香港網絡大典
註冊
Advertisement

阿嬌 EDISON》,為一篇於2008年1月28日誕生,由疑似Twins狂迷的批評帖文。初見於高登2008年1月之星選舉中,由高登會員「海德山伯爵」(高登會員編號:148035)公開。標題為從高登會員「笑膠死顯神威」(高登會員編號:135726)提名高登之星的《Gill X Edison》所擬。[1]

由於後期海德山伯爵在多個關於懷疑藝人床照流出事件帖文上瘋狂轉貼作曲線推Post,被巴打指為極憎Twins女子組合,因此而升級為潮文,令其他高登會員因不勝其煩而出post要求高登ADMIN將其ban掉[2]

原文[]

無聊,想柒到幾時呀,我真係忍夠啦!
幾版都係阿嬌阿嬌,水蛇春咁長,來來去去個幾句!
D柒頭開完一個POST又一個POST,
自以為好好笑,完全無創意又無新意。
人地股票又跌又升,都話有人賺有人蝕,可以參考一下;
有人跳樓都可以了解下世態,俾大家培養下同情心;
人地阿嬌有無露,關你地乜事呀?
你話第一次就扯左,第二次都話好笑,
第三次都仲有得恥笑下,第四次都悶啦嘩?好似係。

老老實實,關你地乜事先,講極都唔厭有乜解呀?
人地EDISON去酒店食西餐你有份食咩?
人地EDISON去茶館食鮑魚你又有份食咩?
我係佢都恥笑你地班多事的柒頭啦!
一時又彈人地粗,一時又話人地黑,
人地又粗又黑又關你地乜事呀?
你講幾次就算啦!來來去去個幾句!
大家講下點解死咬住個話題唔放。
人地搵食姐,犯法呀?

啦,幾大就幾大,燒賣就燒賣,
是咁的,楊生尋晚就打電話去報館,
同佢地講話你地問良心登唔登上報啦?
今日又點?間間報館都無貼上報!
你地火星了,尾國部勇氣號都影到你地啦!柒頭!

大把巴打絲士打依家返緊工,
係得食飯同下午個幾粒鐘得閒上下高登,
你地無所事事都搵D搞作啦,唔好浪費大家時間,
技窮啦?技窮啦?技窮就收工,唔好阻頭阻勢;
我地上高登,唔係搞笑,老老實實係要搞學問,
係要改善社會風氣,要改良人民質素,
你地好心就唔好吹水吹到尖沙咀,節省少少啦。

人地民工又凍又餓,又唔見你地用幾版講下點解決?
佢地成班人用中指對住你地,大喊:高登仔你地收啦!

註解

相關條目[]

Advertisement