 |
本條目沒有引用任何資料來源或參考。 請加上適當的來源或引用來改善這篇條目。 無法查證的內容可能被提出異議而移除。 |
第1回 初遇
轉眼我係粥谷已經兩年半有多.
早期既粥谷, 出post既人很少, 好多人都係cd-rom, 另外了粥谷的特色,
就是男多女少, 超過99%都是男.
忽然有一位版右出post 而內容就講到佢叫若希
係一位女性 而且有自貼
又自稱鋼琴8級, 住帝庭豪苑, 讀書成績好, 又做Model.
我極懷疑, 覺得佢講野好假
君子兄就同我講: 新黎個女版右好似好得wo
我就話:我就唔係好信
君子兄又話:呢度有佢msn 你add左佢問咪知law
我就一口拒絕 因為我唔信!
當然 每個post我都會泵水入去 所以每個人我都認識
包括佢
因為我簽名果度有我msn 而唔知點解佢會add左我
[hihi] 若希add左我第一句話
[你好似好講得笑果d黎wo]
[係咩 我見到有位就泵水入去嫁la] 我直言
[畀你電話我ar 我想搵你傾計]
唔知點解 我畀左個電話佢
故事就咁開始......
第2回 接觸
我是一個對愛情感覺很遲鈍的人
過去都未嘗試過拍拖是什麼味道
雖然身邊朋友有男有女
但我相信愛情來到時 我會知
無奈我一直未有這感覺
自從若希add左我msn後 當佢見到我on 或佢on果陣見到我
都會好主動say hi offline都要講去街定訓教
好似件件事都要同我交代咁
最奇怪 有次打畀我 問我要咩顏色好
原來佢係問我買咩色既cons 好
大家識左個幾月 係msn 中都開始了解對方係咩人
她的名字叫陳若, 在一所不是太好的中學上學
每天她都要等她姊姊回家才肯睡
但是她的姊姊經常很夜回家
佢一個人時就會怕, 好冇安全感, 什至連廁所都去唔到
一家三口, 除了她還有媽媽和姊姊. 即使是姊姊都對佢好好,
而佢阿媽, 更加當佢係寶
佢表面很成熟, 內裡卻是一個小女孩.
而佢既最大興趣係講電話同埋唱歌,
即使行行下街佢都會無lala唱.
我平時唔鐘意講電話 但有一個女孩仔咁主動搵我傾電話
令我自己開始習慣 而且愛上傾電話
但.....我愛上的 是這女孩 而是傾電話?
第3回 開始
有一日 佢係粥谷出左個post
內容大慨係愛情問題
有幾位粥谷的女性
包括DA ,ZERO ,西瓜妹等等幾位女性
通過粥谷 為佢解憂
對話中若希依話苦苦不樂
君子有見 便破口大罵
但果晚我出左街 冇上網
突然電話響起 一聽到把聲佢喊緊
我問發生咩事 佢一五一十講哂我知
[你聽聽我說 雖然君子這樣罵你 但請相信我 他是一個好人]
我好肯定咁講 [佢講既野你未必明 但都係對你]
但若希似乎聽不入耳
過後 她平靜下來 將件事由頭到尾講左次
大約就係咁:
係學校識左個男仔 未幾就一齊了
雖然若希對佢十分細心
但那人卻不領情
之後還搭上若希的好友
若希與友人就此決裂
因此若希深深不忿
當然我是不曉愛情的人 我只能作為聆聽者
她突然說了一句 到現在我也愕然的說話
[如果我有你這樣的男人就好了]
第4回 心寒
我和若希用msn對話有3個多月
有一次鼓起勇氣約她出街
係皇后碼頭等 那天傾盤大雨
就算我企在屋簷下 也濕透了
最不幸的也不是這樣
等了2個多小時 她打給我
[我約了版右celine唱k 還有其他版右 我不來了]
( 我至＿憎人拎__左個咪！好＿型咩家陣！)電話中傳出celine把聲
當我聽完我就收線
想了一會 都好 起碼她沒有濕身
而且還期待下一次約會
我知道 我的愛情來了
仲有1個多月 就是她的生日
正當我打給她 想跟她約會
她跟我說: [ kristy(若希的好友 那個搶去舊男友的人)那天叫我到她的生日 誰知道她是想踩底我 嗚....]
[你要幫我搞一個生日會 我要當眾鬧臭佢] 她命令我
我毫不猶豫咁答 :[放心 包係我身上]
於事我約哂版右,自己既朋友 係佢生日果晚出黎
同時間 版右已經知道發生什麼事
之後君子便主動搵我
君子 :[你真係幫佢搞生日?]
我 :[係ar]
君子 :[你要去死我唔阻你 佢真係唔係好人]
我 : [無所謂la]
君子 :[話時話你見過佢未?]
我 :[未嫁]
君子: [我之前約過佢兩次, 兩次都比佢放飛機.
同埋我肯定佢唔係Model, 真正既Model應該大把相,
點會貼來貼去都係幾張? 話唔定果幾張相都係假!同埋勸你唔好幫佢搞咁多野了,
呢個女仔, 最叻利用人 ]
我 : [點都好 應承左點都要做嫁la]
君子: [我已經提左你, 你自己小心, 將來不要後悔]
我諗左一陣 覺得君子又講得幾o岩 但係我都同若希講
若希就話 :[ __ 佢 __ ! 冇到一次就唱衰我! 有膽就係我面前講 唔好打小報告! 不過你係我條仔 你會信我嫁可~? 唔係你以後唔好搵我la~ 哼! 好la 快d幫我搞生日d野la]
當我企係愛面前 絕對唔覺得有問題
第五回 拖拖拉拉
這一年過得很不愉快
2個重要的日子 我的生日和她的生日
也是苦苦渡過
正如君子所料 若希沒有出現
君子就走埋黎:[鬧你ON__驚你嬲 算LA 我都係食花生睇你點收科]
全場得個笑字..... 唉 今次面又冇 錢又冇 老婆又真係走佬
突然celine出黎大聲話: [有乜＿野咁＿好笑呀！]
m版友又突然出黎:[2支白蘭地黎劈過]
因為話左果晚個個畀1舊出黎我包底 先有咁多人出黎.....
狂歡一晚 第2日異常空虛 失落......
1個星期後 佢打畀我 佢好內疚地同我講:
[對唔住ar 因為我家姐出左d事 果日關小姐黎左(叮叮叮 唔寫了 大家知)
所以果幾日我都要陪佢 但電話又冇交錢 所以冇打畀你 我應承你 你生日我單獨同你過
你想點就點la 好冇ar?]
人人明知係大話 但我仍再信一次
大約2個月後 到了我的生日 她再次放飛機
痛心係本來kila約我落老蘭識女仔
之後仲聽聞又斬了一"孖"
說到底 最心痛都係佢再欺騙我 深深的一次欺騙
其實她不是住什麼帝庭豪苑, 不是Model,
不是成績好好, 這只是她自己作的, 我好早已經知道了
真正的她, 是一個經常叫悶的女孩.
之後 她上粥谷 改名叫仇恨的火山
因為佢知道她的事揚開了
而從她的簽名檔 我就知是她了
過了3星期左右 佢打畀我
不知道我隨手接聽
佢解釋過去點解佢要咁做
[我真的不知道怎樣開口說分手, bb真是一個好人....我不想傷害他....]
聽到這裡 我的心又軟化了 我真的深深愛上她
我決心 無論點 永不放棄, 將冰山擘開.
但佢係版上留了一句話 [付出唔一定有收獲]
雖然佢成日話鐘意我, 但這句話由佢說出,
像是暗示什麼似的.
第6回 第一次見
到而家為止 我其實都未見到佢真人一眼
但愛係無分國界 地域限制 只要相信 就能看見對方
終於 佢話我知 佢跟BB分手了
有一天佢打畀我 佢話係尖沙咀陪佢個FD
我趁果日得閒 就諗住佢搵佢
而佢就話: [尖沙咀咁大, 有幾十萬人, 你搵到就搵la~]
愛一個人 決心係無限大
雖然我未見過佢 但係一定知係邊度
我真的傻起來, 一個人在尖沙咀找,
憑想像, 去繼定果個係唔係佢. 不斷跑,
找了很久也找不到一個貌似我心目中的
終於我見到一個覺得係佢既女仔...
之後我行埋問:[小姐 你....]
朝九晚七OL就好驚咁話:[ 你咪行埋黎AR 我叫非禮嫁!]
算LA 為左我的女神 這算是什麼
然後她打給我:[我去了中環唷!]
於是我又飛奔過海 到左皇后像廣場
到左立法會 全部都係賓賓!!!
太累了 決心無限但身體是有限 我決定走了
當我係皇后碼頭 一個我第一次約她的地方
我終於等到她 見到那個女孩拎起電話
而我又響起電話
眼大大, 咀細細, 對眼比人感覺非常有神,
雖然之前未見過若希, 連相都未見過 但直覺話我知, 這是她
[我送左我個FD走我黎搵你AR, 不過你係尖咀鐘樓等我AR]
這就是我們的正式第一次約會 雖然沒有特別做什麼
只是送她回家 但我們剛戀愛的情人一樣熱戀
若希 [你終於見到我喇, 但點解你冇乜野講?]
我答:[你比我想像中靚]
若希: [乜我係你心目中入面好樣衰咩> <]
我否認 但之後就DEAD AIR
若希: [喂呀~! 出聲la! __~]
我: [係 但係我唔知講咩好...]
若希: [唔好意思, 我又唔小心爆粗^^]
我: [哦..唔緊要LA 女仔咁先可愛]
回到家之後, 佢又立即打比我, 慢慢平伏番心情, 又好似平時咁, 好多野傾, 傾到佢眼訓為止.
無論點 我和她第一次見面, 就是在皇后碼頭,
但這些開心的事就像它一樣 現在已經拆了.
第7回 外遇?
其實我真正愛上若希之前 有更好的給我選
但人偏偏選擇痛愛
這女仔叫細mon樣貌ok, 唔係好靚, 但有幾分似阿嬌,
每次入圖書館都見到佢, 佢好少講野, 好斯文. 每次見到佢
佢都會同我打聲招呼
aya :[我係細mon個fd 我叫aya ar 一陣你有冇野做ar? 一齊睇戲ar?]
我:[睇咩先 水版右愛的故事上集好悶嫁wo...]
aya :[係ar...我仲想睇果套tim]
我:[咁ar 是但la 有花生就得嫁la]
aya:[不過你請wo!]
於事我 aya同細mon 3個人一齊去睇戲
入場時 有個職員叫EMIRU 的人收票時問我們
EMIRU :[3個人睇戲ar?]
我答:[唔得咩...]
EMIRU :[你3個唔夠16唔畀你入場都得ar ]
我無奈地答:[係law..]
EMIRU :[後生仔 一腳踏2船我驚你吃不消了]
我們3人沒理會他便入場
期間 細mon不知有意定無意 靠在我的肩上
當然我不以為然
之後去食飯 吃到一半
aya叫左我出去....
aya: [我個fd細mon想識你, 先搵我幫手約睇戲, 佢對你有d意思, 你明la.]
我: [下? 我有乜野好? 佢咁既樣唔會選我掛.]
aya: [我都唔知呀, 你有冇女朋友?]
我: [冇]
aya: [咁好la^^]
於是又交換了電話.
我的心早早已愛上了若希 但事情發展未可如魚得水
本來就是鐘意這類型斯斯文文, 仲要個樣似我偶像阿嬌既女仔嗎?
由幾時開始, 變了...
但變了就是變了
無論細mon打多少次電話來
我都是敷衍了事 不到15分鐘就掛線
如果有一點兒愛上她 我也會花心思
而我已將全部交給若希
第8回 天才與白痴
每天打電話給她 已經是我的生活一部份
有一天 她的電話不知道轉駁到她的家裡
加德: [你搵若希? 佢唔係度wor, 你邊位搵佢呀?]
我: [我係成俊]
加德: [哦, 成日聽佢提過, 晚晚陪佢傾計陪到佢眼訓為止果位男仔.]
我: [咦 你係....伯母?]
加德: [叫伯有]
我: [伯有 點解你會知既?]
加德: [佢成日都係屋企講電話 係人都知la]
我: [哦]
加德: [你同佢拍緊拖ar?.]
我: [呀.........唔知ar]
加德: [我好開通既 係就係 唔係都當你係嫁la]
我: [... 暫時未算係]
加德: [哦, 咁你畀d心機la 雖然我個女杉又唔洗件 飯又唔識煮 床又唔執 手袋BRA周圍擺 係間唔講下粗口 落下disco 溝下仔 劈下酒 又要買LV又GUCCI 仲成日自貼大眼DO
咀 傾斜45度篤面珠自拍之外 又算好女仔黎嫁]
我: [唔緊要 係鐘意就鐘意 唔會介意呢D野]
加德: [啦~ 你係先好講AR 你搞到佢唔開心你自己少心LA 佢出面成一百幾十個契老豆嫁]
我: [下? -口- 你唔會反對個女拍拖咩?]
加德: [佢要拍都唔到我阻止la, 都話左我好開通.望就望唔好識埋D MK玩家LA]
我: [哦]
加德: [我交個女畀你以LA]
我: [係既伯母.....AR..唔係 伯有伯有]
加德: [話時話你打黎做咩.]
我: [我搵若希LAW]
加德: [AR...佢去左買"我唔係膠袋" 唔係屋企WO]
我: [咁冇野LA 伯有 我再搵佢LA]
我很快速就收左線
我唔係害怕什麼 只是這伯母惹不過
夜晚我再搵佢若希
她告訴我:[死LA 畀你知到我屋企電話,仲同阿媽講左咁耐.老實講, 由一開始我就冇打算同你見面,因為網路上好難考驗你對我既愛 但係你都可以同我見面, 又咁有誠意, 同埋唔算網友了, 我正 式比個機會你, 做我試用期男友吧!]
呢一刻心情 就好似買完碗及弟粥 係馬會門口對六合彩 發現中左頭獎 開心到連碗粥拋上半空 然後倒返落自己個頭 雖然係有D痛 但開心已經掩蓋一切
若希 :[咁你聽日買999枝玫瑰送畀我AR~]
我:[係! 老婆!]
雖然過去我能做一個精明的人
但是我仍願意臣服於你
第9回 唔準訓!
我們的拍拖生活 都是建築在電話上
雖然見面時間少 但顯得它的珍貴
奇怪的是 她不會叫我的名字
也不叫我老公
而經常用一些花名稱叫我
但有時很尷尬 有一次打邊爐
若希: [雞子!]
我: [你做乜無lala嗌雞子? 你好想食都唔駛咁.]
正人君:[係咪要雞子?]
若希: [我叫佢呀!]
我: [我!? 我幾時又多個新花名叫雞子???]
若希: [我鐘意叫你做乜就叫你做乜.]
我: [唔好la, 你已經改左十幾個花名比我喇!]
若希: [你話過要令我開心ga!]
我: [哦~_~]
正人君:[咁你2個係咪要雞子嫁?]
若希: [雞子派掌門人~ 我而家想問你一條選擇題.]
我: [你問la]
若希: [下面有4個選舉比你揀, 邊一樣係最適合形容我阿Kam既身材呢?]
若希: [A~ 呼之欲出]
若希: [B~ 平平無奇]
若希: [C~ 手無寸鐵]
我: [乜野叫手無寸鐵呀?]
若希: [即是好多手毛呀]
若希: [D~腳毛寸鐵]
若希: [揀la~]
正人君:[ e ar !你2個係咪要雞子ar?]
我: [我揀B. 平平無奇.]
若希: [錯! 比多次機會你, 再答錯你就知死!]
我: [C law, 手毛寸鐵!]
若希: [錯晒la~ 正確答案係A! 呼之欲出!]
我: [唔係掛, 你明明係29.5寸...]
正人君:[2位 係咪玩野ar?]
若希: [嘈嘈嘈! 好嘈呀你!! 又係度嘈冤巴閉!]
我: [下? -口- 我唔講野你又話悶, 我一講野你又話我嘈.]
若希: [你應咩ja 我話緊個伙計ar!]
我: [唔要la 唔該你]
若希: [做咩同唔該人ja 唔理佢都唔行開煩__死]
我: [咁有禮貌d好ma]
若希: [你試下! 我即刻一巴二巴車落你度!]
我: [講下姐, 食野la~]
之後送佢回家 然後我回到家時她打給我
但我行了一整天 很累 於是我跟她是想早睡一點
若希: [唔準訓! 我都未眼訓, 你點可以訓!?]
我: [而家2點la, 我聽日約左小丑巴基返深圳整野, 夜晚又約左正人君子睇野, 而家對眼就黎開唔到]
若希: [講電話要用眼咩? 用口同埋耳就得.仲有ar 你畀我知出去搞3搞4 我真係一巴二巴車落你度ar]
我: [係既...]
我跟她的每一天, 就是這樣渡過, 很簡單, 卻很快樂
第10回 改變
我是一個不折不扣的大悶蛋
沒有受情觸角的人 是不懂去讓另一半開心
若希: [喂.]
我: [係.]
若希: [講野la!]
我: [冇野好講.]
若希: [做乜冇野好講?]
我: [日日同你講電話講四五個鐘, 大家d野, 生活, 所有秘密都知道晒, 仲有乜好講.]
若希: [下????]
若希: [我同你識左一年多少少, 咁快就冇野好講!? 仲話同我白頭到老! 我點同你過世呀!?]
我: [-口- 咁我諗下有乜野好講]
就係咁,我去左搵粥谷最享負盛名我愛情專家kilo
我:[kilo 有d野想問你...]
kilo:[收錢嫁wo 由而家開始起錶 20蚊起 1分鐘1蚊]
我:[哦 慢慢傾都得]
kilo:[係"大"蚊wo(即係萬起)]
我:[米青就有 要唔要?]
kilo:[唔要la 問咩ar? 若希都有溝到la]
我:[但係係電話度好似冇咩好傾...]
kilo:[咁你講你愛我~]
我:[下?]
kilo:[講la 做咩唔講ar 講la 快d講ar]
我:[冇啦啦要...]
kilo:[咁佢問起你又ea呀?]
我:[咁又唔係...]
[你集中力都唔係擺起佢度,自然冇野講嫁la]kilo好肯定咁講
[將每一日發生既細微野都會記低, 每次同佢傾計時個腦都會不斷轉, 唔比有deadair.]
[得閒上多d粥谷爛gag笑話一堆都有 再唔係自己搞下爛gag都得嫁]
於事我照kilo咁做 又開始與若希傾過不斷
電話費今個月創出新高 爆左千幾分鐘........
不過 我有若希的愛 其他事都一慨不理
第11回 又放飛機
算是6個月紀念
於是我買了迪迪尼的門票
與若希渡過一個溫馨浪漫的日子
點知到果日, 佢又放飛機, 打比佢冇人聽,
朝早9點 做左3個決定
第一個我打畀poo
我:[poo 唔該~]
poo:[啊.....咩事ar...]
我:[我有2張迪迪尼既飛唔要 睇下你要唔要law...]
poo:[(即刻醒左)我過到黎都唔知幾點la 你又唔係唔知我住邊,假若我出到黎,你又唔去,我又要搵多個人陪我去.我搵到完個人又要等佢過黎,都放煙花la.]
我:[咁算la 由佢la...]
poo:[麻__煩 阻住哂訓教]
然後第2個決定 打畀celine
我:[嘻..celine]
celine:[有乜__咁__好笑ar? 乜__野事ar?]
我:[.......我呢...]
celine:[呢__野ar你?]
我[有d...正野....]
celine:[有乜＿野咁＿正呀？！鍾意我咪講囉！]
我:[係呀，我真係好＿鍾意你‧‧‧‧‧‧‧講粗口呀！]
celine:[＿！爽唔＿爽？]
我:[好＿爽，真係爽＿到唔知點容易好～～～～～～～～～]
celine:[__! 打黎博__]
跟住佢就收左線...
最後一個電話 打左畀阿景仔
我:[阿景仔?]
阿景仔:[我係 你邊位?]
我:[成俊ar]
阿景仔:[做咩?]
我:[冇 我有2張迪迪尼既飛,今日既.我冇用睇下你要唔要law]
阿景仔:[嘩~你今日唔要先畀我ja 你當我乞衣ar?]
我:[唔係咁既意思...]
阿景仔:[咁你算咩意思?哦 你唔係好果味野AR?]
我:[唔係LA!!]
阿景仔:[你係既我介紹個人畀你識 佢之前先畀人爆菊花]
我:[唔洗LA.....都係冇野LA]
之後我就收左線.......2張飛 就放左係地鐵的廢紙回收箱中.......
過兩日若希先打番黎.
若希: [喂, 唔該成俊哥]
我: [我係呀, 乜事?]
若希: [冇呀, 睇下你最近點]
我: [最近點? 咪比你放飛機law! 浪費左六百蚊!!]
若希: [對唔住呀, 果日突然唔想去]
我: [你都幾突然wor, 間唔中就咁, 我等左呢日好耐, 點知你又放飛機!]
若希: [我下次一定唔會再放]
我: [你成日都咁講la]
若希: [最近我都放少左好多次la, 以前10次有10次都放, 而家10次先有一兩次]
我: [總之放飛機就唔岩! 今次浪費左我六百蚊!]
若希: [咁係唔係要我比番你呀!! 成俊哥!]
我: [咁又唔駛]
第12回 若希的媽媽
若希家有三口 若希 家姐喵喵桃 同伯有加德
之前喵喵桃因為關小姐 係太古廣場果份工冇得做
到而家都仲未搵到工...
伯有加德 雖然樂觀看人生 但單靠一力支撐全家開支
還有若希的花費 真是百上加斤
伯有加德很疼愛若希 所以由始至終都埋怨半句
有一天若希同我說她想換新電話
但伯有加德遲遲都唔肯換
所以若希那陣時很低落
之後一個星期 我去若希家搵她
係樓下撞到伯有加德
伯有加德見到我 便把我拖到後巷
加德:[咁鬼鼠做咩 上去搵若希AR?而家係咪想趁我唔係屋企搞搞震?]
我:[唔係伯母...伯有....]
加德:[仲話唔係 口疾疾!]
我:[我都唔知你有冇出去....]
[好]加德好正氣說:[今次算你冇斷正,不過你要做返一樣野]
我:[咩野AR...?]
加德:[幫我出部機畀我個女!]
我:[下...]
加德:[我唔係屈你,但你冇得唔畀. 其實我唔買畀佢係因為我地成屋企都簽哂約,冇優惠先唔出機畀佢!]
我:[咁樣AR....]
加德:[樣咩AR! 總之你搞掂佢LA]
[陣間我上去同佢講你送畀佢AR]
如果換轉其他人 一定唔會接受這回事
但基於同情伯有加德同我對若希的愛
我決定回家找幫手!!我老豆 BETTER MAN!
我:[老豆]
BETTER MAN:[咩]
我:[同我打WE10 10蚊粒]
BETTER MAN :[好]
好順利 經過1晚時間 我成功數老豆BETTER MAN3百幾粒
我老豆一句都冇鬧我 只係話:[要錢出聲LA 好眼訓AR!]
對唔住 老豆 但係你真係一個好人
13. 真性情
我既人生除了若希和粥谷 就是制作遊戲 這是我直以來的夢想 因為所有我想的事 都可以由遊戲實現 但暫時最成功的遊戲 只有掃雷 ver3.0
說回若希 她是一個電腦的門外漢 開機關機msn上網之外的事就不會 有時電制鬆了也不知道 以為發生什麼事.... 不過 這是她的可愛 傻頭傻腦的女孩
若希:[喂, 唔該情趣振動器la] 我:[下..?] 若希:[雞子ar!] 我:[...可以既 叫成俊都冇問題既.....] 若希:[咁而家叫你花名,咁唔係搵你咩!] 我:[咁你改左咁多個,邊記得咁多] 若希:[我講d野你都冇心記嫁la 我喊la...烏烏烏....] 我:[唔好喊la....搵我咩事ar] 若希:[部電腦又蝦我 ,打畀你你又鬧人..] 我:[我都冇鬧你...] 若希:[有ar!] 我:[係...咁部腦咩事ar?] 若希:[部腦彈哂d咸網出黎,click入去又冇野睇wo...] 我:[果d係毒黎嫁,不過你成日去睇咸網既咩?] 若希:[咁人地學多d野ja,乜唔得咩!哼!] 我:[你得唔得我就唔知la,你都唔畀我掂你..] 若希:[你講多次ar!] 我:[冇野...一係我而家過黎你度整機la]
好快 我以9秒9的時間飛左去佢屋企 我:[而家ok嫁la] 若希:[你咁叻叻,我就獎下你la]
她把我拉到廁所門口 叫我把眼合上 自己就走左入廁所 我:[喂,得未ar?仲咩拉我過黎又要合埋眼(心諗:搞邊科ar,唔通有野睇?)] 若希:[...] 我:[得未ar?我開眼嫁la] 若希:[得la] 開眼後 淨係見到若希拉水沖廁 我:[hea~?] 若希:[獎左la ,你聽唔到咩?] 我:[聽咩?] 若希:我去廁所d水聲law,係咪好有節奏呢!] 我:[...] 若希:[其實呢~你覺得我個人點嫁?] 我: [乜野點? 貪玩law] 若希: [同初初識既我, 係唔係好唔同?] 我: [係呀, 初初好似斯斯文文咁, 又有氣質.] 若希: [而家呢? 我警告你, 你小心d答呀!] 我: [而家都好有氣質.] 若希: [咁咪即係冇唔同到!!! 我唔同左你都察覺唔到!!] 我: [而家更有氣質] 若希: [岩喇, 咁就抵錫]
有時對住若希 都唔知好嬲定好笑
14. 我係公主
若希:[喂~? 成俊傻仔!!] 我:[做咩ar?] 若希:[我部電腦壞左ar !] 我:[check哂d野未ar?今次咩事ar?] 若希:[部機開開下就自己熄左,之後都開唔到la!] 我:[但係你好似好開心咁既...] 若希:[緊係la,有得換新機wo!等左幾耐ar!] 我:[咁ar...一係我過黎睇下點先la!]
為女人帶來一世幸福 男人可以作終身事業 無論我人在那地那刻 若希有要事找我 我必定會辦法為她解救
喵喵桃:[咦!搞緊咩ar?] 若希:[冇ar,電腦壞左...] 喵喵桃:[成俊哥,你得唔得嫁!] 我:[我緊係得ar!不過部腦就要換la!] 若希:[最衰阿媽又出去街...唔係既即刻出去買返部la!] 喵喵桃:[即係你想我畀錢ja~幾錢ar] 若希:[傻仔! 幾錢ar要?] 我:[換左塊底板就ok嫁la,塊板8舊水到la] 喵喵桃:[好la好la,鬼叫你係我個妹!]
之後從喵喵桃領了錢 出左買底板 途中若希忽然鬧我 [點解講實數ar!] 若希:[講大幾百蚊,我咪可以去買衫law!] 我:[下...唔係咁好掛,同埋你又冇同我講!] 若希:[下下要人提你就死la!我唔理你ar,總之我拎起3舊水!] 我:[咁唔夠錢wo!] 若希:[我唔理你la,你諗掂佢ar!咁鬼熱,我返屋企等你la!]
若希活像一位公主,雖然不是天下最美麗的 但她是我心中的公主 公主的請求,無論赴湯蹈火又如何! 區區的幾百塊又算什麼!
若希:[搞掂未ar?] 我:[得la!] 若希:[未得wo!] 我:[咩未得?] 若希:[你幫我搵埋隻game返黎就得la,但我聽朝訓醒就要有得玩!]
由於屋企的網路下載太慢,於是我去了紫秤家裡,因為他下載比較快! 等了一晚,就把隻遊戲下載了,一早便去了若希家 我:[若希~隻game係度la~] 若希:[好野! 冇你既事la bibi~]
15. 溫柔
粥谷新舊交替 好多人黎黎去去 真正留下來不出十人 而家我就是其中之一 自從與若希拍拖後 間中我也會係粥谷泵水
若希都有上 但已經少出現了 而我都是常客 只要上線 任何對話都有我份
有一日 若希很主動打給我 若希: [老~公~] 我: [你好少會咁叫我, 乜事?] 若希: [你最近忙, 我少左見你, 我發覺自己原來會好掛住你.] 我: [哦, 我遲d會多番d時間陪你]
我從未聽到 若希會跟我說這些 可能我已經感動了她 真的愛上我了
若希:[係呢,你呢排有冇上粥谷ar?] 我:[有ar,你有上去咩,唔見你出聲既?] 若希:[有ar,不過講既野都插唔到咀] 我:[哦,以前你都係見人都回嫁] 若希:[唔知點解好似唔係咁o岩咁] 我:[哦,唔緊要la] 若希:[係呢,果個緒方惠美黎左好耐嫁la?] 我:[唔係ar,做咩?] 若希:[冇ar,好似見你地咁熟咁...] 我:[唔係ar,我對個個都係咁嫁la] 若希:[係咩...]
當時我沒有留意若希為何這樣問 但之後果日出街 若希從後抱著我 因為她害怕失去我
若希:[你唔好走!我唔可能冇左你!]
16. 突變
我: [若希, 你好似飛釘]
若希: [我知呀, 超~ 咁又點?]
我: [咁樣好似唔係幾好.]
若希: [我不嬲都唔著底衫褲la, 都冇我呢個size, A++ cup]
我: [下?? 原來你唔著底褲, 你點可以咁嫁!]
若希: [我講錯左, 我一向有打底, 唔著底褲感覺好似比人強姦咁.]
我: [......]
我: [老婆]
若希: [乜事?]
我: [我覺得其實你都應該冇晒果d心理陰影, 我地可以close d, 出黎時唔駛咁保守,
咀既時候唔好蜻蜓點水咁會好d]
若希: [我仲未得]
我: [最近我覺得我好似唔係你男朋友咁]
若希: [乜野呀, 你唔記得左拿? 果時我話只係試用期, 你都未過試用期, 未係正式!]
我: [哦]
當時係7月份 炎炎夏天 相反地 一場冷戰就快開始 以下是有一天我們msn的對話
我:[若希, 我有d野想同你講]
若希:[唔好長篇大論喎,太長~唔睇]
我:[我同我之間若即若離,有時我好迷失,我究竟係你邊個?掛個名係男朋友,但你對待我根本唔似對一個男朋友]
我開始有少少激動:[雖然你我唔介意你咁對我,但係我好難受,你知唔知?]
若希:[之前我都講過 ,我未預備好!]
我:[咁樣,同畀你玩有咩分別?]
若希:[俾你玩!!!!我幾時有玩你呀! 男朋友呢d野~我唔係其他女仔~我如果唔係覺得果個男仔係100%o岩自己~我寧願唔拍拖! 同埋~我認我野蠻~我對全世界ga人~都有要求!唔o岩你大可以唔好再搵我~]
若希開始不耐煩:[我係咁自我嫁la~朋友同朋友之間都應該要有要求la~何況原來你覺得自己係一直付出~ 你原全冇一樣感覺就係為自己鍾意ga人做野~係好開心嫁!]
我:[我如果覺得"冇一樣感覺就係為自己鍾意ga人做野~係好開心嫁!"就唔會到呢刻都仲想同你一齊. 朋友同朋友之間有要求是對的, 但唔代表可以唔尊重朋友. 放朋友飛機, 講大話扼朋友. 你覺得你冇玩我, 但其他人覺得有. 你之前係話鐘意我, 比我做住試用期男友, 之後唔知幾時開始話唔鐘意我.]
我:[我唔想咁落去,同埋, 如果你覺得自己冇錯, 好大委屈. 咁大家唔好做朋友, 以後我唔找你.]
若希:[我知你為我做左好多野,好多謝你~但我話你知~如果我唔係100%鍾意你 ~但又同你一齊~咁先係玩你~ 我好ok我以家ga生活~男朋友以家未需要住~ 因為我需要朋友多d~ 我由今日起~唔會再叫你幫我做任何野~ 我都唔會打俾你~都唔會再約你出去~ 多謝晒咁耐ga照顧~ 我覺,我ga圈子唔岩你~你ga圈子都唔岩我~
我:[你好似好唔滿意我, 但係而家有問題係你!你好似覺得我錯晒!]
若希:[我覺得你變左,你以前唔係咁,算la,你以後唔好再搵我...]
講完呢段說話後,得到的唔係解脫 而是痛苦,一個我深愛的人竟然這樣對我
17. 心痛.
痛楚分12級 令人最痛的 是被人無情的打擊 尤其係若希的態度 令我痛不欲生 雖然事實是很難面對的 但我仍嘗試放低若希
過了一個月 自己認為已經放低了 但一個電話就証實 我還愛若希 而這個電話不是轉機 是令我傷害更深
若希: [你最近點呀?] 我: [咪又係咁] 我: [你呢? 最近過得好唔好?] 若希 [我...]佢喊了. 我: [乜事呀? 唔好喊la!]每次聽到佢喊, 我都會好唔舒服.
若希: [上次同你嘈完, 我一個人在旺角行街. 之後,
我行行下街隻腳突然抽根,果時冇人理我, 有個男仔見到, 佢幫我拉一拉筋],
第二日, 佢就追我, 我好快就做左佢女朋友]
聽到呢度, 我已經好心灰. 若希: [佢叫做大門,個樣一d都唔靚仔, 絕對唔會好樣過你!] 我: [咁又點?] 若希: [佢救過我, 好似王子一樣, 我先應承佢.]
這時, 我非常不愉快了.點解我做了很多的事,都不如別人做一件.
若希: [點知佢呃左我...咩野...果晚之後, 第二日就對我好冷淡, 唔要我, 話我煩]
這時她在大喊. 我心裡亦感到突如其來的刺痛.
若希: [我信佢, 我信佢, 我真係信佢嫁!]
若希: [嗚... 我阿媽知道左, 鬧死我, 話我蠢.]
我: [佢點會知?]
若希: [佢見我呢幾日成日喊, 問我, 我話比佢知]
她哭了很久. 收線後, 睡覺時我也哭了一整晚.
[我信佢信佢...] 這句話, 不斷在我腦中出現. 信一個識左幾日既人, 多過一個識左一年零7個月既人. 此刻的我感到好難受, 好難受...... 最痛心唔係若希被一個叫大門的_街欺騙 而是我沒有在她身邊保護她
我呢件事話左畀我係粥谷最信任的人 阿景仔知道 佢就同我講左一句:[下次經過旺角, 留意下附近有冇人抽筋.] 我都同意 因為可能下次又見到若希再發生同樣事情
18. 心死
人始終都是有情的 無論若希對我怎樣也好 當她需要我的時候 我仍願意伸出援手 很傻的想過 這是一個考驗嗎? 考驗我對她的愛有幾多有幾深?
走過天梯 到達天國 然後給重重摔下 若希一次又一次把我傷害 電話中常說與大門之間的事 雖然與我無關 但我很難受 而xanga上又不許我留言 我就連一個朋友也不如
最近我同kilo這位粥谷愛情專家傾訴 她給了一些意見給我:[我唔會直接答你,我會用例子答你]
「她 常 常 欺 騙 我 也 常 常 叫 我 信 任 她
但 他 只 會 將 我 對 她 的 信 任 來 傷 害 我
已 經 不 只 一 二 次 這 麼 簡 單
每 次 知 道 她 欺 騙 我 她 都 說 會 改
可 是 每 次 說 改 都 是 在 欺 騙 我
現 在 大 家 之 間 的 感 情 出 現 裂 痕
她 令 我 對 她 的 信 任 已 經 所 剩 無 幾
無 奈 我 還 是 喜 歡 著 她 我 真 的 很 想 相 信 她
我 知 道 沒 有 信 任 真 的 不 能 夠 再 一 起
可 是 真 的 再 想 不 出 理 由 再 去 相 信 她
我 是 不 是 很 傻 不 應 該 再 這 樣 下 去？」
而在若希的xanga中
經常有一個叫"夏利安"的人出現
我知他也是追求若希的人
他經常說我強烈單戀若希
或者佢和kilo說得對 我是太傻太迷惑
事實上 我的心已交給若希
不能取回了...
19. 模擬市民2
若希很喜歡這遊戲 而我也有玩這遊戲 因為它帶給我實現夢想的地方 係遊戲中我與若希我理想生活 是現實中不能找到
雖然是虛擬 但我已經很滿足 而現實中我沒有責怪若希 因為我知有些事沒法強求
係3home 我開了一個有關這遊戲的谷 而我又開始工作 時候有點不敷應用 但好處是令我淡化對若希的愛和傷害
橙青紫 他是我的新認識的同事 他問:[我見你成日都咁得閒,又搞谷做野又博,唔洗搵女朋友咩?] 我:[...] 橙青紫:[怕咩醜ar!] 我:[我都冇女朋友既...] 橙青紫:[唔係掛,你咁好既男仔都好冇人要?] 我:[...] 橙青紫:[仲掛住之前果個?] 橙青紫:[人始終都要食飯,人要向前望的.發生左既野,無論開心唔開心,都已經係你既回憶,想忘記都忘記唔到.當前你應該係創造更開心既回憶!]
如果有飯同酒給我選 我願意永遠沉溺酒精中
20. 好朋友
大約過了兩個星期了, 夏天過了一半. 已經有一段時間沒跟若希聯絡. 有一天她send了一個sms給我 若希: [做唔成情侶, 我地都可以做好朋友嫁!]
後來知道若希也有工作 第一次她在kFC工作, 她在換制服時哭起來, 因為 覺得自己很委屈, 其他同事見到又笑她, 做左幾小時就不做了
之後,若希去百佳工作,突然打給我 希望我立刻搵她,於是我就去了 見到若希不停飲泣 我的心馬上酸起來
若希:[d客都癲嫁，有個男人，準備黎畀錢。我就問佢要唔要膠袋啦，點知佢即刻話『咁樣我無膠袋點拎走呀？』。正好經理就係我隔離，佢話『唔好意思，佢想你可能有環保購物袋帶黎’」。點知，佢即刻發哂癲咁鬧個經理，仲話『環保袋都要洗架，我得憪洗乾淨個環保袋不如煮個公仔麵食，駛鬼黎呢度買飯盒呀？』。對住呢D痴線客人，我真係想一巴二巴咁摑落去。 ] 若希一邊說,一邊流淚 還把身體靠在我,要人好好保護的樣子
我:[唔好咁la,一係我星期六請你去海洋公園ar!] 就這樣,星期六與她去海洋公園 但那朝她不願出門 若希:[唔去ar!!!唔去ar!!!我好唔想郁ar!] 加德:[阿女,我幾時都教你有著數就咪咁懶,人地請埋你去都唔行!快d走ar,我約左綠野搖擺阿叔佢地打牌ar,快d走我要清場.] 她迫於無奈 我才好不容易把若希拉出來 開始玩的時候不盡興, 但之後就投入了. 臨走的時候,若希對我說:[多謝你呀, 雞子! 好彩你今日堅持拉我黎.] 若希: [不過呢, 今日有一樣野冇玩, 跳樓機, 點解果時你唔強硬d拉我去玩? 其實我都想試] 我: [點知你wor]
這也是我與若希開心的回憶,雖然大家是朋友的關係 但今日我十分滿足,看見她的笑容,一舉手一投足,每一個動作也打動我的心 就算我現在離開,但沒有遺憾
21. 我很小氣
在我xanga中,若希經常留言給我
但我全部沒有回應.
我小器,因為之前不許我在她的xanga留言
有次她打來,
若希: [你岩岩上完我Xanga, 留CM比我la] 我: [唔留, 冇野好留] 若希: [留la!] 我: [留黎做乜? 比你delete?] 若希: [果次既事係誤會, 你而家再留, 我唔會再delete.] 我: [哦, 好呀, 得閒先.]
之後, 佢每次打來,
若希: [喂, 成俊哥] 我: [搵我乜事?] 若希: [一定要有事先搵得你?] 我: [唔係, 我有d野做緊, 遲d搵你]
而有一次還....
若希: [喂, 成俊] 我: [我食緊飯呀, 遲d先傾] 若希: [唔準食!] 我: [我真係食緊飯呀, 我阿媽嘈我喇] 若希: [唔準食, 我唔理!] 我: [又點呀?] 若希: [你以前都唔係咁對我!!] 我: [你想我點對你? 我而家係食緊飯, bye]
人是有一套保護自我機制,知道過去怎樣受傷, 明知安全,也刻意迴避而保護自己 但不是我不愛她,只是方式轉了
沒多久, 她在Xanga打著:
原來那時是幸福, 我真的不懂愛!
過兩日, Xanga又出了:
我希望可以做一位好太太, 我知我以前不好.
又冇說明是我, 我想若希應該同第二個講, 自己都無謂再自作多情了.
過了幾天, 她又打來同我傾電話, 傾左一陣,
我: [我家人星期五晚去晒旅行, 剩低我一個, 到時又一個人悶了.]
若希: [我可唔可以, 到時上你屋企陪你?]
22. 重複犯錯
同若希都差不多兩年了, 拖拖拉拉, 兜兜轉轉.
始終, 內心是不捨得, 果晚, 若希沒有到我家 過了兩晚, 她就上左我屋企, 同我和我的爸媽食飯. 媽媽唔鐘意我拍拖, 話要過多幾年, 讀完書先可以. 媽媽知道若希來食飯,心情不悅.幸老豆BETTERMAN打圓場
之後大家又親密番了, 但沒多久. 我見到佢好朋友kristy個Xanga, 暗示若希在大埔玩時睇中左個男仔.
這是真的嗎? 我心裡不停出現了問號.
於是想在再見若希時, 知道答案. 可是, 那時卻沒機會見到她
自上次百佳後 現在McDonlad part-time任職公關姐姐, $19@1H, 要儲錢買電話, 要同我買情侶機.
而我卻約了一次又一次, 比佢推左兩個星期先見到佢.
預感告訴給我知, 我們是有問題的, 若希好像突然又不再愛我了, 我應該已經感受到,
不用等見面那一天, 就知道自己再失戀吧? 這兩星期我不斷想我跟她的事情,人真是很亂
到那天, 我打給若希: [喂, 係邊呀?]
若希: [唔好意思, 我而家同我d fd 一齊, 係大埔玩緊]
我: [你唔係話陪我一齊咩? 算la]
若希: [咁la, 夜晚我地一齊去食飯.]
我: [好吧]
到晚上, 在旺角等了半小時, 若希還未出現 她的電話又沒人接. 之後終於接了.
若希: [唔好意思, 我岩岩借左人地既雨傘, 而家要還番比人. 一係咁la, 你入黎土瓜灣搵我la, 我有點累]
我: [下? 我唔想去咁遠wo...]
若希: [咁牙, 下星期先la]
我: [唔得, 我地已經差唔多三個星期冇見!]
若希: [咁一陣見la]
再等了一個小時,好出現了
我: [我地去邊度坐低食野?]
若希: [我岩岩食左野, 不如就去許留山.]
我: [我未食飯, 同埋唔多鐘意食芒果.]
若希: [但我食左飯, 想去許留山]
我: [咁去吧]
入到去,大家都好靜,冷場.. 離開時, 我想拉若希隻手, 她即甩開, 我已經知道答案了.
大家對望了幾秒, 然後若希轉身走, 沒有回頭.
我知道這是我最後一次見佢, 這次不是什麼冷戰, 而是永別, 她將會在我的生活中, 永遠消失. 這時下雨了, 我亦哭了.然後眼前一黑
在那時候我突然覺悟, 再也沒機會看見她那傻傻的笑容.
23.轉捩點
一醒來 就發現身處醫院 係門口 有betterman老豆和媽媽行入來 媽媽眼角留有淚痕 我就說:[我冇野wo 唔洗喊la]
之後 我問了很多人 都不知道是誰送我到醫院 連betterman老豆都不知 最大問題 連粥谷都知道我暈了的消息
米版右:[肯定j得多,體力透支烏] da:[唔係掛,作故仔咩] 上戶彩:[da:[唔__係ar 作故仔咩]] celine:[唔__係ar 咁__大個人咁__易暉嫁!__!]
但好多版友都致電問候 感激大家了
最令我感到意外是 若希係粥谷有留言 仇恨的火山:[聽講成俊係街暈左wo,冇野ar?]
點解若希會咁講?果晚係佢送我入院既? 因為怕人知,所以咁既語氣?
過了3個星期,抄作yoyo的短片登在係粥谷 係真係假都唔知,但有關方面要搵人交代交代 不幸地粥谷受難了 警方發了通知,有關那帖子的人都要去警署問話 於是變了一個版聚了
當天,很多版友都有去到 celine:[__!成俊咁__型嫁!!!] 西瓜妹:[你又話唔令仔既,你呃__人既!] 君子:[成日都叫你自post嫁la,睇下d人幾仰慕你] 突然有個警員阿達姆大聲咁話:[果邊果個咪搞搞震] 原來米__ __ 見到da之後 行埋左一面… 大家都唔當係一回事 只當係一個版聚 不停咁影相,傾計 最後大家都冇事,因為post片果個係有名的nike
,不過最大收獲係… [咦,你咪係果個暈左入院果條令仔?]警員橋本亞蘇大聲叫 我:[你認得我咩?] 橋本亞蘇[緊係la,我仲記得果晚落大雨tim] 我:[咁係邊個送我入院嫁?] 橋本亞蘇[係一個女仔, 眼大大, 咀細細, 對眼比人感覺非常有神] 同若希咁似既?!唔通真係佢送我入院?
24:若有若無的希望? 雖然當晚我知若希變左心 但係係佢送我入院 咁表示若希仲係關心我 即係我仲有機會 於是我不停係佢xanga度留言 屢敗屢戰 但每一句都是包括我的愛 而每天我都會去佢果間麥記搵她 雖然若希冇理會我 但我都有幫佢寫張意見紙幫她 不久 若希打畀我 好大聲話:[你累我畀人抄左la,你開心la] 因為個經理話我幫若希做媒 所以抄左佢 若希:[我唔想再見到你!!]
可能欲速則不達
君子:[今時今日,你真係信有真愛?有lv就有愛la!] 我:[但係佢做sd野真係關心我wo] 君子:[我唔直接答你,我用例子答你] 突然收到一個電話 若希:[嗚嗚嗚…] 我:[做咩ar?] 若希:[我係你屋企留下ar…] 我:[你等我,我而家返黎]
去到樓下,我看到若希 她二話不說就攬實我 過去的二人的感覺 依舊仍在 但很快她就走了
如果不是愛一個人的話 又點樣解釋呢d行為呢?
25.最後的約會 關係已是過去,但快到我們的三週年紀念 我想趁這機會,希望再次與若希表白 我send了一個sms給她:[在我們三週年紀念日 晚上8時 尖咀鐘樓等] 我知若希一定會到
我怕我會忘記我和她的事, 於是用電腦幫我記著, 記著我們的回憶, 記著曾經是我心目中最重要的小公主-若希 係粥谷,各大論壇,都放上我與若希的愛情故事 有人話主題過份輕鬆,表達唔到文義 亦有人食飯,搭車,返工都看
若希最鐘意唱歌, 曾經為我錄了一首歌, 到現在還保存著.
歌中的旋律 令我想起過去的甜蜜回憶
當我打緊最後一章的時候… 我再次失去知覺…..
醒來的時候 betterman老豆同媽媽在旁 媽媽失聲病哭 老豆就一面哀痛 主診醫生Dr.a 就同我講:[其實你係心臟有問題,捱到今日已經好叻] 我聽到這消息 我不甘心 不甘心不是我的人生這樣短 而是上天把我的機會也收起來!!! 因為我想照顧若希一生一世!!!
無論點,我都要等到那一日!
26.人生的終點 醫生和爸媽 都勸我不要離開病床 我一意孤行 坐上了輪椅就出發 一生最後的一個八點 我到了鐘樓下 雷電交加 加上一個負累的身驅 但無法阻止我的決意
等 等 等了又等 若希還沒有出現 我打給她:[若希..你係邊..] 若希:[食緊花生睇緊戲ar!你仲打黎做咩ja] 我:[你收唔到我個sms咩…] 若希:[冇wo!!你咪煩住哂la!收線la!] 我:[喂……….] 心口一陣劇痛 整個人已經沒有感覺了………. 不久 雨下起來 像為了我而下的雨
完
外傳
作者:[你就係成俊la!] 我:[我而家係邊ar….] 作者:[地府ar!!] 我:[我有野想問….點解若希會冇黎…..] 作者:[到而家都仲係慒慒閉,等我話你知,等你死得眼閉] sms係佢條新仔cut既 送你入院係路人 佢留言係因佢做cd-rom睇到 佢攬你係佢耍花槍搵你過橋 你見唔到條仔後尾追住佢咩 作者:[滿意la!] 我:[我唔信!] 唔信都要信 鬼叫我大哂