FANDOM


自香港人網討論區大幅擴張後,其管理手法及意見接納態度一直都引來不少爭議。

言論審查

香港人網一向被視為人民力量(倒閣派分裂前的社民連)的網絡電台[1],其討論區的大部分會員和管理員亦是人民力量的支持者。當中極端的社民連的支持者,經常和人民力量的支持者爭吵及罵戰。

有部分香港人網的會員批評,指出人網高舉言論自由旗幟,指責他人不民主,但其討論區卻實行法西斯式管理,言行不一。香港人網的會員被指不得批評人網,只可跪拜,被形容為典型的「一黨專政」。人網討論區瀰漫度一片白色恐怖,據報已被封帳的會員超過500人,甚至是1000人,而部分被封帳的會員的理由更被指是笑話連篇。

有會員批評,不少用戶因發表不同意見而被扣威望,甚至禁言,違背香港人網支持言論自由的宗旨。[2]

涉嫌入侵會員帳戶

有人網會員批評,指出有管理員涉嫌入侵會員帳戶,更改會員帳戶密碼及用以獲取新密碼的電郵地址,讓會員無法登入,變相被禁言。

與管理員相熟的會員,同時亦是社民連義工的ccbenny,跟不少社民連支持者認識,而部份支持者更為人網管理層成員,經常默許ccbenny於版內侮辱部份網民,ccbenny無意中爆出蕭若元的親信人網名人版主「靳民」涉嫌暗中擅自更改部份網民帳戶密碼。

涉嫌「河蟹」黃毓民兒子的負面新聞

「黃毓民政評」版主fukdim多次「河蟹」討論黃毓民兒子在內地藏毒被捕的消息,並多次胡亂扣減新會員的威望,令不少新會員只能每小時回一帖。除此之外,亦刻意將任何版內不支持人民力量的帖子刪除及將發帖者禁止訪問該版。[3]

版主fukdim在該事件上的處理手法,引起不少人網會員不滿。有人網會員投訴之後,反遭管理員扣至負分至不能留言。

管理問題

香港人網討論區的管理員,經常被指選擇性執法,打壓異見言論。當中「賭精」及「卡夫卡」(franzkafka)的言論及管理手法,最為人網會員所非議。[2]

侮辱會員

有會員及版主經常性侮辱會員,但沒有得到處分,惹來爭議。[4][5][6][7]

濫用版主權力

根據香港人網的版規,人網的版主不得越版執法,但版主「卡夫卡」(franzkafka)經過被指多次越版執法,濫用版主權力,引起會員不滿[8],甚至需要蕭若元親自回應事件[9]

網民索羅斯2010年底揶揄「賭精」被另一名版主水湄仙子辱罵,網民selina_sze認為不值其所為,與索羅斯向其筆戰。而卡夫卡為幫同派系版主出頭,利用與蕭若元相熟的關係所獲得的特權,無視版規跨區執法,將selina_sze及索羅斯禁言,而將「卡夫卡」判罰停職其中主要原因,並非是跨區執法,而是辱罵裁決專員,而負責的前版主mazy更一度聲稱selina_sze為敵對網台Ourradio活躍版主,及後由於網民多番質問要求證明,而selina_sze亦於Ourradio聲明自己並非Ourradio版主,事件引起不少熱心網民討論,更發現卡夫卡與selina_sze於更早前已有口角,認為卡夫卡是公報私仇,其後selina_sze及其他網友質問管理層有關決定,而基於網民壓力,其後判詞刻意不提selina_sze為其他論壇版主一事。網民要求嚴懲多次嚴重犯版規的版主卡夫卡,最後事件由蕭若元親自出聲明致使網民不得再追咎。

其後selina_sze及其分身帳號不再回復。而索羅斯則於解禁過後被偷改密碼,其後Ourradio出現不少前人網會員,大都是同樣被偷改密碼或是因於香港人網被特權份子打壓的會員。

除此以外部份長期支持香港人網網民及版主例如ccbenny、版主kennyyou多次於版內不同帖子裡以大量粗言穢語刻意侮辱持不同意見的版友,而獲得總版主hkdino多次為其開脫,部份網民帳號更因此被禁。

亂扣威望

版規列明版主每天只可加減50分,並需要附上簡單理由。但franzkafka多次超過每天加減分的限制,但只附上「=)」、「原創內容」等理由。[10][11][12]甚至有網民在電台節目向黃毓民投訴。[13]

私相授受

「賭精」親信滲透人網管理層

「賭精」曾要求蕭若元開設一個只准部份確認網民專用的聊天室,名單內不少為賭精親信的現任人網版主(紅色底線所示)都是因為與賭精相熟而獲推薦。

「賭精」推薦「卡夫卡」做版主

「賭精」恃著與蕭若元關係,借推薦「卡夫卡」成為人網版主,並成為其打手,導致日後「卡夫卡」成為人網特權份子肆虐人網,亦間接導致人網內部權力鬥爭更為加劇。

網民批評

前人網網民對「卡夫卡」等管理層的批評

不少前人網網民見證香港人網管理層自人民台時代「卡夫卡」、Swana、賭精等與蕭若元恃熟賣熟獲得管理層職位,經常惡意打壓異見網民。

網民惡搞人網口號揶揄

在2010年開始,網絡上流傳了一篇《蕭若元自我審查,香港人網新口號:『唔講,仲好聽!』》帖文,內容主要是負面評論香港人網管理上問題。

其實腦燒搞左咁耐,鑊鑊都錯估形勢笑話連篇,係時候收檔:

01.金融海嘯後知後覺,蝕到仆街,以後唔敢再講股票

02.鵝頸橋補選拉票,響錄音室發開口夢,講乜撚野每個聽眾拉幾票就贏,結果慘敗自打嘴巴承認高估人網影響力

03.搞乜撚野變相公投,節目廣告日日喊苦喊忽,連續半年多角度分析,講到實牙實齒結果又係高估投票率,仲比民主黨玩足半年,幫埋民主黨上位

04.成撚日睇住自己篤出黎既數,自誇人網有好大影響力,又唔知好撚多人因為響外國無聊先聽佢鳩嗑,結果鑊鑊吹雞得幾十人,打邊爐無人去要減價,飲食卷無人買要自己啃

05.夜郎自大,高鐵事件之前仲以為自己好有影響力,吹撚到天花龍鳳,但一出手就比80後截糊

06.80後根本鄙視人網,因為Facebook開個谷都多人過人網幾十倍,又唔洗玩個人崇拜舖乜撚『蕭生好野!』

07.成撚日擺出個仆街財主款,但轉個頭又要人捐錢,乞完又擺,擺完又乞,撚屌臉皮成丈厚

08.錢就收撚左,個網就繼續柒,開得慢,多廣告,要聲無聲,要畫無畫,視像窒完又窒,音頻死完又死

09.個討論區開足十鳩幾個版,但其實無野睇,得班傻仔貼完篇新聞之後唔係你屌我就我屌你,邊個唔附和就扣分話人土共五毛

10.成撚日恥笑大陸套制度,結果自己個網又學到十足,版規寫撚到水蛇春咁長,但連版主都懶得去遵守,人治扮法治當人白痴

11.個網應改唔改,成班撚屌無野做學人玩近親繁殖,生出一層又一層既白痴版主,搞撚到一鑊泡無人認頭就再生多幾個裁判員

12.最後裁判員當然又係形同虛設,影都唔撚見,意見無人理,投訴無人理,版主擺明知法犯法,證據確鑿都無人理,結果比人打上節目投訴

13.腦燒吹水成性,見到個咪就六親不認,節目中除左恥笑過身邊員工拍檔,仲恥笑埋自己老婆仔女,數撚完自己個仔點失敗仲問點解養大人結果最憎恨自己

14.腦燒自卑所以自大,請人先睇識唔識擦鞋,再睇有無弱點可以控制,最緊要係睇埋對方可唔可以令自己高高在上

15.例如窮到訓街所以埋堆擦鞋既神棍潘,講野夾住春袋既鴨聲偉,含住條撚講野既靳文知,難聽無腦專站亂歌柄嘅Simon全部同腦燒一拍即合

16.腦燒縮骨嫉才,最撚怕叻過佢既人,邊個有少少人氣就會想盡辦法當眾恥笑以示自己高高在上

17.梁錦祥人氣旺就當眾恥笑梁錦祥,埋下日後出走伏線,馬草泥人氣旺就恥笑馬草泥唔識溝女,遲早比人反咬,愛明因為陳志雲單野人氣急升就恥笑愛明要整容,總之條嫉才撚樣一定要踩住人先可以生存

18.連一向有禮貌既白戶都頂唔順要話腦燒仆街,結果比腦燒當眾羞辱再打入冷宮

19.成撚日自我催眠,自以為緊貼潮流其實思想停留響90年代,三句唔埋兩句就講港產片,個撚個都係佢徒弟,總之就極度自大小器縮骨要面子,屌老味又唔撚知佢既過時垃圾片後生既有得下載都唔撚睇

20.請埋班陰陽怪氣擦鞋仔圍撚住個咪就以為自己係皇帝,明明足智因為無擦鞋所以踢走足智班主持,又死撐係節目質素問題

21.目中無人,話足智班義工唔識做節目,週街都可以請到,結果搞到眾叛親離,最後一集北上頻道比傑斯仔公開恥笑十幾分鐘

22.先撩者賤,落唔撚到台響節目發爛渣,想屌人又唔敢開名,話人讀咁多書但係思想混亂,又唔諗下自己幾咁仆街

23.講野成撚日雙重標準,一邊屌鳩義工唔夠專業,一邊出錢請個高音低能嘅Simon,比聽眾屌足半年

24.鑊鑊都眼高手低,08年吹撚到人網就上市,叫人儲定積分換股票,但唔夠一年就失撚左憶,09年到轉槍頭搞扣分制,比人屌撚到開花

25.成撚日以為自己應該屬於超級富豪,一直念念不忘科網股撼頭埋牆一鋪清袋,累人累物積勞成柒開撚左個節目狂插李嘉誠,集集串鳩李嘉誠發達係死好彩

26.撚屌自以為天才橫溢,幻想完講撚左就當真,世界杯前又話網上直播,結果影都無,連世界杯Chatroom都壞撚埋

27.71話派喇叭,結果當然又係無喇叭,自己遲撚左落訂又賴大陸

28.爆完人網單資料外洩之後仲搞乜撚野確認會員,要人填電話號碼,結果有人收到變靚D SMS,但係今日又學人鬧八達通賣資料

29.歇斯底理自我膨漲,發夢都要做皇帝,為求崇拜不擇手段,最撚仆街係唔熟唔食

30.例如舊版Myradio以梁錦祥為核心,一直以低成本製作發展順利,梁氏擁躉極速增長,腦燒好撚妒嫉

31.於是腦燒提出將Myradio收於人網旗下,理由係人網會以高成本娛樂製作搞到人網上市,講撚到個台唔上市會死,比佢接手聽日就可以發達

32.吞撚左Myradio之後就請班垃圾排擠梁錦祥,搞完個網聚當眾恥笑梁錦祥之後就自立為皇,開始重點訓練能夠定時背誦『蕭生好野!』既擦鞋專才

33.之後個個月講撚到全世界無左佢唔得,無左條撚屌貼錢救世會世界末日,其實盤撚屌數一睇就知係老作,D錢從來唔知去撚左邊

34.打撚左兩年飛機,最多人聽一樣係低成本節目,屌老味所謂高成本上市娛樂節目全線仆直

35.今年有戲拍,真銀當前皇帝都變左做河蟹,拍返個Video改口解釋搞網台其實好撚平,比返Myradio梁錦祥同社民連搞,就算丐幫窮到仆街都無問題

36.仲有好多,不能盡錄,總之腦燒幾撚聰明都無用,先天性格嚴重缺憾一睇就知其實好撚孤獨,如果唔係有舊錢一早妻離子散,臨老要用錢買班擦鞋仔懷念過去自我陶醉


至於人網河蟹化,其實腦燒從來都話係要先反共,到最後轉呔先會賺最多錢,如今見社民連大勢已去仲唔兌錢走人?
腦燒套鹹片籌備左十世,講撚到明一早已經想做河蟹,臨脫殼屌柒劉慧馨人網班傻仔都仲要中招比人轉移視線,
真係人網先可以容納咁多白痴仔,日日屌鳩建制派但到腦燒做河蟹就讚好,雙重標準到笑撚爆嘴,抵班傻仔一世被人利用牽著鼻子走

送個新口號比香港人網:
『講左,好撚驚!』 『唔講,仲好聽!』

網民批評言論自由被扭曲

2009年11月5日,香港討論區曾有一網民william.c貼出一篇對蕭若元搞網上論壇的言論自由的批評。

評老蕭在節目上豉吹扭曲forum言論自由的理論

我跟老蕭自2005年起就争抝政治概念問題。老蕭人絕頂聰明兼多學,但底子是犬儒,思想不太扎實,思考上好投機。對政治概念的認知及認定,毓民高佢好多班,甚至長毛亦高佢好多。

我是第一批被人網封殺言論自由的網友。我和老蕭是舊相識(但不是朋友),在搞forum的層次上,人網封殺言論自由,當時我的感覺是:老蕭自毁長城矣!老蕭好奇怪,講嘢諗嘢好似毛澤東(指好似),做嘢及上一個里長!

他在節目上多番闡釋網上言論自由,實是為其「人網扼殺言論自由」、「老蕭=言論自由劊子手」作辯護(初時我以為唔關老板老蕭事),做左咪做左囉,仲要扮毛澤東講理論,仲要為「fo um的言論自由要受限制」作合理化論述?唉。

這麽簡單的概念,老蕭會講到一舊舊,亂七八糟。

基本概念是:

a forum絕對有言論自由(under common conditions)
the forum有言論自由限制(by the forum所頒佈的條件)

你人網=the forum關埋門定好規矩,要槍斃會員都無人理你。

但你老蕭講到所有forum都應孩好似辦雜誌咁,要限制網民的發表自由,咁就貽笑大方。用毓民囗頭禪,又要貞節牌仿又要做妓女。

我知靳乜乜也會看此欄,作為知識青年,不要作盲毛了,將此概念帶回人網助理群研究下。老細顛唔使跟佢一齊顛,要點番醒佢,個團體才能玩長久些。

第二點,人網係從一般討論區(a forum)開始,即具有一般forum言論自由,到成為限制言論自由的。人網宗旨甚至標榜自由民主的,這令好多人中計(但不包括本人),(而家則猛老作理論根據)。這同毛澤東號稱人民萬歲到壓制人民有乜分別?

有權者都是如此(縱使是一個forum runner,講不上是什麽權力)。但老簫作為一個知名知識人,年多來公開地扭曲此forum言論自由概念,實在令人側目。

第三點,講吓forum=雜誌的謬論。老簫搞咗十幾年網,佢可能仲係一個傳统媒體人的心態,唔知網的真義,唔知Forum、互動web2.0的真義。虧我兩年前還為他的(所謂)web2.0的構思拍手叫好。

老簫,老簫,網/Forum的真義就是虛疑世界+無限制時間及無限制空間+互動+google法則(網民是主人)。雜誌是另一種東西,兩者通通相反,無得比較。一定要比較,雜誌文章多是要負責任的作者稿件,做生意的,Forum則類似讀者來信版。

網上Forum是讀者來信為主體同時亦是唯一主體的媒介。沒有編輯這回事,只有版主管理這回事。而版主管理三大原則:禁犯法言論如誹謗等;禁廣告及灌水貼;禁惡意人身攻擊,禁重覆性謾罵及引起不必要的駡戰等。

老簫用「雜誌沒有這麽多篇輻」,「假如有千多篇鬧毓民但毓民無時間回」(大意)作美化「/Forum應受言論限制」的借口,令人失笑。中國人有地位時天生都有D獨裁心態,總之個個都是老毛原形。

老蕭上述連詭辯都不是,叫老糊塗。網/Forum的好處就是無限發表空間,假如有條友不重覆字句寫千多篇鬧毓民發貼,你要讚佢至啱,假如重覆,咪當灌水貼 Ben佢囉。(他用一千個網名就破了你的限制)

再睇深入些,人網myradio社民連班頭頭都是過五張的所謂民主之士,骨子裡咪一樣係(有地位)中國人,不講權威其實自成權威,完全不知道網上世界是一個食得咸魚抵得渴的世界,無分大細。老蕭等想開個簫氏聖殿接受人們膜拜,那知forum本質上是個海德公園。問一聲,人網myradio社民連班頭頭有邊位上過forum同網民討論過議題?班友高高在上不可能亦不敢同網民對話。

Fine,無人話你地,但老簫唔好用「剝奪毓民言論自由」來作借口---「禁止那千多篇鬧毓民貼民(假定重覆),從而禁止鬧毓民」,這是歪理,仲衰過毛澤東大談「主席的自由受限制」。令人惋息者,節目上的老蕭口沬橫飛,當以為真,當自己發現一大真理,而旁邊的長毛則唯唯諾諾(仲話代表選民發問),埋堆就有咁嘅唔好處。

老蕭可以自定版規不準網民閙毓民,但不能貽笑大方地將問題上昇到---「f o ru m=雜誌,不準網民無限制地發言(假定不是灌水),理由是,哪個從未上過forum的被批評者無時間回」這樣的歪理。

你上Google打上馬英九一詞,台灣D網鋪天盖地批評馬英九的貼文就會冒出。老蕭,你明白其中的意義嗎?台灣不止得一個總統府網站,香港亦止得一個人網,你禁得哂所有forum鬧你地麼?你咪去做鴕鳥囉。你關埋門無人理你,但在網台上豉吹扭曲forum言論自由的理論,就有點反智。

結論是:
"你買起一間海德公園當教堂用唔準人講嘢"
唔等於:
"所有海德公園應該唔準人講嘢"。

更顯淺此喻:
"用教堂做雞竇"
唔等於:
"雞竇本質上係教堂"或"教堂本質上係雞竇"


老簫唔好大鄉里,外面嘅世界唔係咁。
老簫無乜概念,佢講人網的言論自由,無人話佢,但咁詮釋廣義上的言論自由,咁詮釋網上言論自由,真係有D過份。

老蕭&Co,你地己經abuse左forum!將forum濫用合理化,將forum濫用論述化,寫個服字。

相關條目

註解

外部連結

香港人網討論帖子

除非特別說明,社區內容使用CC-BY-SA 授權許可。