陳易希,因其會考成績而被網民戲稱為「陳十二」,曾就讀香港科技大學電子工程,中學畢業於新界屯門中華基督教會譚李麗芬紀念中學。

他是首位憑會考12分兼中、英文(課程甲)兩科不合格而進入科大的學生。陳易希亦因其會考成績等爭議於2006年8月當選為高登每月之星。(而方力申是12分,英文合格,中文不合格入港大,他同樣沒有任何高考成績。)

生平

  • 2004年,陳易希在香港新一代文化協會的帶領下遠赴美國,憑著他的發明作品——一個智能家居監察用的小型三輪機械車「智能保安機器人」,獲得第55屆美國英特爾國際科學與工程大獎賽物理學二等獎。到2005年,美國麻省理工大學林肯實驗室特地把一顆編號為20780的小行星以他的名字命名,成為眾位獲命名小行星的香港人中年紀最小的一位。故他又有稱號「星之子」。
  • 2006年5月26日,他獲香港科技大學破格取錄入讀電子及計算機工程學士課程,中五畢業後可免修兩年中學預科課程而直接升讀大學(然而,他須經過大學先修班方能進入大學一年級),亦為該校創校十五年來,首次錄取的中五畢業生。然而這引起爭議,因為當時科大決定破格取錄陳易希時,會考仍有一科英文會話未考。同年7月,陳易希在香港書展發表其自傳的新書名為《摘星少年陳易希》成為最佳銷售之一。
  • 2008年4月29日,北京奧運會港區火炬接力火炬手名單。陳易希榜上有名。
  • 2008年8月15日,《成報》獨家報導指陳易希近半年時間內曾在女大學生宿舍房間中多次出入及遺下未洗衣物,陳辯稱只是借房間作實驗室使用。
  • 2011年1月11日,多份香港報章,包括文匯報[1]大公報星島日報也報導了陳易希於較早時間加入新民黨,引發網民熱議。[2][3]
  • 2013年初,陳易希接受訪問時表示,他獲得50多萬元資助,成立應用程式開發公司Bull-b Tech。其公司已開發10個Apps,目前已收支平衡,每月獲約3萬元的穩定收入。其公司開發專為婚宴而設的The Wedding App,以及讓客戶將會員卡、優惠券數碼化之全新平台HK Passes。[4]

討論

陳易希在網上引發了重大爭議,尤其是在高登HKEPC迷你論壇。他的支持者認為陳易希所達成的成果非其他人能所及,是香港罕有的天才,因此香港市民應為他而驕傲。另一方面,其他人包括他以前的朋友則認為陳易希之所以能成功只是因為他父親的錢。在製作機械人的過程中,陳易希只是提供了金錢給他的同學去完成,並沒有參與製作。所有機械人建造工程、編程等均是他的同學們的心血。因此很多人認為陳易希只顧名利而置他的朋友們不顧。

陳易希的會考成績

  • 中國語文:U
  • 英國語文(課程甲):U
  • 數學:D
  • 物理:C
  • 化學:D
  • 圖像傳意:B
  • 電腦及資訊科技:E

陳易希亦被指缺乏學習電子工程(Electronic Engineering)的能力,原因如下:

  • 電子工程要求良好的物理及數學程度。
  • 於大學學習需要達到會考英國語文(課程甲或乙)E級,這是最低要求。因為大部分學位課程也是以英語授課。

除此之外,陳易希的機械人因過於簡單,像砌一個LEGO機械人般容易,因為遭到非議。有人指出陳易希的機械人沒有四肢和頭部,質疑這樣的機械人能否界定為機械人。更有人圖文並茂地指出陳易希的設計並非原創,大部份配件均從網上抄襲而來。

一眾網民不滿陳易希以低劣成績因而考上香港科技大學,認為這反映出社會上不公平的現象。

發明品

  1. 機械人
  2. 盲人水杯(早前已經被某公司申請專利)

易希表弟致冠希表哥書

撰自《香港家書》陳易希篇,2006年作品,一時在網上流傳。[5]當中的「冠希表哥」,是影射藝人陳冠希

冠希表哥﹕

好耐無同你聯絡,最近科技大學破格收我入學,好多傳媒都採訪我,加上又要準備到美國加洲理工大學加入一個研究計劃,所以我既日曆上都排滿工作。

早兩日終於捱病左,反而可以係病中享下福、忙裏偷閒,寫封信同你聯絡下。

我其實幾享受呢段咁充實既日子,因為可以接觸好多唔同既事物,學到好多野,不斷既對外探索,呢d咪正正係「科技人既精神」囉﹗你應該仲記得,我細細個就已經好百厭,好鐘意拆爛哂d 玩具同舊電器黎研究,仲成日俾親戚話我係破壞王添。依家佢地都應該知道,我唔係想搞破壞,我只係好奇啫。

不過科技人精神,又唔係淨係得好奇心就可以,仲要唔怕辛苦先得。我諗返起啱啱讀中學個陣,放學之後,d 同學走哂去打機,而我呢?就匿埋係實驗度做實驗。不過我從來都無埋怨,因為我覺得,實驗室既一切,仲有趣過打機。而所謂做實驗,其實就係從錯誤中學習既過程黎既,所以我覺得,做錯野唔係最大既問題,識唔識改善先係重點。依家好多人都係抱住「多做多錯、唔做唔錯」既心態做事,我建議呢d 人應該入實驗室都工作下啦。

中一既時候,我為呢個學生會設計左一個宣傳機械人,個時無諗住要得到咩結果同會帶黎乜野利益,我只係為左自己既興趣而做。後黎老師發現我對科學既熱誠,就提供好多協助,一直鼓勵我參加更多既科學比賽。如果當初無學校既支持,欠缺資源,我既機械人道路,就會更加難行,甚至實現唔到我設計機械人既夢想。

我認為學校應該係一個幫同學實現夢想既地方,我的夢想係設計機械人,學校令我夢想成真,但我希望唔止得我一個幸運兒。每個同學都有唔同既夢想,我希望學校可以啟發同學既潛能,實現大家既夢想。

我好快要離開令我夢想成真的中學,入讀科技大學。我相信,個度會令我實現更大的夢想。以前,我同成班同學睇教統局個個「求學不是求分數」的廣告,都會忍唔住笑左出黎,因為無論會考又好、文憑課程又好,去到最後都係要考得好、夠分數先可以升上大學,咁點樣能夠「求學不是求分數」?

直到科技大學,破格收我入讀,先發現除左考試之外,仲有其他標準,黎衡量一個人既能力。每個人都有自己既長處,其他人都可以係文學啊、運動啊、音樂啊其他領域度獲得成功,唔一定要死讀書先可以入到大學。最緊要係認清自己既優勢,知道自己係咩材料,確立自己既目標,就要勇往直前。漫無目的既人生,就算俾你入左大學,搵到份好工,但做得唔開心,都無用啦?

我覺得最緊要係對自己有信心,就算被人質疑,都唔可咁易灰心。我記得當年去美國參加intel 國際工程大獎賽,為左完成個機械人,已經捱左三晚通宵,一上到飛機我已經攰到不省人事。比賽期間,評判竟然懷疑有幕後黑手幫我設計機械人,我就同佢地一齊坐響地下度,詳細解釋個機械人係點設計既。有實力,就唔怕被人問啦。

其實可以參與到咁大型的國際比賽,我已經覺得係贏左,攞獎係意外收穫。攞到獎當然係好高興,但我又話俾自己聽,我並唔係為左攞獎而設計機械人,正所謂「求學不是求分數,設計不是求獎項」啊嘛。

話時話啦,你對睇星咁有興趣,你搵到我粒星未呢?俾d tips 你啦,我個粒20780 ,就係20779 同20781 之間。你慢慢搵啦。

易希表弟 2006年6月3日

改圖

論壇上撐Uber彈政府

2016年1月20日,特首梁振英及創科局局長楊偉雄出席青協M21舉行「施政ONLINE@M21」,與7名創科青年企業家討論創科發展。身為Bull.B Technology Limited行政總裁的陳易希也是列席人之一。

陳易希在會議上提及政府在創新科技方面未敢「創新」,無助創科發展,「香港不會想當白老鼠,但創科要做第一個是好重要,例如香港(政府)對uber考慮好多,令發展受到阻礙,又例如,自動駕駛全球沒有地方block(禁止),但香港block了,香港不應拒絕新嘗試」,陳易希認為創科局應與其他政府部門多溝通,要辦創科不能只「參考」,而要「創新」。

面對其意見,特首及局長皆未有正面回應。有網民稱許陳易希:「唔好剩睇星之子今日的成就,當年他在學校,晚晚留校,甚至研究到不回家。付出不少啊。」不過亦有網民勸他:「後生仔,你入世未深,利益集團嘅野(嘢)你唔知咁多架啦。同方丈講野都要小心d,佢好少氣(小器)架!」[6]

註解

前任
趙子豪
高登每月之星
2006年8月
後任
不教度陰山
(2006年10月)
除非另有註明,否則社區內容均使用CC-BY-SA授權條款。