《鼓神中的鼓神》是由FightClub會員創作的網絡小說《DM七不思議傳說》的最終章，原文已散佚，作者及日期不可考。條目內容已重新排版，可能與原文有所出入。
原文[]
| 「 |
話說鼓神一代換一代，但係原來係日本隱藏住一個真．鼓神既。呢個真．鼓神並唔出名，係個隱世高人，佢既實力凌駕於每一代鼓神之上，但係見過佢既人唔多，亦都冇人知佢會去邊玩，而呢個傳說一直係日本流傳，直至現在。 呢個傳說，由出DM1開始，一路都有流傳係音樂game界。但係，話說佢每去過一間機舖之後，一段時間之內都唔會再返去同一間到打機，而根據係機舖打開機既人講，佢每次只係玩一舖，絕唔會煲機，打完即走。 就係因為佢打乜歌都SS，D人先發覺佢係真．鼓，但係當有人留意到佢既成績，佢已經打完晒走左。只係因為佢唔會晒命，打難歌／跟歌串人，所以一直都冇人留意佢。而每當有人發現到佢既時候，追到出機舖外面，佢已經離奇消失。至於佢點解唔想俾人見到佢既真面目，一路都冇人知．．． 當其時一代鼓神（不詳），原來係真．鼓神個「徒弟」，一個連師傅個樣都未見過既徒弟。當時既鼓神，一路都打DM打得唔好，但係都可以玩到Expert Real，當時就俾真．鼓神睇中左。唔知點解，真．鼓神好神奇咁唔知係乜野方法R左一代鼓神個電話。就係lee個電話，一代鼓神係半個月之內就出現左，一代鼓神後黎先知佢係神出鬼沒既真．鼓神，一路直到出二代鼓之前，真．鼓神可以話人間蒸發。而出左DM2，一代鼓神挑戰Speed 3《Across the Nightmare》，他成功過到首歌，而且仲SS埋，不過佢係果晚離奇暴斃，身上有明顯o既刀傷及心口有個好深既傷口。真．鼓神聽到lee個消息之後，決定「復出」，搵下有冇人做到DM2既神。但時一代鼓神死得好慘，身上有明顯o既刀傷及心口有個好深既傷口。 當時lee個消息通晒天，個個都知一代鼓神死左，冇耐又開始流傳真．鼓神復出。經過一個有玩DM既警察追查之後，事實果然唔係咁簡單！跟住佢又發現SS左個個人SS《Across the Nightmare》個晚半夜咁就死左，果個人o既死法同一代鼓神一樣，身上有多處刀傷，心口又有個好深既傷口，旁邊又有一對染血既鼓棍，一直都冇人知點解會咁。 而當時就係因為有個咁既消息，所以玩DM既人一日比一日少，而可以查到事件真相既機會就更加少。當然，係調查科既檔案，早就close file，因為根本冇人信有人會打DM而死，所以就內部是但質條友屈係佢做既就算。可惜，過左好耐再加上根本少人打DM到痺，玩親都係一D新手再加第一首cut同霸機，根本查唔到。但係根據當時其他一代高手講，個陣仲有玩既人除左得一個係高手之外，因為冇人玩而實力提升得神速既玩家都有一個。個個警察好鬼想破案，因為佢都有玩DM，佢都好想玩DM，所以就跟住其他見過高手出現既路線去搵高手。但係冇耐次次去到高手出沒過既機舖，部機都淨係會見到高手個記錄係到，即係打完個首出個個成績畫面。 個警察（下稱阿天），阿天一入到去高手去過既機舖，淨係見到《Across the Nightmare》A、90% Perfect+10% miss，仲要間間都係一樣。就算部機熄機，重裝、reset、「蚊」插頭，一開返機都係個個A、90% Perfect+10% miss，所以冇人會去個一間機舖，根本冇人可以再打個部機。而當其時，小強就係其他高手口中既實力提升得神速既玩家，因為冇俾阿天影響，所以佢好快就可以Full到《Across the Nightmare》，不過就硬係有一good，佢決心要SS《Across the Nightmare》，打破呢個咁o既假象。 就係某一晚，佢發o左個夢！佢夢見一個日本劍俠，個日本劍俠手持兩支鼓棍，跟住果兩支鼓棍變左兩把劍，仲斬死o左好多人。小強仲隱約咁聽到個日本劍俠講︰「如果唔係以Speed 7過到《Across the Nightmare》，下場就同果o的人一樣！」跟住小強醒o左，佢覺得呢個簡直係惡夢！對小強黎講，絕對係惡夢之中o既惡夢！ 因為SS《Across the Nightmare》係鼓神一定要做到o既野。不過其實小強只係識玩speed 1，一較快少少個speed都死下死下，如果用speed 7以下SS到《Across the Nightmare》又會死向劍俠手上。 小強而家正處於一個非常矛盾既狀況，究竟佢會下定決心做真正o既二代鼓神？當其時，真．鼓神當然都知道有個人進步得好快，同埋．．．其實當時嚴格黎講得十餘過個人敢去玩DM，不過係阿天冇諗過原來件事關小強事。其實真．鼓神四圍去做記錄引阿天去個D機舖，目的就係要等阿天唔好阻住小強練鼓。所以，基本上小強一入到機舖就有得打機，真．鼓神都有留意到小強一玩2速或以上就即cut歌。小強一路打鼓一路諗返個夢，日日打機都掛住個夢，打機的進步率變慢，成日打下機就呆左咁，即刻cut歌，小強仲開始有D驚左個劍士tim。 過左無耐，小強都冇乜心機打機。有一日，佢打到機舖收工，雖然全日打得一舖機，但係都好神奇咁打到收工先走。個陣都已經兩點幾，條街一個人都冇，得佢一個，又黑。小強一路冥想一路行返屋企，就係行到一條比較暗既冷巷個陣，突然之間有個好高個身影係小強後面閃出黎！但係條巷實在太黑，加上個條友背光，小強完全睇唔到佢個樣。「你想點呀！」小強道。「唔好嘈！我問你，你係咪成日入機舖打機！」神秘人喝止住小強既說話，「關你差事！」小強做埋手勢！「你肯定成日去機舖打DM架啦！」神秘人當佢中指冇到。「你你點點點知我成日去打DM架？我入到機舖已經好少打機！」小強開始驚。「總之我就知啦！你唔洗埋我點解知！」 神秘人越講越大聲，但係四圍都冇人、冇屋！個到就算發生暗殺都冇人知！「你想點呀？我唔靚仔架唔好殺我！」小強以為個條友想．．．「喂，你估你真係好好樣呀？」「我冇錢架！」但係小強可以成日去打DM連con。「我都唔知你有冇錢，你講咁多廢話做乜呀，你俾我問下你野得唔得？」小強始終都係望唔到個條友個樣，神秘人身型又高過佢，小強唯有收口點頭。 「你係咪發過一個惡夢？」小強點頭。「個夢係咪有人係到？」小強又點頭。「咁個夢係咪有人係到講野？」小強又又點頭。「又中！咁個夢有冇DM之類既野？」小強又又又點頭。「有冇劍士？」神秘人中Point連晒Combo，非當開心！小強又又又又點頭。「係咪有流血事件？」小強又又又又又點頭，不過小強心諗︰D問題真智障。「咁個劍士係咪同你講左一D有關DM既野？」今次神秘人問得好認真。小強玩玩下既心態即刻收返晒，仲覺得好驚，因為神秘人已經差唔多講晒佢個個夢既內容出黎。「佢講過D乜野？」神秘人其實好Q心急。小強話︰「個劍士講『如果唔係以Speed 7過到《Across the Nightmare》，下場就同果o的人一樣！』，但係我過到，點解我冇事？我好驚呀！」「咁你知唔知點解先？」神秘人問小強。「唔知，我唔想死呀！唔死好過死！」小強一路都係驚梗既一件事，因為佢見過個個女仔打完之後第二日即見新聞。「咁你知唔知點解先？」神秘人又問小強。「咁我真係吾知丫ma！」小強話。「因為你冇miss！」神秘人一語中的。「你又知？」小強啱啱出口，神秘人神秘消失。 自從見過個神秘人之後，小強一路都冇再見到佢。本來小強都諗過想見到神秘人，但係見過神秘人之後，小強再次打DM之後個晚都會發惡夢，仲要次次都要見到DM個個劍士，最抵死係發夢發到好似追連續劇咁！攪到佢越黎越驚個劍士，「最後個集」講到︰「個劍士一路衝過去小強個到，仲殺出一條血路。」而家小強每晚都可以追「我和劍士有個約會」，佢係夢入面同個劍士有「親密既接觸」︰『係近到劍士伸一伸手就摸到小強，不過劍士不但冇斬佢，反而開口同佢講︰「我殺左咁多人，終於俾我攪到你啦！」「你唔好攪我啦我都唔靚仔！」小強已經就驚到虛脫。「你係咪打《Across the Nightmare》試過一good？」不知名劍士問佢，平時睇落好似殺人如麻既不知名劍士竟然會開口同佢講野。小強勉強企直，睇落好似一D都唔驚咁︰「你點知架？我明明係係現實世界個到打機架wor！」小強演技甚迫真。「係咩？我知呀，但係你打個陣乜你見唔到我咩？我明明係段Flash入面望住你打《Across the Nightmare》個陣彈左一個good出黎架wor！」劍士同小強開始Friend（好似）「鬼呀！」』小強一叫個下先知原來係到發夢．．． 第二日，小強打完DM（又玩《Across the Nightmare》），佢開始可以玩到high speed 5左右啦，同近排差唔多，根本冇咩人再玩DM，所以小強可以係冇人跟機既情況之下連com，絕對唔west，不過咁樣當然要付出代價，就係再冇乜人同佢講野！因為個個人都怕個日既半夜會俾不知名劍士用鼓棍殺死。個日小強又打到機舖收工先走，佢又去到個條巷，正當小強心諗希望唔好再見到個個好似知佢做過D乜既神秘人，突然之間！小強感到生命受到威脅！係佢身後突然有一硬物篤住佢！佢當然即刻舉手啦！可能佢岩岩係到諗野諗得太入神，個一下篤篤，攪到佢即刻亂up野！ 「我唔係小強呀，你認錯人啦大佬呀我唔好食架！你要食野聽朝先去食啦，我身上一蚊雞都冇架，最貴係對鼓棍，你要我未俾你lo，唔岩既我屋企仲有對5A鐵棍，我岩岩冇去到機舖打DM，我係入面冇R到跟機個D一蚊呀，我乜都唔知架銀行今朝有點先開，你入到去話打劫就得架啦，我近排身體好正常，冇去過睇醫生，你強姦既搵個第二個啦，我成日撞鬼架你唔好攪我啦，仲有，呢條巷好靜架，有條高高大大既神秘人好似會睇穿心咁，我驚你攪掂我佢會半夜搵你！」 「喂！其實我真係咁得人驚咩？」小強背後傳黎大聲而熟悉既聲音。小強一路講一路轉身︰「嘩！我真係俾你嚇死。」小強頭先差D驚到瀨尿！就係小強轉身轉左差唔多45度個陣，神秘人突然用硬物唔知篤左小強邊到，小強就好似俾人點左穴咁，動彈不得，「你唔可以知道我係邊個！」神秘人講︰「我岩岩點左你穴，你同我乖乖地企係到，你淨係唔郁得姐，唔洗緊張既！」佢咁講小強仲驚，小強根本唔知神秘人下一步想點，小強越黎越驚，神秘人係佢後面一路都冇出聲。 過左都唔知幾耐神秘人先開口︰「你，要個個劍士講．．．SS左Across the Nightmare佢！不過，你最好去學下劍道先！」神秘人句句帶勁！「學劍道？有乜用呀？」小強一邊努力掙扎一面講。「遲下你就知。」神秘人的聲音越黎越細聲，走左。「解開我呀！放開我呀！」睇黎小強仲未郁得。過左冇耐，神秘人凌空解穴，小強驚嚇過度，精神緊張，返到屋企一路都驚左會見到劍士，第二日發高燒！跟住個一日，小強留係屋企成日，悶到爆，唯有回想返之前發生過既事！ 佢將佢發惡夢、見到個女仔死、部DM好似俾人用利器界過、神秘人點穴等等既事一一回想。佢思前想後，硬係覺得好似大纜都扯唔埋既野，但係好似有一定關連。諗到頭都爆，又病梗既小強唯打下機放鬆下．．．點知原來部機前幾日Format左，得返個DM模擬器係到，小強心諗︰「我落街打唔好？」但係佢病緊，所以都係睇下電視就算。岩岩做完新聞，新聞之後竟然做恐佈片，「唔係呀ma，晏晝做鬼片？」小強講完就轉台，但係一轉去隔黎台竟然係到做一D紀錄片，仲要係講劍道！「荒謬！」小強再轉台「唔係咁攪下話？我咁岩唔出街，都唔洗好似專登做俾我睇架姐下話！」 小強個頭講完，個頭就有人咁佢個門鐘，小強都唔知咁既時候會有邊個人黎搵佢。佢一門口，企左係門口外面個個分明就係警察阿天，不過小強未見過佢。「你係乜水？」小強問出面個條友。「我叫阿天，我都好鍾意打DM架，我成日都見到你打機，你打得好勁呀！」阿天扮晒係平時成日睇佢打DM個D人。「但係我未見過你既？」小強問佢︰「你去開邊到打機架？」阿天︰「我四圍去架，不過近排我去到D機舖，個部DM得個紀錄係到。」「又係講打機，今日我聽夠啦！」小強說罷，佢就轉身返入屋，留低左阿天係外面。 兩星期後，小強去打DM，佢發覺已經開始識玩High speed 6，用6速玩《Across the Nightmare》，不過有一good。個晚，小強返屋企個陣，發覺個個阿天係佢後面跟住佢。不過其實神秘人一早已經出現，仲一路跟係阿天後面，好快行到入去個條巷，小強一路諗緊「今晚會唔會死呢？我一good左《Across the Nightmare》。」可能佢太入神，所以都冇留意後面個兩個人。 「你想點呀？」阿天好明顯已經發覺有人跟佢，但係佢轉身個下已經被人凌空點穴。阿天郁都唔郁得，仲講唔到野，阿天心諗︰「今次死硬！」「你都跟得我耐啦，我每一次打完部DM，攪到冇人再玩到部機，你都會出現既！」神秘人原來就係．．．「唔通我跟返你一次都唔得？」神秘人講。「你．．．你就係真．．．真鼓．．．鼓神？」阿天用盡力先講到幾點字。.「886！」真．鼓神轉身就走。真．鼓神︰「死火！」小強已經唔知行左去邊。 月圓之夜，小強返到屋企玩下家用機，突然一陣寒風吹過，劍士係電視到走出黎！「我地格劍啦！」劍士一鳴驚人！「格劍？你冇野下話？」小強有少少面紅。「拎起你既劍！」劍士又講︰「你把劍係邊到？」「乜野劍呀？」小強四圍望完一輪「我得把木劍。」「荒謬，明明有仲要同我格劍？」劍士First Attack黎梗啦。「啪！」 好彩小強係個兩個星期上過幾堂，劍士同佢格劍格左好耐。佢地兩個格格下，雙方既「劍」，突然同時變成鼓棍！「對棍我送俾你。」小強同劍士的劍都各自變成一支棍，係一支鼓棍。兩支可以叫做一對，咁小強又多左對鼓棍，加埋佢之前一路買落個D，多到可以開舖。劍士臨走個陣同佢講︰「要睇下書啦！」之後劍士就消失左，小強當時都知道佢唔係發夢，因為佢屋企四周圍D野亂晒龍，手上多左對鼓棍。 第二日，佢去到部DM度，有D比人損毀過GA痕跡，好似係刀痕。小強入錢果陣就有d手震，個銀仔跌番出黎。正當小強想拎番起個銀仔既時候，佢發玩左機旁有本好似書仔既物體，正當佢想座番個位既時侯，由於有一陣好大既冷氣吹過，本書仔吹左去第10頁，而果頁有個好似打DM既人既公仔，咁佢咪攞本書仔黎睇，但當佢睇果陣覺得本書仔好怪甘，佢又諗起劍士既說話，佢一路都知道SS左但係冇用7速玩既實死，所以,佢決定駁一舖，一玩就玩7速《Across the Nightmare》。 佢開始打既時候，係極度有信心一定會SS，打打下都冇乜問題，但係當將要打到最尾連個段snare個陣，段snare好似落極都唔停，好似專登要佢miss咁！落左大約半分鐘之後終於停左，好彩佢都連哂果段snare，佢發現段snare比平時長左十倍！最後個result係SS，佢終於征服左首歌！與此同時，個日本武士突然從部DM走出黎話︰「能夠克服咁多困難，你終於都成為正式既鼓神！」佢又話︰「想當年就係因為自己太強，惹人嫉妒，所以俾人害死！」 佢解釋佢藉著DM黎搵去一個可承繼「最快」既人。最後，個劍士吩咐小強要小心，因為一定會有人嫉妒小強，好大機會俾人害，個日本劍士跟住就消失左。從此冇再出現，亦都冇人因為SS到首歌而死，而小強終於成為二代鼓神，能夠以「最快」既速度打「最快」既歌，但小強始終擺脫唔到命運．．．因為小強打鼓太勁，攪到個個人都唔係咁鍾意佢。 有一日佢打完機，離開機舖個一刻，突然有人大叫話「小強出黎啦！」突然間有好多黑影衝出黎，小強都俾唔切反應就俾人打到訓左係地下！到佢醒返已經係醫院。出院之後，本來一路都冇咩事，一向都鍾意打機既小強，好快又返入機舖打機，佢唱錢之後，就跟DM啦，但係佢入完錢一坐底，對手就開始不停係咁抽筋！但係佢離開左機舖之後又一D事都冇，佢都唔知點解，以為係岩岩好返先係咁。過左半個月，小強已經半個月冇入到機舖啦，佢諗住應好返啦，佢又入機舖，點知又係咁，又係咁抽筋，所以佢再去睇醫生。 「你有咩病呢？」醫生問佢。「係咪專醫奇難雜症？我見你外面個招牌咁寫架。」小強充滿疑問。「你的觀察力真強！」醫生答佢︰「冇錯！」「咁即係好怪既病你都醫到？」小強仍然充滿疑問。「你說的一點也沒有錯。」醫生又答佢之後又問︰「咁你到底有乜事？」醫生一路問一路晒咁啤住小強，因為小強睇落身體好好，完全唔似有病。「我呢唔知點解一打機個陣就會係咁抽筋，停唔到，但係我出左機舖又冇事．．．」小強講晒俾醫生知。「咁呀，你等我一陣。」醫生即刻上網睇下佢有乜病。「哦！你患左輕度打機全身抽搐症！」病歷一出左醫生對小強講。「咁有冇得醫架，我好想打機呀，我唔想變做抽筋仔。」小強喊晒咁。「冇。」醫生講完就打發小強走。 小強一出門口醫生就叫佢右邊俾錢。「多謝二千三百四十五個六。」收銀個位小姐同佢講。「下！咁很貴？」小強講完都冇咩表示，俾完錢就出返去大街。到佢出到大街望返個招牌先見到個句「專醫奇難雜症」下面有行細字「錢醫錢術」，小強都冇講乜野。 第二朝小強已經自殺左！佢咁鍾意打機，冇得打機等於有絕症，所以．．．小強死左之後，一路都好想報仇，佢想殺死打到佢抽筋個班人！所以佢就死左之後，變左遊魂，四圍飄。本來小強都唔知自己係到做梗乜，漫無目的，飄下又一日，飄下又一日。冇耐，DM2就黎完啦，當時泉 陸奧彥忙梗出Encore。小強又返返去以前幾次見到神秘人既地方，突然間有人係佢右面叫佢個名！ 「邊個？你係邊到？點解你會見到我架？」小強好驚，佢係做鬼咁耐第一次俾人叫佢個名。小強初頭仲以為係佢時間到，唔可以再留低。「係我呀！」一把聽左好多次但係見唔到樣既聲音。「係你！你點解會見到我架？」小強轉身。「我終於見到你既真面目啦！你係邊個？」「你好快就會知我係邊個！跟我黎。」神秘人答佢。「好，我就睇下你賣乜野藥！」小強升高少少，令到自己高過神秘人。「咩賣藥？我帶你去機舖炸wor！」神秘人充滿問號。 好快佢地黎到多次事發後巷一角，有間機舖係到。「點解我以前行過lee到咁多次我都見唔到有機舖架呢？」小強話。「你以前既身份係冇可能睇到lee區，暫時睇到既係得劍士、一代鼓神、你同我。」神秘人得意地道。「你係乜水呀，知咁多野？又識劍士？唔係得我見過佢炸咩？」小強越黎越驚。神秘人一路都冇答佢，一路行，好快就入到機舖入面。 佢地兩個先後入到機舖，機舖入面，機舖光線充足，空氣流通，冇煙味，自然光線又夠。機舖入面，除左DM，仲有DM同DM俾神秘人同小強玩。小強本來想開口問下神秘人佢地去左邊到，但係小強開口之前意識到佢跟左一個非比尋常既人，當然係入左一個非比尋常既地方，所以都冇開口問。 佢繼續跟住神秘人行入去，行到入去，已經見到有幾部DM1同DM2。行到埋部DM2個到，小強見到部DM2已經顯示住咁Start掣，好似唔洗入$$就玩得咁。小強心諗︰「你都識打DM？唔係呀ma，唔通條友唔知我係乜水？」不過好彩小強都好醒，佢諗住睇個條友打一首歌先到，佢打完個首先去串佢。神秘人第一首打《Across the Nightmare》，小強就更加想去串佢啦，神秘人又係玩7速。 首歌一開始，劍士又係個mon到出現，劍士又好似係到望住小強咁，但係，劍士今次啤住小強，好似係到叫小強乖乖地睇住打梗鼓個個人打埋首歌佢。好彩，小強get到，所以佢靜靜地企係到睇。而就係lee段咁短既時間，小強佢睇到D野！小強佢睇到神秘人既實力、神秘人既技術、神秘人既目的！到神秘人打完《Across the Nightmare》之後，小強已經睇到咁樣︰因為佢眼前所出現既野，並唔係個個人都可以接受到，好彩小強佢自己曾經都試過。 「咁你宜家應該好清楚我既身份！」神秘人同小強講。但係小強似乎聽唔到，佢仲回憶梗佢頭先見到既野。話說真．鼓神頭先打《Across the Nightmare》，一樣都係較7速，但係真．鼓神打個陣，唔單只打鼓既手勢好，渣鼓棍既方法又正確，打得又順，唔係用死力，落點又岩岩好！仲有，交叉手同正手運用既時間輪流交替黎用同首歌配合得洽到好處，又冇多餘既動作！每次兜底既位置都掌握得好好，唔受周圍既野影響，出左黎既成績Excellent！SS左！ 「喂，我叫梗你呀！」神秘人叫醒回憶中的小強。「你．．．你．．．莫非．．．你就．．．就係傳說中既真．．．真．鼓神？」小強口都窒晒。小強諗都未諗過會見到lee個由DM1已經流傳係DM界中既神人，實力黎比，如果小強係屬於DM中既DM星人既話，咁真．鼓神就係DM星人眼中既神人！即係DM星神！就憑一首歌，小強就睇到自己既實力仲係未夠火候，同時，真．鼓神亦都奉獻左佢第一次cut歌俾小強。由於真．鼓神係到同小強講野，所以揀歌既時間已經用晒cut埋。就係佢地兩個四目交投既時候，突然係佢倆背後傳黎一聲雄而嚮亮的「Stage Fail」，佢地都不禁互相大笑起黎！ 小強見到傳說中既真．鼓神，佢心諗正式見到面點都要講返句似樣D既說話。佢諗左一陣︰「真．鼓神，佢地叫你做真．鼓神，但係冇人見過你，咁人地見過我，我咪係假．鼓神？」真．鼓神聽左即刻大笑︰「咁梗係唔係咁分啦，人地叫我真．只係因為從來都冇人見過我。」「哦，原來係咁。」小強好似已經明白左咁。交談左幾句，小強覺得自己同真．鼓神已經好似成為左好朋友，可能因為真．鼓神一個朋友都冇，無敵是最寂寞的。 可惜小強已死，冇可能再打DM，佢始終都仲係好嬲，佢好想殺死返打到佢抽筋個班人！咁岩，真．鼓神問起佢點解會咁快死，都未出DM3，佢應該冇咁快要「報到」，小強就由佢俾人打到抽筋去到睇醫生到死左見到真．鼓神個到由頭到尾講晒俾佢知。 真．鼓神聽完之後，佢就話︰「咁你即係想打到你抽筋個班人同你同一命運？」「係，我好想個班人死，最好個個打DM既，唔夠實力者死！」小強一直唔能夠忘記個件事。「就黎出DM3，你練好D DM先啦。」真．鼓神同小強講.。「我已經死左啦，點練wor？」小強好唔開心。「唔緊要既，你唔覺得你入左黎之後同平時既飄飄下感覺有D唔同既咩？」真．鼓神提醒小強。「係wor，我頭先入到黎要用腳行既，點解會咁架？」冇耐，小強好似擁有左「迪奧斯力量」咁，一提氣運勁就可以係任何地方將劍士送俾佢個對鼓棍攞出黎。「收我為徒啦，真．鼓神！」小強即刻拜真．鼓神為師。「冇問題，你仲有得進步，可惜你太短命。」真．鼓神既第一個朋友，做埋佢徒弟。 就係咁，小強就開始跟住真．鼓神四圍去，一路可以睇到真．鼓神既事蹟，而小強既技術又一日一日咁進步，不過，小強既實力有限，始終都唔可以得到真．鼓神既真傳。話說就係小強跟住真．鼓神周圍去既同時，泉 陸奧彥就一路係到煩梗DM3首Encore．．．真．鼓神知道係幫小強報仇既時機，只要令到泉 陸奧彥成首會打到人抽筋既歌就得啦。但係泉 陸奧彥就硬係因為冇抽筋lee個元素，差緊左其中一樣元素，佢硬係唔知點先可以作到首歌出黎。佢心諗︰「《Day Dream》我日日都有la，但係抽筋又係乜野回事呢？」 泉 陸奧彥每一日都係到煩，每過一日，DM3就要因為佢而推遲一日先出。咁岩，小強同真．鼓神聽到lee個消息，真．鼓神叫小強去泉 陸奧彥個到查探下到底乜事。經過小強飄入泉 陸奧彥屋企一日既調查之後，發覺原來泉 陸奧彥為左首Encore而煩。個晚，小強報夢俾泉 陸奧彥知，佢第二日將會見到一個係街抽筋既抽筋仔。到左第二日，小強同真．鼓神打完機之後，就去將佢地禽晚既「預言」去實現！ 個朝，泉 陸奧彥除左諗起個夢之外，仲係到諗好耐之前唔小心俾車撞倒個個夢。雖然佢唔清楚兩個夢有冇相同既意思，但係兩個夢都同抽筋有關！佢係到行黎行去，但係都硬係諗唔明。lee個時候，小強同真．鼓神已經預備好出現，淨係等時機成熟。佢地知到泉 陸奧彥心地好好，所以真．鼓神諗住係街捉條友整到佢抽筋。 佢兩個等到泉行去陽台個陣，真．鼓神同小強一齊運功，令到街上其一行人突然抽筋，泉 陸奧彥佢好苦惱咁佢望望下低，之後發現好似有個人影wo。泉 陸奧彥落街搵果條友，佢見到條友不斷咁震，佢就問條友有冇事，但條友講︰「安歌、Day dream、抽筋．．．」泉 陸奧彥就想起以前個夢，當佢想問條友點解果陣，條友已經走左。 「安歌？Day dream？抽筋？」泉 陸奧彥好似突然想起一D野，泉 陸奧彥話︰「我明白la！DM3 o既encore 就咁決定la！」泉 本來想再問多D個條友關於抽筋既野，但係個條友已經走左。本來泉 陸奧彥佢諗到大概點作首歌，但係佢岩岩埋位想寫譜個陣，佢突然覺得身不由己，其實小強一早係佢屋企等佢返黎。當泉 陸奧彥岩岩想開始寫譜個陣，小強就即刻上佢身！泉 陸奧彥係被小強上身控掣之下，根本冇法子唔寫落去。 過左一陣，佢已經停低左，佢發現佢已經寫左個絕世曲譜，並命名為《Day dream》。佢拎起份譜睇，一路睇一路試下自己即刻睇下個份係乜譜黎。睇睇下，份譜已經結合左鼓、結他主音、結他低音既部份，不過，為左要唔好令DM3推到咁遲先出，所以佢心諗︰「既然譜都作左出黎，發生咩事都算啦。」咁佢就交份譜俾D比較熟音樂的朋友代佢將首歌演奏出黎。 佢個FD一睇就話︰「LEE份譜你係邊到得返黎架？唔係就咁諗下就可以作到！」陸 奧彥想話係自己隻右手突然抽筋而作既，不過心諗︰「太過荒謬啦！」所以佢為唯有硬住頭皮話係自己既嘔心成果！當然，小強好唔滿意佢咁講，但係小強又做唔到D乜。到泉 陸奧彥同佢D fd 演奏左首歌一次之後，發覺首歌實在太好聽啦，泉 陸奧彥聽起上黎就好似係到形容梗係到發白日夢既自己係到抽筋既人，咁lee一個咁高層次既，並唔係個個人都做到，最底限度，可以聽到lee個層次既人少之又少，可能係一百個人入面都係得一兩個，偏偏，小強、真．鼓神，同泉 陸奧彥就係一百個入面個一兩個，小強係鬼，唔計佢掛？仲有，經過AIC駭客特工事後查出當日係band房既鼓手=真．鼓神，小強跟住真．鼓神......泉 陸奧彥係到欣賞自己既作品。 就係lee一次，小強更加認同真．鼓神既實力，根本DD係小強憤怒之下亂作！一味得個快，亂，狠，但係，亂作之下，真．鼓神仲可以打到出黎，仲好好聽，小強更加知道自己跟真．鼓神學打鼓係冇錯既！而泉 陸奧彥聽到果然都係十分開心啦，一首得來全不費功夫的譜，出到咁好聽既歌，又可以聽到有發白日夢既感覺，所以佢連續聽左好多次。 真．鼓神打左咁多次都面不改容，真．鼓神打鼓的確係「近」！咁泉 陸奧彥佢就想比出Drum Mania小組d人睇。經過幾日時間既努力，終於都成功咁將份譜轉做DM譜，但係，DM小組既人每個人都認為冇人玩到lee首歌。但係，佢地乜都唔理喇，話哂第一次出Encore Stage，難的無所謂啦，《Day Dream》就放係DM3既Encore Stage到。好快，DM3就開始進行Location Test，好多人都因為二代鼓神已經唔會出現係LT而去打機。 當時，LT吸引到好多新手、中手、高手，仲有D淨睇唔打既。不過，只係LT左一日，已經好多人話好仲意DD，雖然可能有D人淨係聽過一次DD，但係佢地都俾DD吸引住，個個都想去試，同埋出Encore唔係個個人都可以做到。不過，玩到lee首歌既人，雖然可以聽到lee首歌，但係要負上後果．．．就係小強係上泉 陸奧彥身個陣落既咒，每一個打完DD既人24小時之內都入左醫院，而入院既原因，全部都係因為隻手係咁抽筋。就係因為咁，淨係LT已經發生左咁多事，一出就即刻又冇人玩。 「咁唔得架wor！」泉 陸奧彥都係到嘆氣，但係冇計，佢根本唔知自己俾人上身個陣整個過程係點，佢唯一知道既就淨係眼光光咁望住自己作好首歌。佢個陣又一時心急，求求奇奇就用左首歌，不過，打開其他game又有玩音樂game既，每次都叫D人不如熄鬼左部機佢，見唔到首Day Dream就唔洗煩啦！又話者可以打Extra個陣打到A，又係好方法。 打DM既解決左DD問題，又開始多人玩返，就係同期，新手小明都開始熱愛玩DM，小明資質唔錯，一開始個幾舖都玩到好多30lv左右既歌，又捉到個節奏，打得又順手，唔會出玩一D新手出現打錯鼓，亂踩等等，所以佢打DM個陣，唔識佢既如果冇留意佢揀歌既lv 可能唔會知佢係新手。不過，唔知點解，小明甚少係會係夜晚落去打機，同常要係好好天，好好太陽先會見到佢。 有一次，小明同佢一D朋友去打機，今日係小明有生之年第一次見到有人開Extra，佢本來岩岩跟左一舖到佢，佢見到人地打完Final 個首S行埋去個下，聽到Extra Stage咁，佢整個身體即刻征了一征。愛好發問既小明，即刻問佢D fd︰「做乜條友可以打咁多首既？」「佢S左兩首，A左一首ma，加埋一分，梗係有得玩啦」朋友甲細心同小明講。但係可能機舖聲浪太大，小明只係聽到一部份︰「？！一分就玩Extra？佢頭先個首歌打完都幾十萬分（或者更高）啦！」小明要將聲浪提升到最高。「唔係呀！係加埋一分！」朋友甲又再大聲講。「乜野呀，加埋晒都幾億分啦！」佢倆已經叫到喉到沙晒！「我地出去慢慢講，lee到入面好Q嘈！」朋友甲同小明耳語。「好！」 佢地出到機舖外面，先發覺頭先係叫得有幾咁大聲，仲勁過係街市叫賣，以下係朋友甲同小明既對話，當中既我係指朋友甲︰「拿，我詳細D講一次過你知，點先可以開到Extra，其實係可以用一種積分制黎講既。」「積分制？」「冇錯，簡單D黎講，我地可以將打完每一首歌得出黎既成績黎比一個分佢。」「你係指ABC之類個一個定係乜野？」「我梗係指ABC個D啦，你唔好打斷我住，我講你知（其實計法同任何一代有Extra既DM／GF一樣，不過GF10／DM9前任何機Session則有另一種計法，方法大同小異，此處暫時唔講Session，到有Session個故仔先再提）假設我地當要有一分先開到Extra，一開始第一首之前係零分，然後Set做每個result個分如下︰SS=減一分、S=加減零分、A=加一分、B=加兩分、C=加三分、D=加四分、E=加五分，用返lee個方法去計，假如玩三首，又要最後有一分既先玩到Extra，即係S、S、A都有得玩。再推算，如果有一個B，咁就要玩其餘兩首，其中一首一定要係SS，之後再S咁先得，用SS減B一分，再睇，有一個C就要兩首SS，有D就唔洗諗啦。」 「咁樣計又好似易明D咁wor，玩完Extra就拜拜？」「睇下你玩成點lo。」朋友甲開始口水都乾。「下？點解既？」「如果Extra有S或以上既係可以玩多一首『Encore Stage』的，今代開始有，你唔係唔知呀？」小明搖晒頭。「小明你打DM唔係打左好耐架啦咩？你唔似新手wor！」小明悶哼左一聲「我玩左兩三個月炸！呀！係wor，我跟左機架！」小明一邊怪叫一邊沖返入機舖。 朋友甲跟住返入機舖，同打梗DM既小明講︰「我走啦，我仲要去學琴呀！」「小芬，唔好走住啦！！」小明睇黎都係掛住打機，小芬轉身就走，估都估唔到，原來之前提起的「朋友甲」原來係個女生！當小芬行出機舖，上左車，先突然醒起唔記得同小明講首Encore有古怪.....不過，一切都太遲，佢上既係巴士，下個站要等過完海（過海？？）先落到車！所以小芬都算了，一直暗戀小明的小芬，大家都鍾意打機，但係小明Get唔到小芬既心意．．． 講返小明，佢玩左三首歌之後，終於到佢出Extra啦！可惜，小明仲未有機會玩到DD，因為佢仲未S到首Extra。佢未曾試到Encore，小明好失望，LT好快就完左啦，小明唯有努力練習舊機，小明不斷努力既時候，小強發覺自己實力己盡.，真．鼓神都開始留意到小明，因為佢聽人講過得一個人因為冇得玩DD而傷心。 不過，就係因為咁小明先更加努力去打DM，但係，LT先開始打DM既佢，可唔可以係出DM3個陣上到位呢？真．鼓神要開始同小明接觸啦，但係佢唔可以俾小明見到佢，所以搵小強。真．鼓神叫小強一見到小明打DD個陣就要走出黎同佢講野，但係好奇怪，個一段時間小強唔可以離開個間得真．鼓神同佢先見到既「機舖」。「我出唔到去咁都冇計架wor！」小強當日同真．鼓神係到嘈。「哼！你九乘九乘係到玩野！你唔抵得人地勁過你？」真．鼓神其實係想刺激下小強。「我邊有je，出唔到就係出唔到架啦，你幫我出啦！」真．鼓神好兇咁望住小強︰「出乜姐，你仲有得出咩？」小強即刻啞晒。 睇返DM3 出LT之前，原來DM3鼓神佢地一早有人選，但係到底上上到位？個一日，天氣好好，話說泉岩岩交左首歌之後，真．鼓神已經意識到首歌係點，佢叫小強出去四圍睇下有冇人係又係成日發夢or打鼓勁，音樂底好又或者節奏咁強等等咁，小強搵左4-5人，其中一個係小明，咁當然，小強冇可能約佢地去見真．鼓神啦，小強只係會跟住個個目標幾日。之後，小強會將佢捕捉左既「影像」「傳送」返俾真．鼓神（心靈傳動？！神人即係神人，兩個神人唔知點解有咁既能力），之後，真．鼓神會親自去睇下佢既目標，結果，真．鼓神揀左小明，但係係小強眼中，小明只係一個超新手，佢唔明點解真．鼓神會揀佢，所以佢去問真．鼓神，佢想問個明白，反而佢得到既答覆係話唔可以以貌取人，可能咁岩小強個日去『睇』住小明個陣，佢並未見到小明認真既一面，佢未睇得清小明到底係點，lee一樣到真．鼓神去睇個陣就咁岩睇到lee一點，所以真．鼓神就叫小強去『跟蹤』小明」 不過，唔知咩原因，一次偶然機下，小強睇到小明既實力，佢玩左半年到，就已經有自己玩左一年既實力。小強知道佢有可能會做到鼓神，唔怪得真.鼓神要小強注意小明，小強係個一刻，知到唔可以睇樣去判斷個個人勁定唔勁！佢覺得好慚愧，知道點解真．鼓神去跟住小明。小明當然唔知自己成日都俾隻鬼跟住，但係，其實佢每次打DM，小強都會上佢身，一來小強可以吸收一下小明既長處，又可以將自己既長處傳俾小明。 有日，小明終於可以開到DD出黎，但係，佢發覺，佢一開到DD，周圍D人，跟梗機、冇跟機都即刻走晒，一個都冇少，得返佢一個係到打機！當佢打DD個陣，怪事就發生！小強突然係部DM入面走出黎！小強仲係到不斷咁講︰「抽筋．．．抽筋．．．」嚇到小明即即棄機，兩秒內係機舖消失。 小明離開左機舖，都仲未驚完，佢個一刻真係唔知想點，佢有生以黎第一次見到咁既怪事。個一刻，小明嚇到講唔到野，佢唯有返屋企先....當然，小強仍然一路跟住小明啦，個一日既成個下晝，小明不停係咁回想返頭先發生既事。 「小明正係到Day Dream！」小強既強烈感應另到小明對鼓棍突然係個袋到飛出黎。可能係小強既『迪奧斯力量』，佢體內既鼓棍同小明既鼓棍感應到？！小明當然唔知小強入左佢屋企啦，佢以為係今日個件事，所以佢都冇咩反應。頭先個單都仲未驚完，管唔到咁多。呆滯既小明，連續DD左一個下晝，係屋企唔知做乜，咁就過左一日，佢連小芬叫佢去打機都唔知，因為手機已經冇晒電，呆滯既佢冇去差電。 一路係到DD既小明，俾突然而黎既門鐘聲嚇醒！「係我呀！」小芬係門口出面叫「你係咪係屋企呀？」「係呀，黎啦！！」小明開門俾小芬。小明先岩岩開門，小芬就大叫「嘩！鬼呀！」小芬咁叫，唔單只嚇到小明，仲好成功咁嚇到小強「小明，你攪咩呀？個樣咁殘既？」小芬上氣唔接下氣咁講。 個時，一直係小明屋企既小強悶哼左一聲！「俾條女嚇死，仲以為有人見到我係到tim。」小明話︰「我日今發生左一D好奇怪既野！講你都未必會信！」「你講黎聽下啦，講左出黎唔好收收埋埋，你個樣好得人驚！好似幾日冇訓過咁。」「下？我驚講完，太陽都落西山啦。」小明唔係太願意講出黎咁。「宜家幾點呀，落西山？一早日落左啦，唔梗要啦，快D講黎聽下啦」好奇心強既小芬有故仔聽！ 小明就由佢對上個次睇住小芬走之後講到小芬咁門鐘個到一次過講晒俾小芬知。小芬一路都好比心機同耐性去聽，一D唔耐煩既感覺都冇，但係小強因為由頭到尾都知乜事，反而佢聽得最唔耐煩。咁都冇計，所以小強走左返去真．鼓神個到打機，佢又運用『迪奧斯力量』，係任何一處「抽」對鼓棍出黎，今次係個mon，佢發覺佢既力量又強力左，唔洗兩三秒就抽左對棍鼓出黎，之前每一次出完都好攰既佢，今日睇黎精神幾好，所以佢竟然係度玩對棍，插入去，又抽返出黎，重覆又重覆！ |
」 |
真．鼓神見到佢係到玩,就鬧佢.........「唔係玩具黎架....每日都有個限額.......」 「限額?」個時小強仲係到玩既.......說時遲,那時快,出事啦......... 對棍插正係部DM個mon到既同時,力量岩岩用晒,對棍唔出唔入,處於膠著狀態......... 「你等聽日啦.....」真．鼓神都冇佢咁好氣....「聽日力量就會就新計過個限額.....」 由於小強用第二D棍係打唔到既,所以佢個日都係到發白日夢....... 唯有乖乖地等第二朝..........今日既佢淨係可以坐係到睇真．鼓神打機........ 到左第二日,唔單只小強有得去打機,不過小明一樣,佢都有得打機....... 經過小明同小芬一夜傾談,小明同小芬一致認為要做到鼓神,就要Full DD........ 但係佢地都有擔心過打完DD會抽筋既問題....... lee一日,小強同小明「一齊」入到機舖,小明打DM啦,一開始頭個幾舖都未開到Extra...... 算係熱下身啦,同時期間其他地方既DM都有人續繼因為DD而抽筋......... 既然打親都會抽筋,咁係咪可以破解既呢?小明記得小芬咁樣問過佢,所以都唔怕首DD....... 熱夠身,小明開Extra.........出Encore,打DD......... 有條友走o左出黎,佢不斷咁講:「"抽筋"........."抽筋".........」 小明望一望條友,佢好驚訝........... 原來果個係二代鼓神(She said 果個係六代鼓神) 小明曾經聽過二代鼓神o既事跡 傳聞二代鼓神打鼓好勁,首首歌都SS到 但有人睇唔過眼,將二代鼓神隻右手打到抽筋 二代鼓神因為隻右手不斷抽筋而打唔到鼓,最後自殺死o左....... 小明知道而家佢眼前個個二代鼓神好明顯係一個鬼魂,所以佢 即刻好驚咁走左去,過左好耐之後,小明諗住再去挑戰day dream 但係都係一?,小強會走出黎係咁講「"抽筋"........."抽筋".........」咁........ 原來小明唔係驚抽筋,係驚鬼........... 小強都唔知點解小明會見到佢,本來小強都係玩下咁.......... 小明諗,唔得架wor,我驚左佢咁我咪次次都打唔到DD........ 又經過一晚同小芬傾訴,小明得知睇多D鬼片睇下可唔可以另到自己冇咁驚....... 所以佢依照小芬的說話,出租一D鬼片,中外語都有,連續睇足幾晚........ 本來一開始,連一D好普通「級數」既都覺得好驚.......... 之後,第二日,第三日,小明開始睇慣,覺得其實都冇乜好驚既........ 休息左一日之後,就去打機啦.......... 咁岩,個一日,泉 陸奧彥又去左小明去個果機舖......... 小強又再一次見到泉 陸奧彥........ 個陣小明岩岩打梗Classic Party2,泉 陸奧彥都係聽人講lee到有個打左唔夠DM一年既開到DD..... 所以佢先黎視察下,不過,冇乜人識佢,咁樣仲好,佢可以睇幾耐都得 在場既,應該係得小強識佢,但係小強已死..........所以冇「人」....... 睇睇下,小明已經S左Classic Party2........泉 陸奧彥都想睇下佢點打lee首歌....... 點知,二代鼓神又再出現,泉 陸奧彥發現原來同自己一齊作Day dream o既就係佢..... 陸奧彥淨係一路反思返以前作Day dream既情況,又激諗點解佢會死 左,仲要係係有人玩梗day dream個陣時先走出黎,陸奧彥見到佢激講 抽筋咁,又諗返以前作歌個陣隻抽筋手,都冇點留意小明玩day dream, 到佢再次留意返部DM,小明已經玩完,起身諗住走,陸奧彥見到佢去,就 大聲咁叫佢,但係機舖太大噪音,加上小明開心過到DAY DREAM而又冇俾 隻鬼赫親,所以佢而家乜都聽唔到...... 所以佢出左街鋪搵佢la...... 到陸奧彥出到去,諗住可以利用今次既機會問清楚小明有關佢玩day dream個時 見到既情況,所以佢就同小明一齊係條街到行,仲跟埋小明返屋企,小明就將佢玩dm 同day dream見到個鬼魂激講抽筋d野到佢睇鬼片睇到唔驚隻鬼d野講晒俾陸奧彥 聽,點知係lee個時候,小明隻手居然係咁抽筋........ 小強突然之間出玩........仲講「就係你la,我要你繼承我o既力量,成為三代鼓神.....」 「今代係DM既轉淚點,你要帶動DM界既革命.........」 話畢,小強係街奇其捉條友去展示『迪奧斯力量』,佢將全身既能量集中左係泉 陸奧彥既身上..... 「帶動DM界既革命....」當時,泉 陸奧彥即刻全身軟化,講唔到野......... 同時間,小明睇到呆左.........唔知講咩好,小明有身之年第一次見到人體出鼓棍........ 當時,時間過得好快,話咁快就係泉 陸奧彥既「體內」將鼓棍抽出....... 個一刻,泉 陸奧彥全身發燙,動彈不得.......(事後佢仲話好high......) 小強抽左對棍出黎之後同小明講:「就係你la,我要你繼承我o既力量,成為三代鼓神.....」..... 佢又續講...「lee對鼓棍係當年Across The Nightmare入面既劍士送我既...... 希望你好好珍惜佢.......遲D你就會清楚晒所有野......我地後會有期......」 二代鼓神講完就走o左la,小明隻手就停止抽筋,而且仲充滿力量 跟住佢再落機鋪試Day dream,佢發現自己可以full到來SS 埋 此後,其他人都不斷嘗試Day dream,但冇人過到 每當玩Day dream時,部機o既lv 好似變到好高,好快就cut 歌 但唯一小明可以好輕鬆咁過,o的人就封佢為三代鼓神......... 而二代鼓神從"果"件事之後就冇出現過.............. 個日,小強成功咁將佢既願望實現........其實佢既目的只係想要人地打親都抽筋....... 不過,俾真．鼓神感化左佢之後,佢只係一心想搵人一路續繼做鼓神........ 佢成功左........但係佢都仲係唔捨得走........一路都留係"機舖"到........... 不過,令小明最刻骨銘心既係小強走前最後一句說話......「我地會再見的.....」 跟住,一路都再冇人見過小強.........當然啦,小強死左之後., 基本上係得小明,泉 陸奧彥同真．鼓神見過小強............ 之後,DM3,小明玩到悶悶地,DM3既Day Dream都過到同SS既佢...... DM3已經冇咩好玩,玩到悶晒............ 就係DM3就黎完結既一個冬天,小明同佢D朋友去左滑雪.......... 小明雖然唔係一個滑雪高手,但係有高手指導下,要係短時間上手都唔係太難....... 本來,對於間中先打下DM既小明黎講,本應係一個好好既假期....... 不過,一個平凡既假期,就發生左一D不平凡既事......... 係雪山既第二日,一個天朗氣清既中午,小明同幾個朋友一齊再去滑過....... 就係lee一刻,怪事開始發生..........小明係吊車到好似聽到一D聲,好似係邊到聽過....... 但係佢自己認為係心理作用,不過到佢發覺自己係心理作用個陣原來自己岩岩發完白日夢..... 自從小明SS左Day Dream之後,發白日夢既次數一日比一日多.......佢都唔知點解....... 但係,今次好真實,小明話俾自己聽只不過又再發夢.......... (可能lee個係小明唔係太想成日打DM既原因之一) 小明『醒』返,佢個幾個朋友一早開始左滑落山,佢即刻追上去........ 佢一路滑,一路掛住係到諗野,好似完全冇理到周圍既其他人........ 有幾次仲差D撞埋其他人個到,好不驚險!!小明又再係到Day Dream了!! 過左一陣,小明竟然係雪地個到望到小強!!!!!! 估唔到,係咁既地方會再次見到小強!!!!!!就係咁,小明為左想再睇得清楚D....... 竟然除低自己既擋風鏡!!係一個相當危險既舉動!!! 所以,佢已經即刻向前碌........已佢咁既速度向下碌,就算有人救到佢........ 救佢個個人都一定會俾佢碌落黎個勢帶住一齊碌埋一份......... 就係小明碌落去個一刻,小明聽到兩把聲.......... 聽起黎其實可以話係天使同魔鬼............. 一把係小芬叫小明捉住佢隻手既聲.........另外既竟然係小強既奸笑聲........... 小強仲講話小明既時間就快到.............. 最後,因為小芬捉住一樹幹,?去左小明個勢,所以小明先冇事.............. 但係小明俾小芬救返之後都仲未驚完.......佢係咁重覆住「時間到啦!!時間到啦!!!」 「時間到?!你係咪又係到發夢呀?你知唔知頭先好危險!!」小芬一路講,同時車左小明一把 小明先醒返..不過小明好似仲好擔心佢頭先聽到既野......... 佢硬係諗唔明乜野係事間就到..........唔通佢倒數?! 又唔係,新一年先岩岩開始.........何來倒數........... 唔通就黎出DM4?小明自己求Q奇諗左個令自己安心既解釋........不過,之後佢就冇再見過小強..... 好快,真係到左出DM4個一日,因為小明太耐冇打DM,LT完左都唔知....... 佢地去玩滑雪之後個一日就出DM4............ DM4 LT個陣,都未有The least 100sec lee首歌,但係KM3rd個到就有........ 不過,一路都冇人知DM4GF5會有lee首歌,不過,觀察力比較強的小明....... 成日聽小芬玩KM個陣都聽到有結他同鼓聲........ (唔通其他人真聽唔到?!) 到DM4同GF5真正出個一日,亦即係小明佢地去完滑雪既第二日,佢地就去打機...... 話晒出新機,所以點都要試下......不過,小明都唔知個日就係自己既最後一晚......... 當日,天氣好好,所以佢地等埋小芬先去打機,個日係小芬鋼琴八級考試日...... 佢地等齊人去到機舖,由於實在係太多人係到,所以到佢地等左好耐先有得玩...... 其實係因為DM4,GF5可以同KM3 session,所以你等下我等下,好不容易先可以三部一齊session... 另外,因為100sec,Three Worms,Classic Party 3等等既歌對於KM黎講只係普通歌,唔係Extra 所以一齊session就可以第一首玩,不過缺點係冇左Extra同Encore 小明,小芬同另外一個FD,3個一齊session... 由於但地都算係岩岩開始第一舖,所以佢地都係玩D唔係咁高LV既歌,小明同 時又就下佢另外個兩個FD,費事三個一齊拉閘,佢地熱完身之後又玩左幾舖, 後面既觀眾都愈黎愈多,D觀眾見到佢地四個SETTION都咁勁(個個孖S)都唔敢 其實係佢地三個之中,最弱係結他個個,小明係上代鼓神,小芬七級琴........ 不過,最弱既唔代表玩得差,都可以S到Classic Party 3...... 所以佢地玩完一首之後,後面既觀眾都愈黎愈多....... D觀眾見到佢地四個SETTION都咁勁都唔敢跟佢地機....... 當日,真．鼓神己經知道小明係最後一日啦.......真．鼓神出定係醫院個到........ 佢希望可以見到小明個靈魂.......... 同一時間,因為每次要三部機同時session,實在太晒時間,所以佢地諗住玩埋就閃....... 所以最後玩左首100sec.......其實係小明見到歌名,以為首歌唔係太長........ 但係佢點都估唔到首歌真係好短,仲要係歌如其名,100sec..... 又難又短,呃錢歌.....佢地開始左冇耐,一路都好順利,combo大家都冇斷 不過玩到一半大約50sec咁上下時間,小明個樣突然變晒.......仲訓左係地下,抽晒筋咁,手手 腳腳係咁狂抽,佢d fd見到咁就即刻送佢入醫院..... 到佢地去到醫院,真．鼓神一路都係到等,等小明入黎...... (莫非真．鼓神扮演住死神既角色?可能因為係咁,所以真．鼓神朋友並唔多.......) 小明入左醫院之後,即刻送入深切治療部(Intensive Care Unit)......... 係ICU入面,小明好明顯係心室心跳過速.......100ppm........ 最後,經過一小時多搶救,最後小明都要離開我地........ 真．鼓神好順利咁「接走」小明.........小明當時第一次見到真．鼓神都嚇左一跳....... 佢跟本唔知自己變左鬼,就算佢「行」到小芬隔黎,點大聲叫,佢地都係冇反應...... 得真．鼓神可以同小明交談.........但係,真．鼓神知道自己一定要引導小明去D冇咁多人既地方 同一個鬼魂講野,俾其他人見到會誤會佢係傻佬 小芬等人接到小明死訊之後,最自然既反應就係傷心啦....... 佢地唯有幫小明攪埋d手尾,通知佢屋企人.......係lee個時候,其中一個同小明一齊去打機 不過冇玩session既朋友發覺由機舖到醫院都一直有個男人跟住佢地後面 個一位就係音樂界其中一個好出名既人........佐佐木史博史....... 佐佐木自我介紹完之後,小芬等人都好想知道到底係乜野一回事....... 點解會打機打到死人.........當然佐佐木因為lee件事覺得好唔開心...... 佢一心作首歌出黎,等大家可以誤樂一下,但係竟然會打死人........ 其後,小芬同佐佐木傾談完一輪之後,知到左佐佐木作lee首歌既經過..... 小芬係佐佐木口中識到小風,就咁聽佐佐木講,小強遠係小明再打DM之前 即係小明懶懶閒唔想打DM個陣,小風已經係到努力既,真．鼓神都一早留意到佢....... －[分隔線]－ 時間:移到真．鼓神第一次發玩到小風個日......... 個日,佐佐木岩岩係到煩梗到底首歌算,岩岩佐佐木個team人,DM個個又屈死左....... (詳情可參閱《死亡倒數—The Least 100sec時計傳說》) 真．鼓神收到風,話可能會推遲DM4個時間......... 咁就煩啦,對真．鼓神黎講,出DM係要有吉時揀.......唔遲得,咁岩如果唔係黎梗個個時間..... 就要等半年.........可能,唔知K記內部既普通玩家,遲左出或者早左出跟本冇人知.......... 但係,真．鼓神就好大影響.........唔知點解............ (莫非真．鼓神同部DM有一種奧妙既關係?) 對上個次,泉 陸奧彥遲左少少就即刻叫小強去作左首Day Dream佢........ 又用小強報仇黎做藉口,屈小強作Day Dream 真．鼓神發覺就算佢現身俾小明知佢係邊個都冇用....... 一現新小明就會死.......真．鼓神命犯天煞孤星....... 可能就係「無敵是最寂莫的」,就算佢打得勁,但係一個朋友都冇........ 自從佢做左真．鼓神之後,識每一個朋友都會離開佢.......... 佢本來想落機舖睇下會唔會見到小明....... 但係,小明去開個陣機舖個到個職員話佢好耐都冇出現......好似完全消失咁.... 小明其實唔係消失,而係唔再打DM3......... 不過,當日就俾真．鼓神發現到DM4人選...........個一刻,真．鼓神已經feel到佢就係下一代既鼓神... 但係,lee個未來鼓神,係人地睇中只係一個爆good的新手,如果有人識真．鼓神..... 問佢點解會睇中佢,我諗真．鼓神都問唔到佢........ 咁岩,小風打完個舖機就去會見佐佐木,佢地約好左去試鼓譜(即將來既100sec) 而當日,真鼓神一早化名小林去佐佐木個到負責GF部份........ (真．鼓神玩真結他!??) (其實可以咁諗,每個人既天份唔同,真．鼓神就係咁岩係可以好快上手既人) (佢都係DM3開始個陣先掂結他,一代時間,就玩100sec) 佢地全部人上晒去佐佐木個精心設計既局,成日就係session同入醫院....... 真．鼓神都覺得好其怪,點解小風明明冇玩到Day Drean,小強個咒唔係一早俾小明破左咩? 點解會一路傳到去小風個到? 不過,就算近醫院都冇用,小風一日抽幾廿次筋,下下咁抬佢過去,都幾麻煩....... 不過,佐佐木好醒,見到小風用木棍打成日唔係飛棍就斷棍, 所以俾對鐵棍小風用下,仲叫佢自己去練下手力....... 真．鼓神自己都有幾對鐵棍,但係,叫人地試下用鐵棍都係第一次....... (按照真．鼓神打舊DM個陣,用鐵棍打其實都好辛苦下)<~廢話 到左第二日,小風第一次過到lee首不知名既歌 雖然話就話佢第一次過到,但係佢已經進入差唔多虛脫既狀態......... 好似俾人掂一掂佢就已經會即刻抽筋咁......... 小風走個陣,個個長氣到死既佐佐木大大力咁拍左佢一下! 「你幫左我咁大既忙,lee首歌既歌名由你黎改名」 小風個一刻其實已經想一下爆發出黎........抽筋 但係,第一次過到加上面子問題,小風係到死忍......... 仲可以好正常咁答佢...... 「佢都唔夠一百二十秒就報銷,不如首歌就叫最後之120sec啦」 之後小風行出band房,過左一分四十秒竟然係到抽筋,佢忍唔到........ 講真,抽筋既野,邊到有得忍架?!控制到架咩? 小風走左之後,一路都好少出聲既小林－－即係真．鼓神佢話 120好似唔知點咁wor,又唔順口......... 佐佐木又好神奇咁同真．鼓神有相同見解....... 真．鼓神又多口講左句,100秒就差唔多,個尾音嚮D,個氣勢都勁D........ (100sec個名就係咁黎?!) 之後,佐佐木自己係到諗野,其他人等(包括真．鼓神)走先......... 真．鼓神一出到去外面就見到小風好辛苦既樣坐左係後樓梯個到....... 如果唔係等耐,真．鼓神都唔會行樓梯....... 鼓神同真．鼓神綠份真多........... 真．鼓神見到小風咁,就即刻扶起佢,仲問佢洗唔洗過「對面馬路」...... 小風當然唔肯啦,日日都要去一次,佢都悶........... 真．鼓神聽到佢咁講又覺得幾有道理........所以就同小風去車站附近食D野 等佢冇咁辛苦........真．鼓神請客...... (食完野小風發現所謂小林既人好有$$) 個日之後,歌名同歌都齊晒,DM4推出既日子一日比一日近......... 小風就再冇見到「小林」,因為小林係真．鼓神易容出黎.......自然冇人再見過小林....... 時間:小明死之後個一日 佐佐木用最簡單易明既方法講左一次首歌係點黎之後,小芬等人全部其實都唔係咁明..... 不過,到過多幾日,因為小明打The least 100sec打到死左既消息傳開左,變左冇人敢玩...... 本來KM同GF都仲叫做有D人會玩The least 100sec既,唔知邊一D人傳傳下話KM/GF都會出事... 所以The least 100sec就變左同Across the nightmare,Day Dream一樣..... 鼓神出現之前係冇人玩首歌......... 真．鼓神都明白lee個道理,當時,真．鼓神已經接左小明去「機舖」 傳授打DM既力量俾佢,因為小明實力比小強好,所以小明要學既野比小強多....... 不過,「機舖」自出左DM4之後,當然會有埋DM4係到.... 仲有一部當日俾小強「插」左半支鼓棍既DM3係到,一路真．鼓神都整唔支棍....... 小明跟住真．鼓神真係學到好多野......小明第一次見到真．鼓神打Day Dream個陣....... 小明亂up一個條件,例如要幾多Great或者幾多Good,真．鼓神就好似program咁...... 好輕鬆咁就完成到......小明實在比小強醒........ 講返佐佐木個到,佐佐木幾經辛苦先問到小明FD佢上次用乜棍打100sec..... 不過,就硬係搵唔到小風,所以佐佐木就算搵到個問題係邊都要一段時間先搵到小風一齊解決....... 好快,尋人啟事出左之後,佐佐木依照時間係機舖等小風....... 不過,個日機舖突別多人.......因為佐佐木用返本名黎約會小風....... 所以好多人都去晒個到睇下佐佐木博史lee位DM界人物.......... 不過,其實佢地都傻既,打DM又見過佐佐木,相信唔會過十個,所以有好多人就算見到佐佐木 都唔會個個就係佐佐木........就好似泉 陸奧彥入機舖咁....... 不過,小風最後都冇出現到........本來真．鼓神都諗住可以帶埋小明去見下小風..... 但係小風冇出現.......小明有d失望..... 不過,失望既心情唔會超過兩分鐘........就係個一刻,DM個到竟然有人玩合體!!! 佐佐木自己一條友企定定係到睇合體,眼到眼都凸埋 佢諗都冇諗過會再見到合體,合體唔係個個都會做,因為要係冇咩人既情況 下做先會冇咁樣衰到佐佐木睇飽啦,睇佢既神情,看似收獲豐富... 但係兩手而來,而手而去,又似一冇所獲 當然,最後佐佐木反覆咁去機舖搵呀小風,搵到之後,再幫佢成為今代鼓神...... 過程可參閱《死亡倒數—The Least 100sec時計傳說》,此處不提 不過,當佢成為鼓神之後,真．鼓神就叫呀小明要向小風學下野,由於小風係睇唔到小明的 所以真．鼓神叫小明日日夜夜咁"釣"住佢,睇下偷唔例到師...... 小明不分晝夜咁跟住小風,無論洗衫煮飯,食飯拉屎,小明都跟住晒...... 真煩.....但係小風就感覺唔到......小風日又打機,夜又打機咁.... 過左一兩個禮拜左右,小明開始感覺到佢自己同小風既分別....... 一個係人,一個係鬼.....一個活打機,一個死打機....... 小風雖然佢係咁入錢打,但係會檢討返打過D乜鬼野,點解會斷combo....... 小風又諗.....如果自己去夾返band會點.....之前同佐佐木試完歌之後都冇打了........ 小明見到小風雖然做左鼓神之後但仍然未滿足自己係到達神級既境界,不斷挑戰自己.... 唔會show off, 連D白痴歌都要反覆打機次,但係又唔係係同一舖裡面進行...... 小風唔反對煲歌,但係煲歌係要係多舖進行,係同一舖玩晒一樣既咁不如玩GDA 咁係機玩人唔係人打機......真．鼓神就係睇中左小風lee一點,先會比較鍾意小風.... 真．鼓神都有諗過主動去搵小風,但係,如果主動去搵佢咁可能又會導致小風變成真．鼓神 既朋友,即係要佢死......至於小明因為見到佢係小風面前自己矮左一節,所以覺得好慚愧........ 再加上唔想再煩住真．鼓神啦,所以同真．鼓神道別之後就走左投胎....... 興其係到自己一個睇小風打機,不如自己打,佢冇得打真DM已經覺得好唔耐煩....... 所以悄悄咁走左了.....希望來世再打過DM,要比小風更強....... 自此之後,小風少左隻鬼跟住佢,技術又再進一步,興此同時,真．鼓神自己一條茂利係個間 個個都入唔到既機舖到都唔係辦法,佢自己都覺得悶 所以就決定去世界其他有得打DM既地方見識一下,增廣見聞..... 此終一個人太井底係唔好的而小風因為打鼓技術了得,真係返返去夾band....... 成為左世界數一數二既樂隊組合..... 時間過得好快,真．鼓神再次返返去日本個陣,DM5已經差唔多完...... 當然,真．鼓神係世界其他地方去獲益良多,覺得自己都要努力一下 當佢返到日本個陣,佢反而最想知道邊一個成為左鼓神..... 為左能夠用最短既時間做到最高較率既回報,真．鼓神徵服出巡(?!)....... 自己決定扮屎入機舖,睇下走左咁耐lee到D人有冇變到好似佢遊歷各地既其中一站... -[分隔線]- 真．鼓神唔係太記得個到係邊到,亞太區域而且又好似日本咁有得坐地鐵.... 一到星期六日就好多人,太多數年青人(落機舖個班)都係punk look,潮爆裝扮...... 個頭柒到五顔六色,佢都唔係太記得機舖叫咩名(實在去過太多地方)..... 佢能夠回憶到既係機舖入口極近地鐵入口,要落地庫,環境極煙........ 內裡多數人客愛show off,細聲講大聲笑,三五成群,見低踩見高笠...... 真．鼓神入去十分鍾已經有「就快升仙」既感覺......... (按:咁鬼似落左去好旺角既?) (再按:不過,當時年代好旺角仲未存在,但係佢去到既地方同現在既好旺角有過之而無不及) -[分隔線]- 佢唔知日本既機舖會唔會變成個間煙房咁(煙房係真．鼓神對地庫謎之機舖既代名詞) 所以就自己扮屎,日日去唔同既機舖...唔洗好耐就知道今代既鼓神多數去邊間機舖, 當佢見到DM5鼓神,發覺左DM鼓神,個個都獨當一面,而今代個位,竟然係一個愛劈鼓的 不過,神奇在,今代鼓神同上代鼓神都有一個共通點,就係夾band人...... 當佢知道小龍(五代鼓神)係個力量劈鼓形既時候,就醒覺到自己之前去過既機舖.... 有好幾間個DM D 鼓pad都係俾人打到爆晒,一睇就知係俾人劈到體無完膚搖搖欲搖墜而壞...... 曾經俾一D極度暴力傾向既人怒打完.......攪到個個都唔想打個部DM......(壞機搵鬼去打) 但係.....冇人咁叫鼓神唔好再咁劈鼓.....世界就係咁樣,就算佢大大力咁劈,都冇人咁話佢..... 但係,一個打得比較差既想學下鼓神咁劈下鼓就會即刻俾人鬧....... 話晒小龍係鼓神......(所以代代鼓神先要死?) 不過,真．鼓神再次認同自己既諗法,咁多個鼓神,最有品都係小風......... 小龍恐怕一樣再過多十年都學唔到小風...... 經過一輪調查之後,真．鼓神發現左樂隊組合「龍虎豹」(其實樂隊知名度係lee區冇人不識 冇人不曉.....而係真．鼓神自己既調查簡單覆雜化)點知,到左出DM6個陣, 佢地三個都先後發生意外!!一直都冇人知咩事..... 事件經過可參閱《暴力安歌—Under control真相傳說》,此處不提 件事過左冇耐之後,真．鼓神見到小龍自己一個人坐左係機舖地下,坐左係到,手指向地... 係到畫圈圈......佢有時會彈起身同人地講野,但係就係冇人見到佢同埋冇人聽到佢up乜 「打機有咩用?!打到好似我宜家咁,親都冇人理我!!點解會咁架??我想再打多一次under control」 小龍一面講一面有舞足蹈....「咁都唔俾?有冇攪錯?」 「年輕人~冷靜一D,咁樣係解決唔到問題架」真．鼓神一面講一面坐係小龍隔黎, 起初小龍都唔覺得有咩問題,所以就續繼同佢傾兩句.... 「你邊頭打機架?我係涉谷龍虎豹的」小龍自介完諗住可以嚇下佢,點知對方冇咩反應 同時間,係其他人眼中,真．鼓神睇落好似一個人係到自言自語既傻佬.... 「我知道點解你要殺死你D同伴....」真．鼓神單刀直入式反而嚇親小龍...... 「係wor,點解個個都睇我唔到,得你一個見到我?」 「你宜家先發覺?你的觀力珍弱」 「你...你理得我強定弱丫....」 「你呀,你太過自命不凡啦你....你以前打到UC就係好勁?」 「唔通你又打到?」小龍挑戰真．鼓神!! 「Follow me」真．鼓神起身對住小龍講 「?」小龍... 「唉~!咁簡單既英文都唔識.....跟我黎呀!」 「挑好叻咩」 好快小龍就跟住真．鼓神返返去佢個地頭,同時,真．鼓神用最簡潔既句子解釋左lee個地方既存在.. 邊一個人黎過..同埋點解會黎之類既資料講左一次俾小龍知.... 「咪住!!咁你即意思即係俾你係同既人黎lee到?」 真．鼓神點點頭 「咁點呀?即係lee到咁多代既鼓神都黎過?」 真．鼓神又再點點頭 「即係代代鼓神都係係出新一代DM之後就會死?」 「咁又未必bor」真．鼓神終於開腔 「邊一個呀?邊個未死?」小龍似乎希望係佢..... 「我唔可以答你,天機不可洩漏,如果你由一代開始玩起,就自然會知....」真．鼓神唔太想講 「但係...我理科的...」小龍冷冷地道 「下?!」真．鼓神呆左 「我話,我讀理科的.唔好同我講歷史.....我唔鍾意歷史的...」小龍有D唔開心 「咁我都幫你唔到架wor....」 好快,佢地兩個落到個間機舖啦...... 雖然今次經過DM5-6之後,真．鼓神已經入左貨,有得玩下DM5同DM6咁,不過顯然小龍佢咁中死都冇錯...... 佢跟本未見過大場面....一入到真．鼓神間機舖就好似一個第一次入迪士尼既子供咁.... 「嘩~~好多部DM呀!!,好多機呀,全部都係音樂機,好壯觀呀~~好得意呀~~」 之後行去另一個角落..... 「嘩~~唔洗錢任玩架就咁咁start掣就玩到架啦」 一路走黎走去既小龍一路到係咁咁start掣,但係又自己走開,一時間全部機係到開始玩.... 又係到gameover.....小龍又走去另一個角落....... 「嘩~冷氣好夠凍好正呀,又有唔洗錢汽水機,零食機好多鼓棍任用(應該係指鼓棍...」 之後小龍返返去真．鼓神身邊個時突然...... 「姨~.....點解咁既?部DM3有半支鼓棍插左係個mon到既?!」 「哎呀,支棍係DD鼓神想攞支鼓棍出黎用個陣岩岩冇晒D 力量所以會咁」 「佢都shot shot 地既,個邊咪大把鼓棍lo........」 「之前冇的」真．鼓神係小龍未講完之前已經接上... 「oic」小龍冇野好講..... 「係wor,我想問呢,點解你lee到咁多DM既?,但係又冇人黎玩wor,幾多錢一個月租呀?」 小龍續繼問「好唔好做架?免費都冇人黎既?D人傻架?」 「唔關事的,我遲D先解答你lee個問題,到時機成熟個陣好多野你自自然然就會知的了」 「哦!咁神秘」小龍對答個陣表情多多 「咁....我相信你都想明白你係lee到既目的啦?」真．鼓神呆滯咁望住你龍,此時二人表情太似 「係ar我想打好UC lo」 「唔係唔得既,但係以我所知,係咁既情況,我相信你係lee個空間就算俾你過到都冇咩用」 真．鼓神一路講一路轉左幾個姿勢 「你明唔明白我咩意思?你明唔白你既處境?」 小龍突然彈起「唔係太明炸」 「我地做過實驗,跟我出黎」 個頭講完,鏡頭一轉,真．鼓神同小龍己經teleport左去一間不知名既機舖.... 機舖入面所有人既對話,小龍一句都聽唔明.... 說時遲那時快!!小龍岩岩想開口問佢身處位置既時候,係佢個腦裡面突然之間感覺到好似有人係到同佢講野..... 但係佢附近隨左真．鼓神之外就冇其他人.... 要詳細D解釋既話就形容為: 好似係有人企左係小龍個腦入面講野咁, 但係連我都未試過有lee一樣感覺..... 好難寫出黎的,硬要解釋只好寫成心靈相通 今代鼓神識心靈相通,比起ES-Power(小風)同迪奧斯力量(小明)為好 真．鼓神續繼同小龍溝通,機舖內都係得少量神級人物先會稍微感覺到有兩股腦電波係到極速傳動梗.... 「我俾一個錢你,宜家岩岩有條友係到打梗機,你試下去跟機」 小龍接過銀仔之後就慢慢行過去部Dm到放低個一蚊..... 本來個一蚊仲仍然係小龍手上個陣,係冇人會見到的,但係當佢放低係部DM到個陣.... 個一蚊因為係小龍手中脫出,所以突然由「仙界」帶返人界.... 一蚊係唔夠零點零一秒既時間突然出現,除左突然之間叮左一聲之外..... 仲係個附近贈送左一D陰風..... 因為要係咁短時間之內將一個一蚊咁上下大細既一蚊係仙界帶入黎, 係要極大能量的.....當兩邊通道打開"運送"個一蚊返黎個陣..... 四週圍既磁場,萬有引力突然係唔夠半秒之間崩潰而又即刻復原.... 所以空氣可能會因此產生對流,形成一陣風.... 然就係lee一陣風同個一下叮,突親個個係到打梗機既迷之人... 小龍個一刻發現,迷之人竟然係一個女仔..... 迷之女性俾突如其來所發生既野嚇到彈左一粒poor出黎 「好啦,你宜家再試下再執返起個一蚊」由真．鼓神傳黎既腦電波再次係小龍腦中迴響 「下?下個到我啦,跟左機又唔跟,攪錯呀?」小龍太耐冇打機 「叫你試就試啦」 「我驚又會好似頭先咁呀」小龍唔多想放棄跟機 就憑真．鼓神lee個表面就足夠令到小龍聽聽話話.... 小龍諗住執起個銀lee D年中做幾廿萬次類似動作既野就簡直係易過食生菜 所以小龍是但咁申隻手過好黎手就羅.... lee一刻所發生既事就接小龍自己都睇到呆左!! 因為,無論佢盡幾大既努力都好,佢都執唔起個一蚊... (lee個時候,原本先前打梗DM既女仔因為見唔到有人埋黎,所以con機) lee個時候真．鼓神上前解話.... 「你都係羅唔返起個銀仔加啦,橫掂都跟左機,等我打左佢啦,陣間解釋過你聽」 接下落黎個五至十分鐘,不知名機舖入面所有有玩音樂game既人都見到前所未見既情景.... 只因為,對於機舖入面既人黎講,謎之神人打DM實在太勁,勁得匪夷所思.... 個個都睇到呆左,一時之間好似個個都放棄晒自己打梗個舖機走過黎睇...... 真．鼓神打完就閃人,佢唔想太多人見到佢(咁得咩?) 出到機舖外面,小龍已經忍唔住開口問啦!! 「我其實係咪已經死左好耐?點解我好似唔覺既?」 「事實擺布眼前,拿,CC」真．鼓神隨手拎左兩樣相同既物件出黎 然之後燒左其中一樣,另一個冇燒,然後叫小龍先後試下拎起lee兩樣野.... 小龍眼中見到兩樣物件,只係拎得起燒-ed個樣,另一樣就同頭先個個一蚊一樣.... 突然,小龍兩眼通紅「我死-ed了,變左隻鬼」 「認命啦,做得神級就預左會係咁」 「我唔相信」 「信不信由你你點都冇可能改變到lee一個事實」 真．鼓神講完之後就行左去,佢去追頭先係機舖見到個個女仔...... 之後個幾個星期,真．鼓神一路都跟住個個女仔,而小龍則先行回國.... 期間,真．鼓神發覺個位謎之女子的確藝高人膽大, 就算發生一D突發事件都可以做到泰山崩於前而面不改容 結果真鼓神好快就知道解決做唔到大事,牌氣古怪,表情多多﹣﹣小龍既打機問題..... 結論係上lee個女仔身到打機,只有佢先可以抵受到lee種力量, 小龍上身之後自自然然係SS左UC....同時了結左佢個心願.... 有關冰冰成為神人過程可以參閱《暴力安歌—Under control真相傳說》 後記,真．鼓神返返去日本自己個地頭之後,發覺全部機既位都唔同晒,仲有張字條俾佢... 謎之神人: 我覺得你既擺位太差啦,我見你咁耐唔返黎,所以全部大執位 小龍上 另外,真．鼓神閒時上網嚇見各大討論音樂遊戲既討論版到, 都不約而同咁有人話見到D人打打下機好似俾個D野上身咁劈到D鼓爛晒.... 仲有,小明插係DM3支棍仲係部機個到拎唔返出黎....... 自此之後,真．鼓神再次繼續去世界各都既機舖個到.... 不過,佢已經決定左,唔再用自己既力量去發掘出鼓神.... 可能因為咁樣,所以每一代既鼓神都會係出新一代既時候離奇死亡.... 又或者第二D原因導玫咁樣......不過,就連佢自己都唔知...... 因為, 當一個人既實力經去到一人之下,1萬人之上既時候, 就會變左終日去找尋比自己更強,又或者係實力相似的人去挑戰等等.... 就係咁, 真．鼓神決定唔再將自己留係某地,而開始四週圍去旅行...... 就算少數以前見過佢既人,係兩三個月內已經再見唔到佢.... 就好似完完全全係世界上消失左咁...... 加上本來就行蹤飄忽,少說話的佢,要係人群中消失根本唔難...... 佢想要見既人佢一定會有辦法去見到,但係,佢蒸發左之後,跟本冇人見過佢..... 後期,打DM既人想見到真．鼓神既程度越黎越大,甚至一聽到機舖入面, 有一D實力比較高既神人入去打機,都會瘋狂咁即刻趕過去睇而最終失望而回.... 自此之後,有關真．鼓神既事蹟就開似係音樂遊戲既玩家口中傳黎傳去...... 就係咁一傳十,十傳百...... 傳傳下,開始越黎越離譜,有時連一D冇咁誇張既內容傳到好勁 又話者好恐佈咁,其實都有提過的, 就隨意舉個例,人們傳she said同月光蝶咁,其實一D內容過份誇張.... 誇大左少少,傳說就越傳越亂..... 例如東邊地區聽到既可能係版本1.0,西邊既就會同10.版本有所出入... 高變左低,男變左女....... 越傳越誇張,傳到後期跟本已經遺忘左真偽........ 最後.世人決定將歷例同傳說混為一體,等所有人知道真．鼓神的確存在過, 再外加一D可能存在既事實編錄係一齊..... 七個唔同時序既鼓機,所生左七個故事.... 一D一心去尋找傳說中真．鼓神同埋還在世既前代鼓神既一班玩家 用盡佢地既努力同毅力, 將佢地所見聞,混合寫成左七個故事.... 故事名曰:DM七不思議之傳說!!........ (故事完)