知就夠了,要賣廣告嗎?你喜歡的只是偽人...」[20]

結果那位插莊思敏的網民爆粗潛水。莊思敏其後張貼最後心跡:「我需要每天提醒大家有多少天災人禍嗎?我需要每天提你活在當下嗎?我需要告訴你我做了什麼好事嗎?我需要將每次捐款收據上傳嗎?我只認為為所有災難受傷者默默祈福,盡力捐助就可以了吧。」[21]

不少香港網民都盛讚她做得好,表示即使平時討厭她,這次也對她改觀。[22]

2014年事件

高調反佔中

莊思敏在佔領中環活動醞釀期間,已經高調在反對陣營之列。2014年7月,她在各社交網站貼出「反佔中」宣傳單張,留言:「和平爭取。」惹來大批網民瘋狂罵爆。她逐一回應:「點解唔想和平爭取?暴力最後傷害到市民。」、「和平有問題嗎?」、「暴力最後市民受害」、「你喜歡暴力?」等等。[23]

2014年9月下旬,佔中行動演化成雨傘革命,莊思敏在Instagram上載股市跌市指數圖,並稱:「明天我要付出多少?」相信股市插水,令莊思敏損失不少。很多網友即時留言指她自私,只顧自己利益。有網民指莊思敏為馬來西亞人,不應干預香港「內政」,更有網民指她有拿督爸爸,身份離地,不懂民間疾苦。[24]

數天後,她又在微信朋友圈貼出黃之鋒河童照片,惡搞黃之鋒貌似河童,又留言「唔好再扮人,收手啦」,惹來網友圍攻,直斥她不應因政見不同而人身攻擊。其後她刪除照片,改貼出自己和動物的照片,似乎有意用自嘲為事件降溫。[25]

其後她為此事對記者作出以下回應:「我上載照片的是私人平台,只是想跟朋友開玩笑,覺得無傷大雅,想不到被人截圖,令人不高興,實在不好意思,希望朋友不要再把我的私人事物截圖。」[26]



執笠蝕錢

2014年12月上旬,莊思敏公開透露,她旗下的經理人公司及化妝學校將結束營業,共損近二百萬字。而旗下合約藝人亦已與她們解約,當中王子涵亦獲父親王晶安排了大陸經理人處理,將會到大陸發展。[27]

著名網民慈雲山鄭列瓊開帖製圖恥笑,亦有高登仔指是她反佔中口臭的報應。[28]

莊思敏又表示將有更多時間專注幕前發展,稍後會拍攝一部鬼片。有網民問她是不是飾演鬼片當中的鬼[29],又指她「終於醒覺,搵岩自己條戲路扮鬼」。[30]

其後莊思敏表示自己是年聖誕及除夕均接不到工作,又指自己近年都沒遇過這種情況。她更在instagram上載有關她的新聞截圖,寫道︰「我好灰呀。」[31]網民得悉均大喊「抵死」,又問她「關唔關佔中事」。[32]

扮塞車穿崩瘀爆

2014年12月下旬,莊思敏上載了一張車上自拍照至Instagram,留言說︰「黃埔好塞車喎。」[33]但想不到其太陽眼鏡卻出賣了她,因為鏡片反映到道路上情況,前面竟然一輛車也沒有!有網友立即留言回應她︰「笑?!妳眼鏡反映到前面沒車喎!」事件被「壹週Plus」報導,高登仔紛紛恥笑「點解可以咁」。[34]

兩天後她心有不甘,再上載一張戴著太陽鏡的駕車自拍照,還得戚地留言說:「車呀!」雖然這次她鏡片反映到前面真係有車,不過網民眼利的網民看到,鏡片同時反映她手持鈦盤玩自拍,非議她已經觸犯法例。[35]

莊思敏回應記耆訪問時稱:「我拍照時已將車停下,而並非行車中自拍,有何不可?用Google Map找路,都是將車停埋一旁啦,若非如此,請問該如何看呀?」[36]

2015年事件

全裸續約

2015年1月下旬,莊思敏在尖沙嘴舉行的記者會,宣佈與中國3D數碼娛樂有限公司續約三年。在記者會首次曝光的Jacquelin全裸相,她只以手臂遮掩胸前兩點,露出屁股,性感程度直逼當年莫文蔚以全裸造型的唱片封面相。不過網民看後只著她應該做多點運動。[37]

慈雲山鄭列瓊亦在facebook出帖恥笑:「莊思敏係咪嬸左鬆肉粉?啲肉THE既?肚腩舊肉痴住梳化,好大靜電咩?個POSE仲騎呢,似準備比人打四十大板」。[38]



傳與苟姑娘不和

2015年8月,莊思敏跟苟芸慧分別入股去一間位於尖沙咀的點心店,有人就聲稱自己投資了7位數字,相信多於對方。之後兩人開始在微博中留言單打對方,暗示有人搞事。9月中旬,有報導指兩女不約而同在點心店出現,各自單打了幾句,最後更有「肢體碰撞」。[39]

莊思敏接受記者訪問,表示與苟芸慧關係並非惡劣,「有打招呼,有偈傾」。由於伍詠薇曾在劇集《金枝慾孽貳》中與苟芸慧結緣,兩人就連同她開始在微博合演一場好戲。莊思敏率先在微博轉貼相關「開拖」報道,留言:「笑死我」。伍詠薇用了幾個流淚emoji,隨著留言回覆:「打過啦!」

苟芸慧此時彈出,回覆謂:「娘娘你做啦啦隊...完了之後,請你吃我親手做的愛心點心如何?」莊思敏就接力貼咗三個掩嘴偷笑emoji。然後伍詠薇又說:「哈哈,你必須整比本宮食。」苟芸慧就答:「娘娘叫到,一定整!請埋姊妹壯士們。」莊思敏再話:「不如約埋打4圈。」[40][41]

結果大家以一場網上大團圓表象的大龍鳳,掩飾了不和的報導。



與王宗堯爆罵戰

2015年12月5日下午6時,王宗堯在facebook不點名批評某人不尊重香港電影,留言寫道:「如果你為出鏡曝光就咩都做,你只不過係去襯……如果你為數字而拍戲而不是為真正的用心去表演,咁你同老臨(臨時演員)有咩分別? Right cast is more important! Show some respect to Hong Hong movies……」

翌日12月6日中午12時多,莊思敏在社交網站上載自拍照,留言:「如果工作是等於唔尊重工作咁我祝你無工開啦。」[42]同日下午5時多,她再上載一張化了黑臉妝的照片,留言寫道:「立即變黑,得咗。面都得,何況頭髮呢。啲人見識真係小,連頭髮可以用黑彩都唔識。唉……」[43]兩段發文似是反擊王宗堯。

12月8日,出席活動回應事件時激動爆喊,公開與王宗堯的WhatsApp對話。對話中「Greg Wong」(王宗堯)叫莊思敏「我同老闆講不如你專心拍PG(《PG戀愛指引》)啦」。原來公司原本指定她於電影版《導火新聞線》演記者,後因開拍《PG戀愛指引》她將頭髮染金,老闆將她在《導火新聞線》的角色轉為談判專家,角色需要深色頭髮。莊思敏表示,試造型時稱可以戴假髮或噴黑彩。但王宗堯認為她在另一部電影中需要染髮,會影響她在《導火新聞線》中的造型,認為她應只拍《PG戀愛指引》,更向老闆提出。莊思敏斥王宗堯「斷人衣食」,「為何他作為一個演員,可以決定另一個演員任何一個演出機會?」

有網民認為莊思敏並無演技,只是靠家底老是常出現,直斥她:「最憎呢條女,你咁有錢,番大馬啦」。有網民更慘呼:「點解呢套咁正義嘅戲(導火新聞線)會有呢條藍絲八婆份架????好失望」。[44]

有網民更在其fb直斥其非:「莊思敏,唔係喊就大晒,電影每個角色都有自己造型,你為另一套片而改造型,無問題,那自然就要放棄另一邊,不過說真的這種不敬業的行為還有角色安排就算不錯,認真的製作就不要說頭髮顏色和髮型,身型膚色都有嚴格控制,作為認真的演員,希望電影認真完美而去提出有問題的地方非但沒有不對而且是非常正確的態度,你莊思敏響cctvb呢d hea爆垃圾台點做係你既事,唔好將你呢套拎出黎搵食污染環境,覺得人斷你衣食?返tvb龜縮吧la唔會再有人批評你!仲有,化妝同髮型係無必要用佢地既專業去補你的不專業,電影秒秒鐘都係錢要浪費時間資源響你身上?邊位啊你?」[45]另外有網民指莊思敏河蟹facebook留言,只容許零聲讚許她的聲音留下。

12月8日晚上近11時,王宗堯在facebook回應說:「專心演好《導火新聞線》。這樣就好。今天失言讓大家難堪了,對不起,其他的事,讓大家自己去定奪吧。」不少網民留言支持他「你無做錯到!」

2019年事件

微信朋友圈屢罵抗爭者

2019年8月,因政府修訂《逃犯條例》引起全城爭議,多區的示威活動爆發激烈警民衝突,不過警方升級的武力鎮壓卻更令社會民怨四起,連不少藝人都紛紛在社交網站發聲,聲援香港人。莊思敏雖然至今沒有公開評論過該個社會議題,但有網民在8月5日爆料原來她在微信朋友圈曾多番發言嘲諷示威者,引起大量網民不滿。

莊思敏於7月6日發表撐警言論,並暗指穿黑衣的是賊:「世界變得奇怪,本末倒置,從小到大我認知的都是警察是好人。黑衣人是壞人。(電影裡(裏)的黑衣人一般都是賊),現在的小孩都被教育成警察是壞人,黑衣人是好人。我對這個世界好像有點陌生。請學會思考,好好教育下一代好嗎?」

7月26日,一群在機場任職的市民於機場發起「和你飛」集會,當日莊思敏更上載一張集會的照片,直斥穿黑衫參與集會的機場員工很滋擾:「我未見過有人話愛你但會唱衰你,唔好再口口聲聲話自己愛香港,你哋無(冇)資格。#班黑衣人好滋擾」事隔3日,她於7月29日再表示「好想捉班打靶出去打靶」,疑似影射於7月28日在港島區爆發衝突的示威者。她於上週六(3/8)再次在朋友圈發表言論,指責示威人士令香港民不聊生:「歷史上只有因民不聊生而出現革命,未曾見過自稱革命而搞到民不聊生!」

莊思敏的言論被公諸於世後,大量網民馬上湧到她的IG留言指責她,紛紛留言「黑衫就係暴徒?你自己都着黑衫啦!」、「你做過咩為香港呀?你睇過幾多新聞呀,了解幾多呀?」、「不分是非黑白」、「一d(啲)口德都冇」、「自己唔係香港人當然會講埋d(啲)風涼說話!」,更有網民表示她只是一個搏宣傳的奀星。雖然受盡抨擊,不過依然有不少簡體字留言支持她,更反指部分網民是「廢青」。莊詩敏的心情亦絲毫沒有被影響,她於今日(6日)凌晨上載一張收到一大束花的照片,表示「我看你們的留言時真係忍唔住笑咗」,不過她後來將該句改成「Morning」。[46]

註解

  1. 高登討論區:莊屎敏真係好向左走向右走煩
  2. 高登討論區:假波敏無討論價值
  3. 東方日報:吳浩康新歡莊思敏接強姦恐嚇,2007年12月2日
  4. 太陽報:莊思敏咬住唔放隔空開火 胡定欣嗌睇帶求清白,2008年10月12日
  5. 蘋果日報:促以閉路電視作證 胡定欣、莊思敏情敵罵戰升級,2008年10月12日
  6. 明報:胡定欣籲某人勿做小動作 莊思敏刪文章「停戰」,2008年10月17日
  7. 香港討論區:胡定欣...莊思敏...你們相信誰?(新增莊小姐最新blog內容)
  8. 《Face》週刊74期:FBI File : 胡定欣雙贏
  9. BeautyExchange.com.hk吹水廣場:有無人有胡定欣話人著舊鞋個篇報導呀?
  10. 香港討論區:胡定欣? 莊思敏?吳浩康???!
  11. Uwants:莊思敏不斷delet blog中留言,你認為有用嗎?
  12. 頭條新聞:三角畸戀告終 莊思敏拖仔遊街示威 胡定欣Dry爆頭耷耷,2009年3月21日
  13. 東方日報:莊思敏整容隆胸加工製C,2010年8月13日
  14. 香港膠登:莊思敏係邊撚個?...假波男人聲個個
  15. 蘋果日報:莊思敏撐着皮草有理,2012年3月4日
  16. 親子王國:莊思敏撐卓韻芝穿皮草
  17. 高登討論區:莊思敏撐卓韻芝著皮草
  18. 莊思敏微博:今晚10點#爆足一週#。。。保証你,今晚有嘢爆,唔睇就後悔嘞。。
  19. 高登討論區:《爆料一周》宣佈腰斬 莊思敏呆鳥
  20. 蘋果日報即時新聞:【四川地震】微博騷新鞋被插 莊思敏還擊:「默默祈福就可以!」 ,2013年04月22日
  21. 莊思敏jacquelin的微博:我需要每天提醒大家有多少天災人禍嗎?,2013年4月22日 17:11
  22. 高登討論區:[呢鑊我撐佢啦] 莊詩敏反擊蝗蟲
  23. 蘋果日報即時新聞:【群星反佔中】莊思敏都反佔中 網民回應:sorry!Very Dislike!,2014年7月21日
  24. 蘋果日報即時新聞:莊思敏上載股市跌市指數圖:明天我要付出多少呢?,2014年10月3日
  25. Next Plus: 莊思敏嘲黃之鋒扮人似河童 網友鬧到爆,2014年10月6日
  26. 蘋果日報:莊思敏貼相當講笑,2014年10月11日
  27. ONCC:莊思敏經理人公司化妝學校齊執笠,2014年12月10日
  28. 高登討論區:信錯人 莊思敏執笠蝕 200萬...哎呀 一定係因為佔中啦 我好唔happy呀
  29. facebook:「稍後會拍攝一部鬼片」is she playing the ghost?
  30. facebook:稍後會拍攝一部鬼片 -> 佢終於醒覺,搵岩自己條戲路扮鬼
  31. jacquelinchng's instagram:我好灰呀。
  32. 壹週刊的facebook專頁:請講出莊思敏聖誕冇嘢撈的原因...抵死,2014年12月17日 23:18
  33. jacquelinchng's instagram:黃埔好塞車喎。
  34. 高登討論區:[畢] 莊思敏呻塞車 眼鏡反射車都冇架
  35. jacquelinchng's instagram:車呀。
  36. 東方日報:莊思敏車中自拍被指犯法,2015年1月1日
  37. 高登討論區:莊思敏全裸挑機莫文蔚!!
  38. 高登天后瓊姐【慈雲山鄭列瓊】:莊思敏續約公司,宣布進軍影圈,拍攝電影做女主角,並公開新海報...,2015年1月29日
  39. 蘋果日報即時新聞:【港女點心店開拖?】「肢體碰撞」?莊思敏認撞過面:係有打… ,2015年9月18日
  40. 莊思敏jacquelin的微博:@苟芸慧ChristineKuo:娘娘你做啦啦隊...完了之後,請你吃我親手做的愛心點心...,2015年9月18日 14:32
  41. 莊思敏jacquelin的微博:不如約埋打4圈,2015年9月18日 15:14
  42. 莊思敏jacquelin fb專頁:如果工作是等於唔尊重工作咁我祝你無工開啦。,2015年12月6日
  43. 莊思敏jacquelin fb專頁:立即變黑,得咗。[偷笑[偷笑] 面都得,何況頭髮呢。d人見識真係小,連頭髮可以用黑彩都唔識。唉。。。],2015年12月6日
  44. 明報即時新聞fb專頁:【導火新聞線.戲如人生】莊思敏:我不覺得他(王宗堯)作為演員,可以決定另一演員能否開工,2015年12月9日
  45. facebook comment: 莊思敏,唔係喊就大晒...
  46. 香港01:【逃犯條例】莊思敏直指「黑衣人都是賊」 網民齊湧IG留言,2019-08-06 19:00
除非另有註明,否則社區內容均使用CC-BY-SA授權條款。