飛機Gucci女事件，又名飛機阿姐事件、港女為件行李比人趕落機事件，是一件發生於香港的網絡爆紅事件。事緣一位香港女子在乘搭國泰航空一班從香港起飛的航班時，由於不聽從空中服務員的勸告，把抱在膝上的名牌Gucci手提包放在座椅底下，因而被航空公司召喚保安員及警員到場，把她「勸說」離開班機。事件使航班起飛時間延誤了至少一小時，並引來同機的搭客抱怨。
概要[]
國泰航空CX504原定在2006年7月7日由香港前往東京，在準備起飛之際，一名女乘客拒絕聽從機艙服務員指示，將其Gucci手袋放到座椅下。「Gucci女」死抱Gucci手袋不放，雙方爭持逾半小時仍未解決，最後機組人員召警介入，「Gucci女」在其他乘客的掌聲中，由軍裝警員押送下機，飛機因而延遲了一個多小時才啟程。
自稱目擊事件的乘客在網上表示，該班客機當時已滑行至跑道準備起飛，卻突然停下，過了約十五分鐘，機組人員透過廣播要求乘客將行李放到座椅下，再過十多分鐘，機長又透過廣播，解釋因經濟客艙有乘客拒絕放好行李，飛機將延遲起飛，乘客立即起哄，部份人更以粗話咒罵。
未機，多名機場保安及航空公司人員登機，要求該名年輕女乘客下機，雙方擾攘15分鐘，她仍拒絕就範。至十時許，三名軍裝警員登機交涉，但女乘客仍纏繞不休，堅持以往乘搭其他航機，並無規定要放好行李，一名督察於是以強硬的語氣要求她合作，否則會加以拘捕。
據目擊者稱，該女乘客聞言即帶同其Gucci袋，與兩女伴步離機艙，此時差不多全機乘客響起熱烈掌聲，夾雜英文粗話，「歡送」她們離去。該女乘客離開前仍不甘地說，是機組人員過於執著，責任不在她身上。「Gucci女」離開後，航機約在10時20分起飛，較原定遲了一個多小時。
不過，自稱是該女乘客的網友留言解釋，她拒絕把手袋放在地上，並非因為它很名貴，而是覺得要彎下身來拿取手袋內的物品，很不方便。她形容，自己當時「好聲好氣」跟對方理論，對方卻找機長作廣播，是航空公司欺負她，並說對香港男士失望，眼見她被人欺負卻袖手旁觀。
一名當日在機上的機艙服務員則留言反駁，當時已向該女乘客解釋，只需在起飛及降落期間把手袋放到地上，又提出替她把手袋放到行李架或衣櫃，對方都不肯接受。
國泰及警方回應[]
國泰航空發言人就事件解釋，航機起飛或降落時，乘客的行李必須擺放在座椅下或行李架上等適當位置，以免滾動而危及乘客安全，當日機組人員對該乘客屢勸無效，機長決定向警方求助，當時警方已向對方說明，不依照機艙安全要求可能觸犯《航空保安條例》。
警方發言人表示，當日早上9時45分接獲機組人員召喚，指機上一名姓鍾女子與機組人員就行李擺放問題爭執，最後警方登機安排該女子下機，改乘另一班機，事件中無人被捕。
網民熱議[]
早在2006年7月尾，網上已開始流傳一篇標題《港女為件行李比人趕落機(有相)》的文章描述是次事件，內容如下：
話說出發果日7/7 CX504 班機係09:10am起飛,
咁我08:45一上到機因為太疲倦就即刻訓著?………
開頭都feel到架機開始行緊,去到起飛跑道突然間又停?大概成15分鐘,
跟住聽到有個空姐用廣東話,國語同英語廣播 : 請所有乘客將手上行李放回座位下,.......
再過多15分鐘(已經9:45am)又聽到廣播,
今次係機師 (用英文,內容大致上係) : 而家因為經濟客艙有兩位乘客,
唔願意聽機組人員勸籲,將手上行李放?適當位置,
所以我地起飛時間將會延遲,如有不便,敬請原諒!
全機人即時起哄 + 粗口 (我都有參與), 當大家好努力要搵出兇手時,
突然d空中小姐+少爺好緊張走來走去,
我聽到其中一個話 : 開番道機門比佢地入黎.....
隔?一陣就見到有3至4個機場保安同2個航空公司d大粒行去機尾右邊窗口位,
個兇手終於現身啦.........
呢條友唔係亞伯亞婆或者國內同胞,而係一名廿令三十年歲,個樣都ok o既香港女子,
其實件事已經發展到要呢條X婆(請原諒我咁稱呼佢,因為佢實在好不知所謂)落機,
佢地擾攘?15分鐘,佢都"賴死唔走",重要同佢地拗點解要佢落機,
真係佢X味呀....
已經10:00am,救星終於到o勒........
有3個警察o黎到,開頭都係勸果條女自己行落機,
但條女都係用拖字訣"賴死唔走",
重同個幫辦講話搭開都唔洗將個袋放落地下,
點解今次又要.......
連個幫辦都頂佢唔順話(都幾惡) : ?.....小姐,我而家比最後一次機會你,
如果你再唔合作,我地會立即採取拘捕行動!
條女即刻"笠晒水",拿拿聲?住佢個裝?金銀珠寶,
價值$5,.xxx o既名貴GUCCI jolicoeur bag開始行出機艙,
咁我地全機人都好君子用熱烈o既掌聲歡送佢(當中夾雜?d英文粗口),
佢重好串同我地話 : 唔關我事o架,係佢地(機艙人員)太執著,
我個袋大?兩吋,係都要我放落椅底咋喎!
真係佢X味呀 x 10000000....
重有同佢同行果兩個fd都同佢一齊落?機,
真係累街坊
最慘係d空中小姐同少爺,
又要由頭check過晒d行李艙....
攪到10:20am先可以起飛(足足遲?成粒幾鐘,真係X佢個肺)
後來坐响我隔離個日本婆問我, 知唔知個女人係乜野國籍?
我只係好燶咁答佢 : 係一個中國人!
|
該文章在各大新聞組及論壇廣為流傳，引起網民熱烈討論。在國際知名航空網站Airliners.net的相關討論，更引起極大迴響。大多數的網民都對該名女子的行為感到憤怒。事後網民更稱她為「飛機阿姐」或「飛機Gucci女」。
目擊者回應[]
一名目擊乘客補充[]
網上流傳一名目擊事件乘客的回回應：
HI,我就係當時其中一個乘客,
件事係我POST上去YAHOO,
因為我實在太想全香港人知道,
呢個"極品"實在太PK,
我去到東京第一日o既planning都比佢攪亂晒,
我同我家姐全程o既心情比佢攪差晒!
家陣全機人都比佢累到遲咗成個幾鐘先可以飛,
我呢d去玩就話去少個地方啫(而家講好似好大方,其實好想問候佢全家)
咁有其他人要去公幹又或者有緊要事去日本,
真係比佢累Q死啦!
重要話唔搭人地公司o既機,
佢咁大個人都唔知個醜字點寫,
呢d咁o既低b婆唔該"國泰"bad list佢啦!
重有呀,佢講得無錯ga,
佢重恐怖過恐怖份子呀!
我覺得當時係一個正常o既人,都會用粗口招呼佢,
不過太過群情洶湧又會阻礙到航空公司處理呢件事,
所以當時全機人真係好君子細細聲咁問侯佢,
坐响我前面果一家四口,果兩公婆都忍唔住起身話佢,
連其他外籍乘客都一齊fxxk佢,
佢地係咁問d空姐點解重唔快d拉佢落機,
咁而家個極品重有意思話d男人唔幫手,
我當時有種想法,
其實好想佢唔好咁快"冷"落機,
繼續發癲,等d警察落孖葉"塔"佢,
返到落去比人charge,
再比人"通櫃"
橫掂都比佢玩咗成個鐘,
睇多場大結局都好呀....
睇到佢編"受害過程"真係火都黎埋,
有無人好心話比我聽响邊度搵到??
係咪佢自己個blog??
等我幫佢亞媽教女!!!!!!!!!!
|
女乘客補充[]
網上流傳自稱是該名女乘客在留言板的留言，內容如下：
今次搭飛機真係好激氣lor
無端端要落返機都有
架機都明明行緊架啦
行緊即係無事啦
做乜要人放個袋落地下o者
雖然個GUCCI係貴,
但我唔係矜貴到連放個袋落地下都唔肯果隻女仔黎
但係我D野放晒係個袋入面
成日要烏低身拎野,好唔方便架嘛
咁我之前都試過咁啦,又唔見人地話我
我點知間間航空公司都唔同規矩o者
開頭都好聲好氣同佢講,點知唔知邊個咁麻煩
走去叫機師開咪
咁大間公司蝦我地幾個女仔,都唔知知唔知醜
阿may叫我唔好同佢地嘈,阻住班機走
我話又唔係我地錯,就算阻住都係佢地阻住之嘛
咁,我見佢地講極都唔明,咪叫佢地個經理出黎同我講
點知真係激死我
一開門就幾個保安走過黎
有冇搞錯呀,我地幾個女仔咋,而家捉恐怖份子咩
我已經無心機同佢地嘈,已經坐返係到
扣返好安全帶,叫佢地唔駛理我,唔好阻住其他人
點知又走幾個差人上黎
仲粗聲粗氣同我講話會拉我
算啦,我都無晒mood,咪即刻拎返晒D野走咯,以後都唔搭呢間公司添呀
呢次我對香港D男人真係好失望lor
成個過程我地幾個女仔咁比人蝦法
都無人過黎同我地出聲
都唔知係咪男人黎架 ......
激鬼死我....
|
一名空中小姐的回應[]
此外，網上亦流傳事件發生當日在場一位空中小姐的心聲，內容如下：
我想講.......
本人就正正係當日呢班機其中一位空中服務員!
想問版主你o係邊度轉貼呢個女仔既"心聲"呢??
真係....震驚到令我寫個服字......我完全無諗過...佢係咁諗!!! (--＞覺得我地蝦佢...
大姐, 唔好玩啦, 知唔知我地調呢班可以o係日本留一日既機有幾難呀, 我只係想快快去到日本即刻出downtown shopping, 而家係你蝦緊我地)
當日我地其實同佢解釋過好多次, 放個袋去地下只係起飛同降落o個數十分鐘, 絕對唔會如佢所講 "成日要烏低身拎野,好唔方便架嘛" , 因為安全帶燈一off左, 佢就可以抱番住佢個寶貝.......但真係唔明點解講極佢都唔聽
我地以為佢怕整污糟個袋 (even唔係名牌, 亦有可能係有記念價值等等whatever...總之連原因都幫佢諗埋), 叫佢放上去行李櫃, 佢話太高(?!), 我地話幫佢放, 佢唔肯...話之後會幫佢拎番落o黎, 又唔肯.......咁話不如放去衣櫃啦, 又唔高, 佢又唔肯
不過好彩, 當日作為乘客既你地都好體諒, 亦明白呢個女人係有問題....我地o個下大家都有少少驚其他人會覺得"有冇搞錯呀你地d空姐咁煩架, 咪由佢抱住個袋囉", 點知大家都咁體諒...真係好感動....
(佢落機o個下, 我真係想同大家一齊拍手大叫, 但著住制服on duty中又唔可以, 去到日本之後, 我地十幾個同事爆笑左整日, 呢件事更加成為左我地公司同事之間茶餘飯後既話題!!)
|
郭太為Gucci女出頭[]
在發生「飛機Gucci女」事件後，不少香港女性都感同身受。身為名媛的郭炳聯太太更身先士卒，為一眾港女爭取「搭飛機攬手袋權」，迫使到國泰航空考慮讓步。
郭太的有關舉動引來不少網民非議。
外部連結[]
