FANDOM


2008年高考生試場拍照事件發生在2008年3月31日,一名應屆高考女生在應考高考中國語文及文化(中化)科卷二考試前,於試場拍攝一張清楚見到答題簿和條碼的相片[1],並上載到其Xanga[2];後來遭網友揭發事件,並且有網友向考評局舉報。

是次事件已引起各大討論區的迴響,並且在2008年4月5日上報,被傳媒廣泛報導。

事件被揭發的經過

Al capture

肇事圖片中清楚看見其考生編號「021767」。

高登會員「若智」在2008年4月3日揭發事件,並在高登貼文,以及公開相關的網誌連結及相片。[3]初期有一堆花生友及推上報友回覆,但其後逐步演變成控方及辯方的罵戰,雙方分別發表不同理論支持及駁斥對方理論。

其後討論氣氛高漲,並於當晚爆post,又出現了第二篇文章[4]繼續討論。

由於第二篇文章的反應太熱烈,於2008年4月4日下午6時40分左右,第二篇文章亦宣告爆post,第三篇文章[5]亦同時出現,但討論氣氛已開始轉趨平淡;有高登網友開始打賭第三篇文章會否爆post

亦有反對者「註冊潛水員」(ID:179126)另開新文章[6],以「舉報人既契弟,全部科死撚晒揮手區」為題,詛咒舉報者。

事件亦蔓延到迷你論壇[7],並且有網友就事件向考評局作出投訴;而迷你論壇中有關是次事件的討論情況,最後都是與高登一樣,最後演變成控辯雙方的罵戰。

其後事件亦被傳至Uwants[8],但氣氛不算太熱烈,討論亦偏向「大事化小,小事化無」。

事件在網上的爭議

控方理據

  • 明顯違反考試守則。(考試守則清楚列明試場內不可拍攝)
  • 突顯監考員監管鬆懈,守則形同虛設。
  • 令人懷疑會否有人因此而作弊。
  • 反對舉報的人士犯了不少邏輯謬誤,如人身攻擊。(針對對方的人格、動機、處境等進行攻擊或評論)
  • 反對舉報的人士憑自己的喜好和判斷就漠視規則,是人治的表現。
  • 舉報其實只是將事情通知考評局,但反對舉報的人士早已充當「判官」,一早判定該影相人士「罪不至此」,甚至認為其行為沒有問題。
  • 定下了規矩便不能有破壞規矩的先例,否則難保將來人人效尤。

辯方理據

  • 罪不至此。
  • 別人有罪即時告發,相反自己有罪時則秘而不宣,嚴人寬己。
  • 會員「醬莖掀」(ID:167018)及部份會員則不斷質疑控方告發女生的用意。
  • 會員「公元前」(ID 177152):「真好笑,高登人學人講規矩?乜呢度(高登)唔係唔俾講粗口咩?剩係一個post都唔知幾多條友犯左規。俾過另一個原因la」
  • 會員「雲佩斯」(ID:149616):「可能人地興趣係影相..只係想影低人生重要既野而佢又唔知道係唔比」
  • 會員「人類玩完計劃」(ID:124799):「成班高登小學生要告比老師聽」
  • 會員「nike~」(ID 164258):「規矩係死 人係生嫁 明唔明e個道理丫」
  • 會員「#Lock」(ID 166726):「如果所有犯規既野都唔做得既話 大家諗香港會變得幾咁恐怖....」
  • 會員「欽莖」(ID 168315)認為有不少偽道德人士(道德佬)充斥於post內,又另起新post[9]表達自己立場及繼續討論其想法,又稱「人人都睇得出」舉報者的心態,「我係屌佢地心態上面既問題, 跟本就係想小事化大, 整死某人」,被別人稱他才是「道德人士」
  • 當中亦有會員「海飛滋」(ID:136397)不斷以多種例子嘗試說明「人誰無過」、「舉報人先要舉報自己」之想法,惟一一被其他會員擊破。

傳媒報導

在2008年4月5日,《蘋果日報》[10]、《太陽報》[11]、《東方日報》[12]、《明報》[13]、《星島日報》[14] 都以不少的篇幅報導此事,再度引起各大討論區的熱烈討論。而該日的無線和亞視午間新聞均有報導此事。

有部分人開文批評此事。高登會員「公司先用既AC」[15]及「千首觀陰」(ID:100282)[16]更分別開文假指事主自殺。

有高登會員開文[17]曲線反諷支持女生的會員。

考評局就事件回應

考評局指出,今次的事件非常嚴重,正追查有關考生的身份,並會查問有關試場主任。考評局表示,考生在試場違規的最高懲罰是全部科目的考試資格被取消。[18]

教育政策關注社主席張民炳批評,該考生曾經歷會考 ,並非年少無知,認為她是明知故犯,考評局應取消考生有關科目考試資格。張民炳亦質疑,該局監管有漏洞,「試場有六個監考員,拍照會發出聲響,加上試場非常寧靜,監考員應聽到。」他認為,該局應徹查事件,不過他相信考生能用手機作弊機會不大,因為拍照時間較短,要作弊時間較長,易被揭發。[19]

在2008年6月30日高考放榜當日,考評局經傳媒表示經調查後證實女生是在開考前偷拍,沒有作弊意圖,因此只被扣分處理[20],亦有網民流傳指出即使該名女生只被扣分,但中國語文及文化科一科的高考成績因被扣分已不能達到合格水平。有部分高登網民表示就女生只被扣分,沒有被取消資格的結果感到婉惜。

事件餘波

貼中英文作文題目

早前有考生在網上討論區指出,現代書院教師「貼中」高考英語運用科的作文題目,該題要求學生撰文,表達對年輕人撰寫網誌及在保護私隱的看法,非常「贈興」。該校校長表示這只是剛巧貼中題目,與泄題無關。

高考英文聆聽現粗口

有高考生投訴,在2008年4月4日進行英語運用科的聆聽考試中,聽到「shit」、「damn」及「what the hell」的粗口字句。

「人類玩完計劃」賭J事件

另外,會員「人類玩完計劃」ID:124799開文[21],指若果「若智」(即第一個貼文者)上報,他就切J,但由於蘋果日報在4月5日關於這件的新聞已有引用「若智」名稱,故此他未賭已輸,如同自爆,請各位向其追數。

肇事高考生被起底

隨後事件發起人若智又於高登不斷開新文章,對女生加以起底[22]及繼續聲討[23],又嘗試另起爐灶[24]引導高登人討論另一女生,令人對若智之德行有所懷疑。更有高登人「」(ID 152096)開文章[25]要求聲討若智,再次令討論熱烈起來,當中會員「有亞珍可奪金」(ID 179490)、「俊傑型囉唔該」(ID 178182)、「豆力」(ID 146281)、「浠浠UU」(ID 109318)認為「舉報正確,起底無理」,鄙視若智之行為。

考生編號條碼上網誌事件

Stick on xanga

有會考生公然把考生編號條碼相片上載至個人網誌挑戰考評局。(on.cc 提供圖片)

在2008年5月2日,有會考生把疑似在試場內拍攝到的考生編號條碼相片上載至個人網誌挑戰考評局。根據有關網誌的內容,考生指出近日發生了不少事,並貼上一張印有考生編號條碼的相片,該張條碼顯示考卷為中文科卷三及卷五,另同時貼上一張試場禁用手機的告示;並有考生批評公開考試監測制度千瘡百孔,監考員竟然對有人懷疑在試場拍照,甚至擅自取走條碼亦懵然不知,考評局則說會跟進事件。

多名考生看過照片後,即在該網誌留言,建議該考生盡快刪除有關相片,「因住有人告發,快D刪除啦」,又指該考生可能會為他這愚蠢的行為付出沉重代價,或會因此被考評局取消考試資格;有考生亦質疑為何他可輕易把條碼取走。最後,該考生已刪除有關的相片。[26]

相關創作

潮文

關小姐搞到我家姐無左AL資格(假家姐潮文)

講起我就扯火啦
我家姐一路都在香港一間中學讀緊F.7
間中學有好多有錢仔同名人讀書
讀了很多年,已經要考AL
咁多年黎都好俾心機讀,老師亦好like佢
因為成績不錯又隱定,家姐原本諗住同拍拖多年既bf結婚
咁多年黎我家姐好少俾人投訴
而且同好多高登巴打既關係都唔錯
前排關小姐去過我家姐其中一個個xanga group參觀
不過睇既不是我家姐xanga,但佢一睇就睇左好多野
過左個幾星期,佢又再上去個xanga group睇
上次睇果個shut down左, 咁我家姐個xanga就頂上比佢睇
開頭已經好有氣氛show d相俾佢, 仲話好歡迎佢
佢就無乜反應,望一望另一堆相
果堆相係考緊AL影既相,三至四張,包括家姐潮文
關小姐就留cm同我家姐講話可唔可以shut左個xanga一陣
幫佢delete左個潮文
我家姐同我講,佢個xanga一向唔會刪減d野
驚做壞個頭,除非真係有乜大人物,好多記者好混亂先可以咁做
但佢見到關小姐西口西面,都識做話打電話去問一問自己良心
良心梗係話唔得啦,至多買多d她的CD
咁關小姐就發老脾,鬧到我家姐一面屁
d說話勁難聽,又話自己睇野既時間多過我家姐改幾年既xanga
我家姐都唔敢得罪佢,一味道歉
跟住關小姐就off左line,家姐就同良心備案
良心了解左情況就無再追問
過左兩日佢接到message電話話收到complaint
話有人投訴佢係試場影相,唔理其他考生感受
d高登巴打一向唔話俾佢地知係邊次事件
我家姐估黎估去都淨係得失過關小姐一人
總之俾良心屌左兩句
又過幾日,關小姐又黎
這次和件記者一齊,但好在成個xanga都無其他visitors
我家姐怕又惹事,叫左個friend既xanga過去比佢睇
點知條記者係要點番我家姐個xanga.
根住關小姐就玩野,download左AL張相,但話d相好有紀念價值
要download落黎慢慢睇,我家姐雖然知良心唔俾咁做,
但怕左佢,唯有照比佢download
點知download左兩三張相,張張佢都send晒比個記者
我家姐終於話唔好意思,可唔可以放過佢
(根本明知她玩野啦.....)
又係至多買佢既CD
跟住佢件記者就鬧我家姐話"係咪話我地無權download你d野?"
我家姐話唔係,但佢照鬧
鬧左十幾分鐘
d friend見咁幫手,又照鬧
最終打俾良心 備案
之後見到高登連續兩個post講緊試場影相事件
早兩日上埋電視
最後冇左AL資格
[1]

一個高登人士的心聲

對唔住,我地一向都好唔理性,
習慣做埋D煽風點火的事,
落井下石、推波助瀾,年中都做唔少。
假如要天下人負我,
我不如為了食花生而負天下人。
假如你話你朋友,OK,此POST已完;
我地就最討厭朋友、和平、無事發生,
無事發生就係和平,和平之係無事發生,
無野做無野講,就係無野講無野做。
你話你自拍,你就係無事生非,
你就挑起左矛盾,
逼我地去罵你,打你,吊你到你爽為止。
老老實實,咁又何必;
本是同生根,相煎何太沖呢?
是咁的,你想朋友,你就做你的CDROM,
唔係話你唔好,唔靚仔,唔花弗,
只不過你長洲太長,係高登真係無用鞭之地,
早應該另謀高就,同姑媽開拓新天地。
假如初一十五,你有乜山高水低,
你都唔好同我地報告,唔駛再開POST。
因為我地見到你,就會諗起朋友,
就會諗起同你相處過的不快回憶,
就會對你唔好,你又會對返我地唔好,
社會就唔和諧,咁董伯伯都唔會識笑。
                  ------一個高登人士的心聲
(來源不明,但高登會員「海德山伯爵」ID:148035不斷在各相關文章重貼,如同煩膠)

高登法官(by高登會員「人類玩完計劃」ID:124799)

高登法官係
絕對公正
絕對正義
絕對無敵
高登網絡警察大軍又出動啦!
自由高達!
正義高達!
出擊啦!
香港既法治
台海既和平
人類既未來
靠晒你地啦!

改圖

相關條目

註解

  1. 原圖網址
  2. 在試場拍照考生之Xanga
  3. 高登討論區:點解呢個八婆可以考緊AL果陣影相架?
  4. 高登討論區:點解呢個八婆可以考緊AL果陣影相架?(2)
  5. 高登討論區:點解呢個八婆可以考緊AL果陣影相架?(3)
  6. 高登討論區:舉報人既契弟,全部科死撚晒揮手區
  7. 我已經向考評局作出投訴, 希望他們正視是次事件
  8. 大家點睇?有個女仔系考 AL 時映咗份卷,仲 POST 咗上自己 XANGA
  9. 高登討論區:覺唔覺"AL影相果個POST"好多道德佬?
  10. 炫耀試場偷拍撞板 女生網誌上載自揭編號 或撤高考資格(2008年4月5日)
  11. 高考生偷拍答題簿上網 清楚見考生編號 監考員懵然(2008年4月5日)
  12. 高考生試場拍照挑戰考評局(2008年4月5日)
  13. 高考生涉試場拍答題紙留念(2008年4月5日)
  14. 試場偷影女生恐大學夢碎(2008年4月5日)
  15. 高登討論區:AL事件個女仔跳左樓死左呀!!
  16. 高登討論區:【11:25】疑作弊全科成績被取消 女高考生跳樓亡
  17. 高登討論區:(建議!) 不如考評局放寬大家一齊入試場影相啦#yup#
  18. 明報:考評局調查試場拍照事件(2008年4月5日)
  19. 拍照會發出聲響
  20. 今年沒有考生被發現作弊
  21. 高登討論區:若智上到報我切柒
  22. 高登討論區:AL 偷拍女考生已被起底
  23. 高登討論區:條八婆咁樣衰我點會溝佢!慳D LA!
  24. 高登討論區:點解呢個女生可以係廁所同男仔影相架?
  25. 高登討論區:屌柒若智揮手區
  26. 東方日報:考生編號條碼上載網誌(2008年5月4日)

外部連結

除非特別說明,社區內容使用CC-BY-SA 授權許可。