郭嘉駿

郭嘉駿Denis Kwok Ka Chun
（《ELLE》圖片）
職業	歌手
綽號或暱稱	193、3爺、乞狗衫、乞狗三
性別	男
出生日期	1990年1月14日
教育程度	英國班戈大學修畢心理學榮譽學士畢業
國籍	香港（中國）
活躍時期	2018年至今
金句
「知我咩料啦」 「CLS公司！」
個人網站
Facebook專頁：郭嘉駿 Denis Kwok 193 YouTube專頁：Denis Kwok 193
其他資料或評價
此人已成為部分網民的性幻想對象，不論有沒有朱古力型的腹肌，此人還是會在部分網民腦內，變成性鬥士。
這是位爭議性人物（或相關之爭議事件）。條目內的評價及「推斷」僅反映部份網民之見解，並不代表網典立場或客觀事實之全部。
此人或組織已被陞上「神」台，因過於傲慢，而得罪了所有網民。
此家人喜愛打橫行路，對於正常人類都拒諸門外，在其家聊天時請小心被其一腳伸出門外。
此人（或組織）已被部分網民歸類為： 不愛7up，只愛9up。
部份網民認為此人（或組織）過於矯枉過正，其雙重標準可媲美為「維護和平」而嗜殺成性的「正義高達」。

郭嘉駿（Denis Kwok Ka Chun），暱稱「193」，香港歌手，同時為男子組合ERROR成員，憑參加ViuTV選秀節目《全民造星》而入行。

簡介

在參加《全民造星》之前，郭嘉駿曾經到英國留學，其後任職時裝採購。2018年ViuTV首度舉辦選秀節目《全民造星》，郭嘉駿首次在節目中亮相，因身高達193厘米而被《全民造星》監製黃慧君（花姐）暱稱為「193」，郭嘉駿在《全民造星》中演唱《大懶堂》和負傷演出也引人注意。在《全民造星》中40強止步後，與該節目另外三位參賽者組成男子組合ERROR出道。

網民討論

隔空串爆曾志偉人氣勁升

2021年4月11日，曾志偉回朝無綫任副總經理後的重頭節目《開心大綜藝》首播，硬撼ViuTV的《最後一屆口罩小姐》總決賽，久違的「電視大戰」一觸即發。曾志偉接受訪問時直言ViuTV節目偏鋒，聲言「ViuTV得4點收視，節目題材比較偏，不是翡翠台路線」認為與J2才是較接近可與無綫比較收視。

至於在《最後一屆口罩小姐》中「擔正」的ERROR被問及「電視大戰」時，「193」郭嘉駿妙語連珠引來網民留意。當隊長梁業（肥仔）解釋「從來都冇擔心打唔打（電視大戰）」時，193即插口回應「因為佢真係打唔贏」，肥仔進而解釋指大家觀眾層不同，193就表示「佢哋係畀老嘢睇嘛」，又接續說「做好自己就有人睇，收視得幾百部電視機，我哋不嬲都唔理」，至記者問及曾志偉稱ViuTV只可與J2競爭，193更霸氣反撃「J2係做咩？冇記錯係咪40幾歲仲話後生仔傾偈嗰個？」暗寸J2節目《#後生仔傾吓偈》中40多歲仍擔任主持的陸浩明。

網民對193的「直線抽撃」極為讚賞，不少網民力撐他講真話，紛紛留言「193又唔係TVB捧出嚟都唔知點解要畀面佢」、「唔出聲只會俾人踩完又踩，上次姜B單嘢已經笑笑口硬食」、「真心唔覺193寸，佢只係講事實」；另有網民指他「講得太盡」，不過許多網民質疑係曾志偉欠前輩風範在先，「曾志偉喺姜蓉事件之後都唔認錯，轉個頭仲要無恥到打畀人哋借姜B，以為自己大台大支嘢」、「一開始懶寸咁話人得4%收視又話人題材偏門（暗示自己扮女人大眾化），俾人寸番轉頭只係自己攞嚟」。193更因率直個性而人氣急升，有網民亦回帶其兩年前在ViuTV節目《肥仔大冒險》中到將軍澳電視廣播城踩場片段，其Instagram追蹤者更在兩日內急增兩萬，四日內更暴升七萬，及後甚至超越「萬人迷」姜濤突破20萬。

與吳業坤合作合唱 交換兩台吉祥物

2021年5月10日，吳業坤與郭嘉駿分別更新Instagram限時動態，相約在錄音室一齊合唱。其中193上載一張準備錄音的相片，圖中坤哥正身處同一個錄音室。而坤哥亦披露歌詞內容，當中已有標記分辨二人各自負責的部份。今次他們將翻唱坤哥舊作《玩具成熟時》和ERROR的《我們不碎》，只是翻唱作品大多數都只會放在網上平台，並於各自的社交媒體中宣傳。

聚會期間他們更交換兩台吉祥物「TVBuddy」和「Sound Bear」，當時有網友以為兩台已和解，或者坤哥成為第五位ERROR成員。不過5月11日，193在自己IG發文，貼上一張TvBuddy拿著兩枝煙，更寫上：「Buddy: 你敢？你連續兩支煙食吾X到啦學我地?!算吧啦 傻仔#Soundbear: 😣..........#ViuTVBuddy#不詳物#點解soundbear成日被人恰#會唔會爆炸#反禁煙大使#壞過凱婷」帖文引起網民熱烈討論，連「坤哥」都留言「玩咁大...」

聚會期間他們更交換兩台吉祥物TVBuddy和Sound Bear（《香港01》圖片）

193在自己IG發文，貼上一張Tvbuddy拿著兩枝煙，影射壞過凱婷（《香港01》圖片）

徵求限量版波鞋爭議

2021年7月31日，郭嘉駿在Instagram限時動態上貼出兩對限量版波鞋的照片，並附上「I NEED THESE TWO PAIRS US 12 有冇人幫到手呀」向粉絲和朋友徵求限量版波鞋，不過事件隨即發酵，有網民在討論區上指郭嘉駿是利用自己的人氣「攞著數」，「第一次見明星利用自己名氣咁樣R嘢法，無恥到呢」。

8月1日，有超過12萬追蹤的專頁「家明」發長文，直指郭嘉駿「運用自身影響力自肥，令人反感」。他表示，這對限量版現時炒價一對已超過港幣二萬七千元，在郭嘉駿以前是時裝買手的基礎下，能買到這兩對波鞋的門路應比普通市民多，就算上二手炒賣網也可以買到，完全不需要在IG Story向粉絲詢問。更明言他在IG Story向粉絲詢問，會令粉絲花費整個月人工為他購買。「錢就你賺，鞋就『老婆』買，公平咩？近半年，太多人因為敢言而喜歡你，人氣如日方中，但得到影響力之後，你卻沒有再影響人。」最後「家明」更寫到：「買樓應該搵經紀，唔想益炒家就唔好買唔好著，絕非靠知名度」還以一句「想繼續紅下去，你要知自己咩料」作為結尾。

有關帖文引來網民熱烈討論，有人力撐193沒有做錯，在IG Story徵求心愛的波鞋是人之常情，也有人不滿「家明」的言論，「睇家明既都係弱智」，更有人回帶「家明」早前評論香港羽毛球「一哥」伍家朗在2020年東京奧運黑衣作賽，引發建制派批鬥。。「家明」的長文貼出後大約一小時，本尊郭嘉駿親自留言回應：「你真係唔識㗎喎！」，隨後網民即Like爆，紛紛撐193並非如家明所指。其後郭嘉駿在IG Story貼文指出NBA籃球運動員Isaiah Jamar Thomas，也會徵求心愛的波鞋。

8月2日，家明凌晨再次撰文，表示專頁要「辭職」：「亂世下，請珍惜任何一個繼續發聲的人。這些機會，家明大慨用盡了。」他文中回應波鞋事件：「對193也沒深仇大恨，也多得3爺留言教訓，個人引起思考/討論不果，卻引起太多粉絲的不安，是我言論過於偏激，有失KOL的責任。」但是仍然有網民不滿「家明」的道歉方式：「唔係好明點解唔願意好好道歉（如果你真係有歉意），而係要咁樣直接走人，呢個真係最無風骨。」又有人批評「家明」只顧抽水：「佢又幾抽得，最尾都要抽埋林日曦先眼閉。」

8月3日，ERROR到鄭裕玲的商台節目擔任嘉賓，193再回應「波鞋事件」，「嗰對鞋係好難買到，就算外國都買唔到，我就睇吓有冇人可以幫到我手，抽又好，公關又好，水貨舖睇吓有冇途徑幫我，我超想要，不過（波鞋）品牌已經聯絡咗我，話呢對鞋真係留唔到，就算畀錢都留唔到」，他更霸氣上身稱「其實我絕對畀得起錢，我拍一個廣告都夠買十幾廿對。」更指不明白為何有人說他想要免費波鞋。

網店退款爭議 與連登仔罵戰

9月1日，LIHKG討論區會員「利正赫中隊長」發帖，聲稱2021年年初向郭嘉駿營運的網店「Lilaboc.co」付款，購買一頂帽子但被「走數」，會員「利正赫中隊長」再在1月23日、2月15日、8月25日直接DM郭嘉駿本人及其網店Instagram，但沒有得到回覆，甚至到郭嘉駿Telegram粉絲群組討論此事沒有結果，於是到LIHKG討論區公開此事。

網店「Lilaboc.co」即日有反應，在inbox回覆該網民處理退款並將回覆截圖上載至IG Story，但回覆用字極不客氣，例如「文盲？」、「定係燒俾你」等，又說「呢個世界真係多怪人」、「唔係佢公審我先咩？咩年代，仲罵不還口？」兼公開了網民的頭像。另外

雖然樓主最終收到退款，但是仍然對郭嘉駿不滿，「但我點都諗唔到依加呢一刻，我會對佢完全失望」，加上郭嘉駿在IG公開批評樓主，引起大量連登網民不滿，連開多個帖文熱烈討論。其後甚至出現大量諷刺郭嘉駿的Meme圖。

諷刺郭嘉駿的Meme圖

同時，193以往在Telegram群組「193Club」的發言亦被翻出，包括不點名指早前「團tee」由「某成員」設計，自己完全不知情，「有人好想話事，咁我無理由搶嘢嚟做」、「所以大家知道設計同Sizing方面係由一個唔識服裝嘅人話事」等，有網民揣測193所指「某成員」是何啟華（阿Dee），為他大感不值，稱「Dee哥好慘」、「好心痛阿B」、「未紅之前已經出過IG Post嫌棄自己隊友唔靚仔又無身型」、「認真佢憑乜睇唔起人」。不過阿Dee大方回應，承認當時自己比較獨裁心急，單方面想為ERROR做事而忽略了隊友的想法，自己也上了成長一課。他又指會保護ERROR免被分化：「想借舊屎（舊時）嚟搞分化嘅朋友，麻煩你地慳返啖氣，四為一體，四位一體，一世人兩兄弟有你有我，我地四個都知唔係口號，未來我地只會更團結，把握機會做更多好作品娛樂大家！」不過，種種事件持續發酵，令郭嘉駿IG追蹤人數急劇流失，在短短兩日就減少6000人之多。

數天後193以網店名義在IG道歉：「針對早前發生嘅風波，喺度同大家講聲唔好意思。」但仍堅持並非出於言辭而有所行動：「原因並唔係因為無禮地回覆侮辱粉絲嘅『客人』，而係因為事件為社會及各方朋友帶來不便，實屬抱歉。」其後將之修改為「原因並唔係因為無禮地回覆首先出言不遜侮辱粉絲嘅客人」。網店宣佈已開設網頁，並交由專人處理，避免再發生爭執。

相關條目

• ViuTV
• 全民造星
• ERROR