作者:波雲

序章:波雲我太無聊

因為有一天我十分之無聊,咁我又諗,唔知有冇人叫自己做"電腦神童"呢?咁我咪去ICQ搜尋nickname(暱稱) 係"電腦神童"囉,跟住就搵倒叫自己做小電腦神童o既鄧幹廉啦!

之後我又睇佢個資料, 見倒佢有網頁喎,咪去睇囉,點知咁白痴,咁我咪係 ICQ 串佢幾句,提點下佢,點知佢打粗口喎(d粗口仲要打錯曬,例:你好能(撚)凡(煩)),咁我就算啦~唔采佢 之後佢竟然講粗口

第二回:DOS教學模式抄襲實錄

其實佢個網頁初期到現在絕對係抄襲,好唔好彩,之後我 add 佢 icq 之後,佢又係我資料睇倒我個網"我的程式工具"(總對唔係正網),我個網有一部份係教小小DOS指令,本來我都冇理鄧幹廉,點知有一日我又去佢個網,佢竟然抄我個dos 教學,仲要連格式,字型大小都一樣...

第三回:「電腦小神童」學校被罰

咁我梗係"小"佢啦,點知佢唔理我,又唔刪除番喎,點知條白痴仔個ICQ資料連佢個網頁有自己個"個人介紹"都有自己個真名同張相,最好有埋中學校名,咁我就同佢玩野,寄電郵去佢學校投訴,過左兩日電郵回覆話已經警告過佢,條友亦都刪除左個教學~

第四回:鄧幹廉不知廉恥

其實我本來已經同此人再無瓜葛,但係因為佢自稱電腦小神童,仲成日吹自己個網話好正,梗係啦,佢個網d內容全部都係抄人,一模一樣,格式顏色,有幾部份教人整網頁的我仲可以講得出佢抄邊個,最緊要係我用 56K, 佢竟然係佢自己個網放左好多動態GIF.條條GIF仲要係超過 100KB, 最勁那個超過 900KB,攪到我個IE成日死… 佢個留言板又冇野寫,成日留自己個網有幾人去睇,每100人留一個言話有100人睇,唉…有冇搞錯…

第五回:高登戰事序幕

這個時候,我已經成為香港高登討論區 (以下簡稱高登或者hkgolden) 會員,咁我有野就要同大家分享下(這時花生,識少少還在),咁我咪post 鄧小朋友o既事出來囉(重點寫佢”電腦維修”),跟住佢收人錢同人整機,裝 Windows,ICQ, Office,其中一位高登友對鄧用老翻windows幫人裝機收錢極為不妥,於是將事情鬧大,仲同微軟香港投訴,但我不知結果。

第六回:鄧幹廉美名入高登

其實本來都冇乜人知鄧幹廉,不過係我的引薦,大家對這位朋友漸漸熟悉。不過鄧佢唔知邊度得知有 www.hkgolden.com ,咁佢就以真名鄧幹廉入o黎熱鬧一下,點知見倒我地係咁講佢,咁佢就食住條水,係”硬件台”係咁出帖問問題,但係內容就係佢個網址!天呀!佢要推廣佢個靚靚網,自此之後,我和他在高登的戰事已零零碎碎咁開始了!

第七回:神秘E-mail的詢價單

我睇過佢個電腦維修,咁我就扮傻仔寄電郵去問價,話要裝 Windows & Office(這封電郵遲少少公開),佢用Netvigator 的電郵戶口回覆我,當中更留了屋企電話號碼。嘩!咁正?我有把柄係手,於是我在高登玩得更放…

第八回:你炸?我又炸

佢唔知係真傻定假傻,我地高登User見佢個網咁好玩,咪成日去囉,間接令佢個網人流上升。但係高登的言論更進一步,佢就開始炸我ICQ, 電郵(hotmail),仲去我個網炸埋留言板。咁我又唔執輸,我又去佢個留言板炸,炸死左一個留言板(其實係我出手炸先)…我仲將佢本人張玉照上載到我 heha 的伺服器, 係咁在吹水台同硬件台出帖,嚴重打擊鄧幹廉

第九回:我被騙去了我的手提

到了戰事的高潮,佢似乎已經知道我用E-Mail陰佢,其實我本身都有幫人整LAN, 於是佢又出同一招,係ICQ 度(用假名) 話要整機,咁我之前又成功幫過人,咁我就比我手提佢詳談囉,當時佢係咁問我電腦以外的事,例如讀咩學校,會考之類的個人事情,咁我當佢係客自然想打好關係,點知…。當然我並不知道佢係鄧,但係佢除左講整機事宜,仲話佢自己都係高登user,話見倒鄧幹廉好白癡,想知道更多,又話自己比鄧幹廉整過機,服務一流。於是同佢好好傾,由深夜2:00講到3:00,用手提講左一個鐘,次日我還要去幫燊仔整機,咁就掛線了。我承認自己白痴左,第二日的事就…

第十回:被騙後的第一日

我去了幫人整機,點知客仔都係高登友,咁我當然同佢好好傾啦,咁我心諗一諗,不如上高登網睇下有咩新料,點知,一去硬件台,見倒有個題目寫住:波雲資料大公開…

我見係鄧幹廉出帖,以為佢冇乜好寫,點知一睇有我中五會考成績,住邊頭,手提電話號碼…我初時以為我整機那個網的聯絡資料比佢抄下來,我仲樣衰衰立刻刪除左那些資料,但諗諗下,點解會連會考成績同住邊都知?當時我仲未諗到發生咩事,但既然係鄧幹廉出帖,咁我又有佢屋企電話,咁我自然打電話去媽叉佢…

佢聽倒我把聲就扮曬野唔出聲,咁我就收線囉。之後佢又打番比我,竟然問我:如果部電腦一入 Windows 個桌面唔出圖示係咩事?我話:鄧幹廉,有咩三口六面講清楚!佢回覆話:我一陣打番比你。佢打番比我話:昨晚我同你講左成晚電話,你咁都唔知咩?此時此刻,我恍然大悟,於是扮死狗話不如言和,各不相久。大家之後便約定不提此事。

第十一回:高登二次大戰序幕

過了一個月的和平日子,自”匿名事件”後,本來都冇乜事,但係在討論區換上新面貌後,有一位會員 Peter_Pen 舊事重提,指責鄧幹廉網頁昆水兼搵笨,又核突,我本來都心如止水,但係回想手提電話事件我就生蝦咁跳,於是在回覆中踩多兩腳,我和鄧之間的恩恩怨怨再度爆發!

第十二回:二次大戰的爆發,高登盟軍成立

當時高登討論區正是全盛時期,伺服器更常常因多人而出現問題,鄧幹廉的事跡更家傳戶曉,廣為人知,在我波雲的策動下,被各位會員推舉總司令,初時高登盟軍只得小貓三四隻,但在一晚的號召下已經超過數十位的會員加入,當中更有大口組的組員以個人身分加入,而鄧幹廉則成立”軍刀”,企圖以二人之力力戰高登盟軍!可惜可惜,簡直以卵擊石!

第十三回:高登吹水台,烽煙四起

高登盟軍與軍刀於高登吹水台決戰,我建議大家用 PING 策略,但係未見成效,而鄧幹廉竟然公然在討論區大貼粗口,辱罵高登盟軍,我地又反擊,幾十把口串兩把口。大家見PING 未有成效,於是發動了 留言板 及電郵勁炸,有的在吹水台發起言論,貼了鄧幹廉的大字報,更有改相熱潮,甚至將鄧幹廉形容為恐怖份子(拉登),高登盟軍及高登會員都爭相指責鄧ON99,氣勢磅礡,一時無兩!經兩日的戰事後,結果就…

第十四,最終回:軍刀投降,潛逃加拿大

鄧幹廉(高登化名:IT仔),於12月28-29日在高登吹水台正式投降,並聲稱會過加拿大,不過我地有十成人都認為佢係老吹,我相信鄧幹廉事件並不會結束!

除非另有註明,否則社區內容均使用CC-BY-SA授權條款。