馬灣公園字軌車事件發生於2009年9月20日,有乘客不滿巴士車長以術語「字軌車」回應往青衣班次,引起乘客的不滿;及後被上傳至YouTube,於2009年10月16日給網民轉載,引起網民的爭議。而事件於2009年10月17日在《星島日報上報

事件起因

一名乘搭珀麗灣客運居民巴士NR331線巴士的男乘客,指有朋友問「(往)青衣那個站在哪裏」,車長指那是「字軌車」,但一名女乘客將「字軌車」理解成「治鬼車」,直指「不明白什麼是治鬼車」,與同行的男乘客一起參與對罵。

車長先讓乘客上車,乘客指控車長不願意解答女乘客的問題,解釋16:00的班次是加班車,並向其他肇事乘客道歉,女乘客指她完全不明白這一術語,語氣與剛才不一樣,不應在上車後才解釋。

肇事乘客將片段上載至YouTube,並以《馬灣挪亞方舟巴士司機 態度極差 不可理喻》為題,引起網民熱烈討論。

短片內容

對白內容

對話內容︰ 男:肇事男乘客 女:肇事女乘客 車:車長

男:我想問下你,頭先嗰架係咩字軌車呀?
車:我話俾你聽啦,投訴呢要睇清楚啲先,十六點零零分嗰部呢,唔係正常班次
男:(打斷話柄)因為頭先我朋友呢,她睇到架車呢,佢係講去到荃灣嘅。咁我誤會咗,我問你,你唔使咁惡架。
車:先生,我不是惡,我而家解釋俾你聽喎!
男:之前我朋友問你青衣個站喺邊,好像冇答咁樣,淨係講嗰度嗰度。
車:青衣個站喺邊?
女:(插嘴)咁,咩叫「治鬼車」(字軌車)呀?想問!
男:係囉,咩叫字軌車啫?我唔明你講咩!
女:(插嘴)什麼叫「治鬼車」(字軌車)呀?
車:等等吓,先俾其他人上車。
女:哈,你真係搞笑嘅啫。


(稍後) 女:哦,好像你惡喎。
車:好似你惡過我咁樣喎,施主。
女:咁我地而家要投訴丫嘛,你使唔使講一次給我聽?
車:喂
男:我唔係黎投訴,我淨係問你,我淨係說,我見到架車,我喺度上唔到車,跟住你同我講嗰架係字軌車,我都唔明你講咩字軌車!你嗰啲術語呢,其實我們乘客是唔明架,你明唔明?
車:我知道。
男:但你好似惡到呢,直情惡到我都唔夠膽問你喺邊度上車。
車:喂,現在究竟,好像係你惡過我喎。
男:唔係!頭先我呢,我不知道喺呢度裏上車。
車:我話俾你聽丫。我現在呢落緊客,佢問我青衣車(居民巴士NR330線,往青衣)邊度有(會開出),我話你聽,呢度冇青衣車,如果
男:(打斷話柄)我想講,頭先問你青衣車嗰個唔係我,是我個朋友。
車:她問搭嗰架啱唔啱嘛!
男:唔係!你係非常之唔願意答人。
車:我點會唔
男:唔緊要,(女插嘴)唔緊要。
車:(打開車門)咁我使唔使(向乘客鞠躬敬禮)嘻嘻嘻,先生,對唔住呀,青衣車呢,喺嗰頭呀。咁得唔得呀?
男:嗰位小姐問你架,唔係我問你架,青衣車。
車:你唔好咁勞氣。
男:我頭先,你問你我勞唔勞氣,(我)唔勞氣,我話俾你聽。
車:正常嘅班次呢,係每半個鐘頭一班嘅,頭先嗰架細車呢,係加班車,咁佢就係額外俾你(們)嘅。


(同時對話) 車:你有咩唔滿意,請你投訴,唔緊要架真係。你認為我惡,認為我態度唔好,可以投訴我,明唔明呀?
男:先生,我話俾你聽我第一次入黎這裏,唔知喺邊度上車,因為佢架車(指青衣車)停喺嗰度,可以唔上停喺度。
車:拿,有電話架,呢度有電話架,可以投訴我。
男:你唔使俾我睇,我都睇到啦。
女:咩叫「治鬼車」(字軌車)啫?你頭先仲鬧我呀!
車:嗰段說話
女:呢段說話你唔應該同我地講!(男:令到人地唔明囉。)下嘛?
男:嗰架乜野字軌車,又唔解釋。
女:你頭先唔係咁嘅語氣架!我話俾你聽!你話「治鬼車」(字軌車)喎,我真係唔明你啲術語喇!
車:呀,小姐。對唔住,唔好意思。我向你道歉,對唔住!
女:哦,你而家咁樣樣咪啱囉!
男:你而家咁樣唔使道歉喇,冇意思。
車:小姐。
女:而家咁樣都冇用架,頭先你咁鬧我。我們唔知道先咁問你啫。
男:唉,都唔知道咩態度!

網民反應

影片已有多於570個回應,而網民轉貼相關片段,對事件有強烈反應:

高登討論區

高登討論區會員丁丁_摩連奴將片段轉貼至高登討論區,引起不少迴響。[1]

部份會員以港女大鬧元朗聯興行事件的女事主與本事件相題並論。

香港討論區

香港討論區會員箭豬亦將片段轉貼至巴士迷專區吹水閒聊區,會員大多指投訴非常無理,反指肇事乘客惡人先告狀,才是不可理喻。[2][3][4]

yychan8指出以「趙燕萍」形容肇事乘客相當貼切,又稱「治鬼車」形容事件相當配合,也有會員期望肇事乘客盡快被起底yychan8另行開出名為《治鬼車》的巴士貼圖集影射事件。

而在Uwants2000fun三男二女等論壇亦有討論該事件。

相關條目

註解

外部連結

短片

網誌

討論區主題

高登討論區

香港討論區

交通迷討論區

Posta Forum

報章報道

除非另有註明,否則社區內容均使用CC-BY-SA授權條款。