鹿角遺恨一詞由溶人傑所創，取材於廣東俚語「捉到鹿都唔識脫角」。鹿角遺恨事件在2008年3月12日發生於粥谷，主要是一眾版友各自慨嘆往日因為種種原因而沒有好好把握感情發展機會而心生懊悔的事件。
鹿角遺恨
粥谷版友xmen在2008年3月12日下午3:33發表了一個名為「捉倒鹿唔識脫角 (1)」的主題，其後陸續發表了四個後續主題，表示了自己曾經與一段有機會發展的情緣失之交臂。xmen的帖子在粥谷之中引起極大迴響，一些版友隨後各自分享自己往日與愛情擦身而過的經歷。鹿角遺恨事件中，粥谷版友罕見地用了不少文字去發表主題及回應，足見粥谷版友在事件中的投入和認真程度。
關於眾版友的鹿角遺恨，可見於下方紀錄。
「捉到鹿都唔識脫角」的意思
「捉到鹿都唔識脫角」（抓到了鹿也不懂得把鹿角拿下來）是一句廣東俚語。由於「鹿角」是珍貴藥材鹿茸的所在，所以是鹿的身體中最具銷售價值的一部份，所謂「捉到鹿都唔識脫角」即是指沒能把握機會的意思。在鹿角遺恨事件發生後不久，「鹿角」一詞在粥谷便成為了「情事」的代名詞。
網友獨孤九寒在粥谷的主題「有版友問我鹿角的出處…」中對本句子作出了解釋（次序由下自上）：
"獨孤九寒" <.> 撰寫於郵件新聞:47d7e41c$1@news.3home.net... > 唔係，原意係指「任由大好機會由手中白白流走而不懂得把握」。 > "Ysky @ Home" <izplus2004@yahoo.com.hk> 撰寫於郵件新聞:47d7e3d2$1@news.3home.net... >> 原本都係用黎講食女(男)嗎？ >> "獨孤九寒" <.> 撰寫於郵件新聞:47d7e38d$1@news.3home.net... >>> 香港俚語來的。 >>> "Ysky @ Home" <izplus2004@yahoo.com.hk> 撰寫於郵件新聞:47d7e17a$1@news.3home.net... >>>> 我有睇啊 XD 呢個用法係 Xmen 原創的嗎？ >>>> ""紫秤@占卜指導員"" <DEDEDADA@gmail.com> 撰寫於郵件新聞:47d7e0f5$1@news.3home.net... >>>>> 15:33 >>>>> >>>>> 捉倒鹿唔識脫角 >>>>> XMEN >>>>> Ysky @ Home wrote: >>>>>> 不過我又答唔出 >>>>>> 有冇其他版友知道啊？
而粥谷的著名網友加德利奧則對上述定義表示不屑：
"加德利奧" <cattabby@hotmail.com> 撰寫於郵件新聞:47d862d8$1@news.3home.net... > 妖 > 咩與愛情擦身而過 > 與房事擦身而過咋嗎
鹿角遺恨：xmen
xmen：《捉倒鹿唔識脫角 (1)》（3:33PM／2008年3月12日）
"xmen" <xmen1982@hotmail.com> 撰寫於郵件新聞:47d7873f$1@news.3home.net... > 今日忽然想起以前一件「捉倒鹿唔識脫角」既事，同大家分享一下。 > > 話說中學時對一個師妹一見鍾情，見左佢一眼之後就開始迷上，足足追左2年幾。雖然 > 當時有半年既時間晚晚都會同佢傾電話，不過最後都冇發展落去，佢就同左街外另一個 > 男仔一齊.... > > 中學畢業後冇再聯絡，1年之後，佢突然打俾我約我出街，咁我當同舊朋友食飯見面 > 啦，不過一見就出事，因為發覺自已仲鐘意佢，當日我地去左睇戲，佢買左一排益力 > 多，當我見佢開黎飲，問佢拎既時候，佢竟然就遞佢飲緊o個支俾我，完全冇諗過佢會 > 咁做，不過佢遞到黎，我當然照飲啦.......(續)
xmen：《捉倒鹿唔識脫角 2》（3:43PM）
"xmen" <xmen1982@hotmail.com> 撰寫於郵件新聞:47d789ad$1@news.3home.net... > 同自已一見鐘情加中學時期追左2年既「女神」間接接吻，對於當年仲係純情學生哥既 > 小弟黎講真係幾震撼。雖然理智知佢同男友已經分左手，當我係一個水泡先黎搵我，不 > 過感情上都唔係幾控制倒自已，當晚睇完戲就送佢返屋企喇﹗係要同佢分手既時刻，佢 > 突然係屋?既後樓梯(佢住得矮，行樓梯上樓既)攬住我，話多謝我今日陪佢，之後仲笑 > 笑口問﹕「有冇覺得有d野「銀」住你呀？」......(續)
xmen：《捉倒鹿唔識脫角(3)》（4:02PM）
"xmen" <xmen1982@hotmail.com> 撰寫於郵件新聞:47d78dfc$3@news.3home.net... > 「有冇覺得有d野「銀」住你呀？」 > 同一日跟女神間接接吻，又俾佢突然攬住，我只係識面紅，個腦轉得特別慢。原來佢係 > 笑指有冇覺得佢上圍頂住我心口.....成段對話同過程都真係好似發緊夢咁。。。而我 > 只係識面紅同笑，之後就走左喇﹗ > > 2個星期後係佢18歲生日，我膽粗粗問佢可唔可以一齊過，又竟然成功wor﹗所以o個兩 > 個星期我就o係度訂花，買禮物，諗行程，打算籌備一個二人世界既浪漫生日。最後決 > 定帶佢去黃金海岸玩，(自已仲特登事前一個人坐巴士由銅鑼灣搭車去黃金海岸視察同 > 計時囉﹗哈~~) > > 去到佢有d surprise, 因為之前佢一直想去，亦都同佢前男友講過想去，我地坐左係沙 > 灘度傾計(背?度準備左小小既沙灘席)，傾傾下佢喊左出黎，覺得我對佢好好，企左起 > 身要攬住我，不過因為係沙地，我地企左起身，攬左一下，就雙雙跌左落地，仲係女下 > 男下既姿勢.......(續, sorry, 分開因為要做野...等多一陣打埋個ending)
xmen：《捉倒鹿唔識脫角 (4)》（4:29PM）
"xmen" <xmen1982@hotmail.com> 撰寫於郵件新聞:47d7946d$1@news.3home.net... > 因為沙地企唔穩，我跌左落去女神個度(真係冇心的)，佢平訓左o係沙地上，而我就責 > 住o係佢上面，變成女上男下。 > > 由於7,8點既夜晚，黃金海岸沙灘又黑冇咩人，所以我鼓起勇氣，問佢﹕「可唔可以將 > 我既初吻俾自已最鐘意既人呀？」，佢笑笑口點頭，我就錫左落去，錫左幾秒鐘。(當 > 時仲係情竇初開，咩都唔識，咀唇掂下已經好開心)我地再維持呢個姿勢一陣，就起身 > 去附近既食西餐喇﹗期間佢竟然自已喃喃細語咁講﹕「唔知自已既第一次會點既呢？」 > 雖然hotel只係o係附近，但係對於冇拍拖既我黎講又唔知點應佢喇。之後食飯都有傾有 > 講，過程都好開心。 > > 飯後一齊搭巴士送佢返屋企，巴士上層冇咩人，佢坐左o係我隔離，突然好快咁掀開自 > 已心口望左一眼，跟住細細聲o係我耳仔邊問﹕「你估下我今日咩色？」.....(續)
xmen：《捉倒鹿唔識脫角(5. 最終回)》（4:48PM）
"xmen" <xmen1982@hotmail.com> 撰寫於郵件新聞:47d798de@news.3home.net... > 上回提到佢突然好快咁掀 > 開自已心口望左一眼，跟住細細聲o係我耳仔邊問﹕「你估下我今日咩色？」換轉係第 > 二個女仔我可能會同佢講笑，不過佢係我追左幾年，又一見鐘情既女神，女神又點會講 > 得出呢d說話呢？所以我又係笑住口，唔知俾咩反應佢。之後佢冇再問落去，挨o係我膊 > 頭訓著左，而我就繼續陶醉同佢相處既時刻。 > > 去到佢屋企既樓梯，我一早拜託幾位老友，幫我o係d樓梯扶手掛晒d汽球，再準備左佢 > 至鐘意食既雪糕蛋糕，唱住生日歌送俾佢，佢錫左我塊面一啖之後，送佢返屋企，就完 > 了。。。 > > 因為之後既兩年我都再冇見過佢，電話有傾過幾次，不過佢俾我既感覺有d冷漠，同佢 > 就再冇聯絡，只係另一位朋友由加大拿返黎香港先會見下面。。。有段時間我會諗係咪 > 當時太蠢冇行動，令到佢覺得我太悶呢？Anyway，呢件已經係發生o係差唔多7年前既 > 事，bygone is bygone~~多謝各位捧場，耐心睇小弟分享呢﹗呵呵~~唔係甜故，要大家 > 失望了。sorry﹗^_^
鹿角遺恨：man
Man：《其實我都有類似o既鹿角...》（4:56PM／2008年3月12日）
"Man@Office.Break" <a@a.com> 撰寫於郵件新聞:47d79ab8$1@news.3home.net... > ＿左一次後, 去過兩次街, 但冇乜feel , 之後就冇再連絡
鹿角遺恨：懵懂
懵懂：《話時話，我都有鹿角》（5:27PM／2008年3月12日）
"懵懂" <asadf@asfd.com> 撰寫於郵件新聞:47d7a1f6$1@news.3home.net...
> 話說在7年前，有一個勁索的friend剛跟bf分手，佢可以話係我認識的朋友當中最索的一個；佢日日係咁搵我講電話，應該唔好話係日日，直頭係無時無刻都打俾我，返屋企搭車打俾我到搭lift斷線，到一出lift即redial俾我，差不多每日都將所有無野做的時間跟她講電話，而且，話題不絕，我d死人爛gag佢都可以係咁笑，我講乜野，佢都好留心聽，我亦都好願意聽佢講野，在她面前我亦可以暢所欲言，佢亦都好欣賞我的坦率，感覺好好，好夾。
>
> 除電話之外，佢亦都係咁約我出街，我當然赴約，但我實在太on9了，只諗到帶佢去散心，完全無諗過溝佢！就係咁樣，那時站在 "＜－朋友｜情侶－＞" 路牌前的我們，漸漸地，我們向了左邊
> 行了．．．
>
> 呢７年裡，佢經歷好多感情問題，佢係果ｄ一同佢拍拖，呢世人都跟住佢的傳統女仔，同男朋友一齊的話所有電話都唔會聽，即使男朋友唔介意都唔聽。可惜的是，佢每次都係俾人飛，而我每次都做輔導者的工作。
>
> ７年後既某一晚，我地如常講電話，我突然問佢：係喎，其實果時我溝你既話，你受唔受的？
> 佢答：其實會架
> 我吼：吊！！！！！！！！！！！！！！！！！！！！！！！！！！！！！！！！！！！！！
>
> 之後大家都笑左勁耐～
>
> 我再問：咁而家呢？
> 佢答：一定唔會囉。
>
> 價值＄３２４３２１０８１ 的鹿角就此飛走了
鹿角遺恨：KAY爺
KAY爺：《其實我都有類似o既鹿角......》（5:34PM／2008年3月12日）
"KAY爺" <the@kay.com> 撰寫於郵件新聞:47d7a3b1$1@news.3home.net... > 之前個ex失戀, 同佢去黃金海岸行沙灘, 諗住行完上酒店執劑, 於是o係沙灘度不停又撩又渣, > 點知渣渣下發現比以前肥左好多, 計落條數只值得去百佳, 可惜佢只願意上黃金海岸酒店.... > 唯有渣車送佢返屋企, 之後就無再聯絡...
鹿角遺恨：阿景仔（遺恨一）
阿景仔：《X人講完隻鹿...令我諗起...》（5:34PM／2008年3月12日）
"阿景仔@office" <ah@king.chai> 撰寫於郵件新聞:47d7a3be$1@news.3home.net... > 七八年前, 我仲係中五既時候, 曾經對隔離班一個女仔有好感 > 但係佢鍾意左我個frd, 不過我個frd有女友, 唔接受佢... > 我對佢其實幾好, 不過係朋友個隻, 久而久之, 佢移情去我度 > 有一次出街, 佢主動拖我隻手, 當時我對佢仲有D好感, > 但係我有好強烈既意識, 我係一個水泡.... > 到最後我只係由佢拖住, 無下文lu > > 一路都有keep住聯絡.... > 前排佢同我講, 當時你拖住人地隻手, 搞到我幾緊張.... > 我緊係知佢緊張....當時佢手心出晒汗... > 不過係佢主動囉...
鹿角遺恨：Leo
Leo：《我都有6角》（7:01PM／2008年3月12日）
"Leo" <leo@hotmail.com> 撰寫於郵件新聞:47d7b806$1@news.3home.net... > 話說係7-8年前, 岩岩升IVE,(中學係男校), 跟左D 朋友落D, 識左個女仔,(都幾靚), > 可以話佢主動識我, 仲咀埋我.... > 之後都有聯絡, 當時都未拍過拖, 諗住識下佢, 睇下有冇機, 又住得近, > 識左冇耐,成日都同佢食早餐,接佢放工, > 又成日講電話....試過同我講電話, 我聽到有水聲,又有回音,原來佢沖緊涼, > > 咁又一次係M記食早餐,咁佢話隻手好凍, 結果我半拖咁暖住佢隻手, > 可惜係我又冇膽去試, 佢又透露過EX BF搵番佢, (做香分大生意的) > 過左一排, 結果佢電話又CUT左, 又搬埋....想搵番出黎飲野都冇機..... > > 諗番起都覺得佢索
鹿角遺恨：黃貫中出碟
黃貫中出碟：《我的鹿角--大長篇一take過》（7:27PM／2008年3月12日）
"黃貫中出碟" <a@a.a> 撰寫於郵件新聞:47d7be3f$1@news.3home.net...
> 當年在ICQ還很嫩的日子（七位icq #），我認識了一位和我同齡的女孩子。
> 當時我已經有一個女朋友，但本著識多個friend的心態，我和那女孩很快便混熟。
> 過了約三個月吧，我們都考完cert，便相約出街。
> 我們簡直是一見如故，我們常常相約看戲、去海灘、逛街吃飯等。
> 由於我有女朋友，所以我們都沒有把心中的話說出來，一直保持一份純真的關係。
> 直到有一次，她約我到另一個朋友家一同看VCD，我赴會。
> 我見到她的另外三位朋友，我沒有和他們有很多溝通，整晚都注視著她。
> 後來，朋友們一一在VCD中段倒睡（可能是太悶吧），只剩我和她。
> 我們說要睡覺了，她在地上睡床褥，我坐在沙發睡。
> 其實，我們都睡不著，我換了睡在她旁，用手摟著她，我們繼續暢談。
> 我們談到接吻，然後我吻了她的面頰，下巴，就是沒有碰她的雙唇。
> 她也是這樣，我們享受著那moment。（注：其他朋友是在我們旁睡著的）
> 我們就是這樣逗玩著直到天光，我們都真的睡著了。
> 後來，我因為有事，我在她身旁起來，沒留下一聲走了。
>
> 之後，我們再傾電話的時候，有一層很大很大的隔膜。她好像不想跟我說話。模糊中，我記得她說了一句：「我D friend話見到我們打茄輪，我話無。」我無甚麼說。
> 後來，她索性不聽我的電話，就算聽，也匆匆收線。我心知不妙，識趣的不敢打給她了。
>
> 平安夜是她的生日，我在北京旅行，但心裡想著她。
> 我過了十二點打了個長途電話給她，她在和朋友開P，她敷衍了一兩句說便掛了線。
> 之後，我們再也不見面，她的電話、ICQ號碼我也delete了。
>
> 在起初的半年，我的心日夜不安，時常想起她。她喜歡楊千華，我留意她；她喜歡Postpet，我留意；她住近鑽石山，我路過會望望地鐵站。我真的很喜歡她。
> 之後，我換了一兩個女朋友，但心裡還是覺得有這麼的一個人在我心中揮之不去。
> 有一次，我去完露營，由西貢乘巴士到了鑽石山荷里活，餓鬼般的在荷里活找吃的。在商場的遠處我見到一個很像她的人挽著一個男人迎面以來，走近的時候，我知道是她。我的心死了。一個人，我沒有了contact方法，她也大概忘了我，又有男朋友，我能怎樣呢？ > 我開始從我們相遇的地方--互聯網--找她。那時還未有facebook，但有交友網、校友網，於是我嘗試從這些途徑找回她，希望能做回朋友。
> 這樣的日子過了四年，這個人的影響力也日減。只是，只要想起那一段日子，心裡還是有一點戚然。
> 就在這樣的心情下，我開始想，我可能還會記得她的電話號碼呢。我不時都會想一想，不時又想一想，過了兩三個月，奇蹟發生了，我想起了她的手機號碼。我發了一個“Long time no see this is me."的短訊，希望
> 她回。就算不回，也沒那麼尷尬嘛。
>
> 我們又重新連上了。
> 我們沒有提當年的「分開」，只是當沒事的閒話家常。過了一陣子，我因為我生日，我約了她出來吃飯。那天的生日飯我們吃得開心極了。我們有說不完的話題，雖然多年沒見，但運知道對方心底的脾性，很了解對方。這樣，我們又開始見面，看電影、一起上工聯會興趣班、一起吃飯，chill out。不久，我和女朋友分手，我心想：「終於我們都available了。」
> 我和她談起當年，原來她是介意成為第三者，所以和我割蓆。
> 多年之後，我覺得大家雖然合得來，但始終大家發展不同，圈子不同，要拍拖仍然有難度。
>
> 不過，我們仍然是照舊的互相flirt一番，還打趣的說：「你chur得我好勁喎。」
> 這次，我沒踏前一步，她也沒有。我和另一個女孩開始了。
>
> 當我開始拍拖不久，她說她有一星期annual leave，找一日來看我。我說好，我會帶她往「濕滑公園」（又是一個語帶相關的挑逗）
> 吃過午飯、去過公園，我們都十分開心，我們說要去看噱電影。入戲院之前，我們吃晚飯，在飯桌上，我鼓起勇氣說：「其實，我最鍾意妳的時候都過了，你知道嘛，妳不找我，我想了妳想足四年呢。現在嘛，我有勇氣，我覺得要給妳知。」她呆了，沒說話。我們步向戲院的時候，她摟著我的手臂哭了，說了聲多謝，你剛才的話讓我知道我是被愛的。
> 入到戲院，她倚著我。在半路中途，我轉頭望著她，她也望著我，我又吻了她的面頰，這次我試著吻她的雙唇。但她有點猶豫，我也沒有繼續了。
> 之後，她問我想不想去飲野，我心裡很不安，我想，我已經有女朋友了，妳和我去飲野，一定會出事的。我婉拒了她。之後，我知道她和一個TB拍了拖，很開心。
鹿角遺恨：紫秤
紫秤：《我的最近六角》（7:59PM／2008年3月12日）
""紫秤@占卜指導員"" <DEDEDADA@gmail.com> 撰寫於郵件新聞:47d7c598$1@news.3home.net... > 我前牌搬課室，有女仔話想同我一齊搬，話想同我一齊做野，想幫倒我 > > 之後，我話，你最多咪掃地 > 佢話，咁我過黎掃地拖地LOR > > 然後，佢SMS問我地址，我冇回佢 > > 因為我返屋企先見倒個SMS
鹿角遺恨：伍爺（未完）
伍爺：《心跳回憶 (1)》（10:30AM／2008年3月13日）
"伍爺" <no@email.com> 撰寫於郵件新聞:47d891c6$1@news.3home.net... > 今日忽然想起以前一件「心跳回憶」既事，同大家分享一下。 > > 係好多年前既既一個4月, > 小弟初初出黎社會做野, > 果陣係一間公司度做, > 要出site的, 話說有一次因為唔夠人, 於是公司就係另一個site抽左個同事過黎幫手頂替一日, > 就係咁, 我就有機會同呢位女同事共事左一日, 佢完全係我喜歡果隻style, > 當時我仲邀請左佢一齊出去lunch tim. > 但果陣我怕羞, 驚第一日就拎佢電話會嚇親佢, 而果陣仲未興ICQ的. > 於是我就冇機會再見到佢了. > > 第二日開始, 我個心日日都掛住佢, 好想再見返佢, > 於是我去佢做野果個site, 希望可以有機會撞返~ > 但去過幾次都遇唔到, 而我又唔知佢咩名, 只知英文名, > 姓咩都唔知, 想搵人問都問唔到... > > 就係咁過左一個月, 當我已經死晒心既時候, 竟然係我做野既地方再撞返佢.......(續)
伍爺：《心跳回憶 (2)》（11:02PM）
"伍爺" <no@email.com> 撰寫於郵件新聞:47d89928$1@news.3home.net... > 我仲好記得果日係5月17日, > 個女仔黎我工作既地方搵我, 原來佢唔需要出site, 返左back office 做admin 工作, > 果日咁岩要走D文件黎我個 site, 所以有機會見面. > > 係見到佢果一刻, 我個心真係跳左出黎, 好耐都平靜唔到, > 咁大個人係唯獨是呢次有呢種咁強烈的感覺, > 就算以前在學時的女朋友, or 之後識的女仔都俾唔到呢種感覺我. > > 好, 入返正題先. 難得有個等左成個月的機會, 我一定唔放過, > 問佢有冇時間可以搵晚一齊食餐飯, 於是我地約左係幾日後去左一個大型商場Dinner, > > 老實講, 果幾日我完全冇心機做野, 仲諗好晒話題, 驚到時Dead air. > > OK, 終於到左果日, 愉快既約會轉眼就結束. 之後我當然係送佢回家啦, > 回家路上我再相約佢下次出街. > 我話佢知我有野放左係同學hall度,我要返去拎返,問佢有冇時間一齊去幫幫手. > > 成功!!約到佢去宿舍, 今次仲唔卓硬!!<---當時我個心係咁諗的.... > > .......(續)
鹿角遺恨：Z
Z：《再post! 算唔算鹿角?!》（12:21PM／2008年3月13日）
"Z" <ZZ@zzz.ZZZ> 撰寫於郵件新聞:47d8abba$1@news.3home.net...
> 唔知今次得唔得?! > > 話說F.5果年我班有個"校草", 外型唔錯, 又玩音樂果d, 迷死好多女架 > 之後因為佢係我同我1st bf的仲介人, 所以都玩得幾埋, 成日都會傾下電話, 佢都同我講好多自己野...但當時大家都係"好兄弟", 因為有1st bf > 後來同1st bf散了, 就同佢玩得更加埋, 幾乎日日都傾電話咁滯... > 佢有次好似講笑同我講...如果唔係我1st bf追我佢都會追我, 但果時心諗"邊有咁荀的事架?!人地咁多女鍾意", 後來我有個暗戀佢的fd同我講佢問個男仔有冇鍾意人時佢話鍾意我(但我果 > 陣時對佢一d feel都冇的, 因為真係太似好兄弟) > 但後來都同左佢一齊(可能係基於虛榮心!@@) > 拍左拖第1星期佢叫我上佢屋企溫書, 溫溫下都好地地.....
> 點知佢話溫到悶不如傾下計, 佢拎左d condom出黎比我睇, 之後傾傾下佢成個身責左落黎, 訓左響床度, 佢問我"可唔可以鍚佢面一下" (好純情的我地果時!), 之後我咀左佢一 > 下, 佢再問"咁可唔可以錫咀?" 我話太快啦唔好啦,仲推開了佢... > 之後佢有同我講對唔住,但後來都尷尬咁,同埋已經唔會主動要求d親密行為....(eg.錫, > 摸...)後尾1個月左右散了.....咀都冇咀過 >> 然後歷任追我/拍拖的男仔都被公認樣衰XDDDD
鹿角遺恨：懵懂
懵懂：《同級生(1)》（4:12PM／2008年3月13日）
"懵懂" <asadf@asfd.com> 撰寫於郵件新聞:47d8e1f6$1@news.3home.net... > 我又講下我老連咁耐的事先。 > > 其實我同佢都已經散左一段日子，一齊左既時間亦都只不過係短短一個月， > 對好多人黎講一個月係一段好短既時間，唔算係d乜，但可以話係最深刻既一次， > 呢一個月，就好似發夢一樣，永遠只會存在於我既記憶之中。 > > 在某年九月尾，我代表我的學會出席校內學生活動聯會，係呢個會裡面我 > 一開始就好留意呢個女仔，覺得佢靚之外，對眼係非常之幾咁迷人，係我 > 所見學校裡面最靚既女仔；會裡面我 > 地並無認識對方，而我就淨係知道佢叫乜名同讀邊科。會後同一個女同學 > (同學A)講下呢個女仔，佢亦都覺得呢個女仔好魅力，好識打扮，好吸引人。 > > 之後，這個聯會舉辦了一次迎新夜既活動，係呢個活動裡面我真真正正認識 > 到佢了，亦都一齊玩得 > 好開心。之後我成功得到佢icq no，當佢見到我icq個名之後，發現原來我 > 同佢其實係三年前係某版既版聚中見過面，只不 > 過後來無keep住聯絡咁解。唔知點解，同佢異常咁好傾! 有一晚仲傾到四點 > 幾，我問佢係咪成日都同人傾到咁夜，佢話係同我先會咁；而且係言語間 > 漸漸出現一d曖昧既野；我當時其實冇奢望過追佢，本諗住一試無妨，玩下咁 > 啦，唔會少緊忽肉既心態同佢傾計；點之後來仲有更多發展空間，例如我 > online佢開始主動hi我，係大家唔係同時online既事仲keep send offline msg傾 > 計，佢info開始出現蛛絲馬跡，仲開始傾電話添(佢係一個唔鍾意傾電話既人)。 > 之後我本住"拚死無大害"既心態追佢，約佢出黎睇戲行街食飯，送埋佢返屋企， > 聽佢d friend話，如果佢肯單獨同一個男仔出街就多數都有野架喇，但我當時仲 > 未敢100%得米住，因為只怕寄望越大，失望越大。 > > 後來從情報得知，叫我可以放心追佢，因為話佢覺得同我幾夾，對佢幾好；當 > 時我真係開心到彈起，唔相信呢個係事實，完全冇想像過這樣的一個女孩竟然 > 會對自己有feel!我本來諗住搵一晚同佢玩完送佢返屋企時先同佢 > 講，但我實在太亢奮，等唔切喇，於是提早兩晚約佢夜晚食飯行街表埋白。 > > (續.........)
懵懂：《同級生(2)》（4:30PM）
"懵懂" <asadf@asfd.com> 撰寫於郵件新聞:47d8e611$2@news.3home.net... > 但我實在太亢奮，等唔切喇，於是提早tuesday晚約佢夜晚食飯行街表埋白。 > > 好記得果晚第一次同佢行citysuper，兩個人推住架shopping cart，一邊買零 > 食，一邊要我記住佢鍾意食d乜野，就真係勁有feel! 之後去cwb行十蚊店， > 維園，去ikea，感覺上佢就已經係我gf一樣，係差在未拖住佢姐...咁玩完行完送 > 佢返屋企，係佢樓下公園的起個心同佢講勒，點知佢竟然話："我地其實唔係識 > 左好耐咋喎，會唔會有d急呢？覺唔覺我地會太夾呢(我同佢都係水瓶座)？同埋 > 自上次分手以後我怕左拍拖了..." > > 哇! 我心諗："係咪玩野丫，我都feel到，亦收晒 > 料妳對我都有feel架，拋呢堆問題出黎無非想考下我姐!" 於是乎我窮畢生既腦力去 > 解答每一條問題，例如講十個自己既缺/優點，十個佢既缺/優點，十個我地有乜咁 > 夾既地方，十個點解佢要同我一齊既理由；面對呢一連串既"試題"，我都可以一一 > 化解； > > 去到最尾最要命最關鍵果題："講一句說話令到我即刻要同你一齊丫。"好! > 有挑戰性，我鍾意!! 如是者我講出好多呢世人廿幾年來儲埋既肉麻句子去埋佢齋， > 但都一一擰頭，到最後佢有一下好開心咁望住我好耐，終於肯點頭說好喇...!!果一 > 刻我真係開心到傻左咁濟，好情不自禁同佢kiss，佢亦都冇避；成晚就好似發緊 > 夢咁，淨係望住佢對眼，我就已經覺得乜都夠喇，無野可以再滿足到我喇， > > 就這樣，我們便一齊了；一開頭那兩個禮拜一切都好好，我好快 > 就俾屋企人知道這一個人，而佢亦到俾佢屋企人同best friends知道，雖然果排功 > 課忙，但大家都好肯搾d時間出黎見對方；即使一齊左兩個星期，我仲成日覺得 > 自己仲發緊夢，認為自己冇咁好運可以同呢個女仔一齊。因為佢，我增肥，搵 > part-time賺錢買野俾佢。亦希望藉住佢黎到去改進自己唔好再窩囊落去。因為我 > 同佢係學校都算係識得多人，雖然冇刻意表現出我地兩個既關係，但慢慢都有 > 人知道我地既事了，說實的，我好享受呢種感覺。 > > 好記得有一次，同佢去尖沙咀 > 間澳門茶餐廳度食野，因為太多人，所以坐左係個二人面壁[其實係塊鏡黎]位度， > 咁d野食未黎，我地用個電話玩下影相咁啦，係黃黃地色既燈光之下，透過塊鏡 > 見到佢將個下巴伏我膊頭度，好開心咁望住我，佢真係好好好靚!!!果時真係好想 > 全餐廳d麻甩佬望住我，羨慕我!! > > 那一刻，我同自己講：夠喇，真係乜都夠喇，個天咁對我肯定係我前世食屎大喇!! > 只要我望住佢就乜都夠晒皮矣!! > > 又有一次，我同佢講d野要佢守秘密，但佢果頭就話俾其他人知，雖然唔係d乜野 > 緊要事，我亦都唔係好嬲，但都唔出聲睇下佢會有乜反應；而佢亦都好"行"咁叫 > 我：對唔住呀，唔好嬲啦～但我一見到佢對望住我，我真係乜火都冇晒，仲成身 > 都軟埋，如果佢要我做乜我真係乜都肯做！總之佢既眼神我呢世都唔會忘記。 > > 但快樂既日子永遠唔會長久.... > > (續.......)
懵懂：《同級生(終章)》（5:03PM）
"懵懂" <asadf@asfd.com> 撰寫於郵件新聞:47d8edf7$1@news.3home.net... > 但快樂既日子永遠唔會長久，佢對呢段感情既投入程度越來越低。我係一個對朋 > 友就好玩得好講得，但對自己ｇｆ就成日冇野講，悶到爆果類人，好可能過左一 > 段日子，開始發覺"貨不對辦"。電話對話裡面，佢開始每事都要同我拗一餐，點 > 都話我講既野錯，總我講乜野佢都唔岩聽咁。而佢亦開始輪唔耐就同我講話佢其 > 實仲怕左拍拖，唔可以跟我放同等既心機落去呢段感情度，我果時聽左之後真係 > 唔知俾乜反應好，唯有扮冇野扯開其他話題啦，但佢又話總之唔好當冇聽過...自此 > 之後我同自己講：就快開始倒數喇，要珍惜每一日同佢一齊既日子喇。 > > 有一次我打波整親隻腳，係上五吋下五吋果度腫到隻茶葉蛋咁大，咁拿拿臨睇急症 > 啦。打俾佢話俾佢知我整親腳入左院，佢都有問我"有冇事呀？點整親架？" 之類呢 > d野，但好快就收左線了。我o係醫院搞左兩個鐘先走得，其間佢一個電話都冇， > 淨係我d波友都打左幾次黎...出院時見到一個女仔扶住佢男友行出去截車，果一刻我 > 不禁問自己：我仲算唔算拍緊拖？ > > 去到臨散之前果晚，佢終於做左一樣好耐冇做過既事：就係約我睇戲。 > 我果一刻又係開心到爆燈，諗住件事有轉機啦，心諗：都係自己疑心大姐，佢都仲會 > 約我出街啦，冇事既； > > 於是乎我特別為呢次約會打扮得好睇少少。第二日，因為遲落 > 堂既關係，所以比佢遲左五分鐘到，平時佢一定發我小小脾氣，但佢竟然乜事都冇， > 心始覺不妙；到睇戲時我拖住佢隻手，而佢隻手就好似死屍咁俾我抓住，已經唔可以 > 用"拖"字去形容了。睇完戲，行陣街，中途我循例問佢有冇諗住點慶祝一個月紀念(第 > 日就係喇)，佢話區區一個月唔需要值得慶祝，我不以為意。 > > 之後送佢返屋企，因為時 > 間都仲係五點幾，加上自己又唔少功課做，諗住送到去佢個地鐵站，而我唔出閘就搭 > 返地鐵走；而佢竟然要求我送佢到佢樓下，我當然一口答好啦，但心底裡大叫不妙： > 無喇無喇，佢咁叫得我咁做實冇好野，好諗定到時佢開口時要點兜喇。 > > 一路上佢耷低 > 個頭，望住個地黎行，就o係我地行到去一個月前我開口表白既行人天橋度，佢開口了： > > "覺唔覺我地做friend果時開心d呀？其實我一直覺得有好大壓力，壓力來自我鍾意你 > 比你鍾意我既少；記唔記得其實我一開頭話怕左拍拖呀？我實在放唔到心機落去。" > > 面對呢一連串你話佢"理由"又好，"藉口"又好，乜都好，我當其時真係唔知講乜野 > 去箍返個煲... 無錯，我好幸定我好鍾意佢，但我好清楚遊戲規則，是但一面唔想玩 > 落去你點做，點留都留唔到，一來唔係因為d小誤會，或者拗撬而鬧分手，二來佢 > 係果d好清楚自己做緊乜既人，唔到最後一步佢都唔會開口。我地坐o係一個月前同 > 佢表白既凳上，我強忍眼淚，好想望住佢對眼耐d，但又制止自己唔好咁做，因為 > 咁樣只會令自己更加唔捨得佢，令自己更加痛苦，令泛濫的眼臉缺堤，我好清楚我 > 唔可以衰俾佢睇，唯有好忍心咁講：好啦，無計啦，做返朋友吧；來，我送埋你上 > 樓啦。 > > 佢問："我地會唔會係好friend既friend黎架？" > 我答："當然啦~!" > > 就咁樣，發左一個月既夢終於夢醒了，我係佢樓下行左幾個圈，知道將來都唔會 > 再有機會黎呢度了。之後去返我地好鍾意去既citysuper，果時我 > 真係忍唔住眼淚喇，拿拿臨去碼頭搵個位，一邊聽住佢第一首send俾我既歌，一邊細 > 細聲咁喊。我忍唔住要打俾佢，想同佢講下我當時既感覺，想話感動下佢又好， > 純粹發泄一下又好，但當我一對住佢，一個仲當係自己gf既佢，我就唔知講乜好 > 了... 於是乎我當佢係我自己其中一個friend：XXX(佢個名)呀，我同我女朋友散左 > 喇......"就咁樣，我講晒我想講既野，喊得好犀利，我唔知佢有冇喊，只係聽到幾 > 下索鼻聲，佢亦都冇講d乜特別野，態度一如以往，都好既，唔絕d我重難受多d。 > > 第二日返學成個人死晒，放學少有地即返屋企，lift門一閂，d眼淚就係咁湧出黎， > 一邊喊，一邊開門入屋，成間屋空寥寥，可以俾我發下癲。總之果幾日既感覺就好 > 似道友戒毒咁，o係張床上典來典去，個心好似隻手監生被人扯左去咁痛。雖然 > 都唔係第一次，亦都知道自己好快就會冇事，但果段時間真係好難過，再加上果 > 一個禮拜我要交份大report，又有一個試要考，又有parttime interview，壓力真係 > 前所未有咁激。呢段期間我問返佢我地會唔會係好friend既friend， > 佢答：你都唔 > 係唔知我最好既friend全部都係女仔黎架啦。點都好，總算復原了， > 但復原既意思只係個傷口唔再痛，個疤痕仲有排都未散。 > > (完)
鹿角遺恨：溶人傑
溶人傑：《我的鹿角遺恨》（4:39PM／2008年3月13日）
"溶人．傑渣渣" <ask@me.com> 撰寫於郵件新聞:47d8e835$3@news.3home.net...
話說當年 0岩 0岩 入大學，有次返中學幫手搞活動，識 0左 個師妹，個樣好純好靚的。當時已經把握機會去識佢，然後每逢放假或者返屋企（我住宿舍、屋企近學校），都會約佢或者接佢放學，我 0地 大家都好好傾，我亦覺得佢份人幾好，咁有次約佢出街，我主動拖佢隻手，佢冇抗拒，就開始確定男女朋友 0既 關係喇。
咁我知佢係第一次拍拖，所以好多大家好想做 0既 0野 我都忍住，唔想傷害佢（水版右的思維方式？），而且當時真係好鍾意佢，明明 0岩 0岩 見完，返到宿舍都會諗起佢，上上 0下 堂會無端端微笑，總之就係愛到入心入肺果隻。
如是者過 0左 半年，之後我考 year 1 final exam. 果陣，佢亦準備緊會考，我 0地 果間介乎 Band 3-4 之間 0既 母校咩料，自己心照，我寧願每日訓得三、四粒鐘都會每晚去幫佢補習，然後再返去自己溫書溫到半夜。
咁我 0地 一直都發展良好，係旁人眼中恩愛 0既 一對。直到佢考完會考，本來諗住同佢「更進一步」，但突然有個消息話有個朋友過 0左 身（得廿二歲仔咋陰公），咁果個朋友同我兩兄弟關係好好，我細佬自殺未遂果陣都係佢帶住抱病之身返香港勸佢，我就同我細佬一齊去幫佢屋企準備後事，當年連唁文都係我 draft 的。
果個月就係掛住搞果單喪事，就冷落 0左 女朋友，但因為女友份人幾純品 0下 ，加上又知道我有 0野 忙緊，而我亦因為朋友過身而有少少 down ，所以連佢連續兩、三個禮拜冇搵我都唔多為意。點知原來已經出事！
我好記得果陣我幫手整理緊朋友Ｄ遺物，突然收到個師弟電話，問我係咪同女朋友分 0左 手，我好愕然，話冇，佢同我講話我女朋友同人上 0左 床，咁我第一反應緊係唔信啦，但個師弟又講到言之鑿鑿， cut 線之後我個心都唔多安落。猶豫 0左 一陣，最終都係諗住先去睇睇佢，有咩事就到時先算，所以鼓起勇氣直上女友屋企。上到去，佢見到我突然走上去都好愕然，入到屋，我見佢反應唔多自在，我個心已經凍 0左 一截，大家表現都唔多自然，氣氛有Ｄ壓抑，直到就佢阿爸阿媽就放工返屋企 0既 時候，我心諗咁都唔係辦法，橫又死掂又死，我把心一橫同佢講，話我聽到Ｄ咁 0既 傳聞，跟住佢就突然喊 0左 出 0黎，話當日成班同學去唱Ｋ，飲 0左 好多酒，迷迷糊糊就俾個男同學帶 0左 返屋企，之後就咩喇。我果一刻個心好痛，唔知係心痛佢不識自愛定係心痛佢喊得傷心。佢問我會唔會唔要佢，我諗都唔諗就話唔會，之後佢阿爸返，咁我都唔好意思打攪人（雖然佢父母知我 0地 拍拖），所以我就帶住一顆受傷的心走 0左 喇，臨走之前我 kiss 0左 佢，果次，係我 0地 第一次 kiss 。
我果晚成晚都訓唔著，個心好亂。另外我仲要考慮報唔報警拉９個仆街仔，理智話我知我係應該勸女友報警，但我又驚女友會面對唔到，儘管我當時已經係一個法律系準二年級學生，但針唔吉到肉唔知痛，我最終都唔希望女友再去諗起果一件事。最後，我搵 0左 個朋友，用一Ｄ唔係咁正確 0既 手段去教訓 0左 個仆街，但冇俾女友知。
女友會考放榜，成績未如理想，唯有等 IVE ， IVE 1st round 冇收到佢，佢好緊張，我帶 0左 佢去報 HKU SPACE 0既 副學士先修班當買個保險， SPACE 好快就收 0左 佢，但 IVE 2nd Round 就仲未有消息，因為佢屋企供唔起亦唔會供佢讀呢類 self-fund programme ，所以我考慮 0左 一下，最後決定用我問政府借 0既 grant & loan 同埋兼職收入供佢讀，註冊入學之後， IVE final round result 先收我女友，果陣有Ｄ dum 心，因為我屋企都唔係有錢，一樣係住公屋大、老豆搵萬零蚊就要養一家五口果隻。
又係一直相安無事，咁女友讀完 pre-associate degree programme ，就讀 associate degree ，學費仲貴，咁我唯有每日連 canteen 都唔去，自己 0係 宿舍玩煮飯仔，另外做多Ｄ part-time ，勉強夠供佢繼續讀副學
溶人傑：《我的鹿角遺恨（續）》（4:40PM）
"溶人．傑渣渣" <ask@me.com> 撰寫於郵件新聞:47d8e866@news.3home.net...
又係一直相安無事，咁女友讀完 pre-associate degree programme ，就讀 associate degree ，學費仲貴，咁我唯有每日連 canteen 都唔去，自己 0係 宿舍玩煮飯仔，另外做多Ｄ part-time ，勉強夠供佢繼續讀副學士。果陣我每晚放學都要去做兼職，補習、侍應甚至裝修學徒我都做過，就係打算今日捱得辛苦Ｄ，日後同女友 0既 生活可以好Ｄ。因為我好忙，所以同女友都聚少離多，但係佢自從前事之後個人成熟 0左 好多，所以我都好放心佢。
直到佢生日 0既 一個夜晚，本來我要返 part-time 的，但係當日有個同事打電話 0黎 話可以替我返一晚，我即刻去買 0左 個蛋糕仔，帶埋一早買定 0既 禮物去佢屋企樓下等佢，諗住俾個驚喜佢。咁我打過電話，知道佢未返到屋企，就坐 0左 0係 佢屋企留下果Ｄ冇人坐 0既 凳度等，個位置 0岩 0岩 好可以望到大廈入口同巴士站，我戇居居咁等 0左 兩粒幾鐘，結果終於等到佢，正當我行緊埋去 0既 時候，佢突然同側邊個男仔攬埋，跟住 kiss ，仲要 (月利) 疊 (月利) 果隻，個男仔仲上下其手咁摸完我女友一輪先分開，然後佢 0地 say goodbye ，個男仔亦走返出車站，我女友一轉身果陣見到我當堂成個呆 0左 ，我果陣已經唔知點好，我行到去佢面前，捉起佢隻手，交低個蛋糕仔同份禮物俾佢之後，我拔足就跑，我知道佢追過我一陣，但佢唔夠我跑。我 0左 好耐，去到海旁，一個人發呆發 0左 唔知幾耐，之後返 0左 宿舍，匿 0係 被竇入面喊 0左 成晚，然後成個禮拜都冇去上堂同冇返 part-time ，女友打 0左 好多次電話 0黎 ，我一個都冇接，我到依家都唔明，點解我咁愛佢佢都可以咁對我。我知佢有搵過我父母想聯絡我，但我一直都避開，我唔知自己應該點算，漸漸，過 0左 一排，我最後一次聯絡佢，就係入 0左 四萬幾蚊落佢戶口（佢第二年學費），然後打俾佢爸爸託佢轉告。之後佢有嘗試再聯絡我，但我都繼續逃避，然後就冇再聯絡。
溶人傑：《在下鹿角遺恨的後話》（2:32PM／2008年3月14日）
"溶人．傑渣渣" <ask@me.com> 撰寫於郵件新聞:@news.3home.net...
首先好多謝各位關心同埋俾 0左 咁多唔同 0既 見解，有版友問我會唔會突然跳出 0黎 話件事係粥，其實，我都好想成件事只係一碗粥。朝露同伍爺俾小弟 0既 批評亦好獨到，在此特別鳴謝。
1. 關於幾個版友關心 0既 問題，我 0係 度回應一下：
1.1 大家好關心點解我仲會過四皮俾佢，事實上，我唔係怕佢冇書讀，只係怕佢會怨我，當時個心真係放唔低。
1.2 如果我係有＄＿，我可能已經做鳥 edit 神，邊會為一棵樹放棄一個森林？
1.3 至於當 男/女 朋友係商品，雖然 market 上唔少人用緊呢個 approach ，但係當你「買定 0黎 手」之後，相信冇乜人可以繼續維持呢個心態。
1.4 我細佬話我係冇膽去接受現實，所以一直逃避。各位大大認為我唔應該唔俾機會佢解釋，但係當你真正愛一個人，我諗點都接受唔到佢任何背叛，如果話之前飲醉酒失身，我都可以原諒，但係感情上不忠，恕我無此胸襟。
2. 至於我 0係 事件之後，大約用 0左 年半時間左右平伏，期間現任女友（唔知叫女友定太太好，因為已經註冊，但係過大禮、擺酒等乜都未做，而佢亦仲係住緊佢娘家）不斷支持我，甚至我去外面讀書幾年（主要係想離開香港一段時間），佢都不離不棄咁等我。如果話我對鹿角女友付出太多，咁現任女友其實亦為我付出 0左 好多。雖然我未必可以對前事忘懷，但係我好慶幸我現時有位真係愛我 0既 好女友（太太），而我亦會盡心盡意去同佢一同走過將來所有 0既 日子。
3. 而我果位鹿角女友，雖然已經冇聯絡，但係唔多唔少亦知道佢一Ｄ情況。佢近況係點我就唔講喇，唔係我細佬又會用我 acc. quote 上大典。不過有次我 0係 街拖住現任女友，見到佢，佢亦見到我 0地 ，由於有Ｄ距離，所以大家亦冇主動打招呼，不過我見到佢望我現任女友 0既 眼神好似想食 0左 佢咁。
鹿角遺恨：阿景仔（遺恨二）
阿景仔：《之前本來係笠谷出, 未出晒....而家拎黎呢邊出》（5:28PM／2008年3月13日）
"阿景仔@office" <ah@king.chai> 撰寫於郵件新聞:47d8f3bb$1@news.3home.net... > 事源已經係11年前, 當年我仲讀緊中學, 只係一個混混噩噩既青少年, > 已經唔記得係邊日開始, 我發覺我鍾意左班入面一個坐得好近既女仔, > 我當時係一個好怕羞既人(而家面皮厚左), > 當然唔夠膽向她表白, 但係其實好多人都睇得出我係鍾意佢.... > 咁既情況持續左幾個月, 某一日, 班上另一個女同學打電話我, > 個位女同學係佢既好朋友, 佢之所以打比我, 係實在睇唔過眼, > 個位女同學好直接咁問我係唔係喜歡左佢, 我心諗, 如果而家唔認, 我一定唔夠膽講出黎, > 於是我好爽快咁答佢, 係! > > 跟住落黎幾個月, 我好似係天堂咁過左幾個月.... > 當其時, 作為一個情竇初開既青少年, 我其實咩都唔夠膽做, > 我唔敢主動拖佢隻手, 唔敢主動攬佢, 唔敢主動錫佢, > 反而每次都係佢主動問我可唔可以咁做... > 我唔知點解佢會接受一個咁既男仔... > > 唯一到而家我都覺得不可思異既係, 當年既音樂堂考試, > 音樂堂要考唱歌, 歌曲可以自選, 我就揀左一首First of May, > When I was small, and chirstmas tree was tall, > we use to love while other use to play...... > 我一個人清唱, 到而家我都唔知點解我會有勇氣咁做, > 呢首歌真係可以記住佢一世, 到而家再唱, 我仲有心酸既感覺 > > 可惜, 好夢難圓, 個時係97年, 香港回歸大陸, 個排出現過一陣移民潮, > 個時佢跟左屋企人去左外國, 我知佢永遠都唔會返香港, > 佢走個一日我永永遠遠都唔會忘記, 因為佢上機個日, 正正係我既生日, > 朝早佢同我食早餐, 同我慶祝生日, 晏晝我就同佢收拾行李, 夜晚陪佢去機場, > 佢生左一隻杯比我做生日禮拜, 係一件米奇同米妮既玻璃杯, 我而家都日日有用黎飲水, > 我仲記得, 係機場度, 佢介紹佢D親人比我識, 佢個唔知咩表哥, > 比左一首歌我聽...."妳這剎那在何方, 我有說話未曾講", 擺到明明潤我... > 不過當然無感覺, 可能已經唔識再痛, 呢個係第一段既結束....
阿景仔：《唔知放工前出到幾多...》（5:50PM）
"阿景仔@office" <ah@king.chai> 撰寫於郵件新聞:47d8f8cf$3@news.3home.net... > 本來過去左既事就由得佢過去好啦, 佢去左第二個國家之後, > 我地只係聯絡左幾次, 就斷左通訊, > 過左兩年, 我終於將佢係我生活抹走左, 終於都有返自己既生活, > 呢段其間, 我有過第二第三個女朋友, 不過都係一頭半個月就散左, > 我知道佢地都唔係我想要個隻, 我唔想hurt佢地hurt得咁甘, > 趁仲未踩得咁深, 都係由得佢地走啦... > > 我唔係一個靚仔, 更加唔係一個型仔, 我只可以話我五官端正, 有些少運動細胞, > 但係唔知點解有好多女仔都同我表白, 可能我對人好, 容易令人誤會啦... > 每次我都詐傻, 糊糊混混咁過左骨, 但係都有一個共通點...佢地都鍾意問 > 如果我話你知我鍾意你, 咁你會點呀 > 我都幾怕佢地講呢句野....我唔想hurt到人....我唔想做一個壞人(而家好後悔) > > 呢一段時間, 唔知點解, 我又同佢聯絡返, 雖然佢遠在彼方, > 但係佢係我心目中既位置迅速變大, 我先發覺, 原來我每認識一個女仔 > 我都暗暗地拎佢做比較, 每當我唔開心, 我總會諗, 如果佢仲係香港, 佢應該會點做點做... > > 又這一段時間, 佢忽然同我講, 佢再過一排就會返香港探親友, > 事別四年, 再次見返, 開頭好似好怪咁, 但係唔知點解, > 四年既時間好似無將我地既感情沖淡, 我地行街唱K既時候, 都好似一對情侶咁... > 不過, 佢始終唔係屬於呢個地方..... > > 佢返去之後, 我同佢講, 如果你搵到一個岩你既男仔, 唔好錯過, 要把握機會.... > 佢亦同我講同一樣既說話, 我地都明白, 真正既愛, 唔係一定要擁有對方, > 只要見對方開開心心咁生活, 自己都已經感到好欣慰... > 我諗呢一種感情, 已經唔再單單係愛情咁簡單.....(呢個係第二部份既結束)
阿景仔：《自己係大典補完》（5:50PM／2008年3月14日）
"阿景仔@office" <ah@king.chai> 雖然我同佢係話, 如果自己搵到一個岩自己既人, 就唔好為左對方而放棄機會, 但係一個寄存左係心入面咁耐既人, 又點可以咁簡單可以抹得走丫.... 佢呢次返左過去之後, 又有三四個女仔向我表白, 我心動則有, 愛意則無, 其實佢地都係一個好女仔, 但係始於唔係我心目中想要既人, 係我自己要求高, 定係佢由始至終佔領住我個心, 我已經分唔到.... 只係知道, 我一絲既衝動唔可以化為行動, 即唔想令人沉輪痛苦之中... 既然無感覺, 就由佢地啦... 秋去冬來, 轉眼又四年, 距離佢當初走既時候已經係八年有多, 雖然我地平時溝通都係以朋友身份, 但係我估我地之間係有情意...至少我係, 我地一路都唔提, 因為我地知道天各一方, 如果不斷吐露自己心事, 只會徒添痛苦, 我只恨我唔夠壞, 如果我係一個壞人, 身邊有咁多女仔可以上, 我一定唔駛咁痛苦... 呢個時候, 佢同我講佢又返黎香港個幾月渡下假咁... 呢一次再見返, 感覺真係唔同晒, 佢言行舉止, 完全同我心入面以前既佢唔同, 我心諗, 原來我掛住既唔係佢既人, 只不過係一份思念, 對往日, 對初戀既一份感覺, 經過八年有多既時間, 我終於可以完完全全咁放開佢, 再同佢出街, 我始終好刻意保持一段距離, 連我都覺得自己有D衰... 放開包伏之後, 我係網上面識到一個女仔, 一個係日本留學既香港女仔, 好迅速咁一拍即合, 我地每日都經msn, 用web cam傾計, 個時佢仲係香港, 我未同佢講我識左個咁既女仔, 我唔知點同佢開聲, 我真係唔知點開口同佢講, 心諗都係由佢返左過去先再講應該會好D, 其間我地有一晚兩個人出去食飯, 地點係沙田, 食飯之後, 本來我諗住返屋企(個時我住沙田), 點知佢冋我講, 不如你送埋我返去啦, 個時其實十點未夠, 不過送女仔返屋企都算男仔義務, 佢開到聲我就唔方便拒絕...咁就送佢返上水啦, 當其時係1月頭, 寒風澟烈, 佢同我講好凍, 之後就行埋黎撟住我隻手, 仲問我不如去食個糖水先返屋企.... 我完全感覺到佢係想親近佢, 我只覺得自己好仆街.... 之後無耐, 佢又返左過去, 我同佢講左我已經有左第二個, 佢祝我幸福快樂, 我都祝福佢咁啦, 原以為可以完完全全咁結束, 我女友為左我, 結束係日本既進修, 返左黎香港, 我同女友之間無野會隠暪, 我將我同佢既事, 都講晒比女友知, 開頭真係無野, 好開心, 但係有一次, 我見女友用左我隻杯黎飲水, 我唔知點解有少少唔開心, 隻杯係佢移民飛走個日, 亦即係我生日, 送比我既禮物, 頭兩年我都唔捨得用黎裝水飲, 隻杯對我黎講好有意義....呢一次都算, 另一次, 我同女友一齊睇電視, 電視播緊廣告, 係一個樓盤廣告, bgm係陳奕迅唱既First of May, 女友睇完呢個廣告之後, 嬲爆爆咁走左, 女友話見到我一聽到首歌, 個表情話比女友知, 我仲有野... 自此之後, 我同女友就有種隔膜, 再過幾個月, 我覺得性格始終不合, 分開左, 從此之後, 我無見過女友, 只係好間唔中問下佢近況... 同女友分手之後, 佢黎左一個訊息, 話佢已經讀完書, 返工之前, 會返黎香港一個星期, 咁我梗係歡迎佢啦, 我已經唔識得形容我同佢之間既關係, 起初, 我仍然盡力保持住一個距離, 盡力保持清醒, 係我唯一可以減少我地兩個受到傷害既最好辦法, 只可惜, 避到一次避唔到第二次, 第二次我地出街時, 我送佢去搭車, 當時都有講有笑, 係車到臨走既一殺那, 佢係我塊臉度錫左一下, 我當場成個人呆左.... 我知道佢幾傳統既一個女仔, 唔會隨便錫人, 唔似外國人咁會goodbye kiss, 佢過左外國差唔多十年, 十年黎都無一個男朋友, 就知佢唔係一個隨便既女仔, 我知道佢對我仲有感覺, 由於呢一錫, 我都壓抑唔到自己既感情, 之後有一日, 我同佢出街, 去左添馬艦嘉年華, 去左同佢舊同學食飯... 到佢走一日, 我買左份小禮物比佢, 係一隻機械狗...因為佢同我講過話想養狗, 但屋企唔比, 佢都有送返一份禮物比我, 我再壓抑唔到, 咀對咀咁錫左佢一下.... 相隔10年, 我係第一次咀對咀咁錫佢, 亦係最後一次.... 當時我有試佢口風, 問佢會唔會返黎香港做野, 佢話簽左一年約, 點都係個邊做一年再算, 但係其實我感覺到佢係鍾意個邊既生活多D... 佢返左過去之後, 都有keep住聯絡, 聯絡得比之前更密, 更親, 可惜, 真係好難維持.... 今年, 佢同我講, 佢一年份約完左....轉左做長工.... 我諗, 終於可以完了...
鹿角遺恨引起的其他相關主題
鹿角遺恨事件中，粥谷亦引發了一些其他令版友感興趣的帖子內容，例如紫秤的「食散餐」經歷、少爺仔的《我諗我隻鹿角算係脫左架可?》（5:41PM／2008年3月12日）等等。
相關主題：紫秤篇
紫秤：《我如何變成六角》（8:24PM／2008年3月12日）
""紫秤@占卜指導員"" <DEDEDADA@gmail.com> 撰寫於郵件新聞:47d7cb84$3@news.3home.net... > 有次燒野食識左個女仔 > 個女仔第二日搵我去食野 > 食完野又話飲酒 > 就左去我屋企飲 > 飲完話好眼訓 > 就上左床訓 > > 訓果陣佢話﹕「唔準搞我GA」 > > 之後佢就又攬又咩咁 > > 最後就咩咩左 > > 第二日訓醒後，佢話﹕「你唔乖，我要返屋企LA」 > > 之後我都搵唔倒佢，但佢有時會無LALA搵我
紫秤：《幻想愛情經歷》（3:19PM／2008年3月13日）
""紫秤@占卜指導員"" <DEDEDADA@gmail.com> 撰寫於郵件新聞:47d8d56a$1@news.3home.net... > 不知道各版右有沒有被人暗戀或被人誤會的經歷 > > 有時那是甜密，但亦有時那是可怕 > > 可怕與甜密就在旁邊，今天紫秤就和大家分享一下可怕的經歷 > > 某日，紫秤有想看的電影，就問了朋友一起看(她住戲院旁邊)，叫她幫忙買票 > > 然後我到了後，就和她吃飯，由於票價和菜價只相差九毛，所以我就此作算 > > 事後，她和朋友說，我在暗戀她，請她吃飯 > > 過了幾天 > > 然後，我就給人罵玩弄感情，罵了一星期了
紫秤：《如夢似幻的愛戀(2)》（3:28PM／2008年3月13日）
""紫秤@占卜指導員"" <DEDEDADA@gmail.com> 撰寫於郵件新聞:47d8d783$1@news.3home.net... > 剛剛的經歷外，還有一段如夢似幻，不能接觸的愛情 > > 我以前有一個女性的朋友，常常會出席我們會的活動 > > 她認識了一個大哥哥(不是我)，每天粘著他，一天那位大哥哥撥電話給我說﹕「你 > 可以叫她不要找我嗎？」 > > 「為啥？」 > > 「她很煩呀，訂東西又不付錢。」(我朋友是賣手作飾物的) > > 「那是你的事啊。」 > > 「還有啊，她說你對他有意思，成日想騙她上床。」 > > 「……她憑什麼這樣說？」 > > 「她說你都約她去聚會。」 > > 「媽的，那是付費的聚會呀！！」 > > 結果，原來她每個人也說我想把她騙上床，所以就找那個賣飾物的朋友保護自己。 > > (那個賣飾物的，是我好朋友吧，不過實際應分類在麻雀腳類別，因為他只住對面村)
相關主題：xmen篇
xmen：《風流逸事之借用情人1 (上)》（2:57PM／2008年3月13日）
"xmen" <xmen1982@hotmail.com> 撰寫於郵件新聞:47d8d073$2@news.3home.net... > 今日同大家分享自已幾件「風流」逸事，不過全部都冇加糖唷! ^_^ > > 話說畢業投身社會後，同以前同班既一位女同學仔多左聯絡，讀書時就冇點傾電話，反 > 而畢業佢就每個星期都打電話黎吹水，仲成日同我講話想拍拖。 > > 小弟以前係一位口花之人，成日講笑話我唔係飲奶大，係飲油大既，所以把口浪過油。 > 一晚同佢傾電話既時候就講笑，話既然妳又未冇男友，我又冇女友，不過借你用一日， > 扮妳男友出街等你有拍拖既感覺啦﹗ > > 其實當時小弟只係口痕同佢吹下水，講完就算數。過幾日佢約我睇<明日之後>，我就赴 > 會去睇喇﹗可能套戲好緊張既關係啦，佢成場都橋住我隻手黎睇，睇完之後佢都好自然 > 咁橋住我行。 > > 我未拍拖時好多女仔都當我姊妹咁橋住我行，所以都冇咩問題啦﹗當日係佛誕假期，咁 > 岩我帶左兩張參觀既會展舍利子既飛，就一齊去睇喇﹗ > > 去到會展仲要排半個鐘頭隊，排前面既婆婆電話冇電問我借黎用，借用完之後就不斷咁 > 話我好人，真係遇貴人喇﹗女同學係我耳仔邊話﹕「咁你係貴人，我咪係貴夫人？(小 > 弟叫阿貴)」講完之後隻手自自然然咁SIR左落去拖住我........(續)
xmen：《風流逸事之借用情人1 (下)》（3:52PM／2008年3月13日）
"xmen" <xmen1982@hotmail.com> 撰寫於郵件新聞:47d8d87f$2@news.3home.net... > 女同學係我耳仔邊話﹕「咁你係貴人，我咪係貴夫人？(小弟叫阿貴)」講完之後隻手自 > 自然然咁SIR左落去拖住我........ > > 雖然俾人拖住個下有d突兀，不過橋左成日，拖手都好正常者，咁我地就拖住手咁排 > 隊，拖住手咁睇舍利喇﹗睇完出左場館之後，突然見倒前面有兩個非常熟悉既身影。 > X﹗原來係我家姐陪埋媽咪黎睇舍利，仲要撞正佢個仔拖住另外一個女仔TIM﹗ > > 由於佢地已經發現左我，所以惟有行去同媽子大人引見啦﹗之後家姐同女周學傾計，我 > 就搭住媽子行快幾步，同佢講﹕「佢唔係我女友黎架，今日係第一次出街架喳﹗唉~~估 > 唔到俾妳撞倒我，見倒妳個仔既風流事」。 > > 出左會展，我送埋女同學上車就走囉﹗期後我發現即使拖左成半日，我對呢位女同學都 > 冇咩感覺，雖然佢樣貌都斯文標緻，但係冇feel就無謂娛人子弟。雖然之後佢叫我上佢 > 朋友屋企打牌我都有去，但係就明確暗示自已同佢冇機會發展。而家佢有男友，同我間 > 中都會見下面架﹗ (完)
相關主題：Leo篇
Leo：《講起d唔開心既 6角》（6:53PM／2008年3月13日）
"Leo" <leo@hotmail.com> 撰寫於郵件新聞:47d907a1$1@news.3home.net... > 其實唔應該叫6角.... > > 係對上一個ex gf既事 > > > 簡單d講,佢個人諗野好細個,成日玩分手(要脅)我, (佢比我知佢中意左第2個,跟人去街,遊車河) > 最後一次,佢玩大左, 佢又玩分手, 咁我就話好呀,你講ga, > 分手後, 初初都ok既, > 咁又一次,佢問我, 送左比佢d禮物, 可唔可以佢keep番, > 但又問我取回隻戒子,話想影相用 > 結果冇回頭,我都冇所謂, > 仲追問我?番佢買電腦比我既錢, > 開頭我都好嬲, 好想報復 > > 但發覺而家同現任gf一齊,仲開心 > 真係唔需要比憤怒佔據自己... > > 祝各位粥友都搵到自己碗粥
| |||||||||||
