馮允謙（Jay Fung），香港創作男歌手，在香港出生，一歲半時與家人移居加拿大愛民頓。曲風唱腔深受西方音樂影響，是無綫電視節目《超級巨聲3》亞軍。
「十了大歲」
2016年5月上旬，英皇歌手馮允謙喺推出新歌《葡萄釀的淚》，其中歌詞開首幾句「多一歲 多一歲」，之後馮允謙竟唱出「十了大歲」，網民紛紛疑問「十了大歲」到處是什麼意思。
5月4日，fb專頁「論盡音樂」就開帖探討：「我開頭以為字幕打錯或者歌詞打錯，但一聽，喂！佢真係唱左『十了大歲』架喎？！所以，我好想問下馮允謙，究竟係林若寧一開始就已經寫左『十了大歲』俾（畀）你唱？定其實係你唱完，然後監製廖志華都覺得無問題，再加上英皇娛樂所有人都聽唔出問題，到打字幕同歌詞都照打照出『十了大歲』？一個字唱錯音，例如『不屑』個『屑』字，由『洩』音唱錯做『肖』（指陳奕迅《天下無雙》）呢種錯發生都已經唔應該，但『大了十歲』變『十了大歲』呢個問題真係無乜理由會發生響一首歌身上。」 [1]
英皇方面回覆報章記者查詢，死撐馮允謙沒有唱錯：「首歌是談及跟朋友喝紅酒，喝得有點醉，刻意玩『錯摸』，好像有人說『紅都面晒』一樣，歌詞顯示這種幽默。」之後馮允謙亦以同一口徑回應。
但填詞的林若寧隨後卻承認自己打錯字：「其實是我打錯字，純粹打錯字，『十』同『大』打簡易時候，『J』同『K』兩個碼在附近，我疏忽沒有再校對歌詞。」之後英皇得悉後，再急轉彎作出解釋：「製作部一直以為林若寧刻意切合馮允謙的ABC形象去寫這樣的歌詞，剛剛才得知是他的錯失，這是美麗的誤會！」
有網民得悉後指責英皇宣傳部：「同呢個社會一樣，總之做左就一定冇錯，有錯就解釋到好似冇錯咁」 [2]、「我覺得Jay（馮允謙）同EEG個回覆好體現到考評局啲閱讀理解，吹到原作者有幾多修辭、幾多靚文筆、幾多心思幾多意境，好deep好deep，最後其實作者只係打錯字。」 [3]
