FANDOM


許文彪「我唔係未試過」系列潮文源於2009年發生的許文彪熱潮,當時有網民以無綫電視劇集《創世紀陳錦鴻飾演的許文彪的一段對白,宣洩對樓市升溫引起的不滿,其後有網民認為同一段對白可用作發洩其他不忿,而衍生其他潮文。

原文

我唔係無試過,我試過安份守己,日搏夜搏,賺咗嗰一萬幾千。我試過,但係出面嗰班人...出面嗰班人呀,佢哋識建築、識起樓咩?佢只係攞少少錢出嚟,攞少少時間,炒起個樓市就不停喺度賺大錢,咁叫做公平咩?你出去問下人,是但問一個人,問下佢哋需要啲乜嘢,佢嘅答案好簡單,只係想要一間好普通、好普通嘅樓!點解佢哋要用成世人嘅時間去供一層樓呀?因為啲有錢佬喺度玩嘢呀!越有錢就越有得玩呀!呢個世界公平咩?呢個世界公平咩?!

追女仔篇

我唔係無試過,我試過安份守己,日追夜追,只係追一個女仔,:~( 我試過,但係出面個班mk,:-[ 佢地有咁既誠意咩?#fire# 佢地只係拋個樣出黎,攞少少時間,中出即飛完之後就不停追其他,咁叫做公平咩?#kill2# 你出去問下班毒撚,是但問一個毒撚,#kill# 問下佢地想要d乜野,??? 佢地既答案好簡單,:-( 只係想要一個好普通好普通既處女做女朋友,:~( 點解佢要用成世人既時間去追一個女仔?因為d mk係到玩野呀![banghead] 越靚仔 越有得玩呀!:~( 呢個世界公平咩?呢個世界公平咩? #fire# :~([1]

讀大學篇

我唔係未試過,我試過安份守己,日讀夜讀,讀得果一個Degree,我試過,但出面果班二世祖,出面果班二世祖呀,佢地有認真讀書咩?佢地只係拎少少錢出黎,拎少少時間,去到外國hea幾年就有個大學學位,咁叫公平咩!你出去問下人,是但問一個學生,問下佢地想要d乜野!佢地答案好簡單,只係想讀好d書第時搵份好工!點解佢地要用哂自己既青春去考一個學位呀?因為d有錢仔係度玩野呀!越有錢就越有得玩呀!呢個世界公平咩?呢個世界公平咩!![2]

求高質POST篇

我唔係未試過,我試過開認真post,日開夜開,賺得果少少回覆,我試過,但高登果班人,果條林早逝呀,佢地識開高質Post咩?佢地只係派少少絲打出黎,用少少時厹,炒起個post就不停係度賺人流,咁叫公平咩!你出去問下人,是但問一個人,問下佢地想要d乜野!佢地答案好簡單,只係想要一個好高質既post!點解佢地要用成世人既時間係高登搵一個post呀?因為d5毛5p係度玩野呀!越多人屌就越有得玩呀!呢個世界公平咩?呢個世界公平咩!![3]

不懂撒嬌的女人王浩信投訴社會不公篇

我唔係冇食過(屎)!我安份守己,日搏夜搏,我賺得嗰一萬幾千,我唔係冇食過,但係呢班人呢?你識商場,識咩叫管理咩?淨係識攞少少錢,攞少少時間出嚟,炒呢樣,升嗰樣,吓,跟住就喺度巴之閉,咁叫公平咩?你出去是但問個人,求其搵一個嚟問,問佢地想要乜嘢?佢哋只會答你佢想要份安安定定嘅工,點解佢要用成世人嘅時間,去搵份咁嘅安安定定嘅工呀?因為有你呢啲咁嘅有錢佬喺度玩嘢呀!越有錢越有得玩呀!呢個世界公平咩?呢個世界公平咩?......等我嚟教你做老細!做老細係要負社會責任,要照顧員工,同埋要令呢個世界有少少唔一樣呀!呢個世界係有公平㗎!

註解

相關條目

除非特別說明,社區內容使用CC-BY-SA 授權許可。