討論: 魚蛋革命

出街，稍後再編。　--Ydog（留言） 2016年2月10日 (三) 09:36 (UTC)

謝Okstartnow（留言） 2016年2月10日 (三) 09:56 (UTC)

良景管理員

似乎事件與旺角無關，建議不在此條目紀錄。--Fatki（留言） 2016年2月11日 (四) 07:05 (UTC)

好多都認為有關係，就係因為多區高調驅趕小販，先造成係旺角一點爆發。就好似辛亥革命咁，爆發係湖北武昌，但其實源頭係四川保路，要宏觀睇。　--Ydog（留言） 2016年2月11日 (四) 14:26 (UTC)

但我見討論係分開，討論帖及傳媒討論都係分開處理（特別係而家跟外國傳媒叫「魚蛋革命」，佢哋更加無理會良景做乜）。良景牽涉嘅係不知名懷疑黑幫管理員，事涉領展地段，警方及食環參與度低，放手由班人自己玩，點驅趕都趕唔到啲小販去旺角，亦都無話因為良景有管理員，示威者衝晒去旺角，而事件受影響嘅，係該批小販同被封路返唔到屋企嘅人為主，無其他人士再介入。如果要脈絡，最多應該加返近年掃桂林夜市，掃咗小販落旺角先令該處更多人。事實上，如果只係本土派借勢發難，亦唔需要畀太多旺角以外嘅原因佢，如果有其他原因，又一定比小販問題更多更闊。--Fatki（留言） 2016年2月11日 (四) 15:12 (UTC)

隨便，我寫得有D累。網民意思應該寫多D，但雙方鬧來鬧去，難以綜合要點。另外我見過網上流傳話事發前有網民聽前警員係地鐵入面話今日有大件事既post，想放落陰謀論，之後又搵唔返。條目太過於敘事，少衍生創作，呢樣不嬲我係唔like既．．．網23真係嚇怕左好多人。　--Ydog（留言） 2016年2月11日 (四) 19:21 (UTC)

其實又唔係每件事都會有好多二次創作，但又不等於網民沒討論不重視，特別是某些時事話題（如選舉），因此我想又不用灰心。畢竟我們是網典不是「二次創作典」，而事件仍在發酵，所以照現時討論收錄就可以了，沉澱過後應該就會較多創作。--Fatki（留言） 2016年2月12日 (五) 01:51 (UTC)

唔係灰心，係累，特別睇咗用革命字眼之後，再次龜縮不編既小丑戲。瞓足了今日繼續。　--Ydog（留言） 2016年2月12日 (五) 07:50 (UTC)

扭蛋與高牆

維基有寫網典無寫，今日去睇先發現，係唔係網典既失職？我真係完全唔知呢件事。XXXXXXXXD [1] --Ydog（留言） 2016年2月25日 (四) 14:26 (UTC)

我之前「真係見過」，只係又無特別諗起要記……--Fatki（留言） 2016年2月26日 (五) 04:04 (UTC)

條目名稱爭議

就「魚蛋革命」或「旺角騷亂」名稱之爭議，請先於此討論頁解決。

個人取態是：關於此事件改名並不反對，因事件初期出現時，大部分關注的網民均以「魚蛋革命」稱之，現時最常見的稱呼相信是「旺角騷亂」。然而，如果改名是因為「某些傳媒、報章和泛民人士的觀點」，那「雨傘革命」或「雨傘運動」是否又要改名？

希望各位先清楚改名原因，再作定奪。--Fatki（留言） 2017年4月29日 (六) 16:45 (UTC)