《蟹之鍊金術師,蒲台島海鮮警官》,改編自陳奕迅的《不死傳說》,由「慈力共振」改編,「心田公子」主唱。歌詞內容諷刺2009年水警濫用水警輪前往去蒲台島吃海鮮的醜聞。
影片
歌詞
《蟹之鍊金術師,蒲台島海鮮警官》
原曲:《不死傳說》,陳奕迅
填詞:慈力共振
主唱:心田公子
昨日的上晝 二十九條友
送阿叔退休 去蒲台島食晏
濫用警輪去 濫用警輪返番市區 當郊遊
唔喺普普通通 無無聊聊 平常人可以做到
一班警官 放棄晒佢嘅工作
唔做嘢 假公濟私 去聯誼 歎海鮮 幾個鐘
呢班警官 詐詐諦諦去考察
食海鮮 秋冬套餐 兼飲酒 頻頻去 嘥公帑
食嘢 花竹蝦襯海膽 羔蟹粉絲煲 臭豆腐炒冷麵
齊食嘢 非法入境者變海鮮
東星斑非法入境 青邊鮑非法入境 海生蝦非法入境
十六斤肉蟹 廿二斤焯蝦
二十九隻螺 芥辣豉椒焗透
食極都唔夠 十二支白酒足夠隊冧幾件
其實是是但但 求求其其 食食飯無咁老土
一班警官 返返吓工去偷懶
齊回應 加咗佢薪 嘅決定 唔在意 幾咁醒
呢班警官 浩浩盪盪去攪嘢
符合晒 州官放火 嘅傳奇 成日去 好老定
扮嘢 咁點解咁沙膽 解釋太牽強 佢令大家震怒
齊扮嘢 非法入境者變海鮮
瀨尿蝦非法入境 象拔蚌非法入境 蛇王頭非法入境
十六斤白鱔 廿二水魷魚
二十斤蟶子 蒜蓉豉椒勁爆
食極都重有 六十支藍妹足夠隊冧多件
無奈痛痛快快 頻頻倫倫 掟晒去佢個肚煲
二十九戇寇 二十九條友
二十九個口 去蒲台島食嘢
二十九內疚 二十九個呑扑警官去偷食
然後矇矇查查 揚言調查 查唔查佢冇晒譜
相關條目
註解
外部連結
除非另有註明,否則社區內容均使用CC-BY-SA授權條款。