FANDOM


骨場廣東話是網絡上流傳的一段有關骨場按摩師(骨女)與客人對話的笑話。該笑話中有一名骨女和純情港燦對答。笑話是衍生自內地深圳的按摩店及餐館,因侍應和服務員的廣東話並不純正,但因那些地方的主要服務對象是粵語人,故不少外省勞工均要說著半鹹半淡的廣東話,以此鬧出不少笑話。

除了骨場廣東話外,還有其他版本的笑話於網上流傳。

版本

骨女:老闆,不如先黎「射杯精」。
客人:下?又話呢度係正經按摩店既…一杯應該唔得喎。
骨女:先射杯精(寫杯drink),按摩時好口乾架。
客人:哦…咁有乜飲架?
骨女:有奶茶、咖啡、可樂、「新彊可樂」。
客人:新彊可樂?唔駛另外畀錢架?
骨女:免費架!

(片刻)
客人:呢杯係可樂煲薑喎。
骨女:係呀,咪「新彊可樂」囉…(生薑可樂)

(片刻)
骨女:老闆,你「硬」幾耐?
客人:呀?有時都幾耐…你仲乜咁問既?
骨女:我想問你「硬」三小時得唔得?
客人:我怕唔得喎…
骨女:但「硬」(按)一個鐘同三個鐘一樣價錢,客人多數按三個鐘。
客人:哦……

(片刻)
骨女:你做唔做雀仔按摩呀?
客人:我唔係好慣喎。
骨女:果度有好多穴位,最初按有少少痛,但對身體好好架。
客人:雀仔都有穴位,咁試下啦…
骨女(向店員叫):拎盤水黎,幫老闆洗腳,佢要做雀仔按摩(腳底按摩)

(又片刻)
骨女:老細你都幾尻(gau1)喎…
客人:呀…所以係香港搵唔到女朋友囉。
骨女:但你甘尻(高),應該好多女人屎寬(喜歡)喎。

(再片刻)
骨女:老細你鐘唔鐘意玩「攤直射」?
客人:乜話?!
骨女:「攤直射」好好玩架,我教你玩丫!
(跟住拿出Nokia手機一部)
骨女:呢個咪「攤直射」(貪食蛇)囉!講開又講,你電話有冇「雷電顯示」(來電顯示)?

(片刻)
骨女:老闆,我地玩「失蹤」好唔好?
客人:間房咁細,玩唔到喎。
骨女:唔駛好大地方架,我都係上星期先「學失」(學識)玩「失蹤」(骰盅)…

(片刻)
骨女:我最近想買個電視機返鄉下,香港買電視機有冇電視框?
客人:當然有啦…
骨女:咁係咪好多電視框架?
客人:…買電視,點會送你好多架電視櫃架。你要咁多電視櫃做乜?
骨女:奇喇,我聽啲同鄉講,去香港買電器,好多「電視框」(discount)

(按摩後)
骨女:老闆,你要唔要食啲野?
客人:有乜食架?
骨女:最近有老鼠拼盤,有老鼠蛋、老鼠腸、老鼠(鹵水)豬耳,好好食架。
客人:我唔敢食喎。
骨女:咁食乳頭(魚頭)丫,好好味架!
客人:我…冇心理準備食喎。叫人同我去麥當勞買個豬柳漢堡就得。
骨女:要蛋呀。
客人:唔要蛋喇。
骨女:係要蛋喎!
客人:我真係唔要蛋,我只係要豬柳漢堡!
骨女:要蛋一蛋呀,要蛋(等)十分鐘呀…

除非特別說明,社區內容使用CC-BY-SA 授權許可。