港女辱罵小巴司機事件,又稱為「憤怒港女事件」、「一蚊雞港女事件」及「Never Mind港女事件」,發生於2013年4月28日晚上,事緣有女乘客乘搭專綫小巴九龍專綫小巴78線)時多付車資,因司機沒有找續,隨即開始以粗口辱罵司機。有乘客不滿此行為,把有關過程拍攝成影片並上傳至YouTube

此事於2013年4月30日上報

對話內容

原影片

極缺德_憤怒港女為幾蚊_喪插司機真冇品

對白

(影片開始時,港女不斷在小巴上大罵司機,並拿起智能手機攝錄)

港女:……怕啦嘛?完全唔係做你……落撚晒喇!最撚鍾意果尐人落撚晒喇!咪叫佢尐人做囉!(望著司機罵)我喺富榮落㗎!I nevermind呀!我咪同你站頭站長講囉!係你自己講話做埋今晚唔撚做呀!係你自己講㗎,阿……司機!
司機:啱啱,得啦,報警得啦!你鍾意點就點喇!你唔好同我講──
港女:(打斷司機說話)唔撚係我鍾意點就點呀!係你自己講撚完嘢你自己承擔──
司機:你啱!你鍾意點就點喇下!
港女:你自己話唔撚做呀嘛!
司機:係我唔做都唔關你事吖!
港女:我做唔撚做唔關我事呀!講緊果個係講果幾蚊咋!我唔撚順呀!我要return咋嘛,問你有無return咋嘛!你話無呀嘛!係你自己講㗎!呢尐係唔係你尐服務態度呢?我唔信囉!我呀,平時搭車呀,嘟撚錯卡呀,司機都會比番錢我呀,簽番都眼凸喇!你唔好話比我聽無囉!我試過喇!
司機:係咩?
港女:係!
司機:哦……依家比番錢你啦!
港女:但係都唔好同我撐到咁耐囉!你話比我聽你唔撚做呀嘛!你唔撚care呀嘛!
司機:得喇!我比番錢你啦!得喇……
港女:唔係,我係想同你站頭站長講,錄低一尐嘢呀,同你站頭站長㗎!
司機:你唔駛咁──你依家淨係同我講,你咪去站頭講囉!
港女:咪錄撚低囉,做證據呀嘛!無證據就唔知講尐乜撚嘢呀嘛!你尐乘客好撚buy你,尐乘客落撚晒車啦!
司機:咁我驚咩?我驚你──
港女:你唔撚駛驚,你話做埋今日唔撚做呀嘛!唔撚駛驚㗎!係呀──你唔撚做呀嘛!
司機:唉……
港女:哎呀,好撚叻呀……唔駛咁快就升咗……好撚啱,唔撚駛做㗎!唔知點解咁撚辛苦呢?又揸車呢?
拍攝者:(向司機揚聲示意下車)君匯港……君匯港呀唔該。
司機:OK!OK!得喇!唔怕㗎,你哋唔駛驚㗎,我經驗豐富㗎,唔駛驚㗎!
港女:駛乜驚姐?無人話驚呀,係你自己講驚咋嘛……有乘客講驚咩?無吖!……果班人落撚晒車啦!
乘客甲:(向司機揚聲示意下車)司傅呀,匯豐中心。
港女:撐撚咗你果個──係撐撚緊你呀!去撚你個站頭啦仆街!
司機:我最多同站長講㗎咋,有班乘客撐我呀!你──
港女:(打斷司機說話)唔駛呀!錄撚低呀!
司機:你記得呀──
港女:錄撚低呀!(靜默一會)撐你?你講尐咩嘢呀?
司機:(細聲說)我講㗎!
港女:我錄低緊㗎,司機!(靜默一會)你尐服務態度係點,我錄低緊㗎,司機!
司機:你自己話唔撚做㗎,做埋今晚唔撚做㗎!好撚肯嘛……「我唔做㗎喇!我做埋今晚唔做㗎喇!」我驚你咩?錄低晒㗎!
乘客乙:(向司機揚聲示意下車)司機,君匯港呀唔該。
司機:得得得……我知㗎喇!你唔駛驚㗎!你實落到㗎!
港女:咁又係,我喺富榮花園同你兜撚埋呢度都係咁樣啦!(靜默一會)果個站應該有停㗎!

(小巴繼續行駛,車上鴉雀無聲)

拍攝者:(下車,向司機說)司機,駛唔駛幫你報警?
司機:唔駛……即係……呢尐好小事,由佢。
港女:真係㗎!一齊喇……
司機:唔駛理佢──
港女:一齊喇……

(拍攝者下車,影片結束)

網民反應

網民普遍認為肇事女乘客行為屬「港女」所為,做法十分小家,爆粗亦有失斯文,嘲諷該女為「一蚊雞港女」及「Never Mind港女」。有網民打算將她起底,又有網民指出專綫小巴一向不設找續,女乘客沒有常識及蠻不講理,而司機面對無理指責情緒商數甚高。[1]

另外,該女子亦被指貌似愛護香港力量主要人物陳淨心,但陳淨心已否認涉事。[2]

及後有網民根據有關片段的線索,翻查肇事的有關專綫小巴路線的資料,推斷出有關事主乘坐該線小巴,由大角咀往富榮花園時,不小心拍卡,結果被扣了全程收費的$5.9,而不是分段收費的$4.1。

二次創作

音樂交配_憤怒港女_x_Gentleman小巴司機_(有粗口)

註解

外部連結

短片

傳媒報道

除非另有註明,否則社區內容均使用CC-BY-SA授權條款。