FANDOM


陸頌雄(Michael Luk Chung-hung),出生於香港,工聯會成員,現任香港立法會勞工界議員,前任元朗區議會民選議員(天恆)。

其父陸德成曾於六七暴動期間被捕入獄。

事件

Facebook發表「美國獨霸天下」路線圖

2019年8月23日,工聯會陸頌雄喺美帝產物Facebook發表「美國獨霸天下」路線圖,原來港獨只係成盤棋嘅其中一步。

陸頌雄嘅路線圖極為仔細,而要達成「美國獨霸天下」合共有20步咁多,據陸頌雄分析,目前頭5步已經成功咗,例如「培養親美政客、財團、官員」,一路去到「暴力擾亂社會秩序」,目前做緊嘅就係第6步「要求政府滿足五大訴求」,之後就到「解散政府及立法會」、「成立臨時政府」,然後就係「香港獨立」。

按陸頌雄嘅路線圖,港獨之後嘅好多步已經跳出咗香港,去到國際層面,當中較為關鍵嘅係第16步「中國解體及內戰」,之後大概係美國會喺中國領土駐軍,然後美軍包圍俄羅斯、削弱歐盟,最後一統天下。

唔少網民都留言大讚陸頌雄嘅路線圖好完美,表示長知識,甚至封陸頌雄係暴動始祖、港獨之父,當然亦有網民對陸頌雄竟然係港獨份子大表失望。其實八方都跌爛咗副眼鏡,真係知人口面不知心。唔知係咪因為反應出乎意料,陸頌雄靜雞雞改過個post,加咗句:「P.S. 當呢份係路線圖嘅夠膽就試,一切後果自負」。[1][2]

註解

除非特別說明,社區內容使用CC-BY-SA 授權許可。