FANDOM


香港人折撚墮潮文高登會員「帳戶已被鎖定」創作。內容講述香港生活的苦況,部份會員頗有同感。

原文

香港人真係好撚折墮

乜撚野東方之珠喎,我屌!!
成個香港9成人都幫李氏家族打工
樓市超市電訊都比佢玩晒
一個月搵二皮野都買唔起樓,就算買得起鬼咁細,仲衰過狗屋
成大部份人工用來供樓,供留二十幾年就有間狗竇發水樓
冇樓既都唔好諗住結婚生仔,夾硬來只會成家垃圾日日為錢家嘈屋閉
仲要供埋份死人強積金,你死做爛做供既錢拎去比班基金佬,
一個唔好意思就同你蝕鬼左都唔會講句對唔住,你仲要交管理費
捱左大半世人到退休,拎番雞碎咁多生活質素大跌,要死慳死抵捱到死o個日先叫安享晚年
想排隊去政府資助安老院,9成人到死一日都未輪到
仲有千其唔好大病,有乜Cancer去排政府醫院醫,基本上都死撚更(梗)
排個2年先同你照超聲波,到時人都火化左

生就為李家打工,到死都冇下葬之地
想排政府骨灰位,排番個三五年都未必有位比你下葬
冇錢去買個唔知合唔合法既位,就慢慢等啦
而家去親旺角尖沙咀,基本上已經比大陸人攻陷左
去名店都唔會serve你個港燦
澳門玩,一聽到你係香港人即刻變臉睇死你冇錢
人地國內同胞大疊大疊銀紙拎o係手都唔怕你搶得幾多
香港人已經成為窮撚既代名詞

好啦,想唔打工做D小生意
個業主見你生意好即時加你租,
賺埋賺埋都唔夠交租,幫業主打埋工
想去屋村開鋪,就殺個領匯出來趕絕你
引入乜野大型連繫商戶,聯手操控物價
你想去文具店買支筆都唔比你買
搞撚埋乜野求學不是求分數
你冇番個大學畢業都唔洗諗住搵到食
冇學位比你讀咩,周街都係學店,你點都拎幾十萬學費讀埋個asshole degree先好出來搵工

偉大既祖國話就話行社會主義
實質最有錢就係班為人民服務既高官
錢多到幾十世人都洗唔晒,佢份人工儲幾百萬年都儲唔到番來
香港話就話係地球上文明地區
連選自己既行政長官都冇資格
祖國比個乜野人你你都要硬食

呢個世界唔應該係咁
香港生活唔應該係咁
做人唔應該係咁

外部連結

除非特別說明,社區內容使用CC-BY-SA 授權許可。