| 本條目或段落需要相關專門人士參與編輯。 請幫助我們尋找適合的人士。有關細節詳情等請參閱討論頁。 |
「ERROR」,是香港一隊男子組合,由2018年ViuTV選秀節目《全民造星》衍生而成,同年12月2日出道,以「騎呢搞笑男子組合」作為定位,自稱「宇宙天團」,名字惡搞自同因《全民造星》出道並走偶像路線的組合「MIRROR。
目錄
成員
| ERROR成員 | |||||
|---|---|---|---|---|---|
| 成員 | 暱稱 | 簡介 | 《全民造星》排名 | ||
| 梁業 | 肥仔、Fat Boy | 原為舞蹈導師,因身形肥胖動作卻非常靈活而令觀眾驚喜,一直殺入《全民造星》最後十強。 | 4 | ||
| 郭嘉駿 | 193、3爺 | 因身高達193厘米而被《全民造星》監製黃慧君(花姐)暱稱為「193」 | 40強止步 | ||
| 何啟華 | 阿Dee、DeeGor | 曾與游學修組織網絡創作團體「學舌鳥 Mocking Jer」,並藉惡搞《獨自去偷歡》的《日日去鳩嗚》「落場版」MV扮演劉德華而大受歡迎。 | 30強止步 | ||
| 吳保錡 | 保錡、Poki | 雖在《全民造星》表現未算最突出,更被網民恥笑為「翻版八両金」,亦殺入最後20強。 | 20強止步 | ||
網民討論
保錡桃色緋聞爭議 宣布暫停演藝工作
與《老夫子》相似 提議開拍處境劇
2020年4月23日,LIHKG討論區有網民發帖提議ViuTV與《老夫子》作者王澤合作,由ERROR成員主演,阿Dee飾演老夫子、肥仔飾演大番薯及193飾演秦先生,至於老趙就因為要考慮保錡造化而暫缺,更指可以拍成處境劇,與無綫的《愛·回家之開心速遞》對撼,「包你全港睇你台」。
帖文成功引起網民熱烈討論,不少網民都紛紛留言表示支持,「真心好吸引 成本又低 簡直係令人以為error係由老夫子做原形諗出黎咁match」、「我要睇Error拍老夫子」、「佢拍我一定集集睇 平時冇睇開電視都咁話」。更有網民改圖,將ERROR成員的樣子置於《老夫子》角色的樣子。[1][2]
改圖
LIHKG討論區的Instagram亦因此發帖,更獲ERROR成員阿Dee留言:「同我大大力推!」,而且帖文獲多位ERROR成員轉載。其後,有插畫家繪畫《新老夫子》海報。[3][4]
「193」隔空串爆曾志偉人氣勁升
2021年4月11日,曾志偉回朝無綫任副總經理後的重頭節目《開心大綜藝》首播,硬撼ViuTV的《最後一屆口罩小姐》總決賽,久違的「電視大戰」一觸即發。曾志偉接受訪問時直言ViuTV節目偏鋒,聲言「ViuTV得4點收視,節目題材比較偏,不是翡翠台路線」認為與J2才是較接近可與無綫比較收視。[5]
至於在《最後一屆口罩小姐》中「擔正」的ERROR被問及「電視大戰」時,「193」郭嘉駿妙語連珠引來網民留意。當隊長梁業(肥仔)解釋「從來都冇擔心打唔打(電視大戰)」時,193即插口回應「因為佢真係打唔贏」,肥仔進而解釋指大家觀眾層不同,193就表示「佢哋係畀老嘢睇嘛」,又接續說「做好自己就有人睇,收視得幾百部電視機,我哋不嬲都唔理」,至記者問及曾志偉稱ViuTV只可與J2競爭,193更霸氣反撃「J2係做咩?冇記錯係咪40幾歲仲話後生仔傾偈嗰個?」暗寸J2節目《#後生仔傾吓偈》中40多歲仍擔任主持的陸浩明。[6]
網民對193的「直線抽撃」極為讚賞,不少網民力撐他講真話,紛紛留言「193又唔係TVB捧出嚟都唔知點解要畀面佢」、「唔出聲只會俾人踩完又踩,上次姜B單嘢已經笑笑口硬食」、「真心唔覺193寸,佢只係講事實」;另有網民指他「講得太盡」,不過許多網民質疑係曾志偉欠前輩風範在先,「曾志偉喺姜蓉事件之後都唔認錯,轉個頭仲要無恥到打畀人哋借姜B,以為自己大台大支嘢」、「一開始懶寸咁話人得4%收視又話人題材偏門(暗示自己扮女人大眾化),俾人寸番轉頭只係自己攞嚟」。[7][8][9]193更因率直個性而人氣急升,有網民亦回帶其兩年前在ViuTV節目《肥仔大冒險》中到將軍澳電視廣播城踩場片段,其Instagram追蹤者更在兩日內急增兩萬,四日內更暴升七萬,及後甚至超越「萬人迷」姜濤突破20萬。[10][11][12]
《ERROR自肥企画》大獲好評
2021年5月3日,ViuTV新節目《ERROR自肥企画》首播。第一集開始,ERROR和「Double S」沈殷怡及陳欣妍即cosplay日本經典動畫《新世紀福音戰士》幾位主角出場,何啟華(阿Dee)扮「碇真嗣」、梁業(肥仔)扮「碇司令」、郭嘉駿(193)扮「綾波麗」及吳保錡扮「EVA初號機」,重演動畫的首集劇情,甚至二次創作片頭曲改為節目主題曲《殘酷天使的行動綱領》、由旁白麥可暉填詞及格仔導演劉諾衡(Mike)主唱的主題曲《無制限OT編集団の行動綱領》,惡搞歌詞抵死搞笑,幾乎全部錯key兼三級,不過依然被大讚「貼地、啜核」,道出不少港人及電視人的心聲。[13]
另外,他們首個遊戲「Big壁精奴」更是以諧音明寸無綫的「big big channel」,加上「肥仔」梁業講香港現況的貼地對白,獲網民洗版留言狂讚。節目播出後深受網民歡迎,成為網上熱門話題之一。[14]
主題曲 《無制限OT編集団の行動綱領》
作詞:麥可暉
作曲:佐藤英敏
編曲:大森俊之
歌:劉諾衡 feat. 無制限OT合唱団
(日文漢字版)
公司又要我哋開新嘅節目
係咁OT我畀埋条命你好冇
ERROR 四個畀人弾
肥仔一九三POKI NG何啟華
形象怪已做爛 做到灰心心淡
不想翻拍ERROR遊 是旦
冇人明 拍嘢冇銭難行
荷蘭蕃茄怎様変出叉鶏飯
奴役価冇下限 貼銭打工想喊
得顆心去為你無制限
老細話拍綜芸少少hea但求勁Chok格調先似路蘭
妥協後到最後諗真我係要玩弾OO打爆隻蛋
公司又要我哋開新嘅節目
面対収視的圧力是旦啦頂你個肺
但我心裡驚才華早已尽流逝
「For真心観眾」変了做志気BITE
係啊冇銭架我為什麽要做奴隷
「For香港観眾」畀埋条命你最好!
《ERROR自肥企画》聽完返唔到轉頭!《無制限OT編集団の行動綱領》BY 無制限OT編集団
【〈對照版〉ERROR自肥企画 vs 新世紀福音戰士EVA OP】ViuTV|無制限OT編集団|花姐ERROR遊|肥仔 Dee 193 Poki
其後,ERROR成員「肥仔」梁業下戰書,表示Instagram發文若夠兩萬like就會唱主題曲,之後見火速達標再改口要夠三萬like,但亦旋即達標。5月10日,肥仔在Instagram上載短片,片中見到他單人在「MIRROR」演唱會舞台上唱出主題曲,有燈光有樂隊,最後更唱到雙膝跪地,成功做找數真漢子。肥仔寫道︰「橫掂都係自肥偷埋MIRROR個台嚟玩,多謝成隊band同我一齊玩,時間短無太多準備大家收住貨先。」MIRROR成員Stanley見狀留言說︰「要俾錢㗎」,Jeremy說大「有冇問過Alton俾唔俾?」而Alton則謂︰「果然可恥,果然有用。」[15][16]
肥仔找數🔥借MIRROR台唱《無制限OT編集団の行動綱領》ERROR自肥企劃主題曲
其後節目人氣越見旺盛,更遭建制派人士乘機攻擊意識不良,如電台主持查小欣在報章撰文批評ViuTV製作相關節目是「沒盡社會責任」,親中專欄作家屈穎妍就在《大公報》撰文批評節目淫褻,「賣低俗,以核突娛樂大眾」。[17]不過網民則深受節目組的精神及背後理念感動,如製作團隊將節目拍攝及製作花絮剪輯播放,顯示團隊認真測試節目各個環節,結尾一句「致一直還在堅持的人」成為社交媒體「洗版」熱話。[18][19][20]
至最後一集節目的最後一節則首尾呼應,以《新世紀福音戰士》結局的風格,嘗試解釋拍攝《ERROR自肥企画》的理由,在娛樂節目、節目意義之間尋找答案,當中的對白及所帶出的訊息均令不少網民認為可對照當下時局,十分熱血大為感動。[21]
被指與《荒失失企鵝》相似
2020年5月17日,LIHKG討論區有網民以「有冇人覺得呢4隻企鵝好似Error?」發帖,貼出一張《荒失失企鵝》劇相,阿Dee與隊長相似、肥仔與高華斯基相似、193與卒仔相似、保錡與力高相似,帖文成功引起網民熱烈討論,不少網民爆笑留言,更有網民改圖,將ERROR成員的樣子置於《荒失失企鵝》角色的樣子。[22][23][24]
改圖及惡搞圖片
相關條目
註解
- ↑ yahoo娛樂圈:ERROR與《老夫子》神相似 網民提議ViuTV開拍處境劇與《愛·回家》對撼
- ↑ LIHKG討論區:強烈要求 Error 拍老夫子 !
- ↑ LIHKG討論區:Error@ Dee Gor 話要親自拍老夫子 推啊屌!
- ↑ LIHKG討論區:(含圖) 睇得出肥仔同Dee 真係想拍新世代老夫子
- ↑ 新Monday:曾志偉邀姜濤上TVB被拒絕!直言:ViuTV得4點收視,節目題材比較偏,2021年4月12日
- ↑ 蘋果日報即時新聞:保錡遭隊友「冰封」唔准出聲 193寸TVB收視:得幾百部電視機,2021年4月11日
- ↑ LIHKG討論區:193寸TVB收視:得幾百部電視機
- ↑ LIHKG討論區:193寸TVB收視:得幾百部電視機(2)
- ↑ King Jer 娛樂台fb專頁:曾志偉(Mickey)早前踩 ViuTV 得四點收視,搞到 ERROR 成員……
- ↑ 蘋果日報即時新聞:193@ERROR人氣急升IG一日激增兩萬followers 網民撐:唔出聲會俾人踩完又踩,2021年4月13日
- ↑ 游大東【鴻鵠志-影視筆記】fb專頁:【 193@ERROR IG粉絲暴升 】
- ↑ TOPick:【ERROR成員】三爺IG粉絲逾20萬超越姜濤 193:估唔到我一句咁有影響力,2021年4月22日
- ↑ 蘋果日報:《自肥企画》「Big壁精奴」遊戲明寸TVB ERROR二創《新世紀福音戰士》勁好評
- ↑ LIHKG討論區:【ViuTV】《ERROR自肥企画》(1) 無制限OT編集団x ERROR 回歸喇
- ↑ am730:找數真漢子 肥仔偷MIRROR舞台唱《ERROR自肥企画》主題曲
- ↑ LIHKG討論區:肥仔上咗Mirror個台唱自肥主題曲
- ↑ 立場新聞:轟《 Error 自肥企画》淫褻意識不良 屈穎妍:難道通訊局都無權過問?,2021年5月19日
- ↑ 蘋果日報:ERROR自肥企画丨格仔Mike成功心得貴在堅持:聽落好易其實好難 但就睇你堅唔堅持到,2021年5月17日
- ↑ 眾新聞:致一直還在堅持的人(馬拉Joe),2021年5月18日
- ↑ 游大東【鴻鵠志-影視筆記】fb專頁:【 無制限OT編集団的社會責任 】
- ↑ Stand News 立場新聞fb專頁:【《Error 自肥企画》結局末段對白紀錄:一個人唔會成功 但如果每一個人都盡力嘅話】
- ↑ 香港01:ERROR四子同荒失失企鵝一樣樣 網民爆笑:連高矮肥瘦都一樣
- ↑ LIHKG討論區:有冇人覺得呢4隻企鵝好似Error?
- ↑ 我睇咗啲乜嘢 Facebook:繼老夫子之後,ERROR又撞樣啦!🐧🐧🐧🐧














