FANDOM


一名網民某一日於街上遇到一名太太的求助,得知該名太太的家中有一名港女女兒,其女兒的所作所為令人髮指。

原文

今早去街買o野,無帶遮,企埋一邊避雨,身邊有一個著清潔工人衣服o既太太o係度,當時佢接到一個電話,聽到佢話:「你幫我打返屋企喇,我打返去無用架,佢都五日無睬我喇。」,我望一望個太太,個太太就開始訴苦喇。

佢話係個仔打電話俾佢,依家落大雨,要關好窗,但係佢出左來買飯,所以叫個仔打電話返屋企,叫個二家姐關,因為個二家姐係唔接阿媽電話o既。原來唔睬呢個太太五日o既人,係佢第二個女,係家中唯一一個大學生。

呢個女今年二十四歲,自從讀大學以來,就當阿媽係工人,大家姐同細佬都出來搵食,兩個人供埋佢讀書,阿媽出來做清潔工,有時好晏收工,大女同細仔都會叫阿媽唔好煮飯,唔洗咁辛苦,佢地求其食個麵就得,但係呢個大學生呢,底褲都唔洗一條,咁大個女,家務唔會做,成個大帝,只有去街先會叫"阿媽"一聲,但係唔係好事喎,帶阿媽去買名牌,鞋要五舊,袋又五舊,樣樣都要有牌子,但係呢位太太做外判清潔工,一個鐘先得十幾廿蚊。

阿媽煮飯,佢會話:「我無胃口,我要食粥。」,then阿媽就話叫外賣俾佢,佢話:「我要你煮。」,完全唔體諒阿媽工作返來已好累,仲話「依家做咩,我係唯一一個讀到書,你咁對我,我到時搵到錢都唔會養你,你唔好唔記得你以後要靠我。」

究竟因咩事,佢嬲左阿媽五日呢?原來就係佢今年畢業喇,佢話唔會出去搵o野做,要佢阿媽同佢還晒d錢先,佢先會去搵o野做,因為佢唔想出去做o野,一邊要還債,自己無得洗喎。呢個太太經過同朋友及親友商量,就唔幫佢還錢,所以,呢個女就五日都無睬阿媽喇。

相關條目

外部連結

除非特別說明,社區內容使用CC-BY-SA 授權許可。